Category: Эканоміка

Пасол Беларусі ў Расіі ўгледзеў вялізны эканамічны патэнцыял двух краін. Зноў пра пастаўкі нафты, нафтапрадуктаў і газу

Навіна ад

Васіль Сямашка прызнае «складаныя знешнія абставіны, выкліканыя санкцыямі, але настойвае: «Мы ўбачылі вялізны эканамічны патэнцыял як Расіі, так і Беларусі».

Як вынікае з публікацыі інфармацыйнага агенцтва Белта дыпламат натхніўся на такую заяву, агледзеўшы Міжнародную спецыялізаваную выставу «Белагра-2022». Яна праходзіць на тэрыторыі Кітайска-беларускага індустрыяльнага парку «Вялікі камень».

Васіль Сямашка спадзяецца на дамоўленасці падпісаныя Аляксандрам Лукашэнкам і Уладзімерам Пуціным у межах рэалізацыі праграм саюзнай дзяржавы. Паводле яго ў гэтых праграмах у тым ліку «прапісана стварэнне і развіццё агульнай эканамічнай платформы, звязанай з пастаўкамі нафты, нафтапрадуктаў, газу, транспарту і іншых тавараў».

«Таксама мы імкнемся да адзінай сельскагаспадарчай і прамысловай палітыцы», – адзначае дыпламат.

Паводле інфармагенцтва сёлета на выставе «Белагра-2022», якую адкрылі 7 чэрвеня, прадстаўленыя 400 кампаніяў. Акрамя беларусаў, сваю прадукцыю экспануюць кітайцы, казахі, таджыкі. Чакаецца, што ў ёй возьмуць удзел 30 рэгіёнаў з Расіі.

Летась заяўлялася, што на «Белагра-2022» удзельнічалі прадстаўнікі з Брытаніі, Нямеччыны, Францыі, Нідэрландаў, Літвы, Польшчы, Швецыі, Эстоніі, Італіі, Даніі, Чэхіі.

 

 

 

Тепло, облачно без осадков, а синоптики обещают до 27°C. Для сравнения: в 1948 году было 31°, а в 1991-ом 2°С. Землетрясения и цунами, как на Ямайке в 1692-ом не будет

Навіна ад

Что ждёт с подробностями…

Сегодня, 7 июня, по большей части Могилёвщины переменно облачно, без осадков. Температура до +22- +24°C, местами до +25- +27°C. Ветер южный со скоростью 3-7 м/с, местами до 9 м/с.

Вечером облачно, ветер южный, юго-западный скоростью до 2-3 м/с, температура до +14- +16°C.

Атмосферное давление в течение суток в пределах 747-749 мм ртутного столба.

Солнце взошло в 04:29. Спрячется за горизонт в 21:26. Продолжительность светового дня – 16 ч 56 минут.

В Могилеве за все время наблюдений максимальная температура 7 июня зафиксирована в 1948 году – +31°, а минимальная +2°С в 1991 году.

Природные катаклизмы…

В разные годы сегодняшний день не обошёлся без природных катаклизмов, которые всегда застают человечество врасплох.

Всего год назад, например, от наводнения, вызванного сильным дождём, в Сомали потерпело около 400 тысяч человек и привело к перемещению 100000 человек. В Могадишо, в результате чего обрушились здания, погибли 9 человек.

А в эпоху без интернета, телевидения и газет 7 июня 1692 года землетрясение практически полностью разрушило 10-тысячный город Порт-Ройал на острове Ямайка. Это место считалось пиратской столицей. Вслед за землетрясением цунами вместе с оползнями смыла в море большую часть того, что оставила после себя землетрясение. В гавани Порт-Ройала затонуло около 50 кораблей, 1800 городских зданий было разрушено.

 

 

Міністр сельскай гаспадаркі і харчавання лічыць, што санкцыі не перашкодзілі пастаўкам сельгаспрадукцыі ў Еўропу

Навіна ад

Пастаўкі прадукцыі ў краіны Еўрапейскага Звязу, нягледзячы на санкцыі, выраслі больш, чым на палову, заяўляе міністр сельскай гаспадаркі і харчавання Ігар Брыло.

Службовец, сцверджанне якога падае газета «СБ. Беларусь сегодня», не тлумачыць, як так выйшла. Ён акцэнтуе ўвагу на супрацоўніцтве з расійскімі рэгіёнамі. Па ягоных словах інтарэс расіян да беларускай прадукцыі значна вырас на фоне заходніх санкцыяў. Іх цікавяць камбайны, аўтобусы, харчы.

Паводле яго за чатыры сёлетнія месяцы сельскагаспадарчыя прадпрыемствы нагандлявалі на 2,2 мільярды долараў, што на 11 працэнтаў больш за аналагічны перыяд 2021 году. Летась экспарт сельскагаспадарчай прадукцыі склаў 6,7 мільярдаў долараў.

