Tag: Россия

Маці загінулай ад расійскай атакі на Вінніцу 4 гадовай дзяўчынкі даведалася, што дачкі ў яе няма

Навіна ад

Маці забітай пад час ракетнай атакі на Вінніцу 4-гадовай Лізы расказалі пра ейную смерць. Цяпер жанчына ў больніцы. Два дні ёй асцерагаліся казаць, што Ліза забіта.

14 ліпеня пад абстрэл Ірына Дзмітрыева і Ліза трапілі, калі ішлі на развіццёвыя заняткі. Дзіця мела сіндром Дауна. За паўтары гадзіны да трагедыі яны запісалі відэа пра свой паход.

“Усяму свету ўсё роўна. Ён на нас проста глядзіць і не абараняе. Колькі разоў мы прасілі закрыць неба. А свет проста глядзіць, як Украіну забіваюць. Як забіваюць нашых дзяцей, салдат, людзей <…> каб абараніцца ад гэтага тырана, таму што калі не мы — ён пойдзе далей і ўсё знішчыць, усё”, — кажа шакаваная навіною жанчына.

Ліза стала першым дзіцём, знойдзеным на месцы трагедыі. Выратавальнікі апублікавалі фота з Лізіным вазком і адарванай часткай канцавіны маці.

Дзіця загінула імгненна на дарозе. За жыццё ейнай маці змагаліся лекары. Ёй адарвала нагу і яна знаходзілася ў рэанімацыі.

Расійскія войскі атакавалі цэнтр Вінніцы раніцай. Загінула да 24 чалавек. Шпіталізаванымі застаюцца 68 пацярпелых, сярод іх 4 дзяцей. Чацвёра чалавек лічацца «зніклымі без звестак».

Вайна ва Ўкраіне. Расійскія войскі атакавалі Адэсу, Чугуеў, Нікапаль – ёсць забітыя і параненыя

Навіна ад

Чугуеў, Харкаўская вобласць

Ракетны ўдар па горадзе нанесены раніцай. Тры чалавекі загінула.

Разбурана адна з мясцовых школ, магазін будаўнічых матэрыялаў і некалькі жылых дамоў. Ратавальнікі да гэтага часу разбіраюць завалы і шукаюць людзей.

Нікаполь, Днепрапятроўская вобласць

Целы двух загінулых даслалі з-пад завалаў. Адна параненая жанчына знаходзіцца ў больніцы.

Па жылых кварталах гораду было выпушчана больш за паўсотні ракет. Пашкоджаныя школа, пяціпавярховы дом і будынак вучэльні.

Адэса

16 ліпеня па горадзе стралялі з самалётаў стратэгічнай авіяцыі. Паводле папярэдніх дадзеных загінулых і пацярпелых няма.

Ракеты пацэлілі ў склад вытворча-гандлёвай кампаніі. На яго тэрыторыі адбыўся пажар, які ўжо патушаны супрацоўнікамі дзяржаўнай службы надзвычайных сітуацыяў. 

Вінніца

Узрасла колькасць ахвяраў расійскага нападу на цэнтральную частку гораду да 24 чалавек. У больніцы ад апёкаў сканала жанчына.

Застаюцца шпіталізаванымі яшчэ 68 пацярпелых, сярод іх 4 дзяцей. Чацвёра чалавек лічацца «зніклымі без звестак».

Горад быў атакаваны 14 ліпеня. Ракеты пацэлілі ў будынак з офіснымі памяшканнямі. Узнік пажар, які перакінуўся на аўтастаянку.

У публікацыі выкарыстаныя зьвесткі апублікаваныя інфармацыйным агенцтвам “УНІАН”

 

У Асіповічах цэх алюмініевага ліцця вырабляе «канкурэнтаздольную» прадукцыю на абсталяванні 1970 гадоў, але спадзяецца на мадэрнізацыю

Навіна ад

Цэх падраздзяленне мясцовага заводу аўтаагрэгатаў. Алюмініевую вытворчасць пры ім запусцілі ў 1976 годзе. Нямала тутэйшага абсталявання працуе з таго часу. На той момант яно лічылася сучасным і эксклюзіўным.

