Tag: украина

За час расейскай агрэсіі ў Мікалаеве загінула 86 жыхароў, палова гараджан з’ехала. У Літве спрасцілі працэдуру дэмантажу савецкіх помнікаў і забаранілі сімвалы таталітарных рэжымаў

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

У Мікалаеве ад пачатку расейскай агрэсіі загінула 86 жыхароў, сярод іх 1 дзіця. З 399 траўмаваных – трое дзяцей.

Па словах мэра Аляксандра Сянкевіча сітуацыя ў горадзе напружаная. За апошнія дні ў выніку абстрэлаў 12 чалавек атрымалі раненні. Пашкоджаныя аб’екты гарадской інфраструктуры.

Як мяркуе чыноўнік з Мікалаева зʼехала палова яго ранейшага насельніцтва. Засталіся пераважна тыя каму няма куды падацца. Кіраўнік гораду просіць людзей зʼязджаць, адзначае інтэрнэт-выданне Корабелов.инфо.

«Ваш дом – гэта не ваша грабніца. Не трэба ў ім паміраць, адзначае ён. – Калі хочаце выжыць, то лепей з гораду зʼехаць».

У ноч на 20 красавіка расейцы абстралялі лякарню ў мястэчку Баштарцы, паведаміла старшыня аблсавету Ганна Замазеева. Знішчана некалькі карпусоў шпіталю. Паводле Замазеевай ёсць пацярпелыя, але абышлося без смерцяў.

У ноч на 19 красавіка некалькі снарадаў трапілі на тэрыторыю заапарку, піша інтэрнэт-выданне «Гордон». Дырэктар заапарку Уладзімер Топчый не паведаміў, ці пацярпелі яго гадаванцы.

Інфармацыйны рэсурс «Фокус» апублікаваў фотаздымак варонкі ад ракетнага выбуху. Глыбіня яміны сягае 5 мэтраў.

Мясцовыя выданні пішуць, што ў Мікалаеве застаецца складанай сітуацыя з пітной вадой. Каб забяспечыць насельніцтва робяць свідравіны. Некалькі цыстэрнаў даставілі з Адэсы. Цэнтралізаванае водазабеспячэнне пашкоджанае абстрэламі. Яно перастала функцыянаваць 12 красавіка.

У абласны цэнтр дастаўленая гуманітарныя дапамога з горада-партнера Плевена. Балгары прывезлі ўкраінцам медыкаменты, спальныя мяхі, заладоўкі, піша газета «Николаевские новости».

Мэр Мікалаева Аляксандр Сянкевіч кажа, што Плевень адным з першых адгукнуўся і прапанаваў Мікалаеву падтрымку. Па ягоных словах дастаўлены з Балгарыі груз размяркуюць у больніцы і атрады тэрытарыяльнай дапамогі.

Клайпеда, Літва

(8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек).

У Літве забаранілі знакі і сімвалы, якія прапагандуюць ваенную агрэсію. За георгіеўскую стужку, а таксама знакі, якімі пазначаюць сваю тэхніку расейцы ва Ўкраіне прадугледжаны штраф ад 300 да 1500 еўра.

Паводле інфармацыйнага рэсурсу Atvira Klaipėda зменены Кодэкс адміністрацыйных правапарушэнняў забараняе сімвалы таталітарных або аўтарытарных рэжымаў, якія выкарыстоўваюцца, ці выкарыстоўваліся падчас ваеннай агрэсіі, учынення злачынстваў супраць чалавечнасці і ваенных злачынстваў.

Выданне інфармуе, што міністр культуры Сіманас Кайрыс падпісаў распараджэнне, якое змяняе крытэрыі, паводле якіх савецкія помнікі ахоўваліся законамі, якія рэгулююць спадчыну. Папраўкі ў закон спрашчаюць працэдуру іх дэмантажу.

Скульптуры, выявы або іншыя сімвалы, якія прапагандуюць дзейнасць нацысцкай Германіі, арміі СССР, спецыяльных службаў гэтых дзяржаваў, якія рэпрэсавалі насельніцтва Літвы, не падпадаюць пад прававую абарону.

Па словах міністра «пакінутыя акупантамі помнікі, якія на доўгія гады азмрочваюць публічную прастору гарадоў і мястэчак, не сумяшчальныя з абліччам сучаснай Літвы».

«Сёння мы бачым жахі крамлёўскага рэжыму ва Украіне, які змагаецца за сваю свабоду. Помнікі, якія дагэтуль стаяць у Літве, часта закліканы ўслаўляць акупантаў, якія паводзілі сябе такім жа чынам», – адзначае ён.

Даўгаўпілс, Латвія

(горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

Жыхарам Даўгаўпілсу ў наступным сезоне давядзецца плаціць больш за ацяпленне. 1 траўня сканчаецца праграма кампенсацыі часткі расходаў на яго. Гараджане спадзяюцца, што яе працягнуць, піша газета «Наш горад».

Паводле старшыні Даўгаўпільскага самакіравання Андрэя Элксніньша такія перамовы вядуцца. Ён кажа, што кампаніі-пастаўшчыкі асцерагаюцца заключаць кантракты на пастаўку газа больш чым на 1 месяц.

«Прычына ў тым, што сітуацыя даволі не стабільная, – тлумачыць чыноўнік. – Самакіраванне не можа заключыць доўгатэрміновы кантракт па фіксаванай цане, бо такіх прапановаў няма. У любы момант можа прынятае рашэнне аб прыпыненні працы газапроваду».

Ён не выключае, што кошт газу можа ўзрасці ў паўтары разы. Па ягоных словах робіцца ўсё магчымае, каб тарыф на ацяпленне ў Даўгаўпілсе не дасягнуў трохзначнай лічбы.

фота: Владимир Топчий / Facebook

Еўропа плануе аплаціць вялізную частку выдаткаў на аднаўленне гаспадаркі і інфрастуктуры Ўкраіны

Навіна ад

Еўрапейскі Саюз плануе стварыць мэтавы фонд салідарнасці для фінансавання рэканструкцыі разбуранай вайной Украіны. Дзяржавы-члены саюзу вырашылі, што павінны аплаціць сотні мільярдаў выдаткаў на рэканструкцыю краіны, якая стала ахвярай агрэсіі.

Як паведамляе Bloomberg.com., Еўрапейская камісія заявіла, што працуе над інструментам ЕС па ўзоры фонду аднаўлення пасля Covid-19 для дзяржаў-членаў, які накіраваны на доўгатэрміновыя патрэбы Украіны. Еўропа будзе фінансаваць інвестыцыі і рэформы па дамоўленасці з урадам Украіны, але пакуль незразумела, колькі будзе прадстаўлена праз гранты або пазыкі, кажуць эксперты. Паколькі вайна ўсё яшчэ працягваецца, прадстаўнікі выканаўчай улады ЕС не вызначаюць кошт гэтай задачы, але заявілі, што лічба будзе дасягаць сотняў мільярдаў еўра на працягу дзесяцігоддзяў.

Высокапастаўленыя чыноўнікі ў Брусэлі і Вашынгтоне плануюць абмеркаваць спосабы фінансавай падтрымкі Кіева і гарантаваць, што велізарная колькасць грошай не будзе выкарыстана не па прызначэнні. Сусветны банк прыме ў чацвер міністэрскую сесію па Украіне падчас вясновых сустрэч Міжнароднага валютнага фонду ў Вашынгтоне.

Карупцыя ва Ўкраіне  і адсутнасць надзейных механізмаў нагляду з’яўляюцца двума найбуйнейшымі перашкодамі гэтых планаў. Нідэрланды выказалі меркаванне, што любы новы інструмент рэканструкцыі Ўкраіны можа быць выкарыстаны для ажыццяўлення структурных рэформ у краіне, якія б наблізілі яе да ЕС і зрабілі б лягчэйшым яе канчатковы шлях далучэння Еўрапейскага саюза.

У якасці першага кроку камісія сумесна з Сусветным банкам правядзе дбайную ацэнку фінансавых патрэбаў Украіны. Паводле ацэнак украінскага ўраду, знішчэнная расейскімі войскамі маёмасць на яе тэрыторыі ўжо ацэньваецца ў 1 трыльён даляраў.

