Tag: бабруйск

Сталі вядомы падрабязнасці асуджэння ў Бабруйску палітвязня з Украіны

Навіна ад

У Бабруйску грамадзяніна Украіны Юрыя Бандарэнку асудзілі да палутара гадоў калоніі за нібыта абразу Лукашэнкі. Прычынай стала выказванне меркавання ў прыватнай гутарцы. 

Аб тым, што стала прычынай затрымання ўкраінца год таму і цяперашняга яго зняволення, Праваабарончы цэнтр “Вясна” даведаўся толькі цяпер. Паводле даных праваабаронцаў, Бандарэнка каля крамы выказаўся ў прысутнасці іншых грамадзян у непрыстойнай форме пра Лукашэнку. Згодна версіі абвінавачвання, матывам украінца стала нібыта «падтрымка ідэй сацыяльнай нецярпімасці да прадстаўнікоў улады Рэспублікі Беларусь і адкрытая праява непрыязнасці да яе». Вынікам стала ўзбуджэнне супраць яго крымінальнай справы па артыкуле 368 КК РБ,

Адзін з прысутных звярнуўся ў міліцыю і нават прадставіў фотаздымак машыны, на якой з’ехаў Юрый Бандарэнка са сваім таварышам. На наступны дзень украінца затрымалі па абвінавачванні ў абразе Лукашэнкі.

20 верасня 2024 года Бандарэнка быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці, паведамляецца на сайце “Вясны”.

Фота: “Вясна”

У Бабруйску не захацелі пераймяноўваць вуліцу Куйбышава

Навіна ад

Па выніках грамадскага апытання ў Бабруйску большасць яго ўдзельнікаў выказаліся супраць перайменавання вуліцы Куйбышава ў вуліцу Санчукоўскага.

Вывучэнне грамадскай думкі з нагоды перайменавання вуліцы Куйбышава ў вуліцу Санчукоўскага праходзіла з 18 сакавіка па 20 красавіка 2025 года. Адпаведную прапанову ўнесла Магілёўская абласная арганізацыя Беларускага грамадскага аб’яднання ветэранаў.

На афіцыйным сайце Бабруйскага гарвыканкама была апублікаваная спецыяльная форма. Любы ахвотны мог выказацца “за” ці “супраць”, а таксама абгрунтаваць сваю пазіцыю. 

Як паведаміла komkur.info начальнік аддзела ідэалагічнай работы і па справах моладзі Бабруйскага гарвыканкама Вераніка Вільчык, у апытанні прынялі ўдзел 2 913 грамадзян. 2 120 з іх (або 73%) выказаліся за захаванне цяперашняй назвы вуліцы. За перайменаванне прагаласавалі менш за чвэрць апытаных – 667 або 23,2%. Яшчэ 126 чалавек (3,5%) прапанавалі альтэрнатыўныя назвы.

Валерыян Куйбышаў – рускі рэвалюцыянер і савецкі партыйны, палітычны дзеяч. Быў адным з бліжэйшых паплечнікаў і дарадцаў па пытаннях эканомікі ў Сталіна. Ён ніяк не быў звязаны з Бабруйскам.

У сваю чаргу, як піша “Вечерний Бобруйск” з імем Аляксандра Санчукоўскага звязана дваццаць восем гадоў гісторыі Бабруйскага фанерна-дрэваапрацоўчага камбіната, па “Бобруйскдрев” (у цяперашні час – ААТ “Фандок”), дзе ён нязменна працаваў на пасадзе дырэктара, а потым – генеральнага дырэктара (1953-1981). За заробленыя калектывам грошы былі пабудаваны Дом культуры з бібліятэкай, дзіцячыя сады, стадыён, прафілакторый, піянерскі лагер, загарадная зона адпачынку, камбінат бытавога абслугоўвання, будынак лесатэхнікума, сотні кватэр.

Фота: “Вячэрні Бабруйск”

Бабруйчанку пабіліі за паяданне беляша ў тралейбусе – з’явіліся падрабязнасці

Навіна ад

Штраф у памеры 1260 рублёў атрымаў бабруйчанін, які накінуўся на пасажырку тралейбуса, што ела бяляш.

