Звесткі пра пераслед паводле праваабаронцаў, медыяў і родзічаў тых, хто зазнае яго.
Ірына Леўшына
Падоўжаны тэрмін утрымання пад вартай да 28 верасня.
Дырэктарку і галоўную рэдактарку інфармацыйнай кампаніі БелаПАН Леўшыну, а таксама былога дырэктара кампаніі Дзмітрыя Наважылава затрымалі 18 жніўня 2021 года. Яны праходзяць па так званай «справе БелаПАН» з былым намеснікам дырэктара кампаніі медыяменеджарам Андрэем Аляксандравым і Ірынай Злобінай, якіх затрымалі 12 студзеня 2021 года.
Фігурантаў справы праваабарончая супольнасць прызнала палітзняволенымі.
КДБ прызнаў «экстрэмісцкім фармаваннем» «групу грамадзян з ліку супрацоўнікаў інфармацыйнага агенцтва ЗАТ «БелаПАН».
Леўшыной выстаўленае абвінавачванне ў «стварэнні экстрэмісцкага фармавання або ўдзел у ім».
Наважылаў абвінавачваецца ва «ухіленні ад выплаты падаткаў у буйным памеры» і «стварэнні экстрэмісцкага фармавання або ўдзел у ім».
Дзмітрый Крыцкі
Затрыманы.
Праваабаронцы, спасылаючыся на праўладныя тэлеграм-каналы, паведамляюць, што жыхар вёскі Быстрыца Кобрынскага раёну зазнае пераслед за ўдзел у пратэстах 2020 году. Акрамя таго ён быў падпісаны на «экстрэмісцкія» тэлеграм-каналы.
Ян Габіс
Затрыманы.
Праваабаронцы пішуць, што жыхара Маларыцкага раёну забралі, бо ён быў зарэгістраваны ў плане «Перамога». Пра тое зняволены расказвае на відэа, апублікаваным на праўладных тэлеграм-каналах.
Звесткі пра пераслед паводле праваабаронцаў, медыяў і родзічаў тых, хто зазнае яго.
Антон Малюга
Асуджаны да трох гадоў калоніі.
Паводле праваабаронцаў нагодаю для крымінальнага пераследу стала, нібыта, збіранне ім звестак аб размяшчэнні воінскіх частак і адсыланне іх у «экстрэмісцкія» тэлеграм-боты.
Малюгу прызналі вінаватым у «садзейнічанні экстрэмісцкай дзейнасці» і «незаконным збіранні звестак, якія складаюць дзяржаўныя сакрэты».
Справу разглядаў суддзя Мікалай Сянько.
Сяргей Раманаў
Змешчаны на месяц у памяшканне камернага тыпу, пішуць праваабаронцы.
Раней яго некалькі разоў змяшчалі ў штрафны ізалятар, а таксама пазбавілі былі рэжымнай перадачы і званкоў родным.
Праваабаронцы нагадваюць, што 22 снежня 2021 году Мінскі абласны суд актывісту анархісцкага руху Раманава асудзіў да 20 гадоў калоніі. Столькі ж далі яго паплечніку Аліневічу. Рэзановіча пакаралі да 19, а Дубоўскага – да 18 гадоў калоніі.
Разглядалі справу ў закрытым рэжыме.
Уладзімір Целяпун
Затрыманы.
Праваабаронцы пішуць, што яго забралі з дому і паводле папярэдніх звестак, яму інкрымінуюць «распаўсюджванне экстрэмісцкай інфармацыі ў Фэйсбуку». Па зняволенні ўтрымліваўся ў Мазырскім аддзеле міліцыі.
Вольга Кронда
Асуджанай да трох гадоў «хатняй хіміі» і штрафу ў 3000 рублёў забаранілі хадзіць у казіно ды гуляць у азартныя гульні, пішуць праваабаронцы.
Кроўду абвінавацілі ў абразе міліцыянта Руслана Куцко і абавязалі сплаціць яму «маральную кампенсацыю», але яна таго не зрабіла і на яе наклалі такія абмежаванні.
Дар’ю Чульцову вызвалілі з Гомельскай папраўчай установы. Пра тое паведамляюць незалежныя медыі.
Журналісту ўтрымлівалі за кратамі з 15 лістапада 2020 году. Разам з каляжанкай Кацярынай Андрэевай (Бухвалавай) яе зняволілі ў кватэры, дзе яны хаваліся пасля разгону пратэсту на «плошчы Перамен» у Мінску. Журналісткі вялі стрым падчас асвятлення акцыі памяці Рамана Бандарэнкі.