Большая частка першапачатковай дапамогі пойдзе на аднаўленне інфраструктуры і падтрымку прадастаўлення дзяржаўных паслуг. Прэзідэнт Украіны Ўладзімір Зяленскі заявіў прэзідэнту камісіі Ўрсуле фон дэр Ляен, што яго ўраду патрабуецца ад 5 да 7 мільярдаў долараў у месяц для пакрыцця заробкаў і іншых сацыяльных выдаткаў.

Камісія таксама разглядае магчымасць пашырэння гарантый на дапамогу кампаніям. Паводле ацэнак Украіны, каля адной траціны фірмаў цалкам спынілі сваю дзейнасць, а 45% скарацілі вытворчасць.

Вайна моцна закранула сельскагаспадарчы сектар, адну з самых галоўных эканамічных відаў дзейнасці ў краіне, паколькі вялікія ўчасткі зямлі не могуць быць выкарыстаны, фермеры сутыкаюцца з павелічэннем выдаткаў, а экспарт абцяжараны.

Некаторыя краіны-члены, у тым ліку Швецыя і Славенія, прапанавалі вывучыць спосабы перанакіроўвання расійскіх сродкаў ва Украіну, напрыклад, шляхам атрымання дадатковага прыбытку ад высокіх коштаў на энерганосьбіты або выкарыстання замарожаных актываў расійскіх алігархаў, якія трапілі пад санкцыі.

Саюз ужо выплаціў Украіне 600 мільёнаў еўра (647 мільёнаў долараў) у выглядзе льготных крэдытаў з пачатку вайны, і ён паскарае зацвярджэнне дадатковых 600 мільёнаў еўра, якія могуць паступіць гэтым летам, сказаў прадстаўнік ЕС. Еўразвяз таксама працуе над дадатковым крэдытным пакетам, які можа быць аналагічнага памеру.

Фота: ТВ канал «Украина 24»

У Мікалаеве зноў загінулі ад расейскіх снарадаў жыхары. Горад тыдзень без вады. Латышы не купяць тавар, калі не ведаюць пазыцыю вытворцы па Ўкраіне

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

На мінулым тыдні ў Мікалаеве ў выніку абстрэлу гораду касетнымі снарадамі загінулі 5 жыхароў. Больш за два дзясяткі атрымалі раненні рознай ступені цяжкасці.

«Тэрарысты працягваюць абстрэлы мірнага насельніцтва Мікалаева. На гэты раз снарад трапіў у аддзяленне Новай Пошты», – піша інфармацыйны рэсурс «Meta.ua» са спасылкай на старшыню абласной дзяржаўнай адміністрацыі Віталя Кіма.

Мэр гораду Аляксандр Сянкевіч кажа, што «расейцы страляюць касетнымі снарадамі па жылым раёнам». Па ягоным словам адна з ракет выбухнула ля царквы і забіла пажылога чалавека.

«Сімвалічна, што гэта царквы была, як у нас называюць, Маскоўскага патрыярхату», – адзначае ён і засцерагае, што «у горадзе небяспечна знаходзіцца на вуліцы… можаце пацярпець у любы момант».

На наступны дзень расейская артылерыя стрэліла па дзіцячым садку. У ім на той момант знаходзіўся толькі вартаўнік. Ён не пацярпеў, піша інфармацыйны рэсурс Delo.ua.

У выніку абстрэлаў у Мікалаеве пашкоджанае цэнтралізаванае водазабеспячэнне. Без вады горад застаецца з 12 красавіка. Жыхары назапашваюць яе яе з рэк. Ля цыстэрнаў з тэхнічнай вадой утвараюцца вялікія чэргі.

Камунальныя службы занятыя экстранным робяць свідравіны. З Адэсы ў Мікалаеў накіраваныя цыстэрны з вадой, а таксама адпраўленыя бурыльныя брыгады.

За час актыўнай фазы баявых дзеянняў найбольш пацярпелі галіны эканомікі звязаныя з экспартам харчавання і энергетыка, адзначыў у інтэрв’ю выданню «Суспільны Миколаїв» старшыня абласнога аддзялення эканамістаў Ўкраіны Аляксей Мірашнічэнка.

«У нас блакаваныя парты. Ёсць праблема з экспартам нашых зерневых. З іншага боку, энергетыка. Энергетыку хутка і аператыўна адключылі ад ранейшых СНД-шных сувязяў. Яна падключана да еўрапейскай сістэмы. Лепей было б тое зрабіць яшчэ пяць гадоў таму», – патлумачыў ён.

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

61% латышоў гатовыя адмовіцца ад тавару, ці паслугі, даступных у іх краіне, калі не згодныя з пазіцыяй вытворцы, або прадаўца адносна ваенных дзеянняў ва Ўкраіне.

53 % заявілі, што хацелі б ведаць, якую пазыцыю мае вытворца, да таго, як набываць у яго тавар. 23 % мясцовых спажыўцоў ужо сутыкаліся нязгоды з пазіцыяй брэнда і адмаўляліся купляць тавар, ці паслугу, піша партал «Delfi».

Апытанне праводзіла кампанія Norstat на пачатку красавіка 2022 году. У ім удзельнічалі рэспандэнты ад 18 да 74 гадоў.

У Цэнтры беларускай культуры Даўгаўпілсу мясцовыя беларусы паказалі прылады працы вяскоўцаў сваёй гістарычнай радзімы. Удзельнікі выставы «Артэфакты маёй сям’і» казалі, што рэчы прынесеныя на яе дарагія ім рэліквіі, якія не даюць забыць адкуль яны родам.

«Памятую, як мама сядзела ля печы і пад шорганне калаўроту расказвала нам пра сваё дзяцінства», – дзялілася ўспамінамі з парталам LSM.lv адна з удзельніц.

Сынджарэй, Молдова

(Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек).

Мэр Сынджарэя Аркадзь Кавалёў звінаваціў уладальнікаў вінаградных палёў у падпальванні сухой травы. Як перадае Бельцкі незалежны партал «СП». Прымар гораду прыехаў на адзін з пажараў, выклікаў ратавальнікаў і апавядаў, што адбываецца ў рэжыме онлайн.

На ягоную думку прычынай ўзгарання стала нядбайнасць гаспадароў, якія прабіраючы свае вінаграднікі спальвалі скмецьце ад яго. У выніку загарэўся сухастой.

«Не падпальвайце расліннасць. Бачыце, што адбываецца, калі вецер разносіць полымя? – казаў ён з месца падзеі. – Колькі ўжо пажараў у Малдове было гэтай вясной. Па ўсёй краіне гарэла».

У Малдове супрацоўнікі турмаў і зняволеныя сталі донарамі крыві. Нацыянальная адміністрацыя пенітэнцыярных установаў запэўнівае, што працэдура «была выключна добраахвотнай, і ўключала ў сябе абавязковы папярэдні медычны агляд».

Інфармацыйны рэсурс «СП» адзначае, што «донарская акцыя – дапамога медычным установам, што сутыкнуліся з нястачай неабходнай для пералівання крыві».

Паводле выдання болей за 100 асуджаных і 25 супрацоўнікаў двух папраўчых установаў пагадзіліся здаць кроў. «Яны перакананыя, што іхны жэст вырашыць пытанне жыцця і смерці для многіх хворых», – адзначаецца ў публікацыі.

фота: mykolaivskaoblrada

 

Магілёўскі БРСМ перадаў украінскім бежанцам чатыры каробкі і бутэльку вады

Навіна ад

У каробках, тры з якіх па памерах блізкія да каробак з-пад абутку, знаходзіліся гігіенічныя наборы – шампунь, вадкае мыла, зубная паста, шчоткі, вільготныя сурвэткі, медыцынскія маскі, пральны парашок, аднаразовы посуд, прадукты хуткага прыгатавання і іншае.

Усе гэтыя прадметы гуманітарнай дапамогі магілёўскі абкам БРСМ збіраў па ўсёй вобласці на працягу тыдня. 15 красавіка дапамога была перададзена валанцёрам Магілёўскай абласной арганізацыі Беларускага таварыства Чырвонага Крыжа. Трэба дадаць, што гэта ўжо трэцяя падобная акцыя магілёўскага БРСМ.

