Category: У Беларусі

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Уладзіслаў Рабіч

Асуджаны да 3 гадоў абмежавання волі без накіравання ва ўстанову адкрытага тыпу – «хатняй хіміі».

Мужчыну з інваліднасцю, які перасоўваецца на вазку, абвінавацілі ў «абразе Лукашэнкі».

9 жніўня 2022 года ў дом, дзе знаходзіліся Рабіч і ягоны малодшы брат, уварваліся сілавікі. Пагражаючы яны змушалі яго, адрачыся ад каментару. Рабіч адмовіўся выконваць загад міліцыянтаў. Тыя ў адказ паабяцалі распачаць супраць яго крымінальную справу.

Справу на Рабіча разглядаў суддзя з Баранавічаў Мікалай Кміта.

Сцяпан Хадатовіч

Асуджаны да 2,5 гадоў абмежавання волі ва ўстанове адкрытага тыпу – «хіміі».

Паводле праваабаронцаў, нагодай для крымінальнага пераследу сталі «выявы бел-чырвона-белага і жоўта-блакітнага сцягоў« на тэрыторыі вайсковага пахавання і трубаправодзе.

Суд Чашніцкага раёну абвінаваціў яго ў «апаганьванне збудаванняў і псаванне маёмасці». Справу на 23-гадовага мужчыну разглядала суддзя Таццяна Заруба.

Яраслаў Пашкоў

Асуджаны да 1 года і 9 месяцаў калоніі агульнага рэжыму і штрафу ў 3 200 рублёў.

Праваабаронцы пішуць, што справу Пашкова разглядала суддзя Галіна Кніжонак-Максімава, якая абвінаваціла яго ў «дыскрэдытацыі Рэспублікі Беларусь» і «абразе Лукашэнкі».

Нагодай для крымінальнага пераследу, прызнанага праваабарончай супольнасцю палітвязня, сталі каментары пра «справу Зельцара».

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Рыгор Грыг

Асуджаны да 4 гадоў калоніі агульнага рэжыму.

Нагодай для яго крымінальнага пераследу сталі каментары пра «справу Зельцара».

Паводле праваабаронцаў, Рыгора Грыга затрымалі летась, 29 верасня, і ўжо зняволенаму выставілі абвінавачванне ў «абразе Лукашэнкі» і «закліках да санкцыяў».

Справу на 52-гадовага мужчыну, прызнанага праваабарончай супольнасцю палітвязнем, разглядаў суддзя Мікалай Рачынскі.

Іван Кузюр

Асуджаны да 2 гадоў калоніі агульнага рэжыму і штрафу ў 3200 рублёў

Нагодай для крымінальнага пераследу сталі каментары пра «справу Зельцара».

Паводле праваабаронцаў, Кузюра абвінавацілі ў «абраза прадстаўніка ўлады».

Праваабаронцамі Казюр прызнаны палітвязнем. Яго справу разглядаў суддзя з Іванава Мікалай Стасевіч.

Ілля Багданаў

Асуджаны на 15 дзён адміністрацыйнага арышту.

Паводле праваабаронцаў абвінавачаны ў «распаўсюджванні экстрэмісцкіх матэрыялаў». Справу разглядаў суддзя Віктар Баліка.

Багданаў – юрысконсульт. У 2019 году вылучаўся кандыдатам у дэпутаты Палаты прадстаўнікоў у Полацку. Яго затрымлівалі падчас пратэстаў 2020 году.

Анатоль Лазар

Асуджаны на 15 адміністрацыйнага арышту.

Праваабаронцы пішуць, што падчас затрымання ў яго адбыўся ператрус, забралі камп’ютар і тэлефон.

 

«Пазітыўны сцэнар для Беларусі – цалкам рэальны», мяркуюць «беларускія нацыянал-дэмакраты», якія заклікаюць яднацца

Навіна ад

Умовы, у якіх апынулася Беларусь, яны лічаць «найцяжэйшымі». На іх погляд «Беларусь, «дэ факта», апынулася пад расійскай ідэалагічнай і вайсковай акупацыяй» і ў цяперашні час беларуская нацыя стаіць «перад лёсавызначальным выклікам».

