Tag: режим

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Андрэй Бяляўскі

Асуджаны на два гады калоніі «за абразу Лукашэнкі».

Судзілі відэаблогера, якога праваабаронцы прызналі палітвязнем, на закрытым працэсе.

Бяляўскага забралі 25 красавіка. Разам з ім быў затрыманы і яго непаўналетні сын. Хлопца адпусцілі пад апеку бацькоў Бяляўскага.

Відэа-блогер публікаваў на платформе «ЦікТок» ролікі з разважаннямі на сацыяльна-палітычныя тэмы. Яго канал меў 107 тысяч падпісчыкаў.

Мерыем Герасіменка

Па сканчэнні 15-дзённага адміністрацыйнага арышту не выйшла на волю.

Увечары 3 жніўня падчас канцэрту на тэрасе мінскага бара «Банки-бутылки» яна выконвала песні ўкраінскага гурта «Акіян Эльзы». Пасля гэтага перастала з’яўляцца ў сацсетках.

5 жніўня ў праўладных тэлеграм-каналах з’явілася інфармацыя аб тым, што яе затрымалі за ахвяраванне на турэцкі робат «Байрактар» для Украіны.

Яўген Рубашка

Пазбаўлены доўгатэрміновага спаткання.

Праваабаронцы пішуць, што дазналіся пра тое з ліста асуджанага родным. Адміністрацыя папраўчай установы наклала на яго спагнанні за, нібыта, парушэнні ўнутранага парадку: не належным чынам рабіў прыборку.

Яўгена Рубашку асудзілі на 5 гадоў калоніяў агульнага рэжыму. Актывіста анархічнага руху прызналі вінаватым у «арганізацыі і падрыхтоўцы дзеянняў, што груба парушаюць грамадскі парадак, альбо актыўны ўдзел у іх» ды «стварэнні экстрэмісцкага фармавання або ўдзел у ім».

Андрэй Кузнечык

Зняволены журналіст і палітвязень піша сваім дзецям вершаваныя лісты.

Яго збіраюцца этапаваць з Магілёўскай турмы № 4 у Наваполацкую калонію №1.

Журналіста абвінавацілі ў «стварэнні экстрэмісцкага фармавання».

Сяргей Міргародскі

Затрыманы.

Паводле праўладных тэлеграм-каналаў затрыманы валодае двума рэстаранамі ў Мінску. А забралі яго за ўдзел у пратэстах 2020 года разам з 55-гадовай жонкай Алай і 24-гадовым сынам Серафімам.

Ілля Шчэгалёў

Затрыманы.

Праваабаронцы дазналіся пра тое з праўладных тэлеграм-каналаў. Паводле якіх 28-гадовы мужчына нібыта ўдзельнічаў у акцыях пратэсту 2020 году і рабіў рэпосты з «экстрэмісцкіх» тэлеграм-каналаў.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Міхаіл Зубкоў

Асуджаны на 3 гады калоніі агульнага рэжыму.

Праваабаронцы паведамляюць, што летась у верасні Зубкоў удзельнічаў у маршы ў Гомелі. Яго затрымаў АМАП. 15 дзён ён правёў у ІЧУ.

Больш да Зубкова прэтэнзіяў з боку міліцыі не было, сцвярджаюць сваякі. Аднак, калі Міхась паехаў на працу ў Маскву, яго зноў затрымалі.

Суд Цэнтральнага раёну Гомля абвінаваціў яго ў арганізацыі і падрыхтоўцы дзеянняў, якія груба парушаюць грамадскі парадак, а таксама ў гвалце над супрацоўнікамі міліцыі.

Максім Плятнёў

Асуджаны на год калоніі агульнага рэжыму.

Праваабаронцы пішуць, што нагодай для крымінальнага пераследу Плятнёва сталі надпісы на кіёску, электрападстанцыі, будынку цепласетак і шматпавярховіку.

19 жніўня суд Ленінскага раёну Гродна прызнаў Плятнёва вінаватым у “апаганьванні збудаванняў і псаванні маёмасці”.

Генадзь Драздоў

Мастак і былы кіраўнік творчага аб’яднання «Пагоня» затрыманы.

