Сёння па ўсёй Беларусі праходзіў суботнік. У Мінску Аляксандр Лукашэнка прыняў удзел у добраўпарадкаванні тэрыторыі вакол будоўлі новага корпуса Нацыянальнага гістарычнага музея – піша яго прэс-служба. На суботніку палітык з Шклоўскага раёна разам з паплечнікамі саджаў чырвоналіставыя дубы. Усяго на гэтым мерапрыемстве высадзілі 80 такіх дрэў.
Выданне Reform звярнула ўвагу, што чырвоналіставыя дубы, гэта інвазіўны від для Беларусі. Натуральны арэал для іх – Паўночная Амерыка.
Яшчэ ў 2019 годзе старшы навуковы супрацоўнік сектара кадастра расліннага свету Інстытута эксперыментальнай батанікі Нацыянальнай акадэміі навук Леанід Чумакоў у сваім артыкуле ў навукова-папулярным часопісе “Родная Прырода” пісаў:
“Масавае распаўсюджванне гэтага віду ў лясах Беларусі можа негатыўна адбіцца на біялагічнай разнастайнасці, паколькі ён, ствараючы густыя навалы ў лясных масівах, з часам можа выцясняць як многія драўніны, так і падполагавую травяністую расліннасць”.
Фота: СБ