У Дняпры целамі расейскіх салдат запоўненыя моргі. У Мікалаеве з падбітай расейскай тэхнікі робяць бронекамізэлькі

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

З рэшткаў расейскай тэхнікі ў Мікалаеве мясцовыя прадпрымальнікі вырабляюць пласціны для бронекамізэлек, «печкі-буржуйкі» і іншыя металічны рыштунак для патрэбаў украінскіх вайскоўцаў. Такія бронекамізэлькі неўзабаве атрымаюць некалькі падраздзяленняў.

«Увесь металалом акупантаў, які быў разбіты нашымі Узброенымі сіламі, будзе выкарыстаны ў барацьбе з оркамі», – цытуе  старшыню аблсавету Ганну Замазееву выданне Сhas.news.

Па яе словах тэхніка, якую можна аднавіць, будзе служыць Узброеным Сілам. А тая, якую немагчыма ўжо выкарыстоўваецца на іншыя мэты.

У пасёлак Снігіроўка, якая акупавана некалькі тыдняў расейцамі, даставілі гуманітарную дапамогу. Папярэднія спробы былі няўдалымі. Як паведамляе газета «Николаевские новости» у паселішчы няма электрычнасці, вады і практычна адсутнічае сувязь, да таго ж расейцы здзекуюцца з насельніцтва.

Нягледзячы на рэгулярныя абстрэлы Мікалаева мясцовыя лекары працягваюць рабіць хірургічныя аперацыі пацыентам з анкалагічнымі хваробамі. Праводзіцца прамянёвая тэрапія і хіміятэрапія.

Паводле начальніка ўпраўлення аховы здароўя Мікалаеўскай абласной ваеннай адміністрацыі Максіма Бязносенкі большасць анкапацыентаў з’ехала ў бяспечныя раёны Ўкраіны.

«У першыя два тыдні вайны ў нас было ўказанне Міністэрства аховы здароўя Украіны аб прыпыненні працы. Калі сітуацыя стала больш стабільнай, мы аднавілі іх», – апавядае чыноўнік выданню «Суспільне Новини».  Паводле яго, у больніцах гораду дастаткова лекаў для анкапацыентаў.

Каменскае, Украіна

(Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным).

У моргах Дняпра больш за паўтары тысячы цел загінулых салдат. Імі запоўненыя чатыры рэфрэжыратары. Намеснік мэра Міхаіл Лысенка спадзяецца, што па загінулых прыедуць іхныя маці, піша газета «Любимый горад».

«Мы арганізуем усё, няхай толькі забяруць», – пераказвае словы чыноўніка выданне.

У Днепрапятроўскай вобласці ратуюцца ад вайны больш за 62 тысячы перасяленцаў. 16,5 тысяч – дзеці. Амаль 4,5 тысяч школьнікаў вучацца дыстанцыйна.

Кіраўніцтва вобласці заклікае прыбылых дзеля бяспекі падацца далей на захад краіны, – піша рэсурс «Событие».

Пра секс падчас вайны піша інфармацыйны рэсурс www.5692.com.ua. Разабрацца як уплывае яна на сэксуальнае здароўе дапамагала мясцовы сексолаг Маргарыта Шыўлоўская.

«Секс падчас вайны – рашэнне пары», – кажа ўрач. – Усё, што адбываецца – нармальна. Можна працягваць полавае жыццё ці рабіць паўзы. Галоўнае – гаварыць адно з адным пра пачуцці і падтрымліваць інтымнасць у той форме, якая задаволіць абодвух.

Паводле яе лібіда можа значна ўпасці, калі чалавек адчувае стрэс і нявызначанасць, адсутнічае нармальны сон. У выніку жанчыны не могуць атрымаць аргазм, а ў мужчын – заўчасная эякуляцыя або адсутнасць эрэкцыі.

Вельмі важна абмяркоўваць з партнёрам свае пачуцці, – раіць яна. Тады яму стане зразумела, што нежаданне сексу зусім не з-за яго. У выпадку, калі стан працягваецца доўга, то тады яго трэба абмеркаваць з  адмыслоўцам.

Вайна прыводзіць да асобасных канфліктаў, засцерагае сексолаг. Кожны па-свойму бачыць варыянты эвакуацыі, жыцця ў сховішчы ды іншае. На фоне гэтага могуць быць узаемныя крыўды, якія таксама ўплываюць на лібіда.

Выданне падае факты, якія ўплываюць на сексуальнае здароўе чалавека падчас вайны:

– Сіндром віны ацалелага моцна ўплывае на сексуальнае жаданне. Бо ў галаве круціцца: «як я магу займацца сексам, калі іншыя паміраюць».

 – Пры працяглым раставанні, закаханым лепш не чакаць гарачых начэй хуткім часам.

 – Пры працяглым устрыманні абодва партнёра могуць адчуваць цяжкасці.

Даўгаўпілс, Латвія

(горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

Караблі ваенна-марскіх сіл Латвіі цяпер суправаджаюць на Балтыйскім моры судны, які транспартуюць у Клайпедскі порт газ. Робіцца гэта дзеля бяспекі газавозаў і забеспячэння жыццяздольнасці краіны, паведамляе інфармацыйны рэсурс Atvira Klaipėda.

Габрава, Балгарія

(Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару).

Канфіскаваныя мытным агенцтвам тавары першай неабходнасці на суму больш за 394 тысячы леваў (больш за 217 тыс. даляраў, 6tv.by ) перададуць на дапамогу ўцекачам з Украіны. Гэта абутак, пасцельная бялізна, ручнікі, піша рэсурс «BNR Хоризонт».

Цяпер у Балгарыі 84 600 грамадзян Украіны іх колькасць павялічылася больш чым на 2,5 тысячы за дзень, сведчаць звесткі адзінага парталу «Балгарыя для Украіны».

фота: 0512.com.ua

 

 

У Клайпедзе пераназавуць вуліцу Магілёўскую. У Латвійскіх школах настаўнік не мусіць падтрымліваць расейскай агрэсіі супраць Украіны

Навіна ад

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Цяпер у Еўропе зноў вайна. Параднёныя гарады апынуліся па два бакі фронту. Як вайна, распачатая Расеяй супраць Украіны і падтрыманая рэжымам Лукашэнкі ўплывае на жыццё еўрапейскіх гарадоў-пабрацімаў. Ці захоўваюць яны партнёрскія ўзаемадачыненні. Пра гэта наша рубрыка «Гарады-пабрацімы: навіны, цытаты, прагнозы»

Клайпеда, Літва (8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек)

У Клайпедзе вуліцы Магілёўскай (Mogiliovo gatvė) шукаюць іншую назву. Камісія па ўшанаванні памяці знакамітых людзей, гістарычных датаў, падзеяў і надання назваў вуліц аднагалосна ўхваліла прапанову аб пераназваньні. Ініцыятары настойваюць, што цяперашняя назва «заўсёды была чужой мясцовай супольнасці» і «яе трэба мяняць на звязаную з гісторыяй Клайпедскага краю, літоўскай, ці прускай спадчынай», піша Інтэрнэт-рэсурс Atvira Klaipėda.

У праекце змены назвы згадваецца, што ён падрыхтаваны ў адказ на вайну, абвешчаную Расеяй Украіне, і ролю ў ёй Беларусі. Atvira Klaipėda падае словы ўпаўнаважанага мовазнаўцы Альбінасы Друктэйніса, які заўважае: «разарваная дамова аб супрацоўніцтве ўжо з’яўляецца істотным стымулам для змены назвы». У публікацыі не ўдакладняецца, пра якую дамову гаворыцца.

Між Магілёвам і Клайпедай існуе пагадненне аб пабрацімскіх сувязях. Магілёўскі гарвыканкам не паведамляў аб скасаванні супрацоўніцтва. На сайце гарвыканкаму Клайпеда пазначаная, як горад пабрацімы. Наша выданне звярнулася ў мэрыю Клайпеды з просьбай патлумачыць, ці застаюцца беларускі і літоўскі гарады параднёнымі.

Даўгаўпілс, Латвія (горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск)

У Даўгаўпілсе ля будынку самаўпраўлення не зʼявіўся на флагштоку ўкраінскі сцяг, што выклікала незадаволенасць у грамадстве. Адным з тых хто прапаноўваў з салідарнасці з горадам пабрацімам Даўгаўпілса Харкавым вывесіць сцяг быў віцэ-мэр Пэтэрыс Дзалбэ, але ініцыятыву адхілілі. На ягоную думку горад недастаткова робіць для дапамогі бежанцам з Украіны і ў яго няма інфармацыі, як ён тое можа зрабіць.

