Tag: политзаключенные

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Сяргей Канавалаў

Асуджаны да 15 гадоў калоніі ўзмоцненага рэжыму і штрафу ў 9600 рублёў.

Праваабаронцы называюць Канавалава «рэйкавым партызанам». Паводле іх, на закрытым працэсе яго абвінавацілі ў «наўмысных дзеяннях, накіраваных на ўзбуджэнне нацыянальнай і іншай сацыяльнай варожасці» і «падрыхтоўцы да ўчынення акту тэрарызму і наўмыснаму прывядзенню ў непрыдатны стан сродкаў сувязі». 

Старшыняваў на працэсе суддзя з Віцебску Яўген Буруноў.

Канавалаў працаваў на Віцебскай дыстанцыі сігналізацыі і сувязі чыгункі. 6 сакавіка 2022 году яго схапілі за «падрыхтоўку акту тэрарызму». Згодна з дадзенымі МУС, мужчына нібыта планаваў пашкодзіць сістэмы, якія адказваюць за бяспеку чыгуначнага руху.

7 ліпеня КДБ унёс Канавалава ў «спіс тэрарыстаў».

Яму 50 гадоў. Праваабарончай супольнасцю ён прызнаны палітзняволеным.

Павел Белагалоў

Асуджаны да 2,5 гадоў калоніі агульнага рэжыму і штрафу ў 3,2 тысячы рублёў.

Паводле праваабаронцаў, нагодай для крымінальнага пераследу сталі каментары пра «справу Зельцара».

Справу на жыхара Магілёва разглядаў суд Дрыбінскага раёну.

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Арсеній Дзядок

Асуджаны да 3 гадоў абмежавання волі ва ўстанове адкрытага тыпу – «хіміі».

Паводле праваабаронцаў, справу на 19-гадовага хлопца разглядаў суд Савецкага раёну Мінску.

Яго абвінавацілі ва ўдзеле ў пратэстах 2020 году. Ён, нібыта, «блакаваў рух грамадскага транспарту і выкрыкваў лозунгі».

Сцяпан Латыпаў

На 2 гады пераводзяць адбываць пакаранне на турэмны рэжым.

Паводле праваабаронцаў, зрабіць больш жорсткімі ўмовы пакарання для Латыпава пастанавіў суд Івацэвіцкага раёну. Працэс быў распачаты з ініцыятывы адміністрацыі папраўчай калоніі № 22.

Праваабаронцы пішуць, што на знак пратэсту супраць парушэння сваіх правоў у няволі Латыпаў «глытаў лязо і рэзаў вену на руцэ». За гэта атрымаў 17 дзён штрафнога ізалятару.

Праваабарончай супольнасцю Латыпаў прызнаны палітзняволеным.

Дзмітрый Семчанка

Асуджаны на 15 дзён адміністрацыйнага арышту.

Паводле праваабаронцаў, былога тэлевядоўцу і экс-кіраўніка прэзідэнцкага пула на АНТ абвінавацілі ў «дробным хуліганстве».

Ягоную жонку, Юлію, аштрафавалі на 960 рублёў (30 базавых велічыняў) за рэпосты з «экстрэмісцкіх» каналаў.

Абодвух схапілі 15 верасня.

Семчанка ўжо няволіўся пад адміністрацыйным арыштам у верасні 2020 году. Тады яго кінулі за краты таксама на 15 дзён.

Уладзіслаў Багамольнікаў

Асуджаны на 15 дзён адміністрацыйнага арышту.

Паводле праваабаронцаў, нагодай для пераследу сталі, нібыта, пашырэнні допісаў з «экстрэмісцкіх» тэлеграм-каналаў.

Святар славуты тым, што праводзіў службу на «Плошчы Перамен» па Раману Бандарэнку. Таксама ён абвяшчаў галадоўку ў падтрымку палітвязня Ігара Лосіка.

Багамольнікаў – выкладчык Мінскай духоўнай акадэміі.

Андрэй Ільеня

Асуджаны на 10 дзён адміністрацыйнага арышту.

Праваабаронцам пра зняволенне журналіста «Прэсбола» стала вядома ад яго калегі. Што стала нагодай для арышту не вядома.

Ільеня каментуе матчы чэмпіянату Беларусі на беларускай мове.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Ілля Давыдзенка, Марына Маркевіч, Ганна Кісялёва, Віктар Хімарод, Максім Мацулевіч

Асуджаныя.

