Category: Палітыка і грамадства

Вось тут нельга лавіць рыбу да вясны

Навіна ад

Забаронена лавіць любую рыбу на зімавальных ямах, Інспекцыя аховы прыроды апублікавала падрабязную мапу.

З пачатку кастрычніка і па 15 красавіка ў Беларусі ўводзіцца забарона на рыбную лоўлю на ўчастках, якія спецыяльна акрэслены Дзяржаўнай інспекцыяй аховы жывёльнага і расліннага свету. 

Падрабязны спіс зімавальных ям апублікаваны на сайце ведамства і прадстаўлены на інтэрактыўнай мапе. 

У Магілёве пад забарону трапляюць участкі каля маста Яшына па Пушкінскім праспекце, тоня “Палавінны лог” і ўчастак паміж Фацінскай затокай і месцам упадзення ў Днепр рэчкі Дзебры. 

Зімавальныя ямы – гэта найбольш глыбокія ўччасткі вадаёмаў, якія штогод выкарыстоўваюцца цэлымі касякамі рыб для зімоўкі. Скарачэнне светлавога дня, паніжэнне тэмпературы вады, памяншэнне растворанага ў вадзе кіслароду, маладаступнасць ежы ці яе адсутнасць з’яўляюцца сігналам для падрыхтоўкі рыбы да спячкі.

У гэты перыяд часу жыццёвыя працэсы рыб – абмен рэчываў, дыханне, рэакцыя на раздражняльнікі запавольваюцца. У натуральных умовах рыба зімуе на зімавальных ямах ці на глыбейшых участках вадаёмаў. У іх збіраюцца рыбы звычайна аднаго віду і ўзросту, што забяспечвае найбольш спрыяльныя ўмовы для зімоўкі. Многія віды цеплалюбівых рыб, такіх, як ляшчы, карпы, ліні збіраюцца ў вялізныя зграі і накіроўваюцца ў зімавальныя ямы.

Тут, у зімавальных ямах, рыба становіцца вельмі лёгкай здабычай, што пагражае яе відавому складу ў вадаёмах краіны. 

Агромністага лася заўважылі ў лесе каля Сараканайска ў Магілёве

Навіна ад

Чытачы Магілёў.media падзяліліся фотаздымкамі вялізнага ляснога звера, які зайшоў фактычна ў гарадскую рысу абласнога цэнтра. Лось быў заўважаны ў лясным масіве, які падыходзіць ушчыльную да Сараканайска. Непадалёк ад гэтага месца знаходзіцца адзін з вучэбных карпусоў Беларуска-Расійскага ўніверсітэта.

Сараканайск – былая вёска, заселеная этнічнымі латышамі ў 1880-х гадах. У перакладзе з латышскай мовы яе назва азначае “Чырвоны двор”. Зараз тут пераважна знаходзяцца дачы і прыватныя дамы. Былая латышская калонія ўвайшла ў гарадскую рысу ў 1978 годзе. Мікрараён размяшчаецца недалёка ад Казіміраўкі, на паўночны бок ад трасы Магілёў-Мінск.

На Магілёўшчыне моцныя туманы. Вадзіцелям трэба захоўваць пільнасць

Навіна ад

Цёплая вільготная раніца туманнай коўдрай абдымае магілёўскія палеткі – паведамляюць нашы чытачы.

 

Польскія археолагі знайшлі шкілет жанчыны з сярпом на горле

Навіна ад

“Вампірша” з могілак на поўначы Польшчы ажывіла старажытныя паданні. 

У польскай вёсцы П’ен каля Быдгашча былі знойдзены астанкі жанчыны, якую ахрысцілі “вампіршай”. На могілках XVII стагоддзя цела жанчыны было прыціснутае да зямлі сярпом, перакінутым праз горла. У дадатак на вялікі палец нагі быў надзеты замок, верагодна, каб перашкодзіць ёй “паўстаць з мёртвых”. Даследчыкі звярнулі ўвагу – адзін з пярэдніх зубоў вытыркаў з яе сківіцы. 

