Tag: услуги

На харчаванне беларусы трацяць 40% сваіх даходаў – статыстыка

Навіна ад

6% насельніцтва Магілёўскай вобласці жыве ніжэй бюджэта пражытачнага мінімумума.

Белстат апублікаваў дадзеныя аб узроўні жыцця хатніх гаспадарак у IV квартале 2022 года па выніках выбарачнага абследавання.

У адпаведнасці з афіцыйнай статыстыкай, у краіне ў IV квартале 2022 г. наяўныя рэсурсы ў  разліку на хатнюю гаспадарку склалі 1849 рублёў у месяц, у тым ліку ў гарадах і пасёлках гарадскога тыпу – 1926,9 рублёў у месяц, у сельскіх населеных пунктах – 1596,3 рублі ў месяц.

Грашовыя выдаткі ў разліку на хатнюю гаспадарку склалі 1758,9 рублёў у месяц, з якіх 1309,8 рублёў (74,5%) прыпадае на спажывецкія расходы.

Дамашнія гаспадаркі (сям’я) трацяць на харчаванне 39,3%, на нехарчовыя тавары – 34,4%, на аплату паслуг (уключая жыллёва-камунальныя) – 23,8% месячных рэсурсаў. 

Такім чынам, у беларусаў застаецца ўсяго 2,6% ад усіх сродкаў на адпачынак, вандроўкі, набыццё транспартных сродкаў, нерухомасці.

Пры гэтым, у еўрапейскіх краінах, у агульных выдатках затраты на жыллё (у тым ліку за ацяпленне, электраэнергію, водазабеспячэнне, каналізацыю) складаюць ад 9% на Мальце да 29% у ФРГ, Швецыі. На харчаванне ў ЕС расходуецца 7-12%, на нехарчовыя тавары – да 15%. Нармальная з’ява ў Еўропе, калі набываецца аўтамабіль, які каштуе 3-5 месячных заробкаў, і гэта не б/у – проста заробкі іншыя.

Паводле складзенай інфаграфікі, самы гаротны стан па доле насельніцтва, якое жыве ніжэй бюджэта пражытачнага мінімумуму, назіраецца ўжо ў 4-х з 7-мі беларускіх рэгіёнаў: У Магілёўскай – 5,9%, у Брэсцкай – 5,6, у Гомельскай – 5,5, у Віцебскай – 5,1%.

Дзівосы статыстыкі

Трэба заўважыць, што прыведзеныя дадзеныя статыстыкі ні на што не ўплываюць, ні аб чым не сведчаць і нічога асабліва не тлумачаць. Беларуская статыстыка жыве сама па сабе, народ – сам па сабе.

Напрыклад, афіцыйная статыстыка кажа, што ў кастрычніку 2022 года  сярэдні заробак па краіне склаў 1636,4 рублі, у лістападзе – 1648,2, у снежні – 1915,6 рублі. То бок, у сярэднім у апошнім квартале мінулага года сярэдні заробак складаў 1733,4 рублі ў месяц. А наяўныя рэсурсы ў разліку на хатнюю гаспадарку склалі 1849 рублёў у месяц, што, верагодна, азначае, што ўсе хатнія гаспадаркі складаюцца толькі з 1,1 чалавека, які мае заробак, альбо толькі з аднаго працаўніка і пенсіянера, працаўніка і інваліда, працаўніка і дармаеда, двух працаўнікоў з заробкам па 925 рублёў.

Эфект “губной памады” – беларусы сталі набываць больш танныя рэчы, алкаголь, падарункі, скарацілі расходы на кавярні і адзенне

Навіна ад

Даследаванне кампаніі CIVITTA і аналітычнай платформы OpenBusiness паказала змены ў спажывецкіх паводзінах беларусаў у пераднавагодні перыяд. Але гэтыя паводзіны адлюстроўваюць і фінансавы стан грамадзян у цэлым.

У залежнасці ад індустрыі, спажыўцы ідуць двума асноўнымі патэрнамі (сцэнарамі) паводзін: пераход на больш танныя тавары – у гэты трэнд упісалася купля тэхнікі, ювелірных вырабаў, касметыкі і алкаголю і скарачэнне спажывання (на адзенне, грамадскае харчаванне, спортклубы, салоны прыгажосці і іншыя “другарадныя” катэгорыі).

