На мінулым тыдні ў Бабруйску адмянялі дзясяткі рэйсаў маршрутных аўтобусаў – пісалі mogilev.media. Сёння зноўку масавая адмена – паведамляе афіцыйны сайт Бабруйскага філіяла Аўтапарка №2 “Магілёўаблаўтатранса”. Прычынай зноў называецца выхад на бальнічныя вадзіцеляў парка. У сацыяльных медыя паведамлялася пра крытычны недахоп кіроўцаў аўтобусаў у Бабруйску.
Фота: “Камерцыйны кур’ер”
Расклад руху аўтобуснага маршруту № 43 зменіцца з 15 сакавіка ў сувязі з перакрыццем руху па вуліцы Камсамольскай і арганізацыяй аб’езду маршрутам вуліца Піянерская – праспект Міра. У зваротным напрамку шлях ляжа па вул. Лазарэнка, вул. Болдзіна.
З 18 сакавіка зменіцца расклад руху і аўтобуснага маршруту № 41 з той жа прычыны.
З падрабязным раскладам руху аўтобусаў № 41 і 43 можна азняёміцца на сайце аўтапрадпрыемства https://ap1mogilev.by/vnimaniyu-passazhirov-marshruta-%E2%84%96-41-0 і на https://rasp.ap1mogilev.by/
Іржавыя, дзіравыя панэлі насучых канструкцый рэйсавага аўтобуса на лініі шакавалі пасажыраў грамадскага транспарта ў Магілёве.
“Паглядзіце на гэтую іржу і дзіркі, на грубую сварку рамонту панэляў транспартнага сродку, якому мы давяраем сваё жыццё і здароўе. – напісалі чытачы Магілёў.media – Пытанне, чаму гэтага не бачыць кіраўніцтва аўтапарка і шматлікія правяраючыя органы – рытарычнае. Яны ж на аўтобусах не ездзяць.”
А каб кантралюючым органам было лягчэй разабрацца з сітуацыяй, нам выслалі таксама і нумар аўтобуса. Хаця лепш бы праверылі ўвесь аўтапарк.
