Дачка Рагора Кастусёва Кацярына, якую затрымлівалі сілавікі, на волі – напісаў у сваім Facebook зяць палітыка Дзмітрый Антончык. Ніякіх падрабязнасцяў пакуль не прыводзіцца.
Continue reading “Кацярына Кастусёва выйшла на волю пасля ізалятара”
Tag: Григорий Костусев
Затрымалі дачку Рыгора Кастусёва, яна да апошняга заставалася ў Беларусі
Відэа з удзелам дачкі Рыгора Кастусёва Кацярынай выклалі ў звязаным з сілавікамі тэлеграм-канале. У роліку жанчыну прымушаюць агаварыць сябе прызнаннем, што яна брала ўдзел у дзейнасці “экстрэмісцкага фарміравання “Вясна” у 2020 годзе”, пры тым, што праваабарончая арганізацыя не мела падобнага статусу ў тым годзе.
За дачыненне да “Вясны” і рэгістрацыю ў плане “Перамога” паводле каментарыя аўтараў роліка Кацярыну чакае крымінальны пераслед. Дачка палітзняволенага Рыгора Кастусёва Кацярына да апошняга заставалася ў Беларусі, яна працавала інструктарам у аўташколе. З членаў сям’і палітыка на волі ў Беларусі засталася толькі яго жонка.
Кацярыну ўжо затрымлівалі ў 2021 годзе – паведамляла “Еўрарадыё”. Да 2020 года яна працавала выкладчыцай у музычнай школе, але была адтуль звольненая пасля выбараў, пазней працавала ў дзіцячым цэнтры.
Фота з сацыяльных сетак
Рыгор Кастусёў зноў у Следчым ізалятары КДБ. Знаёміцца з матэрыяламі справы
У Следчым ізалятары КДБ палітык утрымліваўся больш за паўгода і пасля пагаршэння здароўя быў пераведзены ў шпіталь сьледчага ізалятару №1, што ў Мінску на вуліцы Валадарскага. Там яму дыягнаставалі анкалагічнае захворванне, але аперацыю адмовіліся рабіць. Турэмныя медыкі запэўніваюць, што пільнуюць развіццё хваробы.
Прызнаны праваабаронцамі палітвязнем 65-гадовы Рыгор Кастусёў у Следчым ізалятары КДБ будзе знаёміцца з матэрыяламі крымінальнай справы. Яго вінавацяць у «змове ці іншых дзеяннях, учыненых з мэтаю захопу дзяржаўнай улады». Ён, нібыта, рыхтаваў замах на Лукашэнку.
Пра тое, што старшыня партыі БНФ Рыгор Кастусёў зноў у Следчым ізалятары КДБ паведаміў у сацыяльных сетках ягоны зяць Зміцер Антончык. У допісе адзначана, што «там яго будуць знаёміць з матэрыяламі справы».
Кастусёў родным у лісце ад 25 красавіка паведаміў, што расследаванне па ягонай справе скончылася, і яго азнаёмілі з канчатковым абвінавачваннем. Хутка справу перададуць у пракуратуру.
У Следчым ізалятары КДБ, пісаў палітык, умовы ўтрымання значна горшыя. Там у яго выявіліся праблемы з сэрцам, з’явіліся ацёкі. Было вырашана накіраваць яго ў шпіталь СІЗА №1. Ад лістапада 2021 году ён утрымліваўся ў гэтай установе. Тройчы яму працягвалі тэрмін зняволення. Просьбы аб змяненні ўмоваў утрымання пакідаліся без задавальнення.
Рыгора Кастусёва затрымалі 12 красавіка 2021 году ў Шклове. Фігуранты адной з ім справы – Аляксандр Фядута, Юры Зянковіч, Вольга Галубовіч і Дзяніс Краўчук. Палітык не выключае, што да абвінавачвання ў змове дзеля захопу ўлады дадасца і эканамічнае злачынства.
Рыгор Кастусёў нарадзіўся ў вёсцы Цяхцін Бялыніцкага раёну, што на Магілёўшчыне. Скончыў Горацкую сельскагаспадарчую акадэмію. Падчас вучобы ў ёй пазнаёміўся з Аляксандрам Лукашэнкам. Дапамагаў яму стаць дэпутатам Вярхоўнага савету БССР. Пазней праз рознае бачанне перспектываў развіцця Беларусі дарогі з ім разышліся. Кастусёў стаў сябрам Беларускага народнага фронту. Узначальваў шклоўскую суполку БНФ і Магілёўскую абласную арганізацыю БНФ.