Пра зняволенне паведамляюць ягоныя калегі. Яны высвятляюць акалічнасці і прычыны затрымання.

Драздоў з 1999 года – чалец Беларускага саюзу мастакоў. Яго работы экспанаваліся на выставах у Беларусі, Польшчы, Чэхіі, Германіі, ЗША, Нарвегіі, Бельгіі, Украіне, Расіі. У гэтых краінах прайшло больш за дзясятак яго персанальных выставак.

10 сакавіка ён даў інтэрвʼю пра палітвязня, мастака Алеся Пушкіна, якое з 23 снежня 2021 года лічыцца ў спісе «экстрэмісцкіх матэрыялаў».

Аляксей Ільінчык

Затрыманы.

Пра тое паведамляюць праваабаронцы, спасылаючыся на праўладныя тэлеграм-каналы. Паводле іх, мужчыну затрымалі з-за ««творчай» дзейнасці ў інтэрнэце».

Ільінчыку – 60 гадоў. Ён бард, удзельнік і арганізатар фестываляў. Правёў 85 канцэртаў, аўтар кніг.

Ігар Шарамаў

Затрыманы, паведамляюць праваабаронцы.

Яны дапускаюць, што нагодаю да зняволення мог стаць фотаздымак з рамкай у выглядзе сцяга Украіны. Судовы працэс у дачыненні да яго, пішуць праваабаронцы, імаверна пройдзе ў панядзелак.

Шарамаў утрымліваецца ў ізалятары часовага ўтрымання. Сам ён з Наваполацку.

Аляксандр Аўдзяюк

Асуджаны на два гады калоніяў агульнага рэжыму, этапаваны ў Івацэвіцкую папраўчую калонію № 5.

Жыхар Быхава прызнаны праваабарончай супольнасцю палітвязнем.

Суд Быхаўскага раёну 1 красавіка асудзіў яго за «паклёп і абразу Лукашэнкі». Асуджаны паставіў упадабайку пад допісам у «Аднакласніках».

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Ірына Прыгава

Асуджаная на 1,5 гады калоніяў агульнага рэжыму.

57-гадовую жанчыну звінавацілі ў развешванні бел-чырвона-белых стужак і нанясенні антываенных надпісаў, якія, як сцвярджала следства, яна наносіла на сценах дамоў алоўкам. Акрамя таго ў «абразе прэзідэнта» і «хуліганстве».

Працэс праходзіў у судзе Берасцейскага раёну пад старшынствам суддзі Таццяны Лаўранюк.

Іван Супрунчык

Асуджаны на пяць гадоў калоніі агульнага рэжыму.

Паводле праваабаронцаў, нагодаю для крымінальнага пераследу стала, нібыта, перадаванне «дэструктыўнаму» тэлеграм-каналу дадзеных пра сваяка міліцыянта.

Судзілі Супрунчыка ў Мінскім абласным судзе, дзе прызналі вінаватым у «падрыхтоўцы да злачынства», «распальванні расавай, нацыянальнай ці іншай сацыяльнай варожасці ці варажнечы», «незаконных дзеяннях з інфармацыяй аб асабістым жыцці і асабістых дадзеных».

Старшыняваў на працэсе суддзя Анатоль Дабрадзей.

Яўген Радкевіч і Фёдар Саўцін

Асуджаныя на тры гады абмежавання волі, з адбываннем «пакарання» у калоніях адкрытага тыпу, паведамляюць праваабаронцы.

Нагодай для крымінальнага пераследу стаў іх удзел у пратэстах 2020 году.

Суддзя Савецкага раёна Мінска Вольга Емельянчанка прызнала абодвух вінаватымі ў «арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзеле ў іх».

Эдуард Пальчыс

Зарабілі больш жорсткімі ўмовы ўтрымання, перавёўшы яго з калоніі ў турму.

Пра тое стала вядома ад жонкі асуджанага.

«Суд быў 5 хвілін па скайпе» – паведаміла яна пра працэс.

Паводле яе, мужа будуць утрымліваць у Магілёўскай турме №4.

