На тэрыторыі Магілёўскай вобласці за верасень выпала 13 міліметраў ападкаў, ці ўсяго 26% ад нормы – паведамілі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Па большай частцы тэрыторыі краіны выпала 40-80 працэнтаў нормы ападкаў. У паўночных, усходніх і заходніх рэгіёнах іх выпала значна менш. На станцыях Полацк, Докшыцы, Мсціслаў і Касцюковічы быў абноўлены гістарычны месячны мінімум сумы ападкаў. На фоне недабору ападкаў на крайнім паўднёвым захадзе адзначаўся іх лішак. На станцыі Брэст абноўлены гістарычны сутачны максімум ападкаў – распавялі гідролагі.
Фота: mogilev.media