Спачатку Чульцову і Андрэеву асудзілі на 7 дзён адміністрацыйнага арышту за «удзел у несанкцыянаванай акцыі і непадпарадкаванні». Потым абвінавацілі ў арганізацыі і падрыхтоўцы дзеянняў, якія груба парушаюць грамадскі парадак. 18 лютага 2021 году ім прысудзілі па 2 гады пазбаўлення волі ў калоніі агульнага рэжыму.
Дар’я Чульцова са Шклову. У зняволенні, 20 лютага адзначыла 25-годдзе.
Журналістыку Дар’я ўпадабала ў старшых класах. Скончыла факультэт журналістыкі Магілёўскага ўніверсітэту імя Куляшова. Працавала ў мясцовым інтэрнэт-выданні «Могилёв. Онлайн».
У 2019 годзе пачала супрацоўнічаць з адным з тэлеканалаў. Яна разумела, што супрацоўніцтва з ім стане нагодай для пераследу і рэпрэсіяў. У Магілёве яе двойчы штрафавалі за працу без акрэдытацыі.
У верасні 2020 году перабралася ў сталіцу і там пачала рабіць аператаркай. Пра ейны арышт родным стала вядома з смс-паведамлення праваабаронцаў.
1654 год. Жыхары Магілёва здалі горад маскоўкаму войску і палку Канстанціна Паклонскага.
Трыма месяцамі раней шматтысячнае войска Вялікая Княства Маскоўскага атакавала беларускія землі. Вайна доўжылася 13 гадоў і прынесла вялізныя страты беларускай гаспадарцы, загінула шмат людзей. Край абязлюдзіў і на доўгія гады заняпаў. Багата рамеснікаў нападнікі палонам вывезелі ў Масковію. Вайну 1654-1667 гадоў называюць Патопам.
Маскоўцы былі абазнаныя ў канфесійных праблемах Літвы і ўмела схілялі праваслаўнае насельніцтва краю на свой бок.
На пазіцыю пераважна праваслаўнага жыхарства Магілёва паўплываў і розгалас, пра тое, што твораць маскоўцы з гарадамі, якія бароняцца. На той момант быў акупаваны Полацк. Абложаны Смаленск.
Магілёў за здраду пазбавілі магдэбургскага права, але новая ўлада пакінула гараджанам некаторыя вольнасці. Ад іх не патрабавалася хадзіць на вайну, іх не маглі высяляць у іншыя гарады, гарадскія двары вызвалілі ад ваеннага пастою. Пры гэтым каталіцкаму насельніцтву і яўрэям забаранялася жыць у горадзе.
1 лютага 1661 году магілёўцы ўзнялі паўстанне і выбілі маскоўскі гарнізон. Гораду ўлады Рэчы Паспалітай вярнулі магдэбургскае права і даравалі новы герб. Са зменамі, ён застаецца сімвалам Магілёва дагэтуль.
1731 год. Нарадзіўся Станіслаў Богуш-Сестранцэвіч.
Каталіцкі святар, архіепіскап магілёўскі, навуковец, пісьменнік.
З 1798 года – мітрапаліт усіх рымска-каталіцкіх касцёлаў у Расійскай імперыі. Спачуваў паўстанню 1794 года.
У Магілёве заснаваў друкарню, тэатр, бровар, суконную фабрыку, аранжарэю ў Буйнічах.
Аўтар вершаў, казанняў, паэм. Старшыня Вольнага эканамічнага таварыства, прэзідэнт Імператарскай Акадэміі навук.
Адзін з заснавальнікаў ідэалогіі заходнерусізму.
Аўтар «Граматыкі літоўскай» са слоўнікам (пад «літоўскай мовай», мусіць, мелася на ўвазе беларуская).
1915 год. Нарадзіўся Барыс Райскі.
Дырыжор. Заслужаны артыст Беларусі.
Працаваў галоўным дырыжорам аркестраў Мінскага цырка, беларускага тэлебачання і радыё.
Пад яго кіраўніцтвам зроблены фондавыя запісы опер «Кастусь Каліноўскі», «У пушчах Палесся», «Зорка Венера» і іншыя, радыёоперы, музыкі балетаў, камедый «Паўлінка» і «Несцерка».
Быў рэпрэсаваны ў 1950 годзе і 4 гады адбыўся ў лагерах. Вызвалілі ў 1954 годзе.