Навукоўцы лічаць, што, мясцовыя жыхары баяліся, што нябожчыца паспрабуе ажыць і пачне пераследаваць жывых. Відаць, дзеля таго, каб перадухіліць гэта, баязлівыя людзі XVII стагоддзя змясці на яе горла серп. Ён ляжаў не плазам, а ўпіраўся ў цела жанчыны вастрыём.

Гледзячы па рэштках адзення, гэтая жанчына пры жыцці належала да мясцовай эліты. На галаве памерлай была шаўковая шапачка, якая ўказвала на яе высокі сацыяльны статус. 

Не зусім зразумела, чаму людзі, якія хавалі яе, так баяліся, што яна паўстане з мёртвых. Але яны зрабілі ўсё, каб гэтага не адбылося. Так яе, галава была б адрэзана або пашкоджана, калі б яна паспрабавала падняцца з магілы – тлумачыць кіраўнік раскопак археолаг Дарыюш Паліньскі з Універсітэта Мікалая Каперніка.

У дадатак да сярпа вакол вялікага пальца левай нагі жанчыны быў навешаны трохкутны замок. Гэта сведчыць аб тым, што людзі, якія хавалі яе, баяліся, што яна можа ўваскрэснуць з магілы.

Выяўленне «жанчыны-вампіра» у П’ене адбылося праз сем гадоў пасля таго, як астанкі пяці іншых меркаваных вампіраў былі выяўлены ў горадзе Драўска ў 150 кіламетрах ад месца знаходкі.

Еўрапейцы пачалі верыць у існаванне вампіраў і баяцца іх яшчэ з XI стагоддзя, і для барацьбы з імі ўлады ўвялі спецыяльныя пахавальныя цырымоніі, якія ўжываліся да XVII стагоддзя.

Серп – традыцыйная сельскагаспадарчая прылада. Забабоннымі палякамі ў 1600-х гадах яна выкарыстоўвалася, каб паспрабаваць утрымаць памерлага чалавека, які лічыўся вампірам, у магіле. Лічылася, што так ён не зможа вярнуцца з памерлых на гэты свет. Раней гэта было вядома ў тэорыі з легенд і паданняў, а цяпер становіцца даказаным артэфактам. 

“Іншыя спосабы абароны ад вяртання мёртвых уключаюць адсячэнне галавы або ног, памяшчэнне памерлага тварам уніз, спальванне і разбіванне каменем” – заявіў Паліньскі.

На Беларусі

Беларускія легенды пра ваўкалакаў і вампіраў таксама запісаны этнографамі і антыкварамі (так, яны тады і гэтым займаліся) у ХІХ стагоддзі. А вось сродкі барацьбы з вампірамі ў нашых легендах іншыя. 

На беларускіх землях часцей фігуруе асінавы кол, які ўбіваўся ў магілу пасля пахавання вампіра ці ведзьмара. Лічылася, што асіна – дрэва, якое адбірае энергію, і ўбіты асінавы кол не дазволіць вампіру ці вядзьмарцы ажыць і вярнуцца ў наш свет. 

Фота: Mirosław Blicharski

Ліфт-пад’ёмнік для інвалідаў з’явіўся ў Магілёве

Навіна ад

Ён пакуль унікальны для горада.

Інклюзіўны ліфт-пад’ёмнік быў усталяваны для пацыентаў і наведвальнікаў клінікі “Новы зрок” па праспекце Міру, з задняга боку гатэля “Магілёў”.

Пад’ёмнік з’віўся ў мэжах мерапрыемстваў па рэканструкцыі клінікі. Ён клінікі вядзецца з пачатку лета і хутка завершыцца.

Пад’емнік не мае аналагаў у Магілёве. Раней для таго каб патрапіць у клініку “Новы зрок” інвалідам, людзям сталага веку трэба было перадолець бар’ер у 16 прыступак, якія вядуць да Палацу спорта.

Пры ўзвядзенні ліфт-пад’ёмніка былі выкарчаваны казацкі ядловец і старыя туі.

Пачатак працы ліфт-пад’ёмніка прымеркаваны да адкрыцця пасля рамонту клінікі.

Пенсіянерам Магілёўшчыны будзе даступна шмат падарункаў і прапаноў у Міжнародны Дзень пажылога чалавека

Навіна ад

Ён адзначаецца заўтра, 1 верасня. Пропускам будзе пенсійнае пасведчанне.