Давыдзенка – 3 гады калоніі;

Маркевіч – 2,5 гады;

Кісялёва – 1,5 гады;

Хімарод – 1,5 гады;

Мацулевіч – 1,5 гады.

Паводле праваабаронцаў, суддзя Сяргей Кацар абвінаваціў іх у «абразе Лукашэнкі», а Іллю Давыдзенка і Марыну Маркевіч яшчэ і ў «арганізацыі і падрыхтоўцы дзеянняў, што груба парушаюць грамадскі парадак, альбо актыўны ўдзел у іх».

Усе асуджаныя праваабарончай супольнасцю прызнаныя палітзняволенымі. На абвяшчэнні прысуду яны былі ў кайданках і іх суправаджалі шасцёра канваіраў.

Нагодаю для пераследу стала спаленне пудзіла і ўдзел у пратэстах.

Павел Наздра

Асуджаны да 2 гадоў калоніі агульнага рэжыму.

Паводле праваабаронцаў, яго абвінавацілі ў садзейнічанні экстрэмісцкай дзейнасці. Нагодаю для пераследу стала перасыланне аднаму з тэлеграм-каналаў інфармацыі аб перасоўванні расійскіх войскаў у Мазыры.

Справу на Наздру разглядаў Гомельскі абласны суд. На працэсе старшынявала суддзя Людміла Грынько.

Праваабаронцы пішуць, што Павел Наздра – экалагічны актывіст з Мазыру, быў затрыманы 11 мая і ўтрымліваўся да суду пад вартаю.

Міхаіл Макараў, Вікторыя Гулькова

Асуджаныя на 15 дзён адміністрацыйнага арышту.

Праваабаронцы пішуць, што сілавікі апублікавалі «пакаянае відэа» з адвакатам Макаравым. У ім ён кажа, што «зліваў дадзеныя экстрэмісцкаму фармаванню» і ўступіў у «план »Перамога«.

Пазней на праўладным канале з’явіўся запіс з затрыманымі адвакатамі Вікторыяй Гульковай і Настай Сагановіч.

Дзмітрый Семчанка

Затрыманы.

Паводле праваабаронцаў, пра зняволенне былога тэлевядоўцы і экс-кіраўніка прэзідэнцкага пула на АНТ стала вядома ад яго жонкі.

Семчаенка ў верасні 2020 года адседзеў 15 дзён адміністрацыйнага арышту.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Уладзіслаў Рабіч

Асуджаны да 3 гадоў абмежавання волі без накіравання ва ўстанову адкрытага тыпу – «хатняй хіміі».

Мужчыну з інваліднасцю, які перасоўваецца на вазку, абвінавацілі ў «абразе Лукашэнкі».

9 жніўня 2022 года ў дом, дзе знаходзіліся Рабіч і ягоны малодшы брат, уварваліся сілавікі. Пагражаючы яны змушалі яго, адрачыся ад каментару. Рабіч адмовіўся выконваць загад міліцыянтаў. Тыя ў адказ паабяцалі распачаць супраць яго крымінальную справу.

Справу на Рабіча разглядаў суддзя з Баранавічаў Мікалай Кміта.

Сцяпан Хадатовіч

Асуджаны да 2,5 гадоў абмежавання волі ва ўстанове адкрытага тыпу – «хіміі».

Паводле праваабаронцаў, нагодай для крымінальнага пераследу сталі «выявы бел-чырвона-белага і жоўта-блакітнага сцягоў« на тэрыторыі вайсковага пахавання і трубаправодзе.

Суд Чашніцкага раёну абвінаваціў яго ў «апаганьванне збудаванняў і псаванне маёмасці». Справу на 23-гадовага мужчыну разглядала суддзя Таццяна Заруба.

Яраслаў Пашкоў

Асуджаны да 1 года і 9 месяцаў калоніі агульнага рэжыму і штрафу ў 3 200 рублёў.

Праваабаронцы пішуць, што справу Пашкова разглядала суддзя Галіна Кніжонак-Максімава, якая абвінаваціла яго ў «дыскрэдытацыі Рэспублікі Беларусь» і «абразе Лукашэнкі».

Нагодай для крымінальнага пераследу, прызнанага праваабарончай супольнасцю палітвязня, сталі каментары пра «справу Зельцара».

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Рыгор Грыг

Асуджаны да 4 гадоў калоніі агульнага рэжыму.