У Варшаве актывісты грамадскіх і партыйных арганізацыяў, якія назвалі сябе «беларускімі нацыянал-дэмакратамі», заявілі аб намеры правесці «аб’яднаўчы Кангрэс» і паставілі стварыць працоўную групы для яго падрыхтоўкі.

У прэс-рэлізе ўдзельнікі «Міждыяспарная сустрэчы грамадскіх актывістаў» адзначылі, што «сама ідэя неабходнасці яднання была безумоўна падтрыманая. Але шляхі па яе дасягненні і арганізацыйныя формы былі прапанаваныя розныя».

«Было прынятае рашэнне засяродзіцца на вызначэнні каштоўнаснай платформы будучага аб’яднання, і дакладным акрэсленні ідэалагічнай ідэнтычнасці яго ўдзельнікаў», – адзначана ў прэс-рэлізе.

У сваім маніфесце актывісты адзначылі, што «Беларусь, «дэ факта», апынулася пад расійскай ідэалагічнай і вайсковай акупацыяй» і ў цяперашні час беларуская нацыя стаіць «перад лёсавызначальным выклікам», ці захавае яна сваю суверэннасць, ці «знікне ў шэрасці «русского мира».

Яны настойваюць, што « у найцяжэйшых умовах пазітыўны сцэнар для Беларусі і беларускай нацыі – цалкам рэальны». 

На іхную думку «яго грунтам ёсць прынцыповыя пазіцыі, якія павінны аб’яднаць пераважную большасць беларускага грамадства: падтрымка незалежнасці Беларусі, еўраатлантычны выбар, беларуская нацыянальная дэмакратычная дзяржава, вяршэнства права, нацыянальнае адраджэнне, нацыянальная салідарнасць, правы і свабоды чалавека.

Удзельнікі сустрэчы звярнуліся да ўладаў краінаў Еўрапейскага Саюзу і Украіны «аб недапушчальнасці дыскрымінацыі беларусаў па прыкмеце грамадзянства».

Яны даводзяць, што «рэжым Лукашэнкі страціў сваю легітымнасць яшчэ ў 1996 годзе, калі гвалтам, парушаючы Канстытуцыю і законы Рэспублікі Беларусь падмяў пад сабе ўсе галіны ўлады і прысвоіў сабе дыктатарскія паўнамоцтвы». Канчаткова ж «згубіў усе прыкметы легальнасці і легітымнасці ў 2020 годзе, калі чарговы раз сфальсіфікаваўшы выбары, з выключным гвалтам і жорсткасцю падавіў народнае паўстанне беларусаў».

«Дапамажыце і падтрымайце нашае змаганне за свабоду. Беларусы, што больш за чвэрць стагоддзя церпяць ад злачынстваў дыктатуры, не павінны быць дыскрымінаваныя ў вольным свеце», – заклікаюць еўрапейцаў і ўкраінцаў група беларускіх актывістаў.

Яны заклікалі «беларускую дыяспару трымацца беларушчыны і супрацьстаяць асіміляцыйным тэндэнцыям».

 

У беларусаў з’явіцца магчымасць павялічыць пенсію. Унёскі на накапляльную можна будзе рабіць пачынаючы з 1 кастрычніка

Навіна ад

Дадатковую пенсію можна будзе атрымліваць да 10 гадоў, палавіну будзе даплочваць дзяржава, а афіцыйна беспрацоўным нічога не свеціць.

Пачынаючы з 1 кастрычніка працоўныя беларусы змогуць уносіць сродкі для налічэння дадатковых пенсійных выплат. Галоўная ўмова – да наступлення пенсіі па ўзросце павінна заставацца не менш як тры гады.