Эдуард Пальчыс прызнаны праваабарончай супольнасцю палітзняволеным. Яго асудзілі да 13 гадоў пазбаўлення волі ў калоніі строгага рэжыму. Ён абвінавачаны паводле чатырох артыкулаў крымінальнага кодэксу. Сярод якіх традыцыйныя для палітычных працэсаў «арганізацыя масавых беспарадкаў» і «распальванне варожасці ці варажнечы».

Марфа Рабкова

Праваабаронцу ўтрымліваюць у няволі 23 месяцы.

Каардынатарку Валанцёрскай службы «Вясны» затрымалі 17 верасня 2020 года і інкрымінуюць больш за дзясятак артыкулаў Крымінальнага кодэксу за падзеі 2016-2020 гадоў. Сярод іх удзел у масавых беспарадках, стварэнне экстрэмісцкага фармавання, стварэнне злачыннай арганізацыі або кіраўніцтва ёй. Ёй пагражае да 20 гадоў зняволення.

Суд над Марфай і яшчэ 9 палітвязнямі пачаўся 25 красавіка, аднак у той жа дзень яго зрабілі закрытым. Яе калегі дапускаюць, што цяпер адбываюцца спрэчкі бакоў і неўзабаве можа быць абвешчана прысуд.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Ягор Лебядок, Дзмітрый Шувалаў, Аляксандр Іваноў, Сяргей Вайцюк, Міхаіл Лістападаў, Сяргей Грыбовіч.

Праваабарончая супольнасць абвясціла іх палітвязнямі. Па стане на 16 жніўня ў Беларусі стала 1282 прызнаных палітвязняў.

Паводле праваабаронцаў, беларускія сілавікі адвольна прыцягнулі іх да крымінальнай адказнасці і зняволення, такім чынам парушыўшы іх права на асацыяцыю і свабоду выказвання.

Праваабаронцы і медыі звяртаюць увагу на прызнанне палітвязнем ваеннага эксперта Ягора Лебядка. Супраць яго распачатая крымінальная справа за «садзейнічанне з экстрэмісцкай арганізацыяй».

Пра затрыманне Лебядка стала вядома 13 ліпеня. Яму прысудзілі 15 дзён адміністрацыйнага арышту, па сканчэнні якіх на волю ён не выйшаў.

Лебядок вёў тэлеграм-канал аб ваеннай і інфармацыйнай бяспецы.

Ганны Пышнік (Чымпаеш)

Асуджаная на тры гады ў калоніі ва ўмовах агульнага рэжыму.

Паводле праваабаронцаў, нагодай для крымінальнага пераследу стала фільмаванне жанчынай расійскіх гелікоптараў і дасыланне відэа з перасоўваннем ваеннай тэхнікі ў адзін з тэлеграм-каналаў.

За тое яе абвінавацілі ў садзейнічанні экстрэмісцкай дзейнасці. Яна была схоплена 22 сакавіка і да суду ўтрымлівалася ў следчым ізалятары №3 Гомеля. Асуджаная жанчына мае непаўналетнюю дачку.

Мікола Аўтуховіч

Па сканчэнні працяглай галадоўкі пачаў патроху есці турэмныя кашы, але адказваць на лісты не мае сілаў.

Паводле блізкіх ён вельмі слабы, у яго нізкі ціск, а моцныя ацёкі могуць сведчыць пра праблемы з функцыянаваннем нырак. Яму перададзеныя пладовыя і мясныя дзіцячыя пюрэ, мёд, з дапамогай якіх ён плануе выходзіць з галадавання.

59-гадовы палітвязень абвясціў сухую галадоўку 11 ліпеня. Ёю ён пратэставаў супраць таго, што яму не перадаюць лісты і газеты.

Пяць дзён арыштант не наведваў судовыя паседжанні, бо не меў сілаў дайсці. Яму ставілі кропельніцу. 

1 жніўня стала вядома, што ён спыніў галадоўку.

Аўтуховіча вінавацяць ва ўчыненні «Акту тэрарызму». Нібыта за падпаламі дому міліцыянта ў Ваўкавыску і падрывам аўтамабіля супрацоўніка міліцыі ў Гродна стаіць групоўка, якой ён кіраваў.

Па «справе Аўтуховіча» судзяць 12 чалавек.