Нагодай для яго крымінальнага пераследу сталі каментары пра «справу Зельцара».

Паводле праваабаронцаў, Рыгора Грыга затрымалі летась, 29 верасня, і ўжо зняволенаму выставілі абвінавачванне ў «абразе Лукашэнкі» і «закліках да санкцыяў».

Справу на 52-гадовага мужчыну, прызнанага праваабарончай супольнасцю палітвязнем, разглядаў суддзя Мікалай Рачынскі.

Іван Кузюр

Асуджаны да 2 гадоў калоніі агульнага рэжыму і штрафу ў 3200 рублёў

Нагодай для крымінальнага пераследу сталі каментары пра «справу Зельцара».

Паводле праваабаронцаў, Кузюра абвінавацілі ў «абраза прадстаўніка ўлады».

Праваабаронцамі Казюр прызнаны палітвязнем. Яго справу разглядаў суддзя з Іванава Мікалай Стасевіч.

Ілля Багданаў

Асуджаны на 15 дзён адміністрацыйнага арышту.

Паводле праваабаронцаў абвінавачаны ў «распаўсюджванні экстрэмісцкіх матэрыялаў». Справу разглядаў суддзя Віктар Баліка.

Багданаў – юрысконсульт. У 2019 году вылучаўся кандыдатам у дэпутаты Палаты прадстаўнікоў у Полацку. Яго затрымлівалі падчас пратэстаў 2020 году.

Анатоль Лазар

Асуджаны на 15 адміністрацыйнага арышту.

Праваабаронцы пішуць, што падчас затрымання ў яго адбыўся ператрус, забралі камп’ютар і тэлефон.

 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Андрэй Бусел

Асуджаны на 13 дзён адміністрацыйнага арышту.

Паводле праваабаронцаў, мінскага мастака схапілі яшчэ 8 верасня, а судзілі на наступны дзень. У чым абвінавачаны і, што стала нагодай для пераследу невядома.

Андрэй Бусел – вядомы мастак. Ягоныя творы на будынках сталіцы раскіданыя па ўсім горадзе.

Вольга Томіна

Этапаваная ў Гомельскую жаночую калонію №4.

Праваабаронцы нагадваюць, што Томіну 26 мая ў судзе Ленінскага раёну Мінска пакаралі да 2 гадоў калоніі агульнага рэжыму. Нагодай для крымінальнага пераследу стаў яе ўдзел у акцыях пратэсту 2020 году.

Затрымалі заснавальніцу студыі і школы макіяжу ANATOMIA 9 сакавіка. Томіна праваабарончай супольнасцю прызнаная палітзняволенай. У яе трое непаўналетніх дзяцей.

Дзмітрый Дубоўскі

Супраць асуджанага на 18 гадоў калоніі актывіста анархісцкага руху распачатая новая крымінальную справу.

Праваабаронцы даведаліся аб тым ад сястры асуджанага. Вядома, што ад 29 ліпеня ён 40 дзён утрымліваўся ў штрафным ізалятары, а пасля яго з Віцебску этапавалі ў Мінск.

Праваабарончай супольнасцю Дубоўскі прызнаны палітвязнем.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Міністэрства ўнутраных спраў папоўніла «спісе экстрэмістаў».

У ім чацвёра, прызнаных праваабарончай супольнасцю, палітвязняў.

Яўген Люльковіч – палітвязень;

Аляксандр Курганскі – палітвязень;

Журналіст Андрэй Кузнечык – палітвязень;

Дзяніс Граханаў – палітвязень;

Аляксей Маеўскі

Паводле праваабаронцаў, цяпер у «экстрэмісцкім спісе» міліцэйскага ведамства 479 асобаў.

Юрый Чубанаў

Асуджаны да 2 гадоў калоніі агульнага рэжыму.

Паводле праваабаронцаў, нагодаю для крымінальнага пераследу сталі каментары і «упадабайкі» у сацыяльных сетках.

Абвінавачаны ў «незаконных дзеяннях з персанальнымі дадзенымі», «абразе прадстаўніка ўлады», «абразе Лукашэнкі», «здзек з дзяржаўных сімвалаў» і «паклёпе на Лукашэнку».

Справу разглядаў суддзя з Гродна Генадзій Мазайла.

Аляксандр Мялешка

3 гады абмежавання волі без накіравання ў папраўчую ўстанову адкрытага тыпу – «хатняя хімія».