Трохузроўневая пенсійная сістэма

Сучасная пенсійная сістэма ў Беларусі мае трохузроўневы характар. Першы ўзровень – гэта абавязковая сацыяльная пенсія, якая гарантуецца кожнаму грамадзяніну. Яе выплочваюць інвалідам, асобам, што дасягнулі пенсійнага ўзросту, але не атрымліваюць працоўнай пенсіі, а таксама некаторым іншым катэгорыям насельніцтва. Памер сацыяльнай пенсіі, усталяваны з 1 лютага, не перавышае 327 рублёў.

Другі ўзровень пенсійных выплат – працоўная пенсія. Мужчыны атрымліваюць яе з 63 гадоў, а жанчыны з 58, а памер залежыць ад велічыні працоўнага стажу, узроўню зарплаты і некаторых іншых акалічнасцяў. Гэты пенсійны ўзровень яшчэ называюць салідарным, калі з падаткаў працуючых зараз людзей выплачваюцца пенсіі бягучаму пакаленню пенсіянераў. 

Салідарная пенсія ёсць практычна ва ўсіх краінах свету, прычым часцей за ўсё яна ўяўляе сабой гарантаваны пенсійны мінімум, які забяспечваецца дзяржавай.

Трэці пенсійны ўзровень, накапляльная пенсія – гэта дадатак да двух папярэдніх. Значыць, чалавек працягвае атрымліваць звычайную працоўную пенсію, а накапляльная выплачваецца звыш таго.

Накапляльная пенсія фарміруецца за кошт добраахвотных страхавых выплат, якія рабіў працаўладкаваны грамадзянін краіны на працягу некалькіх гадоў перад выхадам на пенсію. Гэтыя страхавыя выплаты чалавек можа аформіць ужо ў самым маладым узросце, але не пазней чым за тры гады да выхаду на пенсію. 

Па прынцыпе “3+3”

Памер страхавых выплат таксама вызначае сам чалавек, у наступных межах – ад 1 да 10 працэнтаў ад зарплаты. Пры гэтым такі самы працэнт, але не больш за 3% ад зарплаты, у страхавыя ўнёскі робіць выплату прадпрыемства, на якім працуе грамадзянін. Самаму прадпрыемству гэтая выплата потым будзе кампенсавацца дзяржавай.

Накапляльная пенсія будзе выплочвацца, аднак, не да канца жыцця, а толькі на працягу пяцігадовага, альбо дзесяцігадовага тэрміну пасля выхаду на пенсію. Гэта залежыць ад таго, якую дамову заключыў будучы пенсіянер са страхавой кампаніяй, якая з’яўляецца адзіным аператарам па забеспячэнні накапляльнай пенсіі. Гэтай страхавой кампаніяй з’яўляецца дзяржаўнае прадпрыемства “Стравіта”.  

Працэдура накаплення новага віду пенсіі выглядае наступным чынам – падсумуем.

Грамадзянін, які мае сталую працу, заключае дамову з кампаніяй “Стравіта” на акумуляцыю пэўнай часткі яго заробку. Дамову са страхавой кампаніяй не можа заключыць чалавек, які нідзе не працуе, з’яўляецца самазанятым, ІП, альбо адвакатам, натарыюсам. Таксама да праграмы накапляльных пенсій не змогуць далучыцца людзі, якія працуюць на прадпрыемствах, што знаходзяцца ў стадыі ліквідацыі альбо банкруцтва.

Але вернемся да сярэднестатыстычнага грамадзяніна. Падпісаўшы дамову на адлічэнне часткі заробку ў якасці страхавых пенсійных выплат, ён пачынае назапашваць пэўную суму сродкаў на сваім страхавым рахунку. Гэтыя сродкі не могуць быць запатрабаваныя ім раней, чым адбудзецца выхад на пенсію. Да сродкаў, якія ашчаджаў грамадзянін, а таксама дакладала за яго дзяржава (мяркуюць, што найчасцей будзе выкарыстоўвацца формула “3+3”) будзе дадавацца даходнасць у межах стаўкі рэфінансавання Нацыянальнага банку. Зараз яна складае 12% у год. Гэтая даходнасць – тое самае, што працэнт ад банкаўскага дэпазіту – гарантаваны дадатак да акумуляваных сродкаў.