Суд Бабруйскага раёна і горада Бабруйска 2 мая разглядзеў незвычайную справу аб хуліганстве ў грамадскім транспарце. У сакавіку абвінавачаны раптам накінуўся на незнаёмую дзяўчыну за тое, што яна зайшла ў салон з беляшом, піша “Наша Ніва” са спасылкай на сайт Вярхоўнага суда.

Мужчына, па версіі следства, схапіў дзяўчыну за валасы і ўдарыў двойчы – адзін раз па твары, другі – па руцэ. Пры гэтым, са слоў сведак, мужчына паводзіў сябе абуральна і гучна выказваў незадаволенасць пахам ежы ў салоне.

Сам абвінавачаны на судзе адмаўляў, што дзейнічаў з хуліганскіх памкненняў. Суд прызнаў яго вінаватым паводле ч. 1 арт. 339 КК (хуліганства) і прызначыў штраф 30 базавых адзінак – 1260 рублёў.

Таксама ён павінен выплаціць 500 рублёў кампенсацыі маральнай шкоды пацярпелай і 126 рублёў дзяржпошліны. Прысуд у законную сілу пакуль не ўступіў і можа быць абскарджаны.

У сакавіку 2023 года таксама ў Бабруйску малады чалавек ударыў 45-гадовага мужчыну ў тралейбусе пасля зробленай заўвагі, піша “Вячэрні Бабруйск”. Пацярпелы не стаў даваць адпор, мяркуючы, што перад ім школьнік, і не чакаў такой агрэсіі. Хулігана выявілі па камерах назірання.

Фота ілюстрацыйнае

Прапіў шэсць курсавых – махляр у Бабруйску падмануў двоечнікаў

Навіна ад

Шэсць студэнтаў з Бабруйска звярнуліся ў міліцыю са скаргай, што іх “кінуў” мясцовы жыхар, выканаўца курсавых работ. Студэнты замовілі яму напісанне прац, якія павінны былі выканваць самі, але прадпрымальны бабруйчанін нават не збіраўся іх пісаць і ўсе грошы пусціў на алкаголь – піша прэс-служба УУС Магілёўскага аблвыканкама. 

Прычым, даверлівыя двоечнікі і прагадалі двойчы. Агульная сума за шэсць прац, замоўленых праз інтэрнэт-пляцоўку, склала 1135 рублёў, што дае сярэдні кошт у 190 рублёў за адну курсавую. Гэта прыкладна ў тры разы вышэй чым звычайны кошт за падобную працу – у сеціве дастаткова прапаноў па напісанні курсавых за 60-80 рублёў і з тэрмінам у тры дні.

Фота ілюстрацыйнае, з адкрытых крыніц 

Паглядзіце, як стылёва – у Бабруйску старажытныя дамы вызваляюць ад тынкоўкі

Навіна ад

У Бабруйску працягваецца тэндэнцыя аднаўлення гістарычнага аблічча будынкаў: з фасадаў старой забудовы здымаюць пласт штукатуркі, адкрываючы арыгінальную цагляную кладку.​

Ачышчэнне фасадаў: вяртанне да вытокаў

На плошчы Перамогі, насупраць танка-монумента, з двухпавярховых дамоў часткова была змыта штукатурка. Другі паверх цяпер выглядае, як сто гадоў таму, з насычаным чырвона-цагляным колерам, які мастакі называюць «сіенна».​
тынкоўка

Цікава, што ачышчэнне фасадаў адбываецца фрагментарна, не цалкам. Гэта надае будынкам асаблівы шарм і падкрэслівае іх гістарычную каштоўнасць.​

Іншыя прыклады аднаўлення

Гэта не адзіны прыклад вяртання старых фасадаў да першапачатковага выгляду за апошнія некалькі гадоў. Напрыклад, часткова ачышчаны фасад яслей-саду № 42 на вуліцы Пушкіна, 116. Таксама частка фасада дома па вуліцы К. Лібкнехта, 35 была вызвалена ад штукатуркі падчас падрыхтоўкі да адкрыцця кафэ «Голден».​

Гэтыя дзеянні сведчаць пра імкненне захаваць і падкрэсліць гістарычную спадчыну Бабруйска, вяртаючы будынкам іх аўтэнтычны выгляд.