Ва ўсіх рэгіёнах Магілёўскай вобласці грамадскія арганізацыі, адукацыйныя, культурныя, сацыяльныя службы прыдумалі свае падарункі, падрыхтавалі акцыі для пенсіянераў. Трэба толькі не забывацца на свае пенсійныя пасведчанні, бо яны будуць купонамі, квіткамі ці пропускамі. 

Музеі. Усе дзейныя музеі вобласці адкрыюць свае дзверы для пенсіянераў. Уваход у іх і агляд экспазіцый бясплатны. Але калі захочацца прайсціся з экскурсаводам, то трэба будзе заплаціць. Па рашэнню адміністрацый могуць аказацца платнымі і асобныя выставачныя праекты, асабліва камерцыйныя. 

Кінатэатры. З 1 па 9 кастрычніка, цэлых 9 дзён, можна бясплатна паглядзець кіно пры прад’яўленні пенсійннага пасведчання ў Магілёве. Паказваць будуць пераважна класічныя кінастужкі. Сеансы пройдуць у малых залах кінатэатраў “Радзіма”, “Космас” і “Чырвоная Зорка”. Падобныя паслугі кінатэатры будуць праводзіць і ў іншых райцэнтрах. Сачыце за аб’явамі. 

Спорт. Спартовыя спаборніцтвы, гульні, акцыі запланавалі ўсе раёны вобласці.  

Возьмем, для прыкладу, Глуск. У пятніцу 30 верасня ў 12:00 на цэнтральным стадыёне для пажылых людзей пройдуць заняткі (бясплатна) па скандынаўскай хадзьбе і турнір па шашках. А ў суботу, 1 кастрычніка, усіх пенсіянераў запрашаюць бясплатна наведаць гарадскі басейн (з сабой вазьміце пенсійннае пасведчанне) час – з 12:00 да 20:00. 

Падобная спартыўная праграма маецца ва ўсіх райцэнтрах і гарадах. Трэба сачыць за рэкламай. 

Крамы і гандлёвыя сеткі Магілёўскай вобласці падрыхтавалі шматлікія зніжкі і акцыі да Дня пажылых людзей. Зніжкі ад сімвалічных 3-5% да 35% на нехарчовыя тавары. Іх падрыхтавалі практычна ўсе гандлёвыя аб’екты. Пытайцеся ў работнікаў гандлю пра зніжкі. 

Прадпрыемствы побытавага абслугоўвання Магілёўскай вобласці таксама будуць праводзіць акцыі для асоб пажылога ўзросту. Так, можна будзе пастрыгчыся са значнай зніжкай у шматлікіх цырульнях вобласці. Зніжкі ў коштах паслуг вагаюцца ад 10% да 50%.  

Каб не рабіць рэкламу канкрэтнай гандлёвай марцы ці цырульні мы прапануем перайсці па спасылцы і паглядзець памеры зніжак. Яны прыемныя. 

“Ядзерная” аптэчка – ці можна яе набыць, як і за сколькі можна сабраць у Магілёве

Навіна ад

Мы ні на што не намякаем, але прапануем узгадаць, што прафілактычныя мерапрыемствы з’яўляюцца важнай часткай абароны насельніцтва. Магілёўшчына мае трагічны вопыт сутыкнення з ядзерным забруджваннем у выніку аварыі на Чарнобыльскай АЭС. Своечасовае інфармаванне і правядзенне ахоўных мерапрыемстваў маглі б значна знізіць шкоду, якая была нанесеная насельніцтву нашага рэгіёна і дагэтуль адгукаецца не толькі ў памяці, але і ў асабістым жыцці многіх жыхароў вобласці.  У выпадку, калі вы адчуваеце трывогу ад актуальных падзей у свеце, мае сэнс паклапаціцца пра мінімальныя сродкі аховы здароўя, якія дапамогуць знізіць рызыкі для жыцця і здароўя чалавека.

УВАГА! Просім разглядаць гэты матэрыял не як інструкцыю, а як інфармацыю для азнаямлення. І канечне, не рэкамендуем паддавацца панічным настроям і крый божа – прымяняць указаныя ў матэрыяле сродкі без катэгарычнай неабходнасці!