 

“Паехалі ў варожую краіну спяваць перад невядома кім” – чым абярнулася паездка беларускага дзіцячага калектыва на аздараўленне ў Еўропу

Навіна ад

Бацькоў просяць дыстанцыявацца ад творчай студыі з-за магчымых адміністрацыйных спагнанняў.

У распараджэнні Магілёў.media апынуўся фрагмент бацькоўскага чата, у якім абмяркоўвалася стаўленне адміністрацыі да паездкі дзетак у адну з краін Заходняй Еўропы. З прычын бяспекі, мы не будзем называць горад, у якім адбылося гэтае здарэнне, гэтаксама як і творчы калектыў, да якога адносіліся маленькія спевакі. Адзначым толькі, што гэта адзін з буйнейшых беларускіх гарадоў, а дзіцячы творчы калектыў, пра які вядзецца размова – пастаянны ўдзельнік фестываляў і конкурсаў, у тым ліку міжнародных. 

Аздараўленчая паездка калектыва ў адну з краін Заходняй Еўропы адбылася напрыканцы жніўня. Яе ўдзельнікамі сталі дзеці, артысты творчай студыі і некалькі іх бацькоў у якасці суправаджэння. Падобныя паездкі – звычайная справа для шматлікіх творчых гурткоў з Беларусі. Звычайна іх запрашаюць арганізацыі з краін Заходняй Еўропы, якія забяспечваюць калектыву праезд і пражыванне, а таксама забаўляльныя мерапрыемствы. У сваю чаргу, калектывы нярэдка выступаюць на розных сцэнах у тых гарадах, дзе іх прымаюць.

Першая неспадзяванка адбылася неўзабаве перад адпраўленнем у дарогу. Адміністрацыя культурнай установы, у сценах якой займаецца творчая студыя, не адпусціла ў замежную камандзіроўку мастацкага кіраўніка гуртка. Першапачаткова, без тлумачэння прычын. Але неўзабаве з’явілася паведамленне, якое расставіла ўсе акцэнты ў гэтай гісторыі.

“Шаноўныя бацькі – напісаў прадстаўнік калектыва ў групавым чаце гуртка – аднаму з татаў ужо патэлефанавалі са школы, сказалі, што на сходзе дырэктараў абвясцілі, што дзеці з нашай студыі паехалі ў варожую краіну спяваць перад невядома кім”.

Аўтар паведамлення папярэджвае бацькоў, каб яны дыстанцыяваліся ад самаго творчага калектыва. “Памятайце – сказана ў чаце – што ў гэтым годзе вы не пісалі ніякай заявы ў калектыў і не маеце да яго ніякага дачынення”. Верагодна, гэтае дыстанцыяванне павінна абараніць кіраўнікоў студыі ад магчымых рэпрэсій з боку адміністрацыі ўстановы культуры.

Магілёў.media будзе надалей сачыць за сітуацыяй, якая склалася вакол дзіцячай творчай студыі. Пра адміністрацыйныя рашэнні альбо спагненні пакуль не паведамляецца. 

Фота носіць ілюстратыўны характар, некаторыя звесткі змененыя 

 

Дзень у гісторыі: 12 верасня. Над Беларуссю збілі мірны паветраны шар з двума грамадзянамі ЗША. Нарадзіўся эканаміст Сцяпан Аскерка. Памерлі: першы гаспадар Вялікага Княства Літоўскага Міндоўг і літаратуразнаўца, перакладчык Яўген Барычэўскі. Войскі Рэчы Паспалітай і Святой Рымскай імперыі перамаглі асманаў

Навіна ад

1263 год. Памёр Міндоўг.

У гісторыі Беларусь, на землях якой дзяржаўнасць пачалася з больш ранніх Полацкага і Тураўскага княстваў, Міндоўг выступае як першы ўладар Вялікага Княства Літоўскага – дзяржавы, якая ў далейшым ахапіла ўсю сучасную тэрыторыю Беларусі, Літвы і шэраг суседніх зямель.