У 2022 годзе беларусы эканомілі на алкаголі, часцей хадзілі ў харчовыя крамы і святкавалі дома.

Сярэдні чэк у крамах алкагольнай прадукцыі ў параўнанні з 2021 годам упаў на 6%, але колькасць транзакцый вырасла, з чаго вынікае, што набываліся больш танныя напоі.

Вырасла і наведванне звычайных супермаркетаў. Магчыма, таму, што больш беларусаў вырашылі сустракаць 2023 год за навагоднім сталом замест святкавання па-за домам, а падарункі вырашылі купіць больш танныя.

Улічваючы, што колькасць транзакцый і абарот у дыскаўнтэрах у параўнанні з супермаркетамі выраслі, можна зрабіць выснову, што людзі шукалі прадукты танней.

Нашы грамадзяне скарацілі таксама выдаткі на грамадскае харчаванне. Наведваць кавярні, заказваць піцы і сушы беларусы сталі значна радзей, чым у аналагічны перыяд 2021 года. Прычым ад сушы сталі адмаўляцца нашмат часцей з-за больш высокага іх кошту.

Зніжэнне транзакцый у сектары фастфуду ў асноўным тлумачыцца сыходам McDonald’s.

У сегменце рэстаранаў выручка вырасла – з-за росту наведвальнікаў пасля спаду ўзроўню напружанасці па COVID-19.

Беларусы больш сталі закупляцца на маркетплэйсах і зменшылі фэшн-расходы.

Маркетплэйсы павялічылі свае продажы. Асноўны гулец, які задаў дынаміку індустрыі, – Wildberries. Адток кліентаў назіраецца з пляцоўкі Lamoda – верагодна, з-за росту кошту тавараў. 

Сталі драматычна менш набываць адзення. 

Гэта можна растлумачыць тым, што пры росце коштаў на іншыя, «першачарговыя» катэгорыі (падарункі, прадукты для навагодняга стала), у насельніцтва проста не засталося грошай.

Менш спорту і больш эканоміі на б’юці-індустрыі. Абарот фітнес-цэнтраў упаў, што можа быць выклікана адмовай ад іх паслуг адчувальнай да цаны аўдыторыяй. Людзі з меншым прыбыткам сталі зразаць выдаткі на другарадныя запатрабаванні. Тыя, хто раней меў танны абанемент у спартзалу, адмовіліся ад яго падаўжэння. А тыя, хто раней наведваў салоны прыгажосці, – перасталі іх наведваць або сталі браць таннейшыя паслугі. Так, эстэтычныя запатрабаванні сышлі на другі план.

Індустрыя касметыкі і парфумерыі вырасла ў транзакцыях – спажыўцы цешаць сябе дробнымі пакупкамі, а аб росце сярэдняга чэка або абароту сегмента казаць не даводзіцца.

Беларусы не адмаўляюцца ад набыцця ўпрыгожванняў, але пераходзяць на больш танныя аналагі. 

Такія паводзіны называюцца эфектам “губной памады”. З-за недахопу фінансаў спажыўцы менш выдаткоўваюць на буйныя пакупкі, а замяшчаюць тавары, якія сталі менш даступнымі, больш таннымі, каб працягваць атрымліваць радасць ад эмацыйных пакупак і падтрымліваць адчуванне ранейшага ладу жыцця. Менавіта таму назіраецца зусім малаважны рост у крамах тэхнікі або прасадка ў фэшн-сегменце.

Такія паводзіны пакупнікоў, абмежаванне грамадзян у сродках вядуць да банкруцтва, закрыцця гандлёвых сетак, асобных крам. А калі не рэалізуецца нейкая прадукцыя, то банкруцяцца яе вытворцы.

Фота носіць ілюстрацыйны характар

У Чавускім раёне 4,5% спажыўцоў не плацяцяць за камунальныя паслугі

Навіна ад

Чатыром сотням неплацельшчыкаў пагражае высяленне.