Цяпер ля будынку мэрыі вывешаныя тры сцягі: Латвіі, гораду і Еўрапейскага звязу. «І ніякага іншага сімвалу не павінна быць», настойвае мэр Андрэй Элксніньш.

«Даўгаўпілс больш засяроджаны на аказанні рэальнай дапамогі, чым сімвалічнасці дзеянняў», – цытуе яго канал LSM.lv.

«Харкаў – горад пабрацімы Даўгаўпілсу. Мы адпраўляем аўтобусы на мяжу, якія забіраюць дзяцей і вязуць сюды. Забяспечваем іх усім неабходным. Падтрымка гораду – гэта ўзважаная і слушная пазіцыя», – кажа мэр Даўгаўпілсу.

У латвійскіх школах нават на тэхнічных пасадах не могуць працаваць людзі, якія падтрымліваюць расейскую агрэсію ва Украіне. Не кажучы ўжо пра настаўнікаў, лічыць старшыня Латвійскага прафсаюзу педагогаў Інга Ванагі. У інтэрвʼю выданню «PRESS» яна заявіла, што «мы падтрымліваем выключэнне Расеі з міжнародных адукацыйных інстытуцыяў, сабралі 30 тысяч еўра дзеля дапамогі ўкраінцам, якія пацярпелі ад вайны.

«Гэтая краіна зараз змагаецца за права жыць, і мы павінны ёй дапамагаць усімі сіламі, – адзначае кіраўніца прафсаюзу педагогаў. – У тым ліку і адукоўваючы нашых дзяцей, засцерагаючы іх ад дэзынфармацыі. І гэта – задача педагогаў. Не караць за няправільнае меркаванне, а даваць якасную, правераную інфармацыю і вучыць думаць сваімі галовамі».

Нагодай для гутаркі з Інгай Ванагі стала незадаволенасць некаторых бацькоў апытаннем, якое праводзіла інспекцыя Міністэрства адукацыі 14-гадовых вучняў. Пытанні тычыліся вайны ва Украіне і адносінаў да гэтага бацькоў і настаўнікаў.

Як вынікае з публікацыі апытанне праводзілася пасля канфлікту ў адной са школаў, дзе вучыўся хлопец з Украіны. У гутарках з аднакласьнікамі ён бараніў сваю радзіму. Іншыя вучні трымаліся прарасейскай пазіцыі. У выніку ўцекачу давялося змяніць школу.

У Латвіі бракуе памочнікаў для настаўнікаў, якія б ведалі ўкраінскую мову. На занятках настаўнікам даводзіцца гаварыць з дзецьмі ўцекачамі па-расейску, бо яны не ведаюць латышкай.

Кіраўніца Латвійскага прафсаюзу работнікаў адукацыі і навукі Інга Ванага ў інтэрвію навіннаму каналу LSM.lv адзначыла, што настаўнікаў з веданнем украінскай мовы трэба болей, каб палепшыць эмацыйнае адчуванне ўкраінскіх дзяцей. На яе погляд трэба зрабіць усё магчымае, каб дзеці з Украіны інтэграваліся ў навучальныя ўстановы.

У Даўгаўпілсе 450 уцекачоў з Украіны. Больш за дзвесце з іх жывуць у службовых гасцініцах. Астатнія знайшлі прытулак у сем’ях родзічаў і сяброў. У самакіраваньня няма звестак, што ў адносінах да ўкраінцаў былі ўчыненыя правапарушэнні, ці выказвалася агрэсіўнае стаўленне да іх, піша выданне «Наша газета».

Мікалаеў, Украіна (Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»)

Кіраўнік Мікалаеўскай абласной ваеннай адміністрацыі Віталь Кім просіць жыхароў меней пісаць у сацыяльных сетках пра абстаноўку ў рэгіёне. Паводле яго «вораг цяпер актыўна ўкараняецца ў інфармацыйную прастору. Мы на гэта рэагуем, а яны збіраюць інфармацыю аб нашай рэакцыі»

«Як гэта працуе: кідаюць, а потым глядзяць, як людзі абмяркоўваюць». Не, там нікога няма, гэта падман, я хаджу ў краму, там ваенныя. І бяруць адтуль інфармацыю», – падае словы Віталя Кіма інфармацыйны рэсурс Espresso.

Расейскія войскі нанеслі Мікалаеву шкоды на больш чым 110 мільёнаў грыўняў (больш за 3,5 мільёнаў даляраў, 6tv.by).

Мэр Аляксандр Сянкевіч адзначае, што ў выніку дзеянняў расейскіх вайскоўцаў пацярпелі ўстановы сацыяльнай абароны, аховы здароўя, адукацыі, жыллёвая сфера, піша выданне LB.ua.

Паводле падлікаў Кіеўскай школы эканомікі, за тыдзень прамыя страты эканомікі Украіны праз вайну выраслі на $12,2 млрд. Агульныя страты складаюць ужо 564-600 мільярдаў даляраў.

Гадаванцам Мікалаеўскага заапарку дапамагаюць выжыць заапаркі Еўропы. Неабыякавыя да лёсу жывёлаў людзі сабралі сабралі гуманітарную дапамогу, піша інфармацыйнае агенцтва Інше.ТB.

«Гэта канцэнтраваныя кармы для розных відаў жывёл, біядабаўкі, ветпрэпараты», – паведаміў дырэктар заапарку Ўладзімер Топчый.

Паводле яго падтрымалі заапарк калегі Зь Нямеччыны, Чэхіі, Польшчы, Галандыі, Эстоніі, Еўрапейскай асацыяцыі заапаркаў і акварыумаў.

Каменскае, Украіна (пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным)

У Каменскім перапоўнены асноўны Цэнтр турботы. Аператыўна створаныя некалькі філіяў. У горадзе зарэгістравана больш за 8 тысяч перамешчаных асобаў. Мэр Андрэй Белавусаў заклікае прыбылых трымацца ўстаноўленага парадку прыёму грамадзян і запэўнае: ніводзін не застанецца без увагі.

Сынжэрэй, Молдова. (Горад пабрацім Асіповічаў. Месціцца за 25 кіламетраў ад гораду Бельцы. Насельніцтва 15 тысяч чалавек)

У Малдове ратуюцца ад вайны больш за 96 тысяч грамадзян з суседняй краіны. 48 тысяч з іх непаўналетнія.

Паводле звестак памежнай паліцыі ад 24 лютага, калі Расея пачала поўнамаштабныя ваенныя дзеянні, у Малдову прыехалі 377 277 жыхароў Украіны. З іх 276 913 зʼехалі ў Румынію. 36 тысяч вярнуліся на радзіму, піша інфармацыйны рэсурс «СП».

У Сінгерэйскім раёне мясцовыя школы наведваюць 39 дзяцей з Украіны і 19 дзіцячыя садкі, адзначана на сайце Сінгерэйскага райсавету.

Саліст малдаўскай групы Zdob și Zdub Роман Ягупов заявіў, што калектыў падтрымаў украінскіх уцекачоў, узяўшы ўдзел у кампаніі Stand Up For Ukraine. Музыка заклікаў ахвяраваць сродкі для дзяцей, якія вымушана пакінулі радзіму, – піша інфармацыйны партал «СП».

Сотням тысяч бежанцаў – жанчынам, дзецям, старым – усё яшчэ патрэбна дапамога. Мы не апускаем рукі, – цытуе каментар Ягупава выданне. – Кожны можа чымсьці дапамагчы: часам, фактамі ці фінансавымі сродкам».

Кампанія Stand Up For Ukraine – адна з шматлікіх ініцыятываў, што зʼявілася, каб падтрымаць украінскіх уцекачоў. Паводле арганізатараў гэта «найбуйнейшая ў свеце кампанія падтрымкі ўцекачоў у сацыяльных сетках».

Фота: EPA/UPG

Мэр Мікалаева просіць жыхароў пакінуць горад. У Латвію не пускаюць грузавікі з беларускімі і расейскімі нумарамі

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

Мэр Мікалаева Аляксандр Сянкевіч звярнуўся да грамадзян з просьбай «па магчымасці пакінуць горад». Паводле яго ён «у небяспечнай зоне, усе раёны абстрэльваюць».