1612 год. Памёр Пётр Скарга.

Царкоўны і палітычны дзеяч Рэчы Паспалітай.

Прафесар, першы рэктар Віленскай акадэміі, стваральнік і першы рэктар полацкага езуіцкага калегіума, заснавальнік калегіумаў у Рызе і Дэрпце (Тарту).

Ініцыятар і прапагандыст Брэсцкай уніі 1596 году.

У ХІХ стагоддзяў разглядаўся польскай інтэлігенцыяй як прарок трагічнага лёсу краіны, бо папярэджваў, што прамаруджванне цэнтралізацыі ўлады шкодна адаб’ецца на лёсе краіны.

1683 год. Войскі Рэчы Паспалітай і Святой Рымскай імперыі перамаглі асманскае войскам і выратавалі ад іх Еўропу.

Бітве адбылася пад Венаю ля мястэчка Каленберг. Войскамі Рэчы Паспалітай кіраваў кароль і вялікі князь Ян Сабескі.

З Венскай бітвы пачаўся заняпад турэцкай магутнасці, Асманская імперыя ўжо не ўяўляла сур’ёзнай пагрозы для хрысціянскай Еўропе.

Сярод захопленых трафеяў была кава. Ад таго часу зачалася традыцыя шырокага ўжывання кавы ў Рэчы Паспалітай і Вялікім княстве Літоўскім.

Нарадзіўся Сцяпан Аскерка.

Беларускі, прускі эканаміст, юрыст.

Упершыню ўвёў у навуковы ўжытак слова «план».

Сфармуляваў ідэі, якія былі пакладзены ў аснову прускага шляху развіцця капіталізму ў сельскай гаспадарцы.

1929 год. Нарадзіўся Мікалай Матукоўскі.

Драматург.

Кіраўнік літаратурнай часткі Нацыянальнага акадэмічнага тэатру імя Янкі Купалы.

Аўтар п’ес, па якіх ставіліся спектаклі, сцэнарыяў кінафільмаў, у тым ліку «Траянскі конь», «Мудрамер», кнігаў публіцыстыкі, эсэ.

1934 год. Памёр Яўген Барычэўскі.

Літаратуразнаўца і перакладчык.

Прафесар БДУ. Працаваў у Інстытуце мастацкай культуры.

Аўтар шэрагу кніг, сярод якіх хрэстаматыі «Мир искусств в образах поэзии…», «Тэорыя санету», у якой адзначаў, што ўпершыню строгія страфічныя формы з’явіліся ў Максіма Багдановіча.

Удзельнічаў у працы над 2-томным зборніку твораў Багдановіча.

Даследчык творчасці Янкі Купалы, Якуба Коласа, Максіма Гарэцкага.

1960 год. Нарадзіўся Алесь Агееў.

Гісторык. Кандыдат гістарычных навук, дацэнт.

Рэдактар гісторыка-краязнаўчага альманаха «Магілёўская даўніна».

Даследуе палітычную гісторыю Беларусі XIX–ХХ стагоддзя, гісторыю Магілёўшчыны, Магілёўскага дзяржаўнага ўніверсітэту імя Аркадзя Куляшова.

Аўтар 220 навуковых прац, шэрагу кніг, у тым ліку ў суаўтарстве з Алегам Трусавым «Магілёўская ратуша. Гістарычны лёс і адраджэнне».

Звольнены з МДУ імя А. Куляшова ў 2021 годзе.

1992 год. Адкрыўся Навагрудскі гісторыка-краязнаўчы музей.

Экспазіцыя размешчана ў 9 залах, якія адлюстроўваюць найбольш значныя падзеі гісторыі гораду і раёну, знаёміць з утварэннем Вялікага княства Літоўскага, каранацыяй Міндоўга, дзейнасцю вялікіх князёў літоўскіх, гісторыяй рассялення татараў, атрыманне магдэбургскага права, пра Навагрудскі замак, падзеі паўстанняў 1831 і 1863 гадоў, выбітных ураджэнцаў і жыхароў, у тым ліку вучонага ў галіне астранаўтыкі Барыса Кіта.