У Чавускім раёне  499 чалавек (4,5%) з агульнай колькасці ў 11 026 спажыўцоў камунальных паслуг у ліку даўжнікоў, паведамляе chausynews. Яны агулам запазычалі дзяржаве 171 000 рублёў. Ёсць асобныя грамадзяне, у якіх сума запазычанасці больш за 3 000 рублёў.

Тыя, хто мае запазычанасці могуць быць выселены па рашэнні суда з арэнднага жылля без прадастаўлення іншага жылля. Калі вялікая сума запазычанасці, то могуць выселіць і з уласнай хаты. 

Такія меры могуць прымяняюцца пасля палугода неплацяжоў. Але да гэтага моманту, пасля 2-х месяцаў неаплаты могуць адключыць электразабеспячэнне, водазабеспячэнне. Калі і гэтыя меры не падзейнічаюць, то тады ўжо камунальнікі накіроўваюць праз натарыуса выканаўчы ліст у службу прымусовага выканання пакаранняў. У Чавускім раёне такіх выканаўчых лістоў каля 400.

Нават калі вы не заплацілі за папярэдні месяц да 25 чысла, з 26-га вам ужо будзе налічвацца пеня 0,3% ад сумы пратэрміноўкі за кожны дзень неаплаты. Гэта амаль 110% гадавых. 

Прычыны запазычанасцей у кожнага свая. Асноўныя неплацельшыкі – гэта беспрацоўныя, людзі, якія вядуць асацыяльны лад жыцця. Але ёсць сярод неплацельшчыкаў і забяспечаныя грамадзяне. Нехта доўгі час не плаціць, а ў кагосьці толькі нядаўна з’явіліся цяжкасці з фінансамі. Пры гэтым тым, хто знаходзіцца ў цяжкай жыццёвай сітуацыі, выдзяляецца безнаяўная жыллёвая субсідыя. Умовы яе прадастаўлення: сума аплаты за ЖКП павінна складаць 20% ад даходу ў гараджаніна,  15% вяскоўца.

Рэклама паслуг у Магілёве. Як не звярнуць увагі на такі крэатыў?

Навіна ад

Вынаходлівы і арыгінальны спосаб рэкламавання паслугаў – адзін з важных чыннікаў поспеху ў бізнесе. Пажадайма ўладальніку «шыкоўнага рарытэту» адшукаць сабе пастаяльцаў.

Фотаздымак даслала Магілёў.media адна з чытачак. Спадзяёмся, што падобная ўвага да нашага рэсурсу ёсць і ў іншых прадстаўнікоў чытацкай аўдыторыі. Чакайма фотаздымкі аб тым, што радуе, уражвае, прыгнятае і перашкаджае жыць. Паштовая скрынка skrynia@mogilev.media да вашых паслугаў. Загадзя ўдзячныя.

Белстат схаваў інфармацыю аб экспарце тавараў і паслуг

Навіна ад

Не даступная статыстыка і па камп’ютарных паслугах. За першыя тры месяцы экспарт кампʼютарных і тэлекамунікацыйных паслуг склаў 766 мільёнаў долараў і вырас усяго на 4%. У сакавіку рост экспарту ІТ-паслуг спыніўся наагул.

Спецыялізаваны інтэрнэт-рэсурс пра беларускае IT Dev.by звяртае ўвагу, што раней у зборніку Белстату штомесяц публікаваліся звесткі аб сацыяльна-эканамічным становішчы Беларусі. У апошняй жа складанцы за студзень-красавік, якую выдалі 27 чэрвеня, такой інфармацыі не аказалася. Дадзеных з рабіўкай па месяцам Белстат не даваў, але іх можна было вызначыць супастаўляючы лічбы з папярэдніх зборнікаў.

Паводле выдання пабачыць на сайце Белстату цяпер можна толькі агульныя дадзеныя па экспарту і імпарту паслуг за студзень–красавік, а таксама інфармацыю аб знешнім гандлі з Расіяй, СНД, Еўрапейскім саюзам, Еўразійскім эканамічным саюзам ды знешнім гандлі паслугамі, якія аказваюць беларускія рэгіёны і Мінск.