«Гэта не экстраная эвакуацыя, – цытуе Сянкевіча інфармацыйнае агенства «УНІАН». – Але мы просім вас пакінуць горад, каб вы былі ў бяспецы».

У інтэрв’ю тэлекампаніі НІС-ТВ Аляксандр Сянкевіч дапусціў, што расейскія войскі, якія канцэнтруюцца ў Херсонскай вобласці, могуць рушыць на Мікалаеў.

«Зразумелая справа, што ў нас могуць быць розныя здагадкі, як будуць развівацца падзеі, але мы разумеем, што ўсход Украіны, луганскі кірунак будзе атакавацца і далей, таму што Пуціну патрэбныя хоць нейкія перамогі», – адзначыў ён.

На думку старшыні Мікалаеўскай абласной ваеннай адміністрацыі Віталя Кіма расейцы не збіраюцца захопліваць Мікалаеў. У інтэрвʼю інфармацыйнай кампаніі «РБК-Украіна» ён адзначыў: абстрэльваючы Мікалаеў, расейцы «могуць прыкрыць любыя ваенныя дзеянні».

Паводле яго яны пойдуць на мірнае пагадненне, калі ім стане нявыгадна працягваць вайну.

«Мы зацікаўленыя, каб спыніць агонь хоць сёння, бо ў на гінуць людзі, нашы цывільныя», – кажа Віталь Кім.

У Мікалаеве за 44 дні вайны распісаліся 110 закаханых пар. Мінюст спрасціў працэдуру рэгістрацыі для вайскоўцаў. Зʼявілася паслуга «вяселле за дзень». Рэгіструюцца адначасова і па некалькі пар, піша інтэрнэт-рэсурс «Николаевские новости».

У Мікалаеўскім заапарку расцвілі магноліі – рэліктавая расліна даледавіковай эпохі, якая бачыла дыназаўраў.

«Магнолія зачароўвае сваёй прыгажосцю і вытанчанасцю формы«, – адзначана на старонцы ўстановы.

Каменскае, Украіна

(Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным).

У больніцах Днепрапятроўскай вобласці ратуюць 15 дзяцей, пацярпелых падчас ракетнага ўдару па вакзалу Краматорска. Расейцы атакавалі яго 8 красавіка. Загінула 57 чалавек і 109 атрымалі параненьні.

«Яны (дзеці, 6TV.by) не трымалі ў руках зброю. Яны хацелі выжыць, проста ўцякалі ад вайны, ехалі туды, дзе не страляюць» – цытуе кіраўніка Днепрапятроўскай абласной ваеннай адміністрацыі Вадзіма Рэзьнічэнкі інтэрнэт-рэсурс «Событие».

На вакзале знаходзіліся тысячы чалавек, якія спрабавалі пакінуць горад. На абломках ракеты «Точка-У застаўся надпіс «За дзяцей». Паводле ваенных экспертаў Украіны атака расейцамі была загадзя падрыхтаваная.

Улацлавек, Польшча

(Дамова аб сяброўскіх адносінах падпісаная з Магілёвам 8 снежня 1995 года. Горад у Куяўска-Паморскім ваяводстве (цэнтральная Польшча). Насельніцтва – 115 тысяч чалавек).

Ва Ўлацлавеку сёлета абышліся без традыцыйнай сірэны да гадавіны трагедыі пад Смаленскам. 10 красавіка 2010 году ў авіякатастрофе загінула прадстаўнічая дэлегацыя вышэйшых дзяржаўных чыноўнікаў начале з прэзідэнтам Польшчы Лехам Качыньскім. 

Пастанову не ўключаць гукавых сігналаў прэзідэнт гораду Марэк Вайткоўскі патлумачыў тым, што не хоча траўмаваць украінскіх уцекачоў.

«Смаленская катастрофа, несумненна, была вялікай трагедыяй. Аднак нельга забываць пра цяперашнюю сітуацыю… 2,5 мільёна бежанцаў з Украіны знаходзяцца ў Польшчы. 2,5 мільёна чалавек, для якіх гук сірэн – траўматычны вопыт», – напісаў ён у адной з сацыяльных сетак.

Самалётам Ту-154М польскія ўрадоўцы ляцелі на гадавіну расстрэлу польскіх жаўнераў, захопленых савецкай арміяй у верасні 1939 году. Тады Савецкі Саюз і нацысцкая Нямеччына напалі на Польшчу і падзялілі яе.

У 1940 годзе паблізу мястэчка Катынь супрацоўнікі НКВД забілі больш за 2 тысячы палонных вайскоўцаў. На месцы расстрэлу цяпер мемарыял. 

Да яго і кіравала дэлегацыя, узначаленая Качыньскім. Разам з ім і ўрадоўцамі загінула ягоная жонка. Штогод 10 красавіка ў польскіх гарадах уключаюць сірэны, каб згадаць трагедыю і яе ахвяраў.

Айзенах, Германія

(Дамова аб пабрацімстве з Магілёвам падпісаная ў снежні 1996 году. Горад з насельніцтвам у 42 тысячы чалавек месціцца ў Цюрынгіі (адной з самых эканамічна развітых федэральных земляў на ўсходзе краіны). Дабрачынныя арганізацыі гораду дапамагалі пацярпелым ад аварыі на Чарнобыльскай АЭС беларусам. Арганізоўвалі аздараўляльныя паездкі для дзяцей, якія жылі на забруджаных радыяцыяй раёнах Магілёўшчыны).

Эканамічныя цяжкасці ад вайны ва Ўкраіне зазнае гандаль Цюрынгіі, кажа прэзідэнт Цюрынгійскага Дня рамёстваў Стэфана Лабенштэйна інфармацыйнаму рэсурсу «MDR THÜRINGEN».

Паводле яго кампаніі занепакоеныя, што не могуць прыняць або апрацаваць заказы з-за праблем з дастаўкай матэрыялаў. Рост коштаў на энерганосьбіты і матэрыялы не дазваляе зрабіць надзейную ацэнку выдаткаў. 

Ён заклікае федэральны ўрад знізіць падатак на нафту, каб зняць нагрузку на эканоміку і спажыўцоў.

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

Калі мяжа з Беларуссю і Расеяй будзе зачынена поўнасцю, то многія перавозчыкі збанкрутуюць, і гэта паўплывае не толькі на кіроўцаў, але і на звязаныя прадпрыемствы – аўтасэрвісы, склады, мяркуе старшыня асацыяцыі грузавых перавозчыкаў »Latvijas auto« Аляксандр Пацалуйко, каментуючы санкцыі Еўрапейскага саюзу. Паводле яго праблемы закрануць ад 200 000 да 250 000 чалавек.

Ён лічыць, што сытуацыю цяжка спрагназаваць, бо пакуль не вядома, якой быдзе рэакцыя ў адказ на санкцыі Расеі і Беларусі.

Раней Пацалуйко адзначыў, што многія перавозчыкі пакідаюць расейскі, беларускі і ўкраінскі рынкі, і большасць кіроўцаў не жадаюць ездзіць у гэтыя краіны, піша інтэрнэт-рэсурс «Наш горад».

ЕС увёў санкцыі супраць Расеі і Беларусі, якія ў транспартнай сферы прадугледжваюць забарону аўтатранспартным прадпрыемствам гэтых краін ажыццяўляць грузавыя аўтаперавозкі ў ЕС і заходзіць у парты ЕС судам пад расейскім флагам.

Тым часам, паводле кіраўніка ўпраўлення Службы дзяржаўных даходаў Андрэя Вайварса 10 красавіка супрацоўнікі Мытнага ўпраўлення не прапусцілі ў Латвію 152 грузавікі з расейскімі і беларускімі нумарамі, піша  інтэрнэт-рэсурс «Press».

фота: sobitie.com.ua

 

 

 

Мэр Дняпра раіць эвакуявацца з гораду дзецям, жанчынам і пажылым. Ягоны калега з Даўгаўпілсу прагназуе эканамічны крызіс

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Каменскае, Украіна

(Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным).

Мэр Дняпра Барыс Філатаў параіў жанчынам, дзецям і пажылым людзям эвакуявацца з горада праз абвастрэнне на Данбасе. Таксама ён рэкамендаваў з’ехаць тым, хто не працуе на прадпрыемствах крытычнай інфраструктуры, перадае інтэрнэт-выданьне «Суспільне Новины»

Па словах чыноўніка камунальныя прадпрыемствы і лякарні горада пакуль працуюць як заўсёды, а запасу лекаў хопіць на некалькі месяцаў. 