Музей мае разнастайную і этнаграфічную калекцыю.

1995 год. Беларускім верталётам Мі-24 у Бярозаўскім раёне збіты амерыканскі паветраны шар D-Caribbean.

Паветраны шар удзельнічаў у міжнародных спаборніцтвах паветраных шароў і заляцеў у паветраную прастору Беларусі з тэрыторыі Польшчы.

Пілоты Алан Фрэнчэль і Джон Сцюарт загінулі.

Арганізатары чэмпіянату папярэдзілі дыспетчарскія службы ўсіх краінаў, праз чый паветраны калідор транзітам скіроўваліся экіпажы.

Збіты паветраны шар стаў прычынай міжнароднага скандалу і расследавання.

Ніхто з беларускіх афіцыйных асобаў не ўзяў на сябе адказнасць за інцыдэнт.

На месцы аварыі  паставілі камень з надпісам «Прабачце».

 

У публікацыя выкарыстаныя звесткі рэсурсу «Вікіпедыя» і іншых адкрытых у інтэрнэце крыніц

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Андрэй Бусел

Асуджаны на 13 дзён адміністрацыйнага арышту.

Паводле праваабаронцаў, мінскага мастака схапілі яшчэ 8 верасня, а судзілі на наступны дзень. У чым абвінавачаны і, што стала нагодай для пераследу невядома.

Андрэй Бусел – вядомы мастак. Ягоныя творы на будынках сталіцы раскіданыя па ўсім горадзе.

Вольга Томіна

Этапаваная ў Гомельскую жаночую калонію №4.

Праваабаронцы нагадваюць, што Томіну 26 мая ў судзе Ленінскага раёну Мінска пакаралі да 2 гадоў калоніі агульнага рэжыму. Нагодай для крымінальнага пераследу стаў яе ўдзел у акцыях пратэсту 2020 году.

Затрымалі заснавальніцу студыі і школы макіяжу ANATOMIA 9 сакавіка. Томіна праваабарончай супольнасцю прызнаная палітзняволенай. У яе трое непаўналетніх дзяцей.

Дзмітрый Дубоўскі

Супраць асуджанага на 18 гадоў калоніі актывіста анархісцкага руху распачатая новая крымінальную справу.

Праваабаронцы даведаліся аб тым ад сястры асуджанага. Вядома, што ад 29 ліпеня ён 40 дзён утрымліваўся ў штрафным ізалятары, а пасля яго з Віцебску этапавалі ў Мінск.

Праваабарончай супольнасцю Дубоўскі прызнаны палітвязнем.

Сіноптыкі наваражылі дождж з парывамі ветру. Не забывайма на цяплейшую адзежу і парасон

Навіна ад

Магілёў апанавала позневосеньскае надвор’е. Холадна і дажджліва. Абвешчаны аранжавы ўзровень небяспекі. Адгалоскі жнівеньскай спёкі ў раннім бабіным леце былі нядоўгімі. Разлічваць на сонца не варта.

Паводле Белгідрамету, у сённяшні выхадны дзень пераважаць будзе воблачнае надвор’е. Часам дождж (верагоднасць ападкаў больш за 90%). 

«Тэмпература паветра +10…+12°C. Вецер паўднёва-ўсходні, 5-10 м/с. Парывы да 14 м/с», – паведамляюць сіноптыкі.

Па краіне моцныя залевы. Усюды дужыя парывы ветру.

Фота з рэсурсу blr.belta.by

Дзень у гісторыі: 11 верасня. Гадавіна тэрарыстычнай атакі на ЗША. Нарадзіліся: фалькларыст Еўдакім Раманаў і празаік, журналіст Вінцэсь Мудроў. Памёр этнограф Рамуальд Зянкевіч. Адкрыты Дом-музей Адама Міцкевіча

Навіна ад

1855 год. Нарадзіўся Еўдакім Раманаў.

Фалькларыст, этнограф, археолаг, настаўнік.