Загадчыка лабараторыі дзіцячай анкалогіі абвінавацілі ва ўдзеле ў пратэстах 2020 году. Шэсць дзён ён утрымліваўся ў няволі і быў адпушчаны на парукі калегаў.

Справу на медыка разглядаў суддзя Максім Трусевіч.

Андрэй Вашчук

Каталіцкага святара аштрафавалі на 320 рублёў.

Як перадаюць медыі, адміністрацыйную справу разглядалі без Вашчука, бо ён «пехатою сышоў у Літву 15 жніўня». Пратакол на святара склалі, калі яго ўтрымлівалі пад арыштам.

Нагодаю для пераследу стала апублікаванне ім у сацыяльных сетках « карыкатурнай выявы са свастыкай». 

Суддзя Андрэй Андрушэнка з Першамайскага раённага суду Віцебску ўгледзеў у ёй «прапаганду або публічнае дэманстраванне, выраб, распаўсюджванне нацысцкай сімволікі ці атрыбутыкі».

Раней, святар няволіўся пад адміністрацыйным арыштам 30 дзён. Па вызваленні пакінуў Беларусь.

Алег Гайдук

Затрыманы.

Паводле праваабаронцаў, якія спасылаюцца на праўладныя тэлеграм-каналы, былога міліцыянта схапілі, бо ён «зліваў звесткі былых калег у экстрэмісцкія тэлеграм-каналы і пакідаў у такіх каналах абразлівыя каментары аб вышэйшых службовых асобах Рэспублікі Беларусь, зарэгістраваўся ў плане «Перамога» і збіраўся выехаць ваяваць на баку Украіны».

 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Іван Карабельнікаў, Арцём Калашук, Барыс Кайзер, Дзмітрый Крывулька, Сяргей Ананьеў, Яўген Ліцкевіч, Уладзіслаў Шалабанаў, Сяргей Сясіцкі, Віталь Грыгаль, Аляксандр Пугач, Сяргей Скакун, Павел Варапай.

Праваабарончай супольнасцю прызнаныя палітвязнямі, а іх крымінальны пераслед палітычна матываваным.

Аляксей Сянько

Асуджаны да 2 гадоў пазбаўлення волі ў калоніі агульнага рэжыму.

Праваабаронцы паведамляюць, што Гродненскі абласны суд абвінаваціў Сянько ў «абразе прадстаўніка ўлады» і «распальванні іншай сацыяльнай варожасці».

Сянько прызнаны праваабарончай супольнасцю палітвязнем. У няволі яго ўтрымліваюць ад 29 верасня 2021 году.

 Нагодай для яго крымінальнага пераследу сталі каментары пра «справу Зельцара».

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Вера Валністая

Асуджаная да 3 гадоў абмежавання волі без накіравання ў папраўчую ўстанову.

Паводле праваабаронцаў, 31-гадовую жанчыну абвінавацілі ў « дзеяннях, якія груба парушаюць грамадскі парадак».

8 жніўня яе прысудзілі былі 2 гады «хіміі» за «абразу прадстаўніка ўлады». Яна мусіць сплаціць пацярпеламу 32000 рублёў кампенсацыі маральнай шкоды.

Праваабарончай супольнасцю Валністая прызнаная палітзняволенай. Па агучванні выраку яе вызвалілі ў залі суду.

Уладзімір Целяпун

На ўжо асуджанага на 10 дзён арышту складзеныя яшчэ тры пратаколы аб адміністрацыйных правапарушэннях.

Праваабаронцы, калегі Целяпуна, пішуць, што яму інкрымінуюць «распаўсюджванне экстрэмісцкіх матэрыялаў».

Дзмітрый Стасевіч

Затрыманы.

Пра тое паведамляюць праваабаронцы, спасылаючыся на праўладныя тэлеграм-каналы. У іх яго называюць «актывістам аднаго з дваравых чатаў».

Стасевіч у «пакаяльным відэа» кажа, што хадзіў на Маршы, а таксама быў падпісаны на «экстрэмісцкія» тэлеграм-каналы.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Алег Канавалаў

Асуджаны да 5 гадоў калоніі ўзмоцненага рэжыму і штрафу ў 8200 рублёў.

Яго затрымалі па вяртанні ў Беларусь з Украіны 10 студзеня 2022 года.