1927 год. Нарадзіўся Алесь Адамовіч.
Беларускі пісьменнік і грамадскі дзеяч.
Доктар філалагічных навук, прафесар, член-карэспандэнт Акадэміі навук БССР.
Дырэктар Усесаюзнага НДІ кінематаграфіі, сустаршыня Міжнароднага фонду «Дапамога ахвярам Чарнобыля».
Народны дэпутат СССР. Удзельнік працы Сойму Беларускага Народнага Фронту.
Адамовіч не прымаў савецкага погляду на Другую сусветную вайну. Трымаўся таго, што вайна для беларуса – была «вайною пад стрэхамі».
Ягоныя творы экранізаваныя. Сярод іх «Вайна пад стрэхамі», «Сыны сыходзяць у бой».
У 1985 годзе на кінастудыі «Беларусьфільм» Элем Клімаў паставіў мастацкі фільм «Ідзі і глядзі», у аснове якога творы «Хатынская аповесць» і «Карнікі».
У пасёлку Глуша Бабруйскага раёну, дзе прайшло дзяцінства пісьменніка, імем пісьменніка названая вуліца, у 2018 адкрыты арт-аб’ект – «Прыпынак Адамовіча», а ў 2019 пастаўлены бюст.
1960 год. Памёр Міхась Васілёк.
Паэт. Арганізатар гурткоў Таварыства беларускай школы, дзеяч вызвольнага руху ў Заходняй Беларусі.
Першы надрукаваны зборнік лірыкі «Шум баравы» быў канфіскаваны польскімі ўладамі, канфіскаваны і знішчаны быў і рукапіс другога зборніка.
Аўтар некалькіх кніг паэзіі.
У яго гонар названа вуліца ў Гродна, на якой стаяў дом паэта.
1978 год. Памёр Пётр Татарыновіч.
Каталіцкі святар, перакладчык, арганізатар Беларускай секцыі Ватыканскага радыё, паэт, выдавец. Доктар тэалогіі.
Прыхільнік беларусізацыі царкоўнага жыцця.
За патрыятычнае выхаванне беларускай каталіцкай моладзі пераследаваўся польскімі ўладамі.
Спрыяў пашырэнню ўніяцтва на Століншчыне.
Аўтар доктарскай дысертацыі «Святы Кірыла, біскуп Тураўскі, і ягонае духоўнае вучэнне».
Быў кіраўніком і асноўным аўтарам беларускіх перадач «Радыё Ватыкана».
Апекаваў беларусаў-католікаў у эміграцыі.
Аўтар шэрагу кніг. Перакладчык на беларускую мову, у тым ліку рамана Генрыка Сянкевіча «Quo vadis?».
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Нагодай для яе крымінальнага пераследу сталі каментары ў сацсетках пра «справу Зельцара».
Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.
Пазней стала вядома, што ім аказаўся Андрэй Зельцар, супрацоўнік кампаніі EPAM Systems.
За каментары ў сацсетках у «справе Зельцара» затрымалі ўжо каля 200 чалавек.
Віталь Рогач
Асуджаны на два з паловай гады калоніі і аштрафаваны на 200 базавых велічыняў (2500 долараў).
Паводле праваабаронцаў, нагодаю для крымінальнага пераследу стаў каментар пад допісам пра «Справу Зэльцара».
Абвінавачаны ў «арганізацыі і падрыхтоўцы дзеянняў, якія груба парушаюць грамадскі парадак», «распальванні расавай, нацыянальнай, рэлігійнай альбо іншай сацыяльнай варожасці або варажнечы», і «абразе прадстаўніка ўлады».
Справу разглядала суддзя Валянціна Зянькевіч.
Іван Рагатнёў
Асуджаны на 1 год і 7 месяцаў.
Нагодай для крымінальнага пераследу стаў каментар у сацыяльных сетках пра «справу Зельцэра».
Праваабаронцы пішуць, што Рагатнёў абвінавачаны ў «распальванні іншай сацыяльнай варожасці».
Справу на закрытым працэсе разглядала суддзя Святлана Бандарэнка.
Аляксей Рэзнікаў
Асуджаны на 4,5 гадоў калоніі. Да суду 4 месяцы ўтрымліваўся ў няволі.
Паводле праваабаронцаў у яго каментарах у сацыяльных сетках суд угледзеў «распальванне іншай сацыяльнай варожасці», «рэабілітацыю нацызму», «абразу Лукашэнкі», «абразу прадстаўніка ўлады» і «здзек з дзяржаўных сімвалаў».