«Тыя індукцыйныя печы для плаўкі металу, што былі ўстаноўлены ў сярэдзіне 70-х і маюць серыйныя нумары 001 і 002, працуюць і цяпер, – адзначае газета Асіповіцкі край. – Але гэтыя печы ўжо фізічна і маральна састарэлі, патрабуюць вялікіх намаганняў працаўнікоў цэху для іх абслугоўвання, таму ў планах прадпрыемства іх замена – адзін з прыярытэтных пунктаў».

Цэх мае патрэбу ў набыцці новай печы і аўтаматычнага комплексу для ліцця пад высокім ціскам, але няма фінансавання.

«Гэта дазволіць істотна пашырыць наменклатуру выпусканых сплаваў. Абмежаванасць у выбары гатункаў алюмініевых сплаваў можна лічыць галоўным вузкім месцам асіповіцкай металургіі», – спадзяецца на прарыў кіраўніцтва.

Паводле яго ўласная каляровая металургія «у сённяшніх геапалітычных рэаліях» – важны элемент эканамічнай бяспекі краіны і інструмент для ўмацавання пазіцый нашага машынабудавання на знешніх рынках».

Спажыўцы вырабаў цэху алюмініевага ліцця – МАЗ, БелАЗ, ды расійскія прадпрыемствы. У цэху працуе 126 чалавек.

 

Нарвежскі вытворца ўпакоўкі Elopak сыходзіць з Расіі і не збіраецца вяртацца

Навіна ад

Кампанія з гэтай скандынаўскай краіны вырабляе кардонныя ўпакоўкі з двухсхільным верхам Pure-Pak.

Такая прадукцыя папулярная ў вытворцаў малака, кефіру, сокаў і вадкіх і пюрэпадобных прадуктаў, бо валодае мноствам перавагаў у параўнанні з іншымі падобнымі ўпакоўкамі.

«Пасля рашэння Elopak прыпыніць дзейнасць у Расіі ў сакавіку 2022 года кампанія правяла пільны аналіз усіх магчымых даступных варыянтаў. На гэтай аснове было дасягнутае пагадненне аб перадачы свайго расійскага бізнесу (АТ »Элапак«) мясцоваму кіраўніцтву шляхам продажу 100% сваіх акцый», – гаворыцца ў паведамленні кампаніі.

З яго вынікае, што вяртацца на расійскі рынак Elopak не збіраецца.

Сума здзелкі па перадачы бізнэсу, якую мае зацвердзіць урадавая камісія, не называецца.

Выручка кампаніі ў 2021 годзе склала 7387000000 расійскіх рублёў (125116083 долараў ЗША), а прыбытак 295800000 расійскіх рублёў (5010063 долараў ЗША па курсе на 15 ліпеня 2022 году).

 

.

 

Рэйтынгавае агенцтва Moody’s аб’явіла пра дэфолт Беларусі. Горш эканоміцы і насельніцтву

Навіна ад

Міністэрства фінансаў Беларусі выплаціла $22,9 мільёнаў долараў па еўрааблігацыях у беларускіх рублях, што ў міжнародным рэйтынгавым агенцтве Moodyʼs ацанілі як нясплату доўгу.

Уладальнікі аблігацый не змаглі атрымаць у беларускіх рублях

Беларусь дапусціла дэфолт па знешніх даўгавых абавязацельствах, гаворыцца ў паведамленні  агенцтва.

Moodyʼs Investors Service – адно з вядучых сусветных рэйтынгавых агенцтваў, якое прысвойвае крэдытныя рэйтынгі, публікую аналітычныя даследаванні і матэрыялы па аналізе рызык.

13 чэрвеня скончыўся льготны перыяд, на працягу якога Беларусь мелася выплаціць 22,9 млн долараў па еўрааблігацыях Беларусь-27. Міністэрства фінансаў Беларусі правяло выплаты ў беларускіх рублях, уладальнікі аблігацый не змаглі іх атрымаць, што ў Moodyʼs расцанілі як дэфолт.

Мінфін: з «недружалюбнымі» краінамі будзем разлічвацца не ў той валюце, у якой бралі крэдыты, а ў беларускіх рублях.