Спецыялізаваную аптэчку набыць складана, але рэальна

На выпадак атамнай вайны і масавага радыёактыўнага забруджвання ў савецкія часы была распрацаваная аптэчка, вядомая як “АІ-2”, альбо “Аптэчка індывідуальная №2”. Вельмі зручна было тое, што лекі ў ёй не былі падпісаныя, а ўтрымліваліся ў флаконах, на якіх назвы былі выбітыя выпуклымі літарамі, каб можна было разглядзець у цемры альбо пры пашкоджанні зроку.

Аптэчка “АІ-2” цяпер – гэта музейны экспанат і яна не прадаецца ў гандлёвых сетках. Экстраныя службы Беларусі, дзейнасць якіх можа быць звязаная з надзвычайнымі выпадкамі, выкарыстоўваюць аптэчку расійскай вытворчасці “АІ-4”. Яна амаль што паўтарае набор лекаў з “АІ-2”, толькі выкарыстоўвае сучасныя аналагі. Ёсць у “АІ-4” і новы прэпарат, які значна павышае эфектыўнасць пры прымяненні ў надзвычайных сітуацыях. Гэта антыдот ад угарнага газу (CO). Ён найбольш запатрабаваны для побытавага прымянення аптэчкі, паколькі найбольшую колькасць надзвычайных сітуацый складаюць пажары.

Набыць “АІ-4” даволі складана. Яна адсутнічае ў аптэках Магілёва. У Беларусі яе можна сустрэць толькі ў спецыялізаваных маркетах. Яе прадаюць оптавымі партыямі для прадпрыемстваў, якія маюць у сваім штаце супрацоўнікаў, звязаных з працай у экстрэмальных умовах. Таксама можна паспрабаваць замовіць яе ў інтэрнэт-крамах. На расійскіх сайтах можна знайсці прапановы па коштах, эквівалентных 50-85 беларускім рублям.

Сваімі рукамі

Такім чынам, набыць спецыялізаваную аптэчку на выпадак атамнай катастрофы няпроста. Але можна сабраць мінімальна неабходны набор прэпаратаў і сродкаў самому – з тых лекаў, якія знаходзяцца ў вольным продажы.

Першы прэпарат, які пажадана ўключыць у сваю экстраную аптэчку на выпадак радыёактыўнага забруджвання, гэта калія ёдыд. Такія лекі без абмежаванняў прадаюцца ў аптэках Магілёўшчыны ў самых розных дазіроўках. Прыблізныя кошты: 5 – 9  рублёў за таблеткі ў 0,1 міліграма і 9 – 15 рублёў за таблеткі ў 0,2 міліграмы. Ёдыд калія – гэта вельмі важны кампанент для абароны ад радыяцыі. Падчас атамнага выбуху альбо катастрофы на атамных аб’ектах накшталт Чарнобыльскай, утвараюцца радыёактыўныя ізатопы ёду. Яны распаўсюджваюцца ў паветры і трапляюць у арганізм чалавека праз скуру. Гэта звязана з тым, што ў норме ў чалавека існуе пэўны дэфіцыт ёду. Пагэтаму арганізм імкнецца папоўніць недахоп усімі дасягальнымі сродкамі, у тым ліку цераз скуру. Калі забяспечыць яго ёдам пры дапамозе дадзенага прэпарата загадзя, рызыка заражэння істотна зніжаецца.

Другі прэпарат, які варта прадугледзець, гэта процірвотныя, антыгістамінныя лекі. Спецыялісты ў першую чаргу рэкамендуюць прэпараты з утрыманнем андансетрона – напрыклад, расійскі “Латран”. Аднак, гэты сродак прадаецца толькі па рэцэпце. Зразумела, што Магілёў.media не мае права рэкамендаваць падобны набытак без рэкамендацыі дактароў. 

Процірвотныя сродкі без рэцэпта нескладана, аднак, знайсці ў аптэках Магілёўшчыны. Гэта могуць быць сродкі ад марской хваробы кшталту харвацкай “Драміна”. “Драміна” свабодна прадаецца па кошце ад пяці з паловай рублёў за пачак.