Сяргей Цыгіба

Асуджаны на тры гады калоніі і да штрафу ў 8750 рублёў (250 базавых велічынь) за пастаўленую падабаўку ў сацыяльнай сетцы.

Паводле матэрыялаў справы, у верасні 2021 года Цыгіба гартаў стужку навін у сетцы і ўбачыў відэа «Мент-паліцай, які атрымае 2 пажыццёвыя тэрміны». Ён паставіў «клас», і гэты матэрыял трапіў да яго на старонку. Гэта і стала нагодаю для крымінальнага пераследу.

Алег Яфрэменка

Прызнанага праваабарончай супольнасцю палітвязня асудзілі да яшчэ аднаго года зняволення. Раней ён быў асуджаны на 4,5 гады калоніі.

Паводле выраку суда Ленінскага раёну Магілёва ён прызнаны вінаватым у злосным непадпарадкаванні патрабаванням адміністрацыі папраўчай установы.

Справу разглядала Вікторыя Палякова.

Яфрэменку ўжо ўзмацнялі рэжым. У верасні 2021 года з калоніі, дзе ён адбываў тэрмін за падсечку міліцыянту, ён быў пераведзены на турэмны рэжым у Магілёў.

Валерый Сівук

Затрыманы.

Паводле праваабаронцаў, жыхара Гродна схапілі з ужываннем сілы за «распаўсюджванне экстрэмісцкіх матэрыялаў».

На затрыманне прыехала група з 7-8 сілавікоў. Скруцілі Сівука ля ягонага дому.

Марыя і Мікалай Касценкі

Мужа і жонку забралі за іх удзел у пратэстах 2020 году, пішуць праваабаронцы.

Яны даведаліся пра затрыманне з праўладных тэлеграм-каналаў.

Марыя – настаўніца геаграфіі ў 38 школе Мінску, Мікалай – намеснік начальніка аддзелу кіравання карпаратыўнымі Інтэрнет-рэсурсамі Беларускай Чыгункі.

Святлана Саковіч і Ігара Назаранкі

Праўладныя тэлеграм-каналы пішуць, што Святлана затрыманая за ўдзел у пратэстах у 2020-м годзе, падчас якіх нібыта перакрывала рух транспарту.

Ігара Назаранку ў праўладным пабліку абвінавацілі ў тым, што ён прыняў удзел у акцыі пратэсту ў ноч з 9 на 10 жніўня на Нямізе. Ён трапіў на відэа, па якім яго і вылічылі.

Андрэй Вашчук

Каталіцкага святара вызвалілі пасля 30 дзён адміністрацыйнага арышту.

Яго забралі ў сярэдзіне ліпеня. Спачатку арыштавалі на 15 сутак за аватарку з бел-чырвона-белым сцягам у Фэйсбуку.

20 ліпеня святара, які ўжо адбываў на той час арышт, зноў судзілі, на гэты раз за падпіску на тэлеграм-чат, кантэнт якога прызнаны «экстрэмісцкімі матэрыяламі».

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Дзяніс Івашын

15 жніўня Гродненскі абласны суд пачаў разглядаць крымінальную справу на журналіста, прызнаванага праваабарончай супольнасцю палітвязнем. Працэс праходзіць у закрытым рэжыме.

Дзяніс Івашын утрымліваецца за кратамі 521 дзень. Супрацоўнікі КДБ затрымалі яго 12 сакавіка 2021.

Паводле праваабаронцаў, спачатку журналіста зрабілі падазраваным у справе “умяшання ў дзейнасць супрацоўнікаў органаў унутраных спраў”. Пазней яму выставілі абвінавачванне яшчэ і за «здраду дзяржаве». КДБ вінаваціць Івашына ў супрацоўніцтве з украінскай выведкай.

Аляксандр Кухарэнка

Асуджаны на 10 дзён адміністрацыйнага арышту.

Паводле праваабаронцаў, нагодаю для пераследу архітэктара і музыкі стаў рэпост спасылкі на відэа пра Рамана Бандарэнку, загінулага быўшы затрыманым у Мінску на плошчы Пераменаў.