Мінфін яшчэ ў сакавіку паведаміў, што ўлады Беларусі маюць намер разлічвацца па даўгах ураду, беларускіх банкаў і кампаніяў з «недружалюбнымі» краінамі не ў той валюце, у якой бралі крэдыты, а ў беларускіх рублях.

29 чэрвеня ўрад Беларусі пацвердзіў такія намеры. Паводле яго выкананне даўгавых абавязкаў па дзяржаўных каштоўных паперах, размешчаных на знешніх фінансавых рынках, будзе ажыццяўляцца ў беларускіх рублях паводле курсу Нацыянальнага банку на дату плацяжу.

Такую меру ўрадоўцы называлі вымушанай і абумоўленай немагчымасцю плацежнага агента і іншых удзельнікаў міжнароднай разьлікова-клірынгавай сістэмы гарантаваць паўнату і своечасовасць пералічэння сродкаў усім трымальнікам еўрааблігацыяў.

Урадоўцы сцвярджаюць: ёсць факты неатрымання асобнымі ўладальнікамі купоннага даходу па еўрааблігацыях, пералічанага Міністэрствам фінансаў у лютым.

Выпуск 10-гадовых эўрааблігацый Belarus-27 на $600 млн з прыбытковасцю 7,625% гадавых размешчаны ў чэрвені 2017 году. Агулам у абарачэнні знаходзіцца 5 выпускаў беларускіх эўрабондаў на агульную суму $3,25 млрд. Апошні раз Беларусь выходзіла на рынак эўрааблігацый у чэрвені 2020 году, калі размясціла 5-гадовыя эўрабонды на $500 млн пад 6,125% і 10-гадовыя на $750 млн пад 6,3.

Дэфолт – невыкананне абавязацельстваў па дамовам займу. Не своечасовая выплата працэнтаў або асноўнага доўгу.Тэрмін выкарыстоўваецца ў адносінах да прыватных асобаў, кампаніяў або дзяржаваў. Найчасцей асацыюецца з краінамі, бо наступствы такога падзеі закранаюць шмат людзей.

Дэфолт дзяржавы зніжае яго крэдытныя рэйтынгі. Краіне будзе цяжэй прыцягваць пазыковыя сродкі, што будзе тармазіць развіццё эканомікі. Магчымы рост інфляцыі, паслабленне нацыянальнай валюты, банкаўскі крызіс і гэтак далей. Грамадзяне могуць сутыкнуцца з ростам беспрацоўя, зніжэннем заробкаў, скарачэннем дзяржаўных ільгот.

Услед за Расіяй

Раней аб абслугоўванні свайго знешняга доўгу ў нацыянальнай валюце – расійскіх рублях – таксама аб’явілі ў Маскве.

27 чэрвеня заходнія СМІ паведамілі аб «сімвалічным» дэфолце Расіі па валютных дзяржаблігацыях з-за таго, што напярэдадні, 26 чэрвеня, скончыўся льготны перыяд па аплаце каля 100 млн долараў пратэрмінаваных плацяжоў па каштоўных паперах Масквы.

Згодна з дамовай Расія павінна была заплаціць у замежнай валюце, аднак у Крамлі настойваюць, што ўнеслі суму ў рублях, і на гэтай падставе называюць сцвярджэнні аб яе дэфолце неправамернымі.

Ва ўкраінскай Вінніцы ў выніку ракеткай атакі загінулі дзеці. Увага, жахлівыя фотаздымкі

Навіна ад

Вінніцу расійскія войскі атакавалі ракетамі раніцай. Вядома пра 23 загінулых, сярод іх трое дзяцей. Па дапамогу звярнуліся 115 чалавек. Шпіталізавана 64 з іх 2 дзяцей. 34 знаходзяцца ў цяжкім стане, 5 — у цяжкім. Працягваюцца пошукі 42 чалавек, з якімі няма сувязі.

Пашкоджана больш за 50 будынкаў рознага прызначэння і больш за 40 аўтамабіляў.

Абноўленыя дадзеныя падае інфармацыйнае агенцтва “УНІАН”

Камандаванне Ваенна-паветраных сіл Украіны паведаміла, што расійскія войскі атакавалі цэнтр гораду крылатымі ракетамі, запусціўшы іх з падводнай лодкі ў акваторыі Чорнага мора.