Сітуацыя ў Данбасе пагаршаецца, кажа ён. Цяпер праводзіцца эвакуацыя жыхароў Луганскай і Данецкай абласцей. 

«Па нашым абласным цэнтры цяпер шмат людзей перасоўваецца. Нам вельмі дапамагае тое, што запушчаны прамы эвакуацыйны цягнік з Пакроўска. Вялікая колькасць людзей ездзіць на асабістым транспарце і аўтобусах. Я рэкамендую ім ехаць далей, у бок Заходняй Украіны, дзе ў любым выпадку бяспечна, – адзначае Барыс Філатаў.

Рэабілітацыйны цэнтр для дзяцей з хібамі развіцця аднавіў сваю працу. Спыніцца яе быў вымушаны пасля поўнамаштабнага ўварвання ва Украіну расейскіх войск. Да лячэння вярнуліся блізу 40 гадаванцаў. Гэта значна меней, чым было да вайны, бо многія зʼехалі з краіны, піша інфармацыйны рэсурс «Событие».

«Важна, што цяпер наша праца дапамагае значна знізіць узровень трывогі, дае адчуванне нармальнага мірнага жыцця. І для дзяцей і дарослых», – расказвае выданню кіраўніца цэнтру Нестані Мехацішвілі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

У сацыяльныя сеткі выклалі фотаздымкі зруйнаванага расейцамі міжнароднага аэрапорту ў Мікалаеве. На іх бачна, што ад яго засталіся толькі знявечаныя бетонныя каркасы будынін. Мясцовыя жыхары, адзначаецца ў каментары да фота, звязвалі з гарадскім аэрапортам надзеі на паспяховае эканамічнае развіццё рэгіёну, чакалі зменаў да лепшага і рушэння на наперад.

Аднаўленне аэрапорту каштавала мільёны грыўняў, а цяпер яго ўжо не існуе. Суцэльныя аскепкі шкла, усё разбітае, каментуе стан аб’екта выданне «Цензор.нет».

Баі ў мікалаеўскім аэрапорце адбыліся 7 сакавіка – тады на яго тэрыторыю змаглі зайсці расейскія войскі, але ўзброеныя сілы Ўкраіны здолелі іх адтуль выбіць.

У Мікалаеве ратаваць параненых будуць лекары з ЗША. З гуманітарнай місіяй у адзін з гарадскіх шпіталяў прыбылі ўрачы з Масачусецкай бальніцы. Хірургічная брыгада будзе дзяліцца досведам і аказваць дапамогу пацыентам, цывільным і вайскоўцам, якія паступаюць ва ўстановы аховы здароўя з траўмамі рознай ступені цяжкасці, апавядае  ў інтэрвію інфармацыйнаму агенцтву «Інше.ТВ» старшыня гарсавету Ірына Шамрай.

Габрэйскія дабрачынныя арганізацыі развозяць па паселішчах Мікалаеўскай вобласці неабходныя для жыхароў прадукты і медыкаменты. Гуманітарную дапамогу аказваюць Асацыяцыя памяці Галакосту з ЗША і фонд «Традыцыі і будучыня». Найбольш запатрабаваны ў некаторыя сёлах хлеб. Актывісты даставілі сялянам больш за 1000 буханак, гаворыцца на сайце Абʼяднанай габрэйскай грамады Ўкраіны.

Міжнародная місія «Лекары без межаў» трапілі пад расейскі абстрэл у Мікалаеве. Ніхто з чальцоў каманды не пацярпеў.

Расейцы абстралялі тэрыторыю вакол гарадскога анкалагічнага дыспансера, дзе знаходзілася брыгада з чатырох лекараў, – піша інфармацыйны рэсурс Gazeta.ua.

Выданне цытуе кіраўніка місіі Мішэля-Аліўе Лашарыт, які кажа, што «Некалькі выбухаў прагрымелі ў непасрэднай блізкасці ад нашых супрацоўнікаў, калі яны пакідалі тэрыторыю, то ўбачылі параненых і прынамсі аднаго загінулага». Паводле Лашарыта місія «Лекары без межаў» збіраецца пашыраць сваю дзейнасць у Мікалаеве.

У мясцовых шпіталях знаходзяцца 306 чалавек, якія пацярпелі ад абстрэлаў гораду расейскамі вайскоўцамі, паведамляе інтэрнэт-выданне «Суспільне Новины», спасылаючыся старшыня абласнога савету Ганну Замазееву.

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

Мэр Даўгаўпілса Андрэй Элксніньш лічыць, што ўвосень, ці ўзімку надыдзе эканамічны крызіс. На ягоны погляд эканамічнай стабільнасці будзе пагражаць зніжэнне пакупніцкай здольнасці насельніцтва, рост беспрацоўя і інфляцыя. Гэтыя праблемы стануць вынікам росту цэн на энерганосьбіты.

«Увосень, калі цэны на малако і хлеб вырастуць удвая нам давядзецца падумаць аб тым, як рэгуляваць палітыку нацэнак у сетках супермаркетаў», – цытуе старшыню Даўгаўпілскай думы выданне «Наша газета».

Старшыня праўлення харчовага канцэрну Orkla Latvija Том Дыдрыхсонс мяркуе, што праз вайну Расеі супраць Украіны цэны на прадукты ў 2023 годзе працягнуць расці. На ягоную думку вайна паўплывае на глабальны ланцужок паставак харчавання, што прывядзе да пераарыентацыі і пошуку новых рашэнняў у кожным сектары.

У кароткатэрміновай перспектыве такая сітуацыя створыць недаступнасць рознай сыравіны, рэзкае павышэнне цэн на яе і замяшанне на сусветным рынку, падае словы эксперта, выданне «Наш горад».

Том Дыдрыхсонс кажа, што Ўкраіна і Расеі былі заўважнымі пастаўшчыкамі на сусветны рынак алею, бульбы, кукурузу, пшаніцы, а таксама прыроднага гада і ўгнаенняў.

Клайпеда, Літва

(8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца порт на Балтыйскім моры. Насельніцтва 160 тысяч чалавек).

Клайпедская арганізацыя Ліберальнага руху патрабуе ад мясцовага самакіравання і Міністэрства культуры вырашыць пытанне аб дэмантажу ў гарадскім парку скульптур усіх помнікаў ушанавання Савецкай арміі. Раней арганізацыя падтрымала заклік журналіста Андруса Тапінаса абвясціць 9 мая «Нацыянальным днём чысткі ад акупацыі» і знесці «помнікі, што праслаўляюць акупантаў».

Паводле інтэрнэт-рэсурсу Atvira Klaipėda зварот аб дэмантажу помнікаў актуалізавала вайна ва Ўкраіне, распачатая Расеяй.

Міністр замежных справаў Габрыэліус Ландсбергіс заклікаў муніцыпалітэты абгарнуць савецкія помнікі ўкраінскімі суцягамі, а побач пасеяць сланечнікі.

«Пакінутыя ў Літве савецкія помнікі ўшаноўваюць «дэнацыфікацыю» і «дэмілітарызацыю» нашай краіны, як сказалі б крамлёўскія забойцы восемдзесят гадоў таму, – напісаў на сваёй старонцы ў Фэйсбук кіраўнік зьнешнепалітычнае ведамства. – Вызвалім Літву ад вызваліцеляў. Няхай барацьба ва Украіне будзе натхненнем».

Мэр Клайпеды Вітаўтас Грубляўскас у адказе на грамадзянскую ініцыятыву пытаецца, ці варта зносіць помнікі менавіта на 9 мая. На ягоны погляд мусяць быць выкананыя неабходныя працэдуры, а дэмантаж помнікаў мае разглядацца асобна ад вайсковых могілак, якія побач з ім. «Усё трэба рабіць з халодным розумам», акцэнтуе ўвагу ён.

Габрава, Балгарія

(Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару).

Балгарыя бясплатна дашле ва Ўкраіну 2000 бронекамізэлькі шаломаў для індывідуальнай абароны насельніцтва. Такое рашэнне прынятае ўрадам, піша інфармацыйнае агенцтва «Информо». Неўзабаве будзе прынятая пастанова аб аказанні фінансавай дапамогі гэтай краіне, адзначае выданне.

