Эксперты адзначаюць, што сёлета ва Ўкраіне выспеў неблагі ўраджай. Нягледзячы на вайну, аграрыі, пераадольваючы цяжкасці, спраўляюцца са жнівом. Яны ўскладаюць усе свае спадзяванні на разблакаванне партоў. Гэта пытанне выжывання іхнага бізнесу, як сродку іх асабістага выжывання. Яны наракаюць, што сёлета даводзіцца за бесцань прадаваць збожжа.
storage.agravery.com
22 ліпеня ў Стамбуле было падпісана пагадненне аб разблакаванні ўкраінскіх партоў для экспарту збожжа і іншай сельскагаспадарчай прадукцыі. На 11 жніўня праз гуманітарныя марскія калідоры з Украіны было вывезена каля 375 тысяч тон збожжа. Гэтага пакуль замала, каб аграрыі ўгледзелі хоць нейкія перспектывы для сябе, але сам факт абнадзейвае.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці
На Днепрапятроўшчыне горад Каменскае пабрацім Бабруйску. Нягледзячы на тое, што сельская гаспадарка гэта не горад Магілёў.media наважыўся напісаць пра жніво пад абстрэламі.
Пра тое, што на Днепрапятроўшчыне ўжо намалот зерневых сягнуў больш за два мільёны тон паведаміў старшыня абласной рады Мікола Лукашук. Паводле яго ў рэгіёне, які знаходзіцца пад пастаянным абстрэлам расійскіх войск запланавана сабраць 3 мільёнаў. Цяпер жніво выходзіць на фінішную прамую, адзначае чыноўнік.
sobitie.com.ua
«Нават ва ўмовах вайны нашы аграрыі працуюць па графіку. Іх можна лічыць сапраўднымі героямі», – піша Мікола Лукашук у сваім тэлеграм-канале.
Ва Ўкраіне сёлета плануюць намалаціць 65 мільёнаў тон збожжавых і алейных. Гэта на 30% менш, чым леташні ўраджай, але вышэйшы за сярэднестатыстычны за апошнія пяць гадоў.
Тым не менш, з-за блакіравання партоў і занізкіх коштаў на прадукцыю ўнутры краіны фермеры вымушаныя прадаваць збожжа практычна за бясцэнак – у некалькі разоў танней сусветных цэн на такую прадукцыю.
s.mind.ua
Эксперты мяркуюць: калі парты не разблакуюць для экспарту збожжа, многія аграрныя прадпрыемствы проста знікнуць, а наступная пасяўная будзе пад вялікім пытаннем, піша выданне «Vesti.ua».
«Цяпер з-за ваенных дзеянняў, страты часткова акупаваных тэрыторый і замініраваных палёў, мы не змаглі зрабіць паўнавартасную працу па яравых. Але вынікі аказаліся нават лепшымі, чым мы чакалі, таму ў цэлым прагноз па збожжавых – у раёне 65 млн тон. Гэта добры паказчык, улічваючы цяперашнюю сітуацыю», – кажа намеснік кіраўніка Усеўкраінскага аграрнага савету Дзяніс Марчук.
Ён падкрэслівае, што Ўкраіна галадаць сапраўды не будзе.
Паводле яго, «ключавое пытанне – нарасціць экспарт у кантэксце тых лагістычных маршрутаў, якія ёсць: гэта чыгуначны, аўтамабільны і рачны транспарт. І, вядома ж, вялікія надзеі аграрыі ўскладаюць на дэблакаду партоў».
«Закрытыя парты робяць немагчымым экспарт і ціснуць на кошты ўнутры краіны, – гэта вялікая праблема», – адзначае адзін з фермераў.
Яшчэ адзін фермер кажа, што збожжа купляюць у сельгасвытворцаў па цэнах 5-6 гадоў даўнасці.
s.mind.ua
«Зразумела, што вайна, але чаму выраслі кошты на паліва, аліву, угнаенні ў 5-6 разоў», — дзівіцца ён.
Па словах фермераў, у многіх аграрнікаў скончыліся абаротныя сродкі і яны вымушаныя прадаваць за бясцэнак ураджаі.
«У каго ёсць магчымасць захоўваць і хто мае адпаведныя сістэмы, – магчыма, прытрымаюць яго, – мяркуе яшчэ адзін фермер. – Але насамрэч такіх прадпрыемстваў не так і шмат. Што да захоўвання, тут таксама ёсць праблемы. Яны звязаны з тым, што значная колькасць элеватараў знаходзяцца або на акупаваных тэрыторыях, або там, дзе ідуць баявыя дзеянні, многія з іх ужо фізічна знішчаныя».