Справу ў закрытым рэжыме разглядаў суддзя Яўген Буруноў.
Быў затрыманы па вяртанні з-за мяжы да хворай маці. Жанчына сканала на трэці дзень па зняволенні сына.
Уладзімір Ангельскі
Асуджаны на 14 дзён адміністрацыйнага арышту.
Паводле праваабаронцаў яго затрымалі ў Мінску 31 жніўня, а судзілі 2 верасня.
Ён абвінавачаны ў непадпарадкаванні супрацоўніку міліцыі.
Ангельскі – адвакат Мінскай абласной калегіі адвакатаў. Да гэтага працаваў у адвакацкім бюро «РЕВЕРА», а таксама быў партнёрам у адвакацкім бюро «Брагінец і Партнёры».
Канстанцін Высочын
Асуджаны на тры гады абмежавання волі ў папраўчай калоніі адкрытага тыпу («хіміі»)
Праваабаронцы пішуць, што дырэктара архітэктурнага бюро асудзілі за «арганізацыю і падрыхтоўка дзеянняў, што груба парушаюць грамадскі парадак, альбо актыўны ўдзел у іх».
Справу разглядала суддзя Вольга Емяльянчанка.
Праваабарончай супольнасцю Высочын прызнаны палітвязнем. Па прысудзе яго вызвалілі да накіравання ў папраўчую ўстанову.
Павел Мажэйка, Юлія Юргілевіч
Пераведзеныя ў следчы ізалятар.
Што інкрымінуюцца ім невядома. Паводле праваабаронцаў іх схапілі па вяртанні ў Беларусь.
Кіраўніка гродненскага«Цэнтру гарадскога жыцця» Паўла Мажэйку ў сакавіку 2021 году затрымлівалі разам з мастаком Алесем Пушкіным. Тады яго выпусцілі пасля 72 гадзін зняволення.
У адвакаткі Юлію Юргілевіч, паведамлялі праваабаронцы, сілавікі правялі ператрус. 23 лютага яе выключылі з калегіі адвакатаў Гродна. Яна працавала ім 18 год.
Юргілевіч абараняла палітвязняў: мастака Алеся Пушкіна, студэнта-хіміка Арцёма Баярскага, музыканта Ігара Банцара, блогера Вадзімаці і іншых.
Ірына Вікхольм
Адбыла тэрмін зняволення і дэпартаваная ў Расію.
Ірына Вікхольм – грамадзянка Расіі. Яе асудзілі на 1,5 гады калоніі за паклёп на Лукашэнкі. Нагодай для крымінальнага пераследу стаў допіс пра інцыдэнт з самалётам Ryanair, якім ляцеў Раман Пратасевіч.
Праваабарончай супольнасцю Вікхольм была прызнаная палітзняволенай.
Па вызваленні ёй забаранілі наведваць Беларусь 10 гадоў.
Раней паведамлялася, што 1 верасня два сервізныя цэнтры адкрыюцца ў Беларусі. Пра змяненне сітуацыі паведаміў партнёр эстонскай амбасады ў Беларусі кампанія VFS Global. Прычыны прыпынення працы не агучваюцца.
«Візавыя цэнтры Эстоніі часова прыпыняюць прыём дакументаў на візы да далейшага апавяшчэння», гаворыцца на сайце VFS Global.
31 жніўня на тым жа сайце паведамлялася, што 1 верасня два новых сервізных цэнтры адкрыюцца ў Бабруйску і Полацку і пачнуць прымаць дакументы для ахвотных выехаць у Эстонію, Фінляндыю і Швецыю, пісаў Магілёў.media.
Удзельнічаў у падрыхтоўцы паўстання 1794 года. Дараваў волю сваім сялянам, якія прымалі ўдзел у паўстанні.
Аўтар вершаў, паланэзаў, санат. Упершыню ўвасобіў тэму палявання ў жанры паланэзу.
Яго опера «Агатка, або Прыезд пана», у якой апаэтызаваныя людзі з народу, ставілася ў Нясвіжы, Варшаве, Любліне, Вільні, Львове.
1945 год. Скончылася Другая сусветная вайна.
Акт аб капітуляцыі Японія падпісала на борце лінкора ВМФ ЗША «Місуры».
Злучаныя Штаты Амерыкі ўступілі ў Другую сусветную вайну 7 снежня 1941 года па нападзе Японіі на ваенна-марскую базу Пёрл-Харбар.