Тым часам перад будынкам Нацыянальнага сходу з ініцыятывы партыі «Възраждане» адбыўся пратэст супраць магчымага аказання Балгарыяй ваеннай дапамогі Украіне. Лідар партыі Кастадзін Кастадзінаў заявіў, што «Възраждане» не дазволіць краіне ўцягнуцца ў канфлікт паміж Расеяй і Украінай. Партыец запатрабаваў адправіць урад у адстаўку, паведамляе агенцтва «Информо».

300 маладых гараджанаў утварылі на плошчы Адраджэнне вялізнага голуба. Гэтак яны адправілі «усяму свету пасланне міра», інфармуе сайт мэрыі Габрава.

Ініцыяваў акцыю мясцовы маладзёжны цэнтр. Яна стала адказам на вайну ва Ўкраіне. Удзельнікі лічаць, што ваенныя канфлікты цяпер не прыймальныя і не зʼяўляюцца спосабам вырашэння канфліктаў.

Айзенах, Германія

(Дамова аб пабрацімстве з Магілёвам падпісаная ў снежні 1996 году. Горад з насельніцтвам у 42 тысячы чалавек месціцца ў Цюрынгіі (адной з самых эканамічна развітых федэральных земляў на ўсходзе краіны). Дабрачынныя арганізацыі гораду дапамагалі пацярпелым ад аварыі на Чарнобыльскай АЭС беларусам. Арганізоўвалі аздараўляльныя паездкі для дзяцей, якія жылі на забруджаных радыяцыяй раёнах Магілёўшчыны).

Федэральная крымінальная паліцыя правяла маштабны рэйд па сетцы ваяўнічых неанацыстаў. Пад падазрэнне ў сувязях з забароненымі групоўкамі трапілі 50 грамадзян. У дачыненні да чатырох выдадзеныя ордары на арышт. Трое з іх у Айзенаху, – піша інфармацыйны рэсурс «Eisenach Online» Выданне адзначае, што ў будучыні ўлады мусяць рэагаваць больш аператыўна на ўжыванне неанацысцкімі структурамі гвалту і стварэння сетак са сваіх прыхільнікаў. «Гвалту і пагрозам трэба пакласці канец», – кажа дэпутат Бундэстагу ад Айзенаха Каці Энгель (Kati Engel).

фота: censor.net

За два дні ў Мікалаеве загінулі 20 чалавек. Беларускі фонд спартыўнай салідарнасці просіць дапамагчы валанцёрам гораду

Навіна ад

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Рух параднёных гарадоў паўстаў падчас Другой сусветнай вайны. Дзеля супрацоўніцтва ў інтарэсах міру і дабрабыту ў 1942 годзе сяброўскія адносіны наладзілі пацярпелыя ад наступстваў вайны Кавэнтры (Вялікая Брытанія) і Сталінград (СССР). У красавіку 1957 года была заснавана Сусветная федэрацыя параднёных гарадоў. Паводле яе статуту мэта руху гарадоў пабрацімаў – развіццё супрацоўніцтва паміж народамі незалежна ад іх расы, мовы, рэлігіі і палітычнай сістэмы. Параднёныя гарады абменьваюцца досведам у эканамічнай, культурнай, гуманітарных сферах, а таксама самакіраванні, чым умацоўваюць давер між грамадзянамі.

Мікалаеў, Украіна

(Пабрацімства з Магілёвам замацаванае дамовай у 2009 годзе. Горад месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расейцаў. Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой»).

4 красавіка ў Мікалаеве падчас абстрэлу 12 чалавек загінула і 41 быў паранены. Пацярпелі чацвёра дзяцей. Інтэрнэт-выданне «УКРАЇНСЬКА ПРАВДА» піша, што пашкоджаныя жылыя дамы, аўтамабілі мірных жыхароў, а таксама аб’екты цывільнай інфраструктуры. 

Кіраўнік абласной ваеннай адміністрацыі Віталь Кім апублікаваў запіс камераў відэаназірання, на якіх расейскі снарад трапляе ў двор дзіцячай больніцы.

Расейцы стралялі касетнымі снарадамі, забароненымі міжнароднымі канвенцыямі. Іх ладунак разрываецца ў паветры, выпускаючы дзясяткі, а іншым разам і сотні маленькіх выбуховак, здольных пакрыць плошчу ў некалькі футбольных палёў.

Днём раней ад ракетнага нападу на Мікалаеў і Ачакаў 8 чалавек загінулі і 34 былі параненыя.

За час расейскай агрэсіі ў Мікалаеўскай вобласці забіта 161 чалавек. 6 з іх дзеці. 630 грамадзян параніла, паведамляе інтэрнэт-рэсурс «Цензор. Нет», спасылаючыся на кіраўніка абласной ваеннай адміністрацыі Віталія Кіма.

Кіраўніца Беларускага Фонду спартыўнай салідарнасці Аляксандра Герасіменя заклікае дапамагчы валанцёрам у Мікалаве. Праз перабоі з электрычнасцю добраахвотнікам цяжка працаваць у пунктах аказання дапамогі пацярпелым ад вайны, даводзіць яна.

Актывістка просіць грамадзянскую супольнасці ў Варшаве, землякоў і сяброў тэрмінова здабыць 5 генератараў для валанцёрскіх хабаў ды максімальную колькасць партатыўных заладовак, нават, што былі ва ўжыванні.

«Генератары і заладоўкі – адзіныя крыніцы энергіі для працы валанцёраў», – гаворыцца ў звароце апублікаваным на старонцы Фонду спартовай салідарнасці.

Лідэрка спартыўнай супольнасці дадае, што Мікалаеў на мяжы супрацьстаяння. «Расейскія войскі збіраюцца браць горад і валанцёрам патрэбная падтрымка».

Даўгаўпілс, Латвія

(Горад пабрацім Бабруйску. У 2018 годзе ў Даўгаўпілсе жыло 90 399 жыхароў. У ім месціцца консульства Рэспублікі Беларусь. Дзеіць цэнтр беларускай культуры. Знаходзіцца ён у латвійскім рэгіёне Латгалія, якая мяжуе з Беларуссю. Даўгаўпілс за 30 кіламетраў ад мяжы. Беларуская назва гораду Дзвінск).

У Даўгаўпілсе і Ліепаі ўрад Латвіі «звужвае дыпламатычныя адносіны з Расеяй». Выданне «Наша газета» адзначае : закрыццё дыпламатычных прадстаўніцтваў выклікана «ваеннымі злачынствамі Расейскай федэрацыі ва Ўкраіне».

З краіны будуць высланыя 13 дыпламатаў і супрацоўнікаў амбасады Расеі ў Латвіі, даводзіць міністр замежных спраў краіны Эдгар Рынкевіч.

У Латвіі з 2024 году навучання дзяржаўная абарона стане ў школе абавязковым. Пакуль жа ўстановы адукацыі падаюць заяўкі на выкладанне прадмету. Як піша«Наша газета» цікавасць да такіх заняткаў расце.

Сёлета адукацыю па дзяржаўнай абароне атрымаюць вучні з 26 школ. У наступным годзе яго збіраюцца выкладаць у 41 школе.

Паводле інфармацыйнага рэсурсу школьнікі ўдзельнічаюць у тэарэтычных і практычных занятках. Іх вучаць, як дзейнічаць у крытычных сітуацыях, каб абараніць сябе, а таксама абыходзіцца са зброяй, паводзіцца ва ўмовах бою ды камунікаванню.

Удзел Даўгаўпілса ў еўрапейскай праграме энэргаэфэктыўнасці для абнаўлення інфраструктуры гарадскога асвятлення дазволіць істотна заашчадзіць бюджэт, настойвае кіраўнік Камітэту па гаспадарцы і развіццю думы Ігар Аляксееў. Па ягоных словах інвестыцыі дапамогуць абнавіць існуючыя сеткі асвятлення ды пракласці туды, дзе іх ніколі не было. Гораду пры гэтым адразу не трэба траціць сваіх сродкаў. Разлічвацца трэба будзе паступова за кошт эканоміі, удакладняе «Наша газета».