Аўтар дадаткаў да слоўніка Івана Насовіча, 15-томнага «Беларускага зборніка» – энцыклапедыі побыту, творчасці, матэрыяльнай і духоўнай культуры беларускага народу ХІХ – пачатку ХХ стагоддзя.

Пад яго рэдакцыяй выйшлі 3 выпускі «Магілёўскай даўніны», выпуск «Крыніц для гісторыі Магілёўскага краю» і іншыя работы.

Склаў археалагічныя карты Магілёўскай, Віцебскай і Гродзенскай губерняў, сабраў звесткі пра 1000 гарадзішчаў Беларусі.

Сузаснавальнік Віцебскага, Магілёўскага, Віленскага этнаграфічных музеяў.

У Магілёве абласны краязнаўчы музей носіць імя Еўдакіма Раманава. Тут праводзяцца навуковыя раманаўскія чытанні.

1868 год. Памёр Рамуальд Зянкевіч.

Этнограф, археолаг, фалькларыст.

Збіраў песні, казкі, паданні, легенды, абрады і звычаі на Піншчыне, укладальнік першага зборніка беларускіх песень.

Вывучаў Крэўскі замак, Тураў.

1938 год. Адкрыты Дом-музей Адама Міцкевіча ў Наваградку.

22 чэрвеня 1941 годзе разбураны нямецкай авіябомбай, экспанаты знішчаны.

Адноўлены ў 1955 годзе рэканструяваны ў 1989-ым.

У ім налічваецца каля 8000 музейных прадметаў у 5 залах і выставачнай галерэі.

1953 год. Нарадзіўся Вінцэсь Мудроў.

Празаік і журналіст. Аўтар 14 кніг.

Са школьных гадоў займаўся грамадскай дзейнасцю, распаўсюджваў беларускія кнігі.

Рэдагаваў літаратурны альманах «Ксэракс Беларускі», працаваў карэспандэнтам Радыё «Свабода». Сябра Беларускага ПЭН-цэнтру, які зліквідаваны ўладамі.

1968 год. Нарадзіўся Ігар Марзалюк.

Гісторык, археолаг, палітык.

Член-карэспандэнт НАН Беларусі, доктар гістарычных навук, прафесар МДУ імя А. Куляшова.

Дэпутат, старшыня пастаяннай камісіі Палаты прадстаўнікоў Нацыянальнага сходу Беларусі па навуцы, культуры і адукацыі.

Узначальвае «Магілёўскае краязнаўчае таварыства».

Аўтар даследаванняў па гісторыі Магілёва.

2001 год. Тэрарыстычныя акты ў ЗША, названыя «9/11».

Серыя з чатырох скаардынаваных тэрарыстычных актаў-самагубстваў, учыненых членамі тэрарыстычнай арганізацыі «Аль-Каіда».

Атакаваныя хмарачосы Сусветнага гандлёвага цэнтру ў Нью-Ёрку. У іх мэтанакіравана ўрэзаліся два самалёты. Абедзве вежы абрынуліся, выклікаўшы разбурэнні прылеглых будынкаў.

Трэці самалёт быў накіраваны ў будынак Пентагона.

Чацвёрты разбіўся ў штаце Пенсільванія.

У выніку нападу тэрарыстаў загінула больш за 3000 чалавек, каля 6000 было паранена, яшчэ 24 зніклі без вестак.

Катастрофа забрала жыцці пажарных і паліцэйскіх, дзякуючы намаганням якіх удалося выратаваць каля 30 тысяч чалавек.

Найбуйнейшы ў гісторыі чалавецтва тэрарыстычны акт.

 

У публікацыя выкарыстаныя звесткі рэсурсу «Вікіпедыя» і іншых адкрытых у інтэрнэце крыніц

 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Міністэрства ўнутраных спраў папоўніла «спісе экстрэмістаў».

У ім чацвёра, прызнаных праваабарончай супольнасцю, палітвязняў.