Фасады Бабруйска

Збіў знаёмую да смерці за гучную музыку – бабруйчаніну далі 17 гадоў

Навіна ад

Вынесены прысуд 38-гадоваму жыхару Бабруйска, які ў гневе забіў да смерці сваю знаёмую. Трагедыя адбылася 10 жніўня 2022 года – нецвярозы мужчына быў незадаволены, што жанчына гучна слухала музыку і нанёс ёй рукамі, нагамі а таксама пустой шкляной банкай не менш за 33 удары. Ад траўм жанчына памерла. 

На судзе абвінавачаны прызнаў сваю віну толькі часткова – згадзіўся, што пад алкаголем ён здольны на агрэсіўныя і некантраляваныя паводзіны, але засумняваўся, што нанёс настолькі шмат удараў.

Бабруйчаніну прызначана пакаранне ў 17 гадоў няволі з адбываннем у папраўчай калоніі ва ўмовах строгага рэжыму. Адначасова суд спагнаў з мужчыны на карысць дачкі загінулай грашовую кампенсацыю маральнай шкоды ў 100 тысяч рублёў – паведамляюць “Магілёўскія ведамасці”.

Фота ілюстрацыйнае.

Бабруйскі суд прызначыў працяглыя тэрміны зняволення для групы абвінавачаных у «тэрарызме»

Навіна ад

Справа разглядалася на закрытым працэсе, які пачаўся 15 ліпеня. Вырак яшчэ не набыў моцы і фармальна абвінавачаныя не сталі асуджанымі. Праўладныя медыі абвінавачаных называюць «злачынцамі» і «тэрарыстамі».

Тэлеграм-канал «MOGILEVNEWS» называе імёны абвінавачаных і тэрміны, якія ім прысудзілі.

Канстанцін Ермаловіч – 16 гадоў пазбаўлення волі;

Віталій Мінкевіч – 15 гадоў пазбаўлення волі;

Ігар Казлоў – 14 гадоў пазбаўлення волі;

Надзея Полькіна – 2 гады пазбаўлення волі;

Наталля Кед – 2 гады абмежавання волі.

Паводле «MOGILEVNEWS» ім інкрымінавалася спроба ўчынення акту тэрарызму, абраза прэзідэнта і супрацоўніцтва з арганізацыяй, якая ў Беларусі прызнаная экстрэмісцкай.

Пра матывы ўчынкаў абвінавачаных не паведамляецца.

Паводле праваабаронцаў 30 верасня абласная міліцыя выпусціла відэа, на якім Віталь Мінкевіч прызнаецца ў закладцы «вучэбных мін» на чыгунцы.

Праваабаронцы паведамляюць, што Канстанцін Ермаловіч, Віталь Мінкевіч, Ігар Казлоў былі затрыманыя 26 верасня 2021 года і яны былі змешчаныя у бабруйскае СІЗА-5. Траіх КДБ унёс у «спіс асоб, датычных да тэрарыстычнай дзейнасці».

фота: wikimapia.org

Бабруйск у святле афіцыйнай статыстыкі. Колькасць работнікаў і зарплата зніжаюцца, праца прадпрыемстваў з прыбыткам

Навіна ад

Нацыянальны статыстычны камітэт падсумаваў вынікі сацыяльна-эканамічнага развіцця рэгіёнаў. Журналісты «Вечернего Бобруйска» сабралі афіцыйныя звесткі пра сітуацыю ў сваім горадзе і вось, што выйшла.

ЗАНЯТАСЦЬ

Колькасць занятых у эканоміцы гораду ў параўнанні з 5 месяцамі 2021 году скарацілася з 85 033 да 83 696 чалавек. Мінус 1 337 чалавек. Узровень беспрацоўя «трымаецца» на – 0,4%.

ЗАРОБАК

Намінальны заробак вырас з 1074,8 да 1219,1 рублі. Плюс 144,3 рублёў. Рэальная зарплата знізілася на 7,2 працэнта.

ПРАЦА ПРАДПРЫЕМСТВАЎ

Праца прадпрыемстваў за пяць месяцаў 2022 году прынесла прыбытак 7485 тыс. руб. Летась гэты паказчык быў адмоўным і складаў 24479 тыс. руб.