Выдання піша, што напад на Вінніцу быў нанесены падчас канферэнцыі ў Гааге, прысвечаный злачынствам Расіі ва Ўкраіне.

 

Ратавальнікі апублікавалі жахлівыя фота. На іх дзіцячы вазок, у якім загінула дзіця, а побач ляжыць адарваная канцавіна маці.

Ракеты патрапілі ў будынак з офіснымі памяшканнямі. Ад удараў пацярпелі таксама Дом афіцэраў і размешчаныя непадалёк жылыя дамы.

Ракеты пацелілі ў паркоўку каля дзевяціпавярховага Дома побыту “Юбілейны”. Вядома аб дзясятках згарэлых аўтамабіляў.

Праз санкцыі ў Расіі скараціўся продаж мясцовых грузавікоў. Беларускіх МАЗаў не сталі больш набываць

Навіна ад

Рэгістрацыі новых грузавых аўтамабіляў поўнай масай звыш 3,5 тоны за першае паўгоддзе знізіліся з 46.423 да 37.676 адзінак – рынак прасеў на 18,8%. Продажы новых МАЗаў упалі яшчэ больш – на 28,9%. «Кітаўцаў» на расійскім рынку наадварот сталі больш купляць.

Лідар расійскага рынку КАМАЗ з-за ўвядзення заходніх санкцый, скараціў продажы за паўгоддзе на 9,2% – з 16.569 да 15.050 адзінак. У чэрвені продаж у параўнанні з мінулых годам прасеў на 30 працэнтаў –  прадалі 2314 аўтамабіляў, паведамляе  рэсурс ABW.by, спасылаючыся на зьвесткі аналітычнага агенцтва «Автостат».

Рэгістрацыі новых грузавікоў ГАЗ па выніках першага паўгоддзя скараціліся з 4538 да 2989 адзінак. Падзенне склала 34,1%.

Як адзначае ABW.by, чаканага прарыву ў продажы беларускіх МАЗаў на расійскім рынку не адбылося. У параўнанні з аналагічным перыядам мінулага года рэгістрацыі новых грузавікоў МАЗ у Расіі скараціліся з 2850 да 2027 адзінак, ці на 28,9%.

Рэсурс піша, што кітайскі брэнд Shacman (Shaanxi) на расійскім рынку нарошчвае аб’ёмы продажу сваёй тэхнікі. Са студзеня па чэрвень дылеры гэтага вытворцы змаглі рэалізаваць у Расіі 2770 грузавікоў. Год таму было 890. Скачок – у 3,1 разы.

 

 

Камандна-штабныя манеўры на фоне распаўсюджвання інфармацыя аб магчымы наступе на Украіну ўзброеных сіл Беларусі

Навіна ад

Вучэнні праходзяць у Жлобінскім раёне пад кіраўніцтвам намесніка старшыні Гомельскага аблвыканкаму. У іх удзельнічаюць тэрытарыяльныя войскі раёну.

Вучэнні ва ўмовах абвяшчэння ваеннага становішча

З 12 па 14 ліпеня, гаворыцца 16099 ў тэлеграм-канале «Министерство обороны Республики Беларусь», дадзеная ацэнка «гатоўнасці службовых асоб сфармаваных воінскіх часцей тэрытарыяльных войскаў выконваць вучэбна-баявыя задачы, а таксама «удасканаленне навыкаў афіцэраў запасу ў рабоце на пункце кіравання і ў кіраўніцтве падпарадкаваным асабовым складам у выкананні задач тэрытарыяльнай абароны».

Удзельнікі манеўрах ахоўваць і бараніць аб’екты тэрытарыяльнай абароны ды несці службу на кантрольна-прапускным пункце ва ўмовах абвяшчэння ваеннага становішча.

«УНІАН»: Расія вывозіць з Беларусі боепрыпасы

Тым часам, украінскага агенцтва «УНІАН» звяртае ўвагу не толькі на правядзенні Беларуссю ваенных вучэнняў на мяжы з Украінай, але і на тым, што яна адпраўляе ў Расію боепрыпасы.

