30 верасня ў Быхаве на Кастрычніцкай плошчы пройдзе гастранамічны фестываль “БульбаСаміт”. Пачатак у 11.00. Гэта ўжо другое падобнае мерапрыемства, папярэдні “саміт” адбываўся ў 2022 годзе.
Тады ўдзельнікі здзіўлялі публіку незвычайнымі рэцэптамі – торт з дранікаў, дранікі з гарбузом, каўбаса з бульбы “пальцам пханая” – пісала “СБ”. Сёлета на гастрафэсце зноў чакаецца прэзентацыя беларускіх традыцыйных страваў, а таксама майстар-клас па карвінгу (мастацтва выразання па паверхні пладоў) і конкурс на самую буйную агародніну.
Фота: СБ