У Галоўным упраўленні статыстыкі знешнага гандлю Белстату з журналістамі гаварыць адмовіліся.

Рэсурс піша, што апошнія дадзеныя аб экспарце камп’ютарных і тэлекамунікацыйных паслуг, якія вядомыя на сёння, тычацца студзеня-сакавіка гэтага года. За тры месяцы экспарт вырас усяго на 4% адносна такога ж перыяду 2021 году і складаў 766 мільёнаў долараў. У сакавіку рост экспарту ІТ-паслуг спыніўся.

Падрабязная інфармацыя аб экспарце і імпарце тавараў па відах дзейнасці таксама знікла са зборніка Белстата. Акрамя таго, карыстальнікі больш не могуць атрымаць інфармацыі аб знешнім гандлі асобнымі таварамі за гэты год у інтэрактыўнай інфармацыйна-аналітычнай сістэме Белстата.

 

Невясёлы фельетон з жыцця. Як імкліва даражэюць паслугі цырульні і як рэагуюць на іронію цырульніцы

Навіна ад

Мужчынскія стрыжкі за апошнія 30 гадоў падаражэлі ў Магілёве, параўноўваючы з прадуктамі харчавання і гарэлкай у 5-30 разоў, а жаночыя ў 8-50 разоў.

Пад пытаннем «чаму няма зніжак для лысых», разважае адзін з наведнікаў цырульні.

Ён піша, што на Магілёўшчыне з пачаткам вайны ва Ўкраіне падаражэлі паслугі цырульнікаў. Паводле яго ў Магілёве цяпер простая стрыжка роўная кошту двум бутэлькам гарэлкі ці пяці дзясяткам яек.

У савецкі час звычайныя стрыжкі абыходзіліся ў 30 і 50 капеек. Бутэльку гарэлкі тады прадавалі за 4 рублі 12 капеек.

Мой адносна немалады ўзрост і юнацкая звычка стрыгчыся па крайняй неабходнасці, прывяла да таго, што я апошні раз пастрыгаў свае ўжо негустыя валасы яшчэ «да вайны». Але космы на патыліцы і чароўны выспятак ад жонкі прымусілі мяне наведаць цырульню.

Установа сустрэла пустэчай і маладой цырульніцай, якая з радасцю прапанавала свае прафесійныя паслугі. Кошт самай простай стрыжкі пад насадку мяне збянтэжыў – 13 рублёў, а з пенсіянераў у спецыяльны дзень – 8 рублёў.

«А мо так і трэба», – падумаў быў я і не паспеўшы асэнсаваць значнасць сумы сеў у крэсла.

Ужо седзячы пачаў падлічваць і разважаць. У савецкі час былі звычайныя стрыжкі за 30 і 50 капеек. А мадэльная стрыжка ў салоне каштавала рубель. Бутэлька гарэлкі тады прадавалася за 4 рублі 12 капеек.

Выходзіць, што за бутэльку мужчына мог 4 разы пастрыгчыся ў салоне прыгажосці і 10 разоў у звычайнай цырульні! Гэта не дзіўна, бо ў СССР усе паслугі абыходзіліся нядорага, бо за працу людзям савецкая ўлада плаціла няшмат.

З надыходам рынкавых адносін паслугі падаражэлі, і кошт гарэлкі і мадэльнай стрыжкі зраўняўся: 1 бутэлька = 1 стрыжка. Такія суадносіны і захоўваліся шмат гадоў. Сёлета, аднак, нешта змянілася. Цяпер я змог пастрыгчыся рэальна за 2 бутэлькі.

«Лысая ж галава менш па плошчы. Яе лягчэй стрыгчы…»

«Паслухайце, – вырашыў пагутарыць з цырульніцай, – дзясятак яек у СССР каштаваў каля рубля. За мадэльную стрыжку таксама плацілі рубель. Стрыжка была роўнай дзясятку яек. Чаму ж цяпер стрыжка падаражэла і за яе кошт я мог бы набыць 5 дзясяткаў?»

«Не ведаю», – адказала цырульніца.

«Можа вам цяпер добры заробак плацяць, таму так дорага? Ну, тысячу ж вы зарабляеце?», – працягнуў я.

