У індывідуальнага прадпрымальніка знайшлі больш за 2 тысячы адзінак электронных цыгарэт без неабходных дакументаў. Яму пагражае адміністрацыйка і 50% штраф.
Магілёўская мытня паведаміла, што ў выніку спецыяльнага мерапрыемства аддзела па барацьбе з кантрабандай у трох гандлёвых аб’ектах на тэрыторыі абласнога цэнтра, якія належаць аднаму індывідуальнаму прадпрымальніку, устаноўлены факты рэалізацыі без неабходных транспартных і грузасуправаджальных дакументаў электронных цыгарэт і вадкасці для іх у колькасці звыш 2 тысяч адзінак і коштам больш за 44 тысячы беларускіх рублёў.
Па дадзеным факце Магілёўскай мытняй распачаты адміністрацыйны працэс па артыкулу 13.12 КаАП Рэспублікі Беларусь “парушэнне парадку набыцця, захоўвання, выкарыстання ў вытворчасці, транспарціроўкі, водпуску ў рэалізацыі тавараў”.
Рэалізацыя кантрабандных тавараў – небяспечная гульня ў рулетку. Нагадаем, што санкцыяй дадзенага артыкула прадугледжана накладанне штрафу ў памеры да пяцідзесяці працэнтаў ад кошту прадмета адміністрацыйнага правапарушэння.
Крыніца: mogilevnews.by