Тэатр ваенных дзеянняў ЗША і Японіі ахопліваў Ціхі акіян, Індакітай і Паўднёва-Усходнюю Азію. Амерыканскія войскі былі задзейнічаныя і ў Еўропе. Узялі на сябе найбольшы цяжар у адкрыцці Другога фронту – высадцы дэсанту ў Нармандыі.
ЗША страцілі забітымі ў Другой сусветнай вайне 418 000 чалавек і 671 278 былі параненыя. Таксама 130.201 амерыканец лічыўся ваеннапалонным, з іх 116.129 чалавек вярнуліся на радзіму па вайне.
Японская імперыя ўступіла ў Другую сусветную вайну 27 верасня 1940 года, падпісаўшы Берлінскі пакт з Германіяй і Італіяй ды напаўшы на Індакітай.
Многія японскія палітыкі і ваенныя дзеячы былі асуджаныя за ваенныя злачынствы Такійскім трыбуналам і іншымі трыбуналамі саюзнікаў.
Колькасць людзей, якія загінулі ў Заходняй Азіі ў выніку бактэрыялагічнай вайны Японіі і эксперыментаў на людзях, ацэньваецца прыкладна ў 580 000 чалавек.
За час вайны Японія страціла 2,5 мільёны чалавек. Шмат японцаў загінула ў выніку ядзернага бамбавання амерыканцамі Хірасімы і Нагасакі. Атака гэтых гарадоў новым відам зброі прыспешыла капітуляцыю Японіі.
1955 год. Нарадзіўся Яўген Мірановіч.
Беларускі і польскі гісторык, грамадскі і культурны дзеяч.
Доктар гістарычных навук. Загадчык кафедры беларускай культуры Беластоцкага ўніверсітэту.
Даследуе беларуска-польскія стасункі, беларускі нацыянальны рух у Польшчы, найноўшую гісторыю Польшчы і Беларусі.
Галоўны рэдактар тыднёвіка «Ніва», рэдактар часопісу «Białoruskie Zeszyty Historyczne».
1987 год. Суд над Маціясам Рустам.
18-гадовы нямецкі спартсмен-пілот на ўласным самалёце праляцеў еўрапейскую частку Савецкага Саюзу і прызямліў самалёт у цэнтры Масквы, а потым раздаваў аўтографы.
Руста абвінавацілі ў хуліганстве, парушэнні авіяцыйнага заканадаўства, незаконным перасячэнні савецкай мяжы і прысудзілі чатыры гады пазбаўлення волі.
3 жніўня 1988 году ён вярнуўся ў ФРГ па амністыі. Руст правёў у зняволенні 432 дні.
1998 год. Памёр Мікола Гайдук.
Пісьменнік, журналіст, краязнавец, настаўнік.
Выкладчык і дырэктар беларускага ліцэю імя Браніслава Тарашкевіча ў Бельску Падляскім, працаваў у газеце «Ніва» (Беласток).
Аўтар зборніка вершаў на беларускай мове, апавяданняў, аповесцяў і гістарычных эсэ, казак.
Апублікаваў каля 600 уласных запісаў беларускіх песень з нотамі, краязнаўчы слоўнік.
Сабраў у наваколлі Белавежы і апрацаваў зборнік беларускіх народных казак, легенд і паданняў «Аб чым шуміць Белавежская пушча».
Суаўтар падручнікаў па беларускай мове для 3–8 класаў.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Звесткі пра пераслед паводле праваабаронцаў, медыяў і родзічаў тых, хто зазнае яго.
Сяргей Боршч, Сяргей Дзябольскі, Юрый Джэнжэра, Сяргей Ганічаў, Яўген Грыцук, Анастасія Гунько, Арцём Забеленкаў, Наталля Карнеева, Сяргей Кзендзікаў, Дзмітрый Ляўковіч, Алена Латушка, Алена Малькевіч, Ігар Пастухоў, Святлана Саковіч, Сяргей Франчук, Леанід Чырыкаў, Віталь Фесік, Мікіта Саідаў.
Праваабарончай супольнасцю прызнаныя палітзняволенымі, а іх крымінальны пераслед палітычна матываваным.
Яна Пінчук
Этапавалі з Расіі ў Беларусь.
Паводле Генеральнай пракуратуры, Яна Пінчук выдадзеная Расіяй Беларусі для прыцягнення да крымінальнай адказнасці. Абвінавачаная ўжо ў Беларусі.
