Учора 60-гадовая жыхарка пінскага раёна Святлана Круцікава кінулася пад цягнік, не вытрымаўшы ціску з боку сілавікоў – піша Dissidentby. Жанчыну шмат разоў судзілі за “экстрэмізм”, яна неаднаразова падвяргалася арышту, а апошні суд праходзіў каля месяца таму – за “распаўсюд экстрэмісцкіх матэрыялаў”.
Па меркаванні знаёмых жанчыны, яна не вытрымала вобшукаў, пазбаўлення волі, праверак і рэгулярнага псіхалагічнага ціску з боку міліцыі. 10 снежня Святлана Круцікава кінулася пад цягнік, і, як адзначае выданне, іншых абставінаў для такога ўчынку ў жанчыны быць не магло – яна была вельмі актыўнай і жыццярадаснай.