Аляксандра Кухарэнку забралі 2 жніўня ў Мінску. Сваю віну прызнаў. Ён патлумачыў, што размясціў спасылку на відэа да таго, як канал, дзе яна з’явілася, прызналі экстрэмісцкім.

Мікіта Палеонка

Асуджаны на 4 гадоў калоніі агульнага рэжыму.

Прызнанаму праваабарончай супольнасцю палітвязнем інкрымінавалі «абразу Лукашэнкі», «абразу прадстаўнікоў улады», «стварэнне экстрэмісцкага фармавання альбо ўдзел у іх», «распальванне іншай сацыяльнай варожасці».

Праваабаронцы пішуць, што паводле абвінавачвання, 28-гадовы жыхар Віцебска, «зʼяўляючыся актыўным падпісчыкам экстрэмісцкіх Telegram-каналаў, заклікаў да гвалту, абражаў міліцыянтаў і “прэзідэнта”».

Дзяніс Ландычанка

Затрыманы.

Пра тое праваабаронцам стала вядома з праўладных крыніц. Паводле іх 23-гадовы хлопец быў падпісаны на «экстрэмісцкія» тэлеграм-каналы і рабіў з іх рэпосты.

Яўген Грыцок

Затрыманы.

Пра тое праваабаронцы дазналіся з праўладных тэлеграм-каналаў. Паводле іх, 24-гадовы хлопец, «наслухаўшыся дэструктыўнага земляка», прыняў удзел у паслявыбарчых акцыях пратэсту ў Мінску ў 2020 годзе – а менавіта, стаяў у «счэпцы».

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Аляксандр Марушкевіч

Асуджаны на два гады «хатняй хіміі».

Паводле праваабаронцаў, падставай для крымінальнага пераследу стаўся рэпост, які абвінавачванне расцаніла, як «абразу прэзідэнта».

Аляксандр Васільеў

Паводле праваабаронцаў, падставай для затрымання дырэктара студыі дызайну стала друкаванне ім налепак з арнаментам і Пагоняю.

Такая прадукцыя расцэненая сілавікамі, пішуць праваабаронцы, як «пратэстная сімволіка».

Васільева затрымлівалі падчас пратэсту 8 лістапада 2020 году і прысудзілі дзесяць дзён арышту. Адбываў яго ў Жодзіне.

Дзяніс Янцэвіч

Праваабаронцы даведаліся пра яго затрыманне з праўладных тэлеграм-каналаў.

На «пакаяльным відэа», пішуць яны, Янцэвіч «прызнаецца» ва ўдзеле ў паслявыбарчых пратэстах, абразах супрацоўнікаў міліцыі ў Telegram-каналах і рэгістрацыі ў плане «Перамога».

Святлана Герасімовіч

Яна маці спявачкі Рыты Дакоты, якая ў 2020 годзе падтрымала пратэсты і адрасавала Лукашэнку песню «Уходи».

Праўладныя тэлеграм-каналы пішуць, што Герасімовіч была «удзельніцай масавых беспарадкаў, падтрымлівала “нацысцкі ўкраінскі рэжым”, займалася кібербулінгам».

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Сяргей Франчук

Асуджаны на 15 дзён адміністрацыйнага арышту.

Праваабаронцы паведамляюць, што жыхар Бабруйску на «пакаяльным відэа» «прызнаецца» ва ўдзеле ў акцыях пратэсту пасля выбараў, а таксама ў тым, што пісаў негатыўныя каментары пра міліцыянтаў.

На відэа ён кажа таксама, што з’яўляецца стрыечным братам намесніка камандзіра ў Палку Каліноўскага Вадзіма Кабанчука.

Напярэдадні Франчуку прызначылі 15 сутак арышту за «непадпарадкаванне».

Праваабаронцы звяртаюць увагу, што падчас затрымання супраць Франчукава быў ужыты гвалт – на «пакаяльным відэа» ён з залепленым ілбом.

Ігар Банцэр

Асуджаны на 15 дзён адміністрацыйнага арышту.

Праваабаронцы дазналіся пра зняволенне Банцэра ад сукамерніка, які выйшаў на волю. Паводле яго на Банцэра, нібыта, складзена 15 адміністрацыйных пратаколаў.