Паводле праваабаронцаў, Канавалава абвінавацілі ў тым, што ён дэананімізаваў сілавікоў і ўжо па ад’ездзе ва Украіну працягваў «размяшчаць у сацыяльных сетках інфармацыю антыдзяржаўнага зместу, прапагандаваць супраціў прадстаўнікам улады».

Канавалаў прызнаны праваабарончай супольнасцю палітвязнем. Судзілі яго ў Гомелі.

Іна Можчанка

Асуджаная да 3 гадоў пазбаўлення волі і аштрафаваная на 3200 рублёў.

Былую карэспандэнтку Белта абвінавацілі ў «абразе прадстаўніка ўлады» і «распальванні расавай, нацыянальнай, рэлігійнай ці іншай сацыяльнай варожасці ці розніцы».

Нагодай для крымінальнага пераследу сталі яе допісы пра «справу Зельцара».

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Дзмітрый Дзямешка

Асуджаны да 3 гадоў абмежавання волі ў папраўчай установе адкрытага тыпу.

Паводле праваабаронцаў, яго абвінавацілі ў «абразе Лукашэнкі» і «абразе прадстаўніка ўлады».

Дзямешка праваабарончай супольнасцю прызнаны палітвязнем.

Праваабаронцы адзначаюць, што нагодай для крымінальнага пераследу сталі каментары ў сацсетках пра «справу Зельцара».

Міхаіл Касякоў

Асуджаны да двух гадоў калоніі.

Паводле праваабаронцаў абвінавачаны ў «абразе Лукашэнкі» і «здзек з дзяржаўных сімвалаў».

На закрытым працэсе старшыняваў суддзя з Гомелю Яўген Шаршнёў.

Ілля Тананка

Вызвалены па адбыванні прысуджанага.

Тананка прызнаны праваабарончай супольнасцю палітвязнем.

Паводле праваабаронцаў, 21-гадовы быў асуджаны на паўтара года «хіміі» за абразу начальніка мінскага АМАПу Дзмітрыя Балабы.

Андрэй Галавырын

Выйшаў на волю па 75 дням утрымання на «сутках».

Праваабаронцы нагадваюць, што яго затрымалі 15 чэрвеня і змясцілі ў Наваполацкі ізалятар. Пасля гэтага Галавырына судзілі пяць разоў за падпіску і рэпосты допісаў з «экстрэмісцкіх» каналаў і кожны раз суддзя Зінаіда Балаболава адпраўляла актывіста на 15 дзён адміністрацыйнага арышту.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Марына Санкевіч

Асуджаная да 7 гадоў калоніі.

Паводле праваабаронцаў, 27-гадовую жанчыну са Старых Дарог абвінавацілі ў «арганізацыі і падрыхтоўцы дзеянняў, якія груба парушаюць грамадскі парадак, альбо актыўным удзел у іх», «абразе Лукашэнкі», «ва ўдзеле ў масавых беспарадках», «распальванні расавай, нацыянальнай, рэлігійнай альбо іншай сацыяльнай варожасці або варажнечы».

Нагодай для крымінальнага пераследу сталі каментары ў тэлеграм-канале.

Мікалай Дземчанка

Асуджаны да 2 гадоў калоніі агульнага рэжыму і штрафу ў 3200 рублёў.

Паводле праваабаронцаў Гомельскі суд абвінаваціў яго ў «дыскрэдытацыі Рэспублікі Беларусь».

На судовым працэсе старшыняваў суддзя Аляксандр Зінчук.

Нагодай для крымінальнага пераследу сталі каментары ў сацсетках пра «справу Зельцара».

Інцыдэнт з Зельцарам адбыўся 28 верасня 2021 году. У КДБ тады паведамілі, што ў Мінску падчас рэйду быў смяротна паранены супрацоўнік ведамства. Сілавікі ў адказ адкрылі агонь і застрэлілі жыхара кватэры.

Пазней стала вядома, што ім аказаўся Андрэй Зельцар, супрацоўнік кампаніі EPAM Systems.

За каментары ў сацсетках у «справе Зельцара» затрымалі ўжо каля 200 чалавек.

Мікалай Сергіеня

Асуджаны да 1 году і 8 месяцаў калоніі агульнага рэжыму ды штрафу 3200 рублёў.

Паводле праваабаронцаў нагодай для крымінальнага пераследу сталі каментары ў сацсетках пра «справу Зельцара».

Мінскі гарадскі суд абвінаваціў яго ў «абразе прадстаўніка ўлады», «распальванні расавай, нацыянальнай, сацыяльнай альбо іншай варожасці і варажнечы».