Яе вінавацяць у адміністраванні «экстрэмісцкіх» тэлеграм-каналаў і інкрымінуюць «распальванне сацыяльнай варожасці», закліку да «дзеянняў супраць нацыянальнай бяспекі» і «стварэнне экстрэмісцкага фармавання».
Пінчук пагражае да 19 гадоў пазбаўлення волі.
Яе арыштавалі ў Санкт-Пецярбургу ў лістападзе 2021 года і ўтрымлівалі ў няволі. Беларускія сілавікі абвясцілі дзяўчыну ў вышук.
Камітэт правоў чалавека ААН прапанаваў Расеі ўстрымацца ад дэпартацыі ў Беларусь Яны Пінчук і забяспечыць абарону яе жыцця і недатыкальнасці да разгляду камітэтам яе скаргі. У Маскве праігнаравалі рэкамендацыі.
Наталля Ганчарэнка
Асуджаная на 3 гады абмежавання волі ў калоніі адкрытага тыпу («хіміі») і вызваленая ў залі суду.
Паводле праваабаронцаў, Наталля Ганчарэнка ўтрымлівалася ў няволі з 31 мая 2022 года ў межах крымінальнай справы аб групавых дзеяннях, што “груба парушалі грамадскі парадак”.
У «пакаяльным відэа», якое з’явілася на праўладных тэлеграм-каналах, яна «прызналася», што перакрывала рух транспарту падчас жнівеньскіх акцый пратэсту ў 2020 годзе, была падпісаныя на «экстрэмісцкія» тэлеграм-каналы, а таксама зарэгістравалася ў плане «Перамога».
Справу на Ганчарэнкі разглядаў суд Маскоўскі раёну Мінска пад старшынствам суддзі Юрыя Машкета.
Паводле праваабаронцаў, экскурсаводка і блогерка на «пакаяльным» відэа кажа, што на адной з экскурсіяў «дапусціла некарэктныя выказванні на адрас Лукашэнкі».
Уладзіслаў Багамольнікаў
Праваслаўны святар арыштаны на 14 дзён адміністрацыйнага арышту.
Паводле праваабаронцаў у яго кватэры сілавікі выламалі дзверы.
Уладзіслаў Багамольнікаў – клірык прыходу храму Богаяўлення Мінску, загадчык Царкоўна-гістарычнага музею БПЦ, сябра епархіяльнага суда Менскай епархіі.
Ён вядомы тым, што служыў на Плошчы Перамен літургію па забітаму Раману Бандарэнку, а таксама абвяшчаў галадоўку ў падтрымку палітвязня і журналіста Ігара Лосіка.
Андрэй Аляксандраў, Ірына Злобіна
Ажаніліся ў следчым ізалятары №1 Мінску, пішуць іхныя калегі.
Абодва прызнаныя праваабарончай супольнасцю, палітвязнямі.
Яны фігуранты «справы БелаПАН». Спачатку ім было выстаўлена абвінавачанне ў «дзеяннях, якія груба парушаюць грамадскі парадак» – за аплату штрафаў удзельнікам масавых пратэстаў 2020 года ў Беларусі. Пазней ім выставілі абвінавачванне ў «здрадзе дзяржаве».
Былы намеснік дырэктара БелаПАН Андрэй Аляксандраў і яго дзяўчына Ірына Злобіна знаходзяцца пад вартай з 12 студзеня 2021 году. Іхныя калега, былы дырэктар Дзмітрый Наважылаў і Ірына Леўшына, якая замяніла яго на гэтай пасадзе – з 18 жніўня.
Гітлераўская Германія атакавала Польшчу. Тады саюзнікам Германіі быў Савецкі Саюз. Ён напаў на Польшчу з усходу. Між двума краінамі-агрэсарамі існавала дамоўленасць аб падзеле краін усходняй Еўропы. Гэты дакумент вядомы, як пакт Молатава-Рыбентропа.
Саюзніцкія абавязкі Сталін выконваў да 22 чэрвеня 1941 году, калі на СССР напала Германія.
У вайне ўдзельнічалі 62 дзяржавы з 74 з 80 % насельніцтва Зямлі, загінула больш за 70 мільёнаў чалавек.
На тэрыторыі Беларусі было забіта 2219 тысяч чалавек, ускосныя страты – да 3 мільёнаў – кожны трэці жыхар краіны і 4,3% усіх ахвяраў вайны ў свеце.
Вайна скончылася ў Еўропе 8 мая 1945 году. Афіцынай жа датай яе сканчэння лічыцца 2 верасня 1945 году, калі Японія падпісала акт аб капітуляцыі.