Банцэр адседзеў 1 год і 6 месяцаў абмежавання волі ў калоніі адкрытага тыпу («хіміі») за хуліганства, бо ў верасні 2020 году станчыў без штаноў перад міліцэйскай машынай.

Падчас суду трымаў сухую галадоўку 16 дзён, на той момант гэта быў беларускі рэкорд.

Міхаіл Лістападаў

Асуджаны да трох гадоў пазбаўлення волі за намер удзельнічаць у вайне на баку Украіны, паведамляюць праваабаронцы.

Яму інкрымінаваліся «арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх», «падрыхтоўка да злачынства», «удзел на тэрыторыі замежнай дзяржавы ва ўзброеным фармаванні або ўзброеным канфлікце, ваенных дзеяннях, вербаванне або падрыхтоўка асоб да такога ўдзелу».

Паводле праваабаронцаў працэс праходзіў у закрытым рэжыме. Праўладныя крыніцы сцвярджаюць, што асуджаны ўступіў у ваенізаванае падраздзяленне.

Александр Курганскі

Асуджаны на 1,5 гады калоніі.

Крымінальную справу супраць яго разглядалі ў Гродзенскім абласным судзе. Суддзя Аляксандр Козел прызнаў Курганскага вінаватым у «абразе прадстаўніка ўлады», ды «распальванні расавай, нацыянальнай, рэлігійнай або іншай сацыяльнай варожасці або варожасці».

Паводле праваабаронцаў Курганскі быў затрыманы ў межах крымінальнай справы, узбуджанай за каментары ў сацсетках аб гібелі супрацоўніка КДБ Дзмітрыя Федасюка і айцішніка Андрэя Зельцара. 

Курганскага вінавацілі ў тым, што ён паставіў «лайк» пад пастом аб інцыдэнце.

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры. Пазней стала вядома, што ім аказаўся Андрэй Зэльцара, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Аляксей Багдзей

Асуджаны на 6 гадоў калоніі ўзмоцненага рэжыму.

Яго прызналі вінаватым у “арганізацыі масавых беспарадкаў, якія суправаджаліся гвалтам над асобай, пагромамі, падпаламі, знішчэннем маёмасці або узброеным супрацівам прадстаўнікам улады”.

Справу разглядаў суддзя Максім Галубовіч з суду Ленінскага раёна Гродна.

Паводле праваабаронцаў вядома, што Багдзей у жніўні 2020 года ў тэлеграм-канале «Гродна для жыцця» размяшчаў тэкставыя паведамленні, якія змяшчалі заклікі да гвалтоўных дзеянняў, пісаў пра выраб кактэйляў «Молатава», заклікаў да звяржэння дзеючай улады, прымянення гвалту, блакіроўкі праездаў, аказання супраціву прадстаўнікам улады.

Андрэй Гіль

Асуджаны на 15 дзён адміністрацыйнага арышту.

Праваабаронцы дазналіся пра зняволеньне жыхара Баранічаў з праўладных тэлеграм-каналаў. Паводле іх паведамлянняў, ён асуджаны за «распаўсюд экстрэмісцкіх матэрыялаў». Акрамя таго супраць мужчыны распачатая крымінальная справа за «абразу прадстаўніка ўлады».

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Алена Несцяровіч

Асуджана да 2,5 гадоў калоніі агульнага рэжыму.

Паводле праваабаронцаў, яна стала чарговай абвінавачанай па «справе Зельцара».

Суддзя Вера Галаўкова з Мінскага гарадскога суда прызнала Алену “вінаватай” у «распальванні расавай, нацыянальнай, рэлігійнай альбо іншай сацыяльнай варожасці або варажнечы» і «абразе прадстаўніка ўлады».

Несцяровіч затрымалі ў межах крымінальнай справы, узбуджанай за каментары ў сацсетках аб гібелі супрацоўніка КДБ Дзмітрыя Федасюка і айцішніка Андрэя Зельцара.

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры. Пазней стала вядома, што ім аказаўся Андрэй Зэльцара, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Вера Валністая.

Асуджаная да «хатняй хіміі» на 2 гады, але застаецца заняволенай, бо яе чакае другі суд – паведамляюць праваабаронцы.