«Ды, што вы? Менш!» – адрэагавала маладзіца, але не стала выдаваць службовую таямніцу пра заробак.

«Чаму ж кошт стрыжкі так вырас?» – не сунімаўся я.

«Я не ведаю. Гаспадыня арыентуецца на кошты ў іншых цырульнях», – адзначыла суразмоўніца.

«А ці ёсць у вас зніжкі для лысых?» – вырашыў пажартаваць я, каб неяк пераключыцца.

«Не! Гаспадыня не прадугледзела», – сур’ёзна заўважыла цырульніца.

«Так, у нас не Адэса», – канстатаваў сам сабе.

«Што вы кажаце?», – незразумела майстрыца.

«Лысая ж галава менш па плошчы. Яе лягчэй стрыгчы. Значыць трэба і менш браць з кліентаў», – удакладніў я.

«Не знаю…», – сумелася суразмоўніца.

«Вы ж рэкламай «Для лысых – зніжкі!» прыцягнулі б кліентаў», – не сунімаўся іранізаваць я.

«Мы не падумалі…», – падсумавала яна.

У савецкі час жанчыны маглі пастрыгчыся за 1 рубель, а цяпер ім трэба выкласці 8 рублёў.

Пасля аплаты 13 рублёў я адчуў сябе падманутым і, каб супакоіцца, пайшоў у салон прыгажосці. Там мяне радасна сустрэлі дзве работніцы на прыёме з яшчэ больш бліскучымі нацягнутымі на твары доўгімі практыкаваннямі ўсмешкамі.

Ацаніўшы мой знешні выгляд адразу замест доўгіх размоў назвалі верхнюю столь стрыжкі – 27 рублёў. Мне палягчала, бо я ж пастрыгчыся за 13.

Пазней аказалася, што пад насадку ў салоне можна пастрыгчыся і за 21 рубель. Сярэднім заробкам цырульніцы ў 1000 рублёў у салоне прыгажосці пахваліліся, а жарт пра зніжкі для лысых чамусьці не ацанілі і тутака.

Знайсці больш менш прыемныя кошты мне ўсё ж удалося. У цырульні, якая займала тое ж памяшканне яшчэ ў савецкі час, прапанавалі стрыжку «пад нуль» за 5 руб, пад насадку – за 8, а пад нажніцы – за 11-12.

Пазней жонка падказала яшчэ і цырульню на Ленінскай каля гандлёвага цэнтру «Алісы», дзе можна пастрыгчыся за 8 рублёў у дзень пенсіянера.

Яшчэ даражэй абыходзіцца стрыжка жанчынам. У савецкі час яны маглі пастрыгчыся за 1 рубель, а цяпер ім трэба заплаціць ад 8 рублёў. Для пенсіянерак у асобных цырульнях да 50 рублёў і нават яшчэ больш у салонах.

Падсумоўваючы атрымоўваецца, што мужчынскія стрыжкі рэтраспектыўна падаражэлі за апошнія 30 гадоў у Магілёве, параўноўваючы з прадуктамі харчавання і гарэлкай у 5-30 разоў, а жаночыя ў 8-50 разоў.

А за лысых крыўдна. З іх рэальна бяруць зашмат. У іх жа валасоў значна менш.

 

С 1 мая подорожают некоторые услуги «Белтелекома»

Навіна ад

“Белтелеком” объявил о повышении тарифов на некоторые свои услуги.

Цены на пакеты услуг электросвязи:

  • “Ясна лайт” – 22,05 руб.
  • “Семейный 4 комфорт” – 38,43 руб.
  • “Семейный 4 Дом + Дача” – 39,69 руб.
  • “Ясна 35 Дом + Дача” – 40,95 руб.
  • “Ясна Игровой” – 50,4 руб.
  • “Ясна Игровой SMART” – 47,25 руб.
  • “Семейный 3” – 28,98 руб.
  • “Ясна 50” – 41,58 руб.

Услуги телевидения по тарифным планам:

  • “Премьера” – 11,25 руб.
  •  “Канапа ТВ” – до 10 руб.
  • “Стандарт ТВ” – до 8,9 руб.