На працэсе старшынявала суддзя Таццяна Фалькоўская.

Яўген Ракевіч

Асуджаны да 2 гадоў калоніі.

Паводле праваабаронцаў нагодай для крымінальнага пераследу сталі каментары ў сацсетках пра «справу Зельцара».

Абвінавачаны ў «абразе прадстаўніка ўлады» і «распальванні расавай, нацыянальнай, рэлігійнай альбо іншай сацыяльнай варожасці або варажнечы».

Справу разглядала суддзя Цяплова.

Цімур Хайрулін

Асуджаны да 2 гадоў і 6 месяцаў калоніі агульнага рэжыму.

Паводле праваабаронцаў нагодай для крымінальнага пераследу сталі каментары ў сацсетках пра «справу Зельцара».

Абвінавачаны ў « распальванні расавай, нацыянальнай, рэлігійнай альбо іншай сацыяльнай варожасці» ды «за абразу прадстаўніка ўлады».

Наста Лойка і Даніла Кашэўскі

Асуджаныя да адміністрацыйнага арышту.

Лойцы далі 15 дзён, а Кашэўскаму – 12-ць.

Абодвух схапілі па сканчэнні суду над групай палітвязняў, сярод якіх была праваабаронца Марфа Рабкова.

Уладзімір Буцькавец

Асуджаны на 7 дзён адміністрацыйнага арышту.

Праваабаронцы пішуць, што яго схапілі 5 верасня і асудзілі за «распаўсюджванне экстрэмісцкіх матэрыялаў»

5 жніўня суполку, якую ён адміністраваў, прызналі «экстрэмісцкімі матэрыяламі», а 18 жніўня – «экстрэмісцкім фармаваннем».

 

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Ігар Леднік

Асуджаны на 3 гады калоніі.

Сябра Беларускай сацыял-дэмакратычнай партыі абвінавацілі ў паклёпе на Лукашэнку.

Паводле праваабаронцаў, справу разглядала суддзя Тацяна Шоцік з суда Ленінскага раёну Мінска.

Мікіта Слепянка

Асуджаны на 3 гады калоніі.

Паводле праваабаронцаў, нагодай для крымінальнага пераследу стала адміністраванне ім культурна-гістарычнага тэлеграм-каналу.

Слепянку прызналі вінаватым у «стварэнні экстрэмісцкага фармавання і кіраванні ім».

Уладзімір Бранавіцкі

Асуджаны на 1 год калоніі агульнага рэжыму.

Праваабаронцы пішуць, што нагодай для крымінальнага пераследу стала вывешванне ім бел-чырвона-белай сімволікі.

Яго прызналі вінаватым у «хуліганстве». Справу разглядала суддзя Аксана Копыч.

Уладзімір Целяпун

Асуджаны на 10 дзён адміністрацыйнага арышту.

Паводле праваабаронцаў, абвінавачаны ў «распаўсюджванні экстрэмісцкай інфармацыі». Падчас разгляду справы яму выклікалі хуткую дапамогу.

Таццяны Пячко

Аштрафавалі на 100 базавых велічыняў (3200 рублёў).

Праваабаронцы пішуць, што кіраўніцу грамадскага аб’яднання «Пазітыўны рух» абвінавацілі ў «парушэнні парадку арганізацыі або правядзенні масавых мерапрыемстваў».

Сафія Малашэвіч, Аляксей Зікееў

Выйшлі на волю, адбыўшы прысуджанае. Абодва прызнаныя праваабарончай супольнасцю палітзняволенымі.

Малашэвіч пасадзілі за тое, што ў 2020 годзе на «Маршы адзінства» зрабіла графіці на шчытах міліцыянтаў.

Зікееў быў чальцоў вылучэнца на прэзідэнцтва Валерыя Цапкалы.

Хроніка прыхаванай рэальнасці. Суды, зняволенні, вызваленні

Навіна ад

Звесткі пра пераслед паводле праваабаронцаў, медыяў і родзічаў тых, хто зазнае яго.

Ілля Гольцаў, Аляксей Рэзнікаў, Анастасія Лазарэнка, Наталля Лашч і Дзмітрый Іванчанка.

Праваабарончай супольнасцю прызнаныя палітвязнямі, а іх крымінальны пераслед палітычна матываваным.

Ілля Верамееў

Асуджаны да 6,5 гадоў калоніі ўзмоцненага рэжыму.