Астатнія прэпараты ў трывожную аптэчку могуць складаць звычайны набор сродкаў для лекавання ран, парэзаў і апёкаў – звычайны ёд для апрацоўкі скуры, лейкапластыры, бінты, жгуты і гэтак далей. Усе гэтыя сродкі па змоўчанні ўтрымліваюцца ў звычайных аптэчках, напрыклад, у аўтамабільных. 

Алгарытм збірання “атамнай” аптэчкі, такім чынам, можа пачынацца з падрыхтоўкі альбо набыцця стандартнай аптэчкі, з дабаўленнем у яе спецыялізаваных прэпаратаў – ёдыда калія, процірвотных сродкаў. Стандартная аптэчка вольна прадаецца ў фармацэўтычных установах па кошце ў межах 20 – 60 рублёў.

Радыёпратэктары

Але сапраўдная аптэчка на выпадак радыёактыўнага забруджвання ўтрымлівае яшчэ адну катэгорыю прэпаратаў, якія варта мець на ўвазе. 

Гэта радыёпратэктары. Такія рэчывы рознымі шляхамі ствараюць часовую тканевую гіпаксію – паніжэнне ўтрымання кіслароду. Лакальнае зніжэнне канцэнтрацыі вольнага кіслароду ў тканінах змяншае магчымасць паражэння радыёактыўнымі элементамі ў выпадку, калі чалавек трапляе ў забруджаную зону. 

Такі набор прэпаратаў утрымліваецца ў той самай спецыялізаванай аптэчцы “АІ-4”, але таксама выкарыстоўваецца паасобна. Табельным радыёпратэктарам, які прымяняецца ў войску, з’яўляецца прэпарат РС-1, альбо цыстамін. Яго прымяненне прадугледжваецца ў выпадку, калі чалавек рызыкуе патрапіць у зону радыёактыўнага забруджвання. Прычым прымяняецца толькі загадзя – пасля апраменьвання ніякага эфекту выкарыстанне прэпарату ўжо не дае.

Сродкі з катэгорыі радыёпратэктараў немагчыма сустрэць у вольным продажы на Магілёўшчыне. Яны выкарыстоўваюцца толькі спецыялізаванымі службамі і арганізацыямі. 

Определены 10 крупнейшых налогоплательщиков области. В Могилёве их шесть, в Бобруйске два, по одному в Могилёвском и Климовичском районах

Навіна ад

Бюджет Могилёвской области показывает, что энергетические, инфраструктурные и торговые фирмы устойчиво находятся среди лидеров. Производство продовольственных (алкогольных в первую очередь) товаров остается в тренде, а вот бывшие советские флагманы промышленности переживают устойчивый кризис.  

Как проинформировали в налоговой инспекции по итогам января-августа 2022 г.  в десятку лидеров по формированию бюджета области вошли:

  • РУП «Могилевэнерго», 
  • ОАО «Климовичский ЛВЗ», 
  • ООО «Кронохем», 
  • ЗАО «Бобруйский бровар», 
  • филиал ООО «Евроторг» в г. Могилеве, 
  • Могилевский филиал РУП «Белтелеком», 
  • ЗАО «Завод полимерных труб», 
  • СООО «Оазис Груп», 
  • РУП «Могилевоблгаз»,
  • ОАО «Могилевский завод лифтового машиностроения».

Десять крупных налогоплательщиков обеспечили 20,4% общих поступлений в доход консолидированного  Могилевской области  сообщил пресс-центр областной инспекции МНС.

Отчет налоговиков свидетельствует, что Могилев по прежнему лидер области. Этому способствует его статус областного города. Офисы «Могилевэнерго», «Могилевоблгаза», «Белтелекома» просто находятся тут, а сфера деятельности – вся область. 

Промышленность представляют 6 предприятий. Как всегда в лидерах ОАО «Климовичский ЛВЗ» и ЗАО «Бобруйский бровар».  

Названия некоторых новых предприятий ещё не  на слуху. Поэтому дадим справку. 

Компания «Оазис» — современное высокотехнологическое предприятие по выпуску натуральных соков и нектаров, детского питания. Ее галовное предприятие расположенно в городе Бобруйске.  

В Могилевском районе размещено основанное в 2014 г. общество с ограниченной ответственностью «Кронохем» – крупнейший производитель смол для деревообрабатывающей промышленности, производителей теплоизоляционных и огнеупорных материалов, пропиточных смол и формалина.  