Знізілася ўдзельная вага стратных прадпрыемстваў і арганізацый гораду: з 22,5 працэнта да 12,4 працэнта, рэнтабельнасць продажаў вырасла з 4,1 працэнта да 6,9 працэнта.

ЖЫЛЛЁ

За паўгода ўведзена жытла – 23 558 кв. м. агульнай плошчы, што больш у параўнанні з аналагічным перыядам 2021 года на 8258 кв.м. Летась гэты паказчык быў – 15 300 кв.м.

ГАНДАЛЬ

Рознічны тавараабарот знізіўся на 3,1 працэнт, з 104,1 да 101 працэнты.

Фота з рэсурсу: zviazda.by

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Ігар Казлоў, Канстанцін Ермаловіч, Віталь Мінкевіч, Наталля Кеда і Надзея Полькіна

Іх вінавацяць у так званай «тэрарыстычнай дзейнасці». Закрыты працэс праходзіць у Бабруйску. Ім інкрымінуюць

– Стварэнне арганізацыі для ажыццяўлення тэрарыстычнай дзейнасці або ўдзел у ёй;

– Акт тэрарызму;

– пагроза здзяйснення акту тэрарызму;

– абраза Лукашэнкі;

Паводле паведамленняў у тэлеграм-каналах нагодай для крымінальнага пераследу стала падпальванне роставых фігураў, падобных на аднаго з палітыкаў.

Казлова, Мінкевіча и Ермоловіча яшчэ абвінавачваюць у падпале стралковага ціру і мінаванні чыгункі.

Уладзімер Мацкевіч

Пераведзены ў магілёўскую турму №4, дзе будзе чакаць паставы па апеляцыйнай скарзе.

 З ёю звярнуўся адвакат, а сам асуджаны адмовіўся абскарджваць вырак, бо, паводле яго, такім чынам пагодзіцца з абвінавачваннем.

Філозаф, мэтадалог і грамадскі дзеяч прызнаны праваабарончай супольнасцю палітвязнем.

23 чэрвеня ў Мінскім абласным судзе суддзя, Сяргей Епіхаў, прыгаварыў яго да пяці гадоў калоніі ўзмоцненага рэжыму. Справа разгядалася на закрытым працэсе.

Прызнаны вінаватым у:

– Арганізацыі і падрыхтоўка дзеянняў, што груба парушаюць грамадскі парадак, альбо актыўны ўдзел у іх

– Абразе Лукашэнкі

– Стварэнні экстрэмісцкага фармавання або ўдзел у ім

Мікола Аўтуховіч

Ваўкавыскі прадпрымальнік, якога вінавацяць у падпале машыны і дому сілавікоў, дзясяты дзень не есць і не п’е.

Паводле крыіцаў аднаго з медыйных выданняў ён усё больш слабее, але трымаецца досыць бадзёра і не скардзіцца на свой стан. На працэсе ён пры неабходнасці ўстае і гаворыць, але ціха. У турме вязня рэгулярна наведваюць лекары.

Зняволены такім чынам пратэстуе супраць абмежавання яго ў ліставанні. Яму перасталі даходзіць лісты нават ад прэстарэлай маці.

Аўтуховіча вінавацяць ва ўчыненьні «Акт тэрарызму». Нібыта за падпаламі дому міліцыянта ў Ваўкавыску і падрывам аўтамабіля супрацоўніка міліцыі ў Гродна стаіць групоўка, якой кіраваў ваўкавыскі прадпрымальнік і былы палітвязень Мікалай Аўтуховіч.

Па «справе Аўтуховіча» судзяць 12 чалавек.

У Бабруйску патануў 14-гадовы падлетак. Купаўся на кар’еры

Навіна ад

Цела тапельца выратавальнікі адшукалі на глыбіні трох метраў за пяць мэтраў ад берагу. Кар’ер не быў прыдатны для купання.

Купацца ў ім пайшлі чацвёра дзяцей – родныя браты і сястра. Падлетак адышоўшы на пяць мэтраў ад берагу, нырнуў і на паверхні больш не з’яўляўся. Дзеці самі спрабавалі адшукаць пад вадой хлопца, але бясплённа.

На іхны лямант адгукнулася жанчына, якая і выклікала выратавальнікаў.

З пачатку чэрвеня ў рэгіёне патанула 18 чалавек. З іх трое дзяцей.