Суддзя Дзмітрый Карсюк з суда Цэнтральнага раёну Мінска пакараў 31-гадовую палітзняволеную абмежаваннем волі без накіравання ў папраўчую ўстанову «за абразу прадстаўніка ўлады». Згодна з судовым рашэннем, яна мусіць кампенсаваць пацярпеламу маральную шкоду ў памеры 1000 рублёў.

Паводле праваабаронцаў Валністую чакае яшчэ адзін суд паводле абвінавачвання ў «арганізацыі і падрыхтоўцы дзеянняў, што груба парушаюць грамадскі парадак, альбо актыўны ўдзел у іх».

Яўген Стральчэня

Адміністратар Instagram-старонкі «Гродна для жыцця» затрыманы.

Праваабаронцы пішуць, што паводле праўладных тэлеграм-каналаў, 36-гадовы жыхар Гродна распаўсюдзіў экстрэмісцкія матэрыялы і асабістыя дадзеныя больш за 2000 супрацоўнікаў міліцыі.

Таксама ён, нібыта, удзельнічаў у акцыях пратэсту 2020 году і адміністраваў Instagram-старонку «Гродна для жыцця», якая цяпер выдаленая.

Аляксандр Лаўрэнцьеў.

Асуджаны да 3 гадоў і 4 месяцаў калоніяў ва ўмовах агульнага рэжыму, паведамляюць праваабаронцы.

Яны пішуць, што Лаўрэнцьева асудзілі яшчэ 2 жніўня. Яго вінавацілі ў “абразе Лукашэнкі” і “абразе прадстаўніка ўлады”. Працэс праходзіў у судзе Ленінскага раёну Гродна.

 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Алесь Пушкін

Зняволены мастак пакараны пяццю месяцамі ў памяшканні камернага тыпу, паведамляюць праваабаронцы.

Гэтак званая камеры ПКТ – спецыяльнае памяшканне, у якою адпраўляюць вязняў за парушэнні правілаў унутранага парадку ў калоніі.

Алесь Пушкін утрымліваецца ў калоніі «Ваўчыныя норы», якая месціцца ў Івацэвічах. У калоніі мастак знаходзіцца з сярэдзіны красавіка. 

Ён асуджаны на 5 гадоў за партрэт удзельніка антысавецкага супраціву Яўгена Жыхара, выстаўленне якога ўлады палічылі “рэабілітацыяй нацызму”, і “здзекам над дзяржаўнымі сімваламі”.

Наталля Таран

Асуджаная на 3 гады і 6 месяцаў калоніі агульнага рэжыму.

74-гадовую жыхарку Бабруйску мясцовы суд прызнаў вінаватай у “абразе Лукашэнкі, паклёпе на яго і знявазе прадстаўніка ўлады”.

Паводле праваабаронцаў, працэс быў закрытым і падрабязнасці абвінавачвання пенсіянеркі не вядома.

Анатоль Букас

Адпраўлены судом на 15 дзён адміністрацыйнага арышту.

Былога галоўнага рэдактара газеты «Борисовские новости» затрымалі разам з жонкай 8 жніўня. У іхным доме быў ператрус. Жонку Букаса пазней вызвалілі.

Уладзімір Рабчанка 

Асуджаны да 2,5 гадоў пазбаўлення волі ў калоніі агульнага рэжыму і штрафу ў 3500 рублёў.

Суддзя Алег Харошка з Гомельскага абласнога суду прызнаў 63-гадовага мужчыну ў «распальванні расавай, нацыянальнай, рэлігійнай ці іншай сацыяльнай варожасці ці розні» і «публічнай знявазе прадстаўніка ўлады».

Паводле праваабаронцаў, Рабчанка пакінуў крытычны каментар пад пастом пра намесніка міністра МУС РБ Генадзя Казакевіча, а таксама крытыкаваў іншых міліцыянтаў, суддзяў, дзяржаўных службоўцаў.

Аляксандр Баран

Каталіцкі святар, асуджаны на 17 дзён адміністрацыйнага арышту.

Прызнаны вінаватым у «парушэнні парадку арганізацыі або правядзення масавых мерапрыемстваў».