«Гэта крок амбітны, але цяпер нам трэба выкарыстоўваць усе магчымасці для паляпшэння гарадской інфраструктуры», – цытуе выданне чыноўніка. Паводле якога ў выніку праграмы заменяць старыя бляклыя свяцільнікі на сучасныя энергаашчадныя і больш зыркія.

У Даўгаўпілскім Цэнтры беларускай культуры паказваць карціны мясцовай мастачкі з беларускімі каранямі Вельты Лоце. У персальнай выставе «Подых вясны» дзясятак карцін класічнага жывапісу, адзначае выданне «Наш горад». 

Вельта Лоце вядомая ў Даўгаўпілсе і за яе межамі мастачка-самвук. Яе выставы рэгулярна праводзяцца ў Беларускім доме. Для работ пейзажысткі не характэрныя пахмурныя, змрочны і цёмныя фары. Яна лічыць, што жывапісец заўжды робіць іх ярчэй, больш насычанымі і святлейшымі.

Каменскае, Украіна

(Пабрацім Бабруйску ад 2000 году. Горад абласнога падпарадкавання ў Днепрапятроўскай вобласці. Насельніцтва 250 тысяч чалавек. Паселішчы Днепрапятроўшчыны расейцы абстрэльваюць, але разбурэнняў такіх, як у прыфрантавых гарадах няма. Мясцовыя прадпрыемствы працуюць. Да вайны культурны абмен між гарадамі пабрацімамі бабруйскія чыноўнікі лічылі актыўным).

Бульба, яйкі, бабовыя, ёгурты, яблыкі, аўсянка, рыба і цытрусавыя, сайт гораду Каменскага «5692» апублікаваў спіс харчоў, якія дапамагаюць справіцца са стрэсам ва ўмовах вайны. Паводле выдання такі набор прадуктаў «ідэальны», бо імгненна засвойваецца арганізмам і іх практычна заўжды і ўсюды можна купіць.

Таксама «5692» дае парады , як вызначыць па гуку ракеты, варожыя самалёты і супрацьпаветраную абарону. Адзначаецца, што такія веды дададуць шанцаў выратаваць жыццё.

Мэр Каменскага Андрэй Белавусов падчас нацыянальнага тэлемарафону ахарактарызаваў сітуацыю ў горадзе, як стабільную. У Каменскім, паводле яго, больш за 4000 вымушаных перасяленцаў. Штодня прыбывае іх па некалькі сот. Частка выязджае на захад. Буйнейшыя прадпрыемствы, адзначае чыноўнік, не спыняюцца ўзмацняць абароназдольнасць краіны. Гараджане чуюць трывогу раз на дзень.

Выхаванцаў Каменскага спецыялізаванага Дому дзіцяці эвакуявалі ў Швейцарыю. Сярод 25 сірот ёсць дзеці з пэўным станам здароўя. Усім гадаванцам ад чатырох месяцаў да пяці гадоў. На сайце прэзідэнта Ўкраіны адзначана , што ў Швейцарыі дзятве будзе спакойна жыць і яны атрымаюць належны медычны прыгляд.

Клайпеда, Літва

(8 сакавіка 1997 году падпісаная дамова аб аднаўленні пабрацімскіх сувязяў літоўскага гораду з Магілёвам. Месціцца на захадзе краіны і з’яўляецца порт на Балтыйскім моры. Насельніцтва 160 тысяч чалавек).

У Клайпедзе ўрад Літвы зачыняе расейскае консульства, піша інтэрнэт-рэсурс Atvira Klaipėda. «З улікам агульнай неканструктыўнай ролі расейскай дыпламатычнай службы ў агрэсіі супраць Украіны», – цытуе выданне міністра замежных спраў Літвы Габрыэліуса Ландсбергіса.

Амбасадару Расеі ў Літве даручана пакінуць краіну, як адзначаецца, у «адказ на працяг вайсковай агрэсіі Расеі супраць суверэннай Украіны і зверствы расейскіх узброеных сіл у розных акупаваных украінскіх гарадах, уключаючы жорсткую бойню ў Бучы і іншых гарадах Украіны».

Габрава, Балгарія

(Найдаўнейшы пабрацім Магілёва. Дамова аб супрацоўніцтве была падпісана ў 1988 годзе. У 200-ым былі адноўленыя пабрацімскія сувязі. У Магілёве праспект названы Габраўскім. Адзін з рэстаранаў называецца Габрава. Габрава месціцца ў цэнтры краіны. Насельніцтва-55 тысяч чалавек. Ён лічыцца балгарскай сталіцай гумару. Ёсць у ім Дом гумару і сатыры. Ладзяцца фестывалі гумару).

У Балгарыі «Чырвоны крыж» за месяц сабраў украінцам 3,3 мільёна леваў (больш за 1,5 мільёна даляраў, 6tv.by). Інфармацыйнае агенцтва «Информо» адзначае , што большасць ахвярадаўцаў – пажылыя людзі. Акрамя таго, дадае выданне «Чырвоны крыж» накіраваў ва Ўкраіну 15 грузавікоў з больш, чым 220 тонамі гуманітарнай дапамогі.

фота: Суспільне Миколаїв

Сможет ли Беларусь найти замену украинским товарам?

Навіна ад

Разрыв или сокращение торговых отношений с Украиной будет чувствительным и болезненным для Беларуси. Во-первых, пострадает белорусский экспорт. Во-вторых, придется искать замену тем товарам, которые поставлялись из Украины в нашу страну.

По итогам 2021 г. товарооборот Беларуси и Украины составил 6,9 млрд  долл. и Украина стала 2-м нашим внешнеторговым партнером, пропустив вперед лишь Россию. Экспорт в Украину дал Беларуси валютную выручку в 5,42 млрд долл. – это 13,6% товарного экспорта. Импорт из Украины –  почти 1,5 млрд. долл. (3,6% белорусского).

На протяжении последних 5 лет импорт товаров из Украины был довольно стабильным и не превышал 2 млрд долл.

По информации Госстата Украины, ключевыми позициями белорусского импорта из Украины в 2021 г. были (тыс. долл):

  • черные металлы – 193 045,1;
  • остатки и отходы пищевой промышленности (например, соевый шрот и растительный жмых) – 189 564,3;
  • семена и плоды масличных растений – 150 535,2;
  • реакторы ядерные, котлы, оборудование и устройства – 102 102,5;
  • железнодорожные локомотивы, вагоны; подвижной состав – 77758,9;
  • пластмассы, полимерные материалы – 71 104,0;
  • электрические машины и оборудование; звукозаписывающая и звуковоспроизводящая аппаратура 58 891,7;
  • изделия из черных металлов – 55 684,5;
  • бумага и картон – 51 730,5;
  • медь и изделия из нее – 40 438,5.

Суммарная стоимость этих 9 товарных позиций 990,8 млн. долл. –  более половины всего импорта товаров в Беларусь из Украины.

Кроме этого, Беларусь закупала фармацевтическую продукцию, сельскохозяйственные машины, древесину и изделия из нее, мебель, сельскохозяйственная и продовольственная продукция. Доля Украины в импорте отдельных позиций сельскохозяйственной и продовольственной продукции была очень значительной, выходя на уровень 50% и более.

Разрыв или сокращение торговых отношений с Украиной весьма чувствителен для Беларуси. Страдает белорусский экспорт, ведь на Украину продавали гораздо больше, чем у нее покупали. Минимальными были и затраты на логистику. Пора беларусам искать замену украинским товарам, что в условиях санкций и экономического давления не просто.

Беларусь активизировала вопросы импортозамещения, но не все можно заменить. Непонятно, кто заменит импорт из Украины черных металлов и изделий из них. Россия заменить не сможет, она сама нуждается, тем более что в начале 2022 года поставки лома черных металлов из России на внешний контур сократились почти до нуля.

В топ-5 импорта из Украины в 2021 г. входят железнодорожные локомотивы, вагоны, подвижной состав и их части. По отдельным товарным позициям доля Украины в белорусском импорте выше, чем у России, стран Евросоюза и КНР.

Импорт частей подвижного состава, тыс. долл. (источник данных – Белстат)

Однако в условиях, когда Украина конфискует и национализирует белорусские вагоны на своей территории, новых поставок из этой страны не ожидается.

Становится понятно одно, что в самой ближайшей перспективе внутренних ресурсов Беларуси не хватит, чтобы заместить украинские сырье, оборудование, машины, потребительские товары.