Чытачы выдання Reform.news заўважылі, што ў вёсцы Касцюшкава Горацкага раёна з памятнага каменя знікла шыльда, устаноўленая тут яшчэ ў савецкія часы ў гонар Тадэвуша Касцюшкі. Вёска знаходзіцца недалёка ад Леніно, дзе ўпершыню ўступілі ў бой баявыя часткі польскай дывызіі імя Касцюшкі падчас Другой Сусветнай вайны. У Леніно размяшчаецца Музей савецка-посльскай баявой садружнасці, і нядаўна ў ім праходзілі ўрачыстасці з нагоды Дня Перамогі, якія цалкам праігнараваў польскі бок, але затое наваднілі прадстаўнікі “шматнацыянальнага рускага міру” – пісалі mogilev.media.
Вёскі Касцюшкава раней называлася Трыгубава. У гонар Тадэвуша Касцюшкі яна была перайменаваная ў 1969 годзе. Верагодна, у гэты ж час на ўскрайку вёскі была ўстаноўленая мемарыяльная шыльда ў гонар Тадэвуша Касцюшкі. Як дакладна яна выглядала раней і што на ёй было напісана – невядома. Цяпер жа яна знікла цалкам. «Ці прыбралі, ці не ўзнавілі, хаця бачна, што помнікі побач прыводзілі ў парадак» – так пракаментавалі чытачы Reform.news знікненне шыльды.
Фота: Reform.news