Увесну ксяндзу прысуджалі былі 10 дзён арышту, але тады ён адседзеў 8 дзён – яго адпусцілі за некалькі дзён да Вербніцы.

Паводле праваабаронцаў, за кратамі ўтрымліваюцца чатыры святары.

Ксёндз Андрэй Вашчук адбывае 30 дзён арышту нібыта за перапост апошняга слова Змітра Дашкевіча. Праваслаўны бацюшка Сяргей Разановіч і пастар баптысцкай царквы Віталь Чычмароў праходзяць у крымінальных справах.

Усяго пацярпелі ад рэпрэсій за апошні час не менш за 30 святароў.

Павел Мазурэнка

Затрыманы.

32-гадовага жыхара Мінску вінавацяць ва ўдзеле ў акцыях пратэсту і перакрыцці транспарту. Тое ён казаў у «пакаяльным відэа», якое апублікавалі праўладныя тэлеграм-каналы.

Валерыя Шалесная

Затрыманыя.

Праўладныя тэлеграм-каналы паведамляюць, што дзяўчына разам з сяброўкамі прыняла ўдзел у паслявыбарчых акцыях пратэсту ў Мінску.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, мэдыяў і родзічаў тых, хто зазнае яго.

Таццяна Мацвеева

Адміністратыўную справу журналісткі адправілі на дапрацоўку.

Паводле калегаў, суддзя Уладзімір Царыкаў угледзеў у пратаколе недакладнасці.

Супрацоўнік Кастрычніцкага РАУС Віцебску Уладзіслаў Шышкавец, які складаў пратакол, заяўляў на працэсе, што журналістка «без дазволу райвыканкаму» размясціла на сваёй старонцы ў «Фэйсбуку» фатаграфію з бел-чырвона-белым сцягам, чым «выказала сваю грамадска-палітычную пазіцыю».

Журналістку затрымалі 29 ліпеня на вакзале абласнога цэнтру. Яе адвезлі дадому, дзе быў праведзены ператрус.

Яна Пінчук

Этапавалі з Расіі ў Беларусь.

Яе вінавацяць у адміністраванні «экстрэмісцкіх» тэлеграм-каналаў і інкрымінуюць «распальванне сацыяльнай варожасці», закліку да “дзеянняў супраць нацыянальнай бяспекі” і “стварэнне экстрэмісцкага фармавання”.

Дзяўчыне пагражае да 19 гадоў пазбаўлення волі.

Яе арыштавалі ў Санкт-Пецярбургу ў лістападзе 2021 года і ўтрымлівала ў няволі. Беларускія сілавікі абвясцілі дзяўчыну ў вышук.

Камітэт правоў чалавека ААН прапанаваў Расеі ўстрымацца ад дэпартацыі ў Беларусь Яны Пінчук і забяспечыць абарону яе жыцця і недатыкальнасці да разгляду камітэтам яе скаргі. У Маскве праігнаравалі рэкамендацыі.

Алеся Пісарэнкава

Паводле праваабаронцаў, затрыманая ГУБАЗіК у Круглым, Магілёўская вобласць.

Прычыны зняволення праваабаронцы высвятляюць. На сваім тэлеграм-канале яны паведамілі, што прычынай мог стаць удзел Пісарэнкі ў пратэстах 2020 году.

Вадзім Болбас

Ён бацька журналісткі Аліны Болбас, якая знаходзіцца за мяжой

У праўладных тэлеграм-каналах апублікавалі«пакаяльнае» відэа з ім.

У апісанні пад відэа адзначана: «Безадказнае патуранне да дабра не давяло, дачка збегла за мяжу, а бацька павінен адказаць перад законам».

Сілавікі паказальна разграмілі кватэру Болбасаў.

Максім Стасілевіч.

Верніка евангельскай царквы «Гефсіманія» затрымалі паводле крымінальнай справы.

Яго вінавацяць ва ўдзеле ў пратэсных акцыях.

Паводле праваабаронцаў, падчас ператрусу ў яго сканфіскавалі пакункі з улёткамі «Малітва за Беларусь» з заклікам маліцца за краіну і народ «у гэты няпросты час» і цытаты з Бібліі.

Спачатку ён атрымаў 10 дзён арышту за «хуліганства».