1 верасня адзначаецца Сусветны Дзень міру.
1841 год. Нарадзіўся Гіяцынт Альхімовіч.
Беларускі і французскі мастак.
Разам з братам Казімірам удзельнічаў у паўстанні 1863-1864 гадоў.
Эміграваў у Францыю, прафесар школы малявання, прафесійна-тэхнічнага вучылішча, вышэйшай жаночай школы ў Перпіньяне.
Удзельнік выстаў мастацкіх твораў. Узнагароджаны французскім ордэнам «Officier d’Académie».
1853 год. Нарадзіўся Міхал Федароўскі.
Фалькларыст, этнограф, археолаг.
Збіральнік кніг, твораў жывапісу і графікі, гістарычных, фальклорна-этнаграфічных матэрыялаў.
Сабраў беларускія песенныя і танцавальныя мелодыі, народныя песні, прыказкі, сотні казак, загадак, якія выдадзеныя ў 8-томнай працы «Люд беларускі» (1887-1981).
Аўтар этнаграфічнага твору «Пружана і яе ваколіцы».
Вёў археалагічныя раскопкі ў Гродзенскай губерні.
1900 год. Нарадзіўся Сымон Баранавых.
Празаік, дзіцячы пісьменнік.
Член абʼяднання «Маладняк».
Аўтар апавяданняў, аповесцяў, раманаў. Па смерці выдадзены 6 кніг з яго твораў.
Арыштаваны савецкімі органамі ў 1936 годзе, асуджаны на 10 гадоў лагераў як «член контррэвалюцыйнай нацыянал-фашысцкай арганізацыі і за антысавецкую дзейнасць». Загінуў на Калыме.
Рэабілітаваны прэзідыумам Вярхоўнага суда БССР 29 снежня 1954 году.
1913 год. Нарадзіўся Масей Сяднёў.
Паэт, празаік, журналіст
Праз усю яго творчасць праходзіць адна нязменная тэма – Бацькаўшчына, маці, мова.
Аўтар зборніка вершаў «Ад сына твайго, Беларусь», кнігі «Ахвяры бальшавізму», шэрагу зборнікаў паэзіі, у тым ліку «Цень Янкі Купалы», раманаў, успамінаў.
На беларускую мову пераклаў санеты Мікеланджэла, некаторыя творы І. Гётэ, Г. Гейнэ, Р. Рыльке.
Арыштаваны савецкімі органамі ў 1936 годзе, абвінавачаны ў нацдэмаўшчыне і распаўсюдзе твораў Язэпа Пушчы і Алеся Гаруна.
З 1944 года – на эміграцыі.
З 1967 да 1983 году Майсей Сяднёў працаваў на Радыё Свабода, узначальваў беларускую рэдакцыю.
1942 год. Нарадзіўся Іван Басюк.
Гісторык.
Даследаваў пачатковы перыяд Другой сусветнай вайны на тэрыторыі Беларусі, гісторыю беларускай дзяржаўнасці, палітычнай і прававой думкі ў Беларусі.
У рэпертуары беларускія, украінскія народныя, аўтарскія і іншыя песні, сярод якіх «У лузе каліна стаяла», «Кірыла Тураўскі» У. Будніка.
Працаваў у Дзяржаўным народным хоры Беларусі, ансамблі «Свята», Дзяржаўным ансамблі танца.
Сустваральнік ансамбля народнай песні «Вяселле».
1969 год. Калектыў “Лявоны” атрымаў статус вакальна-інструментальнага ансамбля.
У 1970 годзе «Лявоны» змянілі назву на «Песняры», якім наканавана было стаць брэндавым беларускім калектывам.
Аснову яго рэпертуару складалі апрацаваная беларускія народныя песні.
Мастацкім кіраўніком з моманту ўтварэння і да смерці ў 2003 годзе быў У. Мулявін, народны артыст Беларусі і СССР.
Самымі папулярнымі песнямі калектыву сталі «Касiў Ясь канюшыну», «Бывайце здаровы», «Белая Русь». У 1976 годзе падчас гастроляў у Амерыцы, канадцы знялі фільм пра «Песняроў», а кампанія «Columbia» выпусціла кружэлку з іх песнямі.
2007 год. Адкрыты помнік Усяславу Чарадзею.
Першы конны помнік у незалежнай Беларусі. Вышыня помніка з пастаментам складае 3,5 метраў. Скульптура важыць 4,5 тоны.