Паводле праваабаронцаў нагодай для крымінальнага пераследу сталі паведамленні ў тэлеграм-каналах. Яго прызналі вінаватым у «замаху на арганізацыю масавых беспарадкаў» і «распальванне іншай сацыяльнай варожасці».

Справу разглядаў Гомельскі абласны суд. На працэсе старшыняваў суддзя Анатолій Сотнікаў.

Павел Варапай

Асуджаны да 3,5 гады калоніі і штрафу на больш як 20 тысяч рублёў.

Паводле праваабаронцаў яго прызналі вінаватым у «публічнай абразе Лукашэнкі, прадстаўнікоў улады, суддзі, паклёпе».

Праваабаронцы пішуць, што Варапай у тэлеграм-каналах пакідаў «абразлівыя» каментары не толькі на Лукашэнку, але яшчэ на Ярмошыну, Качанаву, Шведа, Макея і іншых чыноўнікаў.

Валянцін Музыкін

Асуджаны на 2 гады калоніі.

Праваабаронцы паведамляюць, што яго асудзілі за «распальванне расавай, нацыянальнай, рэлігійнай альбо іншай сацыяльнай варожасці або варажнечы», а таксама «абразу прадстаўніка ўлады».

На закрытым працэсе старшыняваў суддзя Гомельскага абласнога суда Іван Котаў.

Віктар Кулінка

Асуджаны да трох гадоў калоніі.

Яго звінавацілі ў перадачы аднаму з тэлеграм-каналаў фота расійскай вайсковай тэхнікі і асудзілі за «садзейнічанне экстрэмісцкай дзейнасці», пішуць праваабаронцы.

Праваабарончай супольнасцю Кулінка прызнаны палітвязнем. Яго затрымалі 30 сакавіка і запісалі з ім «пакаяльнае відэа».

Паліна і Станіслаў Кабешавы

Мужа і жонку асудзілі на тры гады абмежавання волі без накіравання ў папраўчую калонію («хатняй хіміі»).

Паводле праваабаронцаў іх вызвалілі ў залі суда, а ўтрымлівалі ў няволі чатыры месяцы.

Нагодай для крымінальнага пераследу Кабешавых стаў удзел у пратэстах 2020 году. Іх прызналі вінаватымі ў «арганізацыі і падрыхтоўцы дзеянняў, якія груба парушаюць грамадскі парадак, або актыўны ўдзел у іх».

Спачатку Кабешавых асудзілі па адміністрацыйнай справе і адправілі на «суткі», а потым перавялі ў сталічнае СІЗА-1 у межах крымінальнай справы.

Ігар Банцэр

Асуджаны на 15 дзён адміністрацыйнага арышту.

Паводле праваабаронцаў у судзе Цэнтральнага раёну Мінска адбыўся чарговы працэс над Ігарам Банцэрам. Яго абвінавацілі ў «распаўсюджванні экстрэмісцкіх матэрыялаў» і асудзілі яшчэ на 15 дзён адміністрацыйнага арышту.

З улікам гэтага тэрміну Банцэр застанецца ў ізалятары як сама мала 45 дзён.

Ганна Тукава

Аштрафавана, але застаецца ў няволі.

Праваабаронцы пішуць, што Тукава правяла 1 верасня ў гімназіі №1 Наваполацку антываенную акцыю. Яе аштрафавалі, але на волю з ізалятару не выпусцілі. На яе складзены яшчэ адзін пратакол адміністрацыйнага правапарушэньня.

Праваабаронцы паведамляюць, што ў Тукава гадуе дзіця.

Уладзіслаў Рабіч

Трапіў пад пераслед.

Паводле праваабаронцаў мужчына з першай групай інваліднасці, які мае дыягназ ДЦП і выкарыстоўвае вазок, адрэагаваў у сацыяльнай сетцы на допіс пра Лукашэнку.

9 жніўня 2022 года ў дом, дзе знаходзіліся Рабіч і ягоны малодшы брат, уварваліся сілавікі. Пагражаючы яны змушалі яго, адрачыся ад каментару. Рабіч адмовіўся выконваць загад міліцыянтаў. Тыя ў адказ паабяцалі распачаць супраць яго крымінальную справу.

Судзіць Рабіча за абразу Лукашэнкі будуць 12 верасня на трэцім паверсе тэрытарыяльнага Цэнтры сацыяльнага абслугоўвання, дзе няма пандуса.