Обращает на себя внимание не козырное (как бы это сказать мягче) положение бывших советских промышленных гигантов. Где предприятия большой химии? А ведь когда-то только «Могилёвхимволокно» формировало до 40% бюджета области. Где наша гордость «Могилевстроммаш» и автомобильные заводы? Только «Лифтмаш» сохранят свои позиции. А  ведь 3 десятилетия наше правительство делало всё, чтобы сохранить советское наследие.

Всего же, по информации ИМНС, в бюджет Могилевской области за восемь месяцев 2022 г поступило чуть более 1,127 млрд бел руб. Доходы бюджета по сравнению с аналогичным периодом прошлого года увеличились на 66 млн бел руб или 6,2% в фактическом исчислении. Наибольшие суммы в доходах бюджета составляют поступления подоходного налога – 447,3 млн бел руб (39,7%), налога на добавленную стоимость – 207,4 млн бел руб (18,4%), налога на прибыль – 112,5 млн бел руб (10%), акцизов – 47,2 млн бел руб (4,2%), налога при упрощенной системе налогообложения – 46,7 млн бел руб (4,1%).

 

Бабруйск становіцца лідарам Магілёўшчыны па канфіскаваных “палёных” спіртовых напоях

Навіна ад

Паспяховыя рэйды міліцыянераў дазволілі ў верасні канфіскаваць у Бабруйску больш за 5 тон спіртазмяшчальнай вадкасці. 

Напачатку аператыўнікі затрымалі фуру ў паўпрычэпе якой было знойдзена схованка – паведамляе прэс-служба абласнога УУС. У ёй выявілася больш за 700 каністраў са спіртазмяшчальнай вадкасцю агульным аб’ёмам амаль 3,6 тысячы літраў. За стырном вялікагруза быў 46-гадовы беспрацоўны бабруйчанін.

Днямі ў 61-гадовага мясцовага жыхара знайшлі буйную партыю аналагічнага рэчыва ў грузавіку на тэрыторыі ягонага домаўладання. У мужчыны канфіскаваны каністры з агульным аб’ёмам звыш 1,6 тысячы літраў.

Па абодвух фактах, як адзначылі ў МУС, праводзіцца праверка, а тавар адпраўлены на экспертызу. Высвятляецца яго паходжанне.

Ужыванне спіртазмяшчальнай вадкасці невядомага паходжання можа быць смяротна небяспечным. У так званыя “ліхія” 1990-я выраб, продаж і ўжыванне левай гарэлкі і спірта было звычайнай з’явай. Мноства людзей страцілі сваё здароўе і нават пазбавіліся жыцця, толькі таму, што не грэбавалі піць “палёную” спіртовую вадкасць. 

 

Першым на Магілёўшчыне распачаў ацяпляльны сезон Бабруйск. Загад на ўключэнне ацяплення з 29 верасня аддадзены і ў Магілёве

Навіна ад

Тым часам з-за прамаруджвання ўладаў, у паліклініках фіксуецца рост захворванняў.

Магілёўскія і бабруйскія чыноўнікі нарэшце адрэагавалі на крытыку і ўключаюць ацяпленне. У Магілёве пакуль сістэма будзе працаваць у рэжыме прагравання, бо тэмпература паветра яшчэ не апусцілася ніжэй за 10 градусаў Цэльсія. Чарга за райцэнтрамі.

Магілёў перадапошнім з абласных цэнтраў вырашыў уключыць сістэму ацяплення. Гродна і Брэст зрабілі гэта ўчора, а Мінск пачаў падключэнне яшчэ 20 верасня.

Падобна на тое, што крытыка незалежных медыа і скаргі гараджан падзейнічалі на нашых чыноўнікаў. Хаця, магчыма, ім проста самім стала халодна? 

 З-за прамаруджвання з уключэннем ацяплення магілёўскія паліклінікі фіксуюць устойлівы і хуткі рост захворванняў гараджан. Пакуль улады чакалі прыкладу ад іншых гарадоў краіны, з-за холаду ў кватэрах восеньская ўспышка рэспіраторных пачалася звышпаспяхова для вірусаў.