Tag: Латвія

«У пацыентаў незагойныя раны». У Латвіі лечаць параненых у выніку расійскіх абстрэлаў украінцаў

Навіна ад

У Рыжскую Усходнюю клінічную ўніверсітэцкую больніцу дастаўлены 21 чалавек з цяжкімі раненнямі, атрыманымі ва Украіне.

Пішам пра краіны суседкі, на жыццё якіх паўплывала поўнамаштабная агрэсія Расіі супраць Украіны. Суседзі Беларусі апякуюцца уцекачамі-украінцамі, прымаюць на лячэнне ахвяраў вайны, пастаўляюць гуманітарную дапамогу Ўкраіне. Самі сутыкаюцца з эканамічнымі цяжкасцямі, прызнаюць наяўнасць крызісных прыкметаў у фінансавым сектары і не баяцца агучваюць сваю пазіцыю адносна таго, што творыць Расія ва Ўкраіне.

Паводле кіраўніка клінікі траўматалогіі і артапедыі Андрыса Вікманіса гэтыя пацыенты адрозніваюцца ад хворых з бытавымі траўмамі, бо для ахвяраў вайны неабходныя аперацыі па рэканструктыўнай хірургіі, пратэзы, трансплантацыя касцей.

Большасць дастаўленых пацыентаў – маладыя людзі з траўмамі, атрыманымі ў выніку абстрэлаў або выбухаў. Медыкі асцерагаюцца, што ў параненых на вайне магчымыя інфекцыі. Акрамя таго, у некаторых пацыентаў ёсць незагойныя раны, паведамляе  інфармацыйнае агенцтва «Delfi».

Міністр аховы здароўя Даніэль Паўлютс кажа, што каля 8000 мірных жыхароў Украіны ўжо атрымалі медычную дапамогу ў Латвіі.

Ён падкрэслівае: аб гатоўнасці падтрымаць параненых ва Украіне гаварылі ўжо даўно, але да гэтага часу вылечылі толькі некалькі такіх людзей. Па яго словах, Латвія здольная прыняць некалькі сотняў пацярпелых ва Украіне і зараз – час выкарыстоўваць гэтыя магчымасці.

У супрацоўніцтве з дабрачыннай арганізацыяй M-Help.com Міністэрства аховы здароўя прадставіла спецыяльны аўтобус, здольны за адзін раз перавезці 21 пацярпелага.

Дырэктар дабрачыннай арганізацыі M-Help.com Арвіс Рэкетс кажа, што арганізацыя першапачаткова дапамагала ў аснашчэнні ўкраінскіх больніцаў, але цяпер яна таксама дапаможа арганізаваць рэгулярныя аўтобусныя рэйсы для пацярпелых у вайне ва Украіне.

фота з рэсурсу: swissinfo.ch

Навіны пабрацімых. Скандал з мэрам Даўгаўпілсу не сунімаецца. Не выключана, што яго здымуць з пасады

Навіна ад

Удзел Андрэя Элксніньша ў святкаванні Дня незалежнасці Беларусі, арганізаваным яе Генеральным консульствам у Даўгаўпілсе выклікаў хвалю абурэння і крытыкі. Сам ён вінаваціць прэсу ў тым, што яна з яго зрабіла «здрадніка дзяржавы».

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці

Латвійская прэса піша пра магчымую адстаўку з пасады мэра Даўгаўпілса Андрэя Элксніньша. Ініцыяваць вызваленне з пасады можа Міністр аховы навакольнага асяроддзя і рэгіянальнага развіцця Артур Том Плешс, піша выданне Press.

 

«Гэта нацыянальная пагроза»

Міністр унутраных спраў Крыстап Эклонс заяўляе, што ўдзел Элксніньша ў імпрэзе беларускага консульства «вельмі дрэнны сігнал для латвійскага грамадства, які ніяк не садзейнічае згуртаванню і нацыянальнай бяспецы».

press.lv

Старшыня Камісіі нацыянальнай бяспекі парламенту Марыс Кучынскіс лічыць, што з гледзішча дзяржавы гэта нацыянальная пагроза.