Яўген Люльковіч – палітвязень;

Аляксандр Курганскі – палітвязень;

Журналіст Андрэй Кузнечык – палітвязень;

Дзяніс Граханаў – палітвязень;

Аляксей Маеўскі

Паводле праваабаронцаў, цяпер у «экстрэмісцкім спісе» міліцэйскага ведамства 479 асобаў.

Юрый Чубанаў

Асуджаны да 2 гадоў калоніі агульнага рэжыму.

Паводле праваабаронцаў, нагодаю для крымінальнага пераследу сталі каментары і «упадабайкі» у сацыяльных сетках.

Абвінавачаны ў «незаконных дзеяннях з персанальнымі дадзенымі», «абразе прадстаўніка ўлады», «абразе Лукашэнкі», «здзек з дзяржаўных сімвалаў» і «паклёпе на Лукашэнку».

Справу разглядаў суддзя з Гродна Генадзій Мазайла.

Аляксандр Мялешка

3 гады абмежавання волі без накіравання ў папраўчую ўстанову адкрытага тыпу – «хатняя хімія».

Загадчыка лабараторыі дзіцячай анкалогіі абвінавацілі ва ўдзеле ў пратэстах 2020 году. Шэсць дзён ён утрымліваўся ў няволі і быў адпушчаны на парукі калегаў.

Справу на медыка разглядаў суддзя Максім Трусевіч.

Андрэй Вашчук

Каталіцкага святара аштрафавалі на 320 рублёў.

Як перадаюць медыі, адміністрацыйную справу разглядалі без Вашчука, бо ён «пехатою сышоў у Літву 15 жніўня». Пратакол на святара склалі, калі яго ўтрымлівалі пад арыштам.

Нагодаю для пераследу стала апублікаванне ім у сацыяльных сетках « карыкатурнай выявы са свастыкай». 

Суддзя Андрэй Андрушэнка з Першамайскага раённага суду Віцебску ўгледзеў у ёй «прапаганду або публічнае дэманстраванне, выраб, распаўсюджванне нацысцкай сімволікі ці атрыбутыкі».

Раней, святар няволіўся пад адміністрацыйным арыштам 30 дзён. Па вызваленні пакінуў Беларусь.

Алег Гайдук

Затрыманы.

Паводле праваабаронцаў, якія спасылаюцца на праўладныя тэлеграм-каналы, былога міліцыянта схапілі, бо ён «зліваў звесткі былых калег у экстрэмісцкія тэлеграм-каналы і пакідаў у такіх каналах абразлівыя каментары аб вышэйшых службовых асобах Рэспублікі Беларусь, зарэгістраваўся ў плане «Перамога» і збіраўся выехаць ваяваць на баку Украіны».

 

Нядзеля з непагаддзю. Сіноптыкі абяцаюць дажджы з парывамі ветру

Навіна ад

Дажджоў стане больш, і яны будуць працяглыя і інтэнсіўныя, паведамляе Белгідрамет.

«Актыўная сістэма атмасферных франтоў з Карпат прынясе дажджы ўжо ў большасць раёнаў краіны, месцамі чакаюцца моцныя дажджы, па паўднёвым усходзе ў асобных раёнах дажджы будуць суправаджацца моцным парывістым ветрам. Па поўдні магчымыя навальніцы», – папярэджваюць сіноптыкі.

Тэмпература паветра ўначы будзе вагацца ў дыяпазоне 5…11°С. Днём паветра прагрэецца да 14 градусаў.

Сёння, 10 верасня, Белгідрамет на сваім сайце паведаміў «аб небяспечнай гідраметэаралагічнай з’яве». Абвешчаны «чырвоны ўзровень небяспекі».

«У многіх раёнах Мінскай, Гомельскай і Магілёўскай абласцей і ў Мінску захаваецца надзвычайная пажарная небяспека (5 клас)», – гаворыцца ў паведамленні.

У Магілёве прагназавалі сіноптыкі павелічэнне воблачнасці. Без істотных ападкаў (верагоднасць ападкаў 5-10 працэнтаў). Тэмпература паветра +15…+17°C. Вецер паўднёва-ўсходні, 4-9 м/с. Парывы да 12 м/с.