Пра тое, што ён натварыў, 37-гадовы жыхар Бабруйска даведаўся ўжо ад міліцыянтаў. Здорава напіўшыся, мужчына ўварваўся ў гандлёвы цэнтр і стаў крушыць прылавак гандлёвай кропкі, разбіваючы вітрыны нагамі. Супрацоўнікі цэнтра выклікалі ахову, якая і скруціла дэбашыра. Пазней, ужо працверазеўшы, мужчына так і не ўспомніў, што ён натварыў, пакуль яму не паказалі відэа з камер назірання – піша міліцэйскі Тэлеграм-канал.
Фота ілюстрацыйнае
Дробнае сутыкненне ў калідоры інтэрната ледзь не абярнулася трагедыяй. Як паведамляе звязаны з сілавікамі Тэлеграм-канал, у Касцюковічах некалькі дзяцей паканфліктавалі. 12-гадовы падлетак штурхануў 5-гадовага малога, пасля чаго той ударыўся. На канфлікт выскачыў п’яны бацька малодшага дзіцёнка.
Ён пабіў 12-гадовага падлетка тут жа ў калідоры і пацягнуў яга да вакна, пагражаючы выкінуць. Ручка на аконнай раме, аднак, заклініла, і ў мужчыны не атрымалася адкрыць вакно.
За пагрозу забойствам супраць скандаліста ўзбуджана крымінальная справа.
Фота ілюстрацыйнае.