«Гэта вельмі дрэнна, таму што жыхары муніцыпалітэта раўняюцца на свайго лідара, для іх яго вядомасць і папулярнасць нашмат вышэй, чым ва ўрада ці парламента», – адзначае ён.

Кучынскіс указвае, што ў доўгатэрміновай перспектыве пажадана ўзмацніць жорсткасць заканадаўчыя патрабаванні да кіраўнікоў буйных гарадоў, гэта значыць пры прыняцці рашэння аб допусках да працы з дзяржаўнай таямніцай.

press.lv

 

“Не адпавядае інтарэсам нацыянальнай бяспекі Латвіі”

Тым часам Служба дзяржаўнай бяспекі Латвіі папярэджвае, што асаблівы інтарэс у спецслужбаў Беларусі і Расіі выклікаюць службоўцы, якія валодаюць сакрэтнымі звесткамі, або іншай інфармацыяй аб Латвіі і яе саюзных краінах, даступнай абмежаванаму колу асобаў, піша Press.

«У цяперашняй геапалітычнай сітуацыі ўдзел латвійскіх дзяржаўных і мясцовых органаў улады ў мерапрыемствах, арганізаваных дзяржавай-агрэсарам Расіяй або яе найбліжэйшым саюзнікам Беларуссю, не адпавядае інтарэсам нацыянальнай бяспекі Латвіі», – цытуе заяву спецслужбы Латвіі выданне.

“СМІ зрабілі здраднікам дзяржавы”.

Андрэй Элксніньш разам з іншымі кіраўнікамі гораду адзначаў афіцыйны Дзень незалежнасці Беларусі на закрытай імпрэзе ў адным з мясцовых рэстаранаў. Арганізавала імпрэзу генеральнае консульства Беларусі ў Даўгаўпілсе, высветліла выданне  «Chayka».

«Як мэр гораду, я паважаю ўсе структуры, юрыдычныя або прыватныя, якія ў нашым горадзе працуюць і аказваюць для нашых жыхароў пэўнага роду паслугі, у дадзенай сітуацыі – консульскія, і я ніяк не магу ігнараваць, што на тэрыторыі самакіравання дадзены суб’ект існуе. Мой візіт сюды непасрэдна звязаны з тым, што ў Даўгаўпілсе працуе беларускае консульства», – тлумачыў выданню сваю прысутнасць на імпрэзе Андрэй Элксніньш.

У адказ на крытыку Андрэй Элксніньш у сацыяльных сетках напісаў, што СМІ зрабілі з яго здраднікам дзяржавы.

 

Літоўская чыгунка не мае намераў аднаўляць курсаванне цягнікоў з Вільнюсу ў Мінск

Навіна ад

Прынамсі сёлета і ў наступным годзе.

«З 2020 году, калі пачалася пандэмія COVID-19, пасажырскія цягнікі між Вільнюсам і Мінскам былі спыненыя. З улікам усіх абставінаў у планы на 2023 год не ўваходзяць зносіны між сталіцамі Літвы і Беларусі», – тлумачыць прадстаўнік кампаніі LTG Link Катрына Дзікарайтэ.

Па яе словах, піша выданне Delfi, у кампанію Lietuvos gelezinkeliai зьвярнулася кіраўніцтва Беларускай чыгункі з прапановай аднавіць маршрут Вільнюс-Мінск.

Беларусь зацікаўленая ў аднаўленні пасажырскіх зносінаў з Літвой, Латвіяй і Польшчай, інфармавала ў сваім тэлеграм-канале Міністэрства транспарту.

«З палепшаннем эпідэміялагічнай сітуацыі і скасаваннем абмежаванняў на перасоўванне грамадзян Беларусь неаднаразова прапаноўвала аднавіць міжнародныя пасажырскія перавозкі, але безвынікова», – гаворыцца ў паведамленні ведамства.

Міністэрства транспарту ўказвае, што ў дапандэмійны час на перавозкі з Літвой, Латвіяй і Польшчай прыпадала 20 працэнтаў усіх міжнародных зносінаў краіны, што гаворыць аб іх запатрабаванасці, як у беларусаў, так і грамадзян краінаў-суседак.