Пад уладай Усяслава з 1044 па 1101 гады Полацкае княства дасягнула найбольшай магутнасці, пры ім зʼявіўся і першы мураваны будынак – Сафійскі сабор.
У публікацыі выкарыстаныя звесткі з рэсурсу «Вікіпедыя» і іншых адкрытых у інтэрнэце крыніцаў
Звесткі пра пераслед паводле праваабаронцаў, медыяў і родзічаў тых, хто зазнае яго.
Павел Мажэйка
Затрыманы.
Кіраўніка гродненскага«Цэнтру гарадскога жыцця» ў сакавіку 2021 году забіралі разам з мастаком Алесем Пушкіным. Тады Мажэйку вызвалілі пасля 72 гадзін зняволення.
Юлія Юргілевіч
Затрыманая па вяртанні ў Беларусь.
У тэлеграм-каналах пішуць, што ў доме адвакаткі правялі вобшук.
Юлію Юргілевіч выключылі з калегіі адвакатаў Гродна 23 лютага. Яна працавала ім 18 год. Юргілевіч абараняла палітвязняў: мастака Алеся Пушкіна, студэнта-хіміка Арцёма Баярскага, музыканта Ігара Банцара, блогера Вадзімаці і іншых.Звесткі пра пераслед паводле праваабаронцаў, медыяў і родзічаў тых, хто зазнае яго.
Андрэй Маслоў
Асуджаны на 2,5 годы калоніі.
Нагодай для крымінальнага пераследу стала жаданне хлопца далучыцца да добраахвотнікаў ва Ўкраіне.
Прызнаны вінаватым у «падрыхтоўцы да ўдзелу ва ўзброеным канфлікце на тэрыторыі іншай краіны».
Вадзім Хіжнякоў
Змешчаны на паўгода ў памяшканне камернага тыпу.
Ён адбывае пакаранне ў папраўчай калоніі № 1. У ПКТ прабудзе да сканчэння тэрміну зняволення.
Вадзіма Хіжнякова асудзілі на 2,5 гады калоніі за «гвалт у дачыненні да супрацоўнікаў міліцыі». Ён кінуў у амапаўца «неўстаноўлены прадмет» на акцыі пратэсту 27 верасня 2020 года. На судзе віну не прызнаў.
Праваабарончай супольнасцю прызнаны палітзняволеным.
Дзмітрый Дубоўскі
Застаецца ў штрафным ізалятары па сканчэнні 30 прызначаных дзён.
Туды яго адправілі за дысцыплінарныя спагнанні, паведамляюць праваабаронцы.
Яны дапускаюць, што актывіста анархіскага руху маглі адправіць у памяшканне камернага тыпу.
Дубоўскі асуджаны на 18 гадоў калоніі. Праваабарончай супольнасцю прызнаны палітзняволеным.
Марыя Бажынская, Дзмітрый Арцёменка
Адказную сакратарку газеты «Металург» Марыю Бажынскую штрафавалі на 20 базавых велічыняў (320 рублёў).
Сацыёлага Дзмітрыя Арцёменку асудзілі на 12 дзён адміністрацыйнага арышту.
Што стала прычынаю іх пераследу, праваабаронцы спрабуюць высветліць.
Святлана Грышкевіч
Затрыманая.
Паводле праваабаронцаў, экскурсаводка і блогерка на «пакаяльным» відэа кажа, што на адной з экскурсіяў «дапусцілі некарэктныя выказванні на адрас Лукашэнкі».
Кірыл Каржакоў
Затрыманы.
Паводле праваабаронцаў нагодай для зняволення стаў яго ўдзел у акцыях пратэсту 2020 году і, нібыта, распаўсюджванне “экстрэмісцкіх матэрыялаў”.
Павел Мажэйка
Затрыманы.
Кіраўніка гродненскага«Цэнтру гарадскога жыцця» ў сакавіку 2021 году забіралі разам з мастаком Алесем Пушкіным. Тады Мажэйку вызвалілі пасля 72 гадзін зняволення.
Юлія Юргілевіч
Затрыманая па вяртанні ў Беларусь.
У тэлеграм-каналах пішуць, што ў доме адвакаткі правялі вобшук.
Юлію Юргілевіч выключылі з калегіі адвакатаў Гродна 23 лютага. Яна працавала ім 18 год. Юргілевіч абараняла палітвязняў: мастака Алеся Пушкіна, студэнта-хіміка Арцёма Баярскага, музыканта Ігара Банцара, блогера Вадзімаці і іншых.