Выданне нагадвае, што ў апошнія дні актыўна распаўсюджваецца інфармацыя аб магчымы наступе на Украіну ўзброеных сіл Беларусі.

У прыватнасці, піша «УНІАН» Генштаб узброеных сіл Украіны паведамляў, што з боку Беларусі на Валынскім і Палескім кірунках магчымыя правакацыі.

Кіраўнік Офісу прэзідэнта Украіны Аляксея Арастовіча лічыць, што баяцца нападу з боку Беларусі не варта.

Іншы саветнік старшыні ОПУ Міхаіл Падаляк выказваў меркаванне, што чуткі аб нападзенні Беларусі зʼяўляюцца нічым іншым, як чарговай спекуляцыяй расійскай прапаганды з мэтай пасеяць паніку ва Украіне.

Расійскаму «Вкусно и точка» бракуе бульбы. А, як жа Беларусь з яе бульбай?

Навіна ад

Сетка ядальняў «Вкусно и точка» замяніла ў Расіі «Макдоналдс», які сышоў з мясцовага рынку праз вайну ва Ўкраіны.

Частка рэстаранаў гэтай сеткі прыбрала з меню бульбу фры, а некаторыя яшчэ і бульбу па-вясковаму.

Такія меры тлумачацца нястачай сыравіны для такіх страваў, бо мінулы год, нібыта, быў «неўраджайным».

«На працягу апошніх васьмі гадоў кампанія арыентавалася на расійскіх пастаўшчыкоў і закупляла прадукты ў іх. Акрамя таго, стаў немагчымы імпарт з рынкаў, якія маглі б стаць часовымі пастаўшчыкамі бульбы для прадпрыемстваў у Расіі», – заяўляюць прадстаўнікі кампаніі.

Выданне «Медуза» піша, што стравы з бульбы вернуцца ў меню, калі збяруць новы ўраджай.

Сярод прычынаў браку патрэбных гатункаў бульбы называюцца перабоі ў пастаўках пасадачнага матэрыялу з Бельгіі і Польшчы.

Тым часам, у Міністэрстве сельскай гаспадаркі Расіі заяўляюць, што расійскі рынак цалкам забяспечаны бульбай.

У маі рэстараны «Макдоналдс» набыў бізнесмен Аляксандр Говар, чыя кампанія кіравала 25 установамі гэтай сеткі хуткага харчавання ў Сібіры.

Новая сетка атрымала назву «Смачна і кропка», першыя яе рэстараны адкрыліся на месцы «Макдоналдсаў» 12 чэрвеня.

Паводле ўмовах здзелкі, новыя ўладальнікі не могуць выкарыстоўваць брэнд «Макдоналдс» і назву самых папулярных страў, напрыклад, «Біг Мак».

У «Вкусно и точка» запэўнівалі, што паспрабуюць захаваць меню «Макдоналдса».

фота з адкрытых крыніц

Продаж новых аўтамабіляў. У чэрвені больш, чым у маі, але менш, чым летась

Навіна ад

У чэрвені было прададзена больш новых легкавых аўтамабіляў, чым у маі. У параўнанні з мінулым годам продажы скараціліся на траціну.

Пра гэта піша рэсурс Myfin, спасылаючыся на звесткі Беларускай аўтамабільнай асацыяцыі.

Паводле яе, у чэрвені набыта 1113 легкавікоў, што амаль у 2,5 разы больш, чым месяцам раней.

Прагнозы на бліжэйшую перспектыву не радуюць. У другім паўгоддзі на кошт новых аўтамабіляў можа ўплываць іх дэфіцыт, лічаць у Беларускай аўтамабільнай асацыяцыі.

Паводле яе на беларускім рынку прадстаўленыя пераважна машыны, вырабленыя ў Расіі, альбо ўвезеныя з гэтай краіны. Іх кошт залежыць ад цаны расійскага экспарцёра і суадносінаў двух нацыянальных валют.

У Беларуская аўтамабільнай асацыяцыі лічаць, каб прадухіліць далейшае павышэнне кошту на легкавікі, трэба вярнуцца да паставак машын наўпрост ад замежных вытворцаў.

фота з адкрытых крыніц