Ігар Брыло лічыць, што сёлета ёсць магчымасць перавысіць 7 мільярдны рубеж у пастаўках прадукцыі аграпрамысловага комплексу за мяжу. Які аб’ём прыпадзе на краіны Еўрапейскага Звязу чыноўнік не ўдакладняе, але настойвае, што нягледзячы на санкцыі продажы павялічыліся больш чым на палову.

Інтэрнэт-рэсурс 1prof.by, спасылаючыся на Ігара Брыло адзначаў, што ў Еўропу прадавалася сельскагаспадарчай прадукцыі на больш чым 300 мільёнаў долараў. Ва Украіну пастаўлялася харчоў на 240 мільёнаў. З пачаткам вайны малочная і мясная прадукцыя, якая ішла на ўкраінскі рынак, была пераарыентаваная ў Расею.

Ігар Брыло таксама казаў, што беларуская прадукцыя прысутнічае на рынках 112-116 краін, але асноўным застаецца расійскі, а за ім кітайскі. Для іх,паводле службоўцы, пашыраецца асартымент сельскагаспадарчай прадукцыі і прыкладаюцца высілкі, каб займець дакументы на права продажу яго там.

Па пяць рублёў на сям’ю з трох чалавек. Экалагічны падатак за пахаванне адыходаў спажывання

Навіна ад

Новы падатак прапануе ўвесці Міністэрства жыллёва-камунальнай гаспадаркі. Як сцвярджаецца сродкі ад яго накіруюць на ўдасканаленне сістэмы абыходжання з адыходамі. Чакаецца, што збяруць блізу 60 мільёнаў рублёў.

Цяпер існуе падатак толькі на захаванне адкідаў вытворчасці, падае тлумачэнне прадстаўніка міністэрства прыродных рэсурсаў і навакольнага асяроддзя Максіма Тарасава газета «Голас Касцюкоўшчыны».

Паводле яго сродкі ад «экалагічнага падатку» пойдуць на будаўніцтва сучасных аб’ектаў і вытворчасцяў па выкарыстанні адыходаў дзеля максімальнага вяртаньня ў гаспадарчае і грамадзянскае абарачэнне.

 

Знізілі цану на зубную пасту, а кошт круп павялічыўся. Сярод прычын нестабільнасці на спажывецкім рынку прафсаюзнікі называюць санкцыі

Навіна ад

Нягледзячы на захады ўлады па стабілізацыі цэнаў на спажывецкім рынку яны працягваюць расці, хоць на некаторыя віды тавараў іх удалося “збіць”.

Пра гэта сведчаць вынікі, праведзенага Федэрацыяй прафсаюзаў цэнавага маніторынгу на тавары. З яго вынікае, што з пачаткам вясны рост цэнаў на некаторыя прадметы асабістай гігіены, бытавой хіміі і іншых імпартных тавараў даходзіў да 80 працэнтаў. 

Паводле прафсаюзнікаў такое павышэнне коштаў на тавары значна апярэджвала рост курсу валют, адзначана на сайце газэты «СБ. Беларусь сегодня».

«Нягледзячы на ўмацаванне курсу нацыянальнай валюты, кошт аналізаванага набору тавараў асабістай гігіены, бытавой хіміі за перыяд ад лютага да мая вырас на 25 працэнтаў», – адзначаюць у прэсай службе прафсаюзнага аб’яднаньня.

Паводле прафсаюзнікаў у маі ў параўнанні з лютым падаражэлі :

– на 12 працэнтаў крупы;

– на 25 працэнтаў кашы для дзіцячага і дыетычнага харчавання;

– на больш, чым 18 працэнтаў макароны;

– алей і мука на 15 працэнтаў.

Нязменнымі засталіся цэны на малочную прадукцыю, свініну на косці і на курынае мяса, канстатуюць у прафсаюзе.

Паводле яго зменшыліся цэны ў маі ад 4 да 50 працэнтаў на сінтэтычныя мыйныя сродкі ды зубную пасту.

«Сітуацыя можа мяняцца ледзьве не штодня», – піша праўладнае выданне, спасылаючыся на паведамленне прэсавай службы Фэдэрацыі прафсаюзаў.

«Гэта, безумоўна, звязана з шматлікі акалічнасцямі, – тлумачаць там. – Абмежаванымі мерамі, уведзенымі супраць нашай краіны, сусветным ростам цэнаў на разнастайныя паслугі, лагістычнымі складанасцямі і іншым».

 

Інфляцыйны скачок да 6,1% Міністэрства антыманапольнага рэгулявання і гандлю звязала з вайной ва Ўкраіне

Навіна ад

Сакавіцкі скачок інфляцыі адбыўся праз распачатую спэцаперацыю Расіі ва Ўкраіне і рэакцыяй сусветнай эканомікі на яе, лічыць кіраўнік гэтага дзяржаўнага органа ўпраўлення Аляксей Багданаў.

Ён запэўнівае, што ў маі рост агульнага ўзроўню цэнаў на тавары і паслугі не перавысіць аднаго працэнту, а ў летнія месяцы запаволіцца.

У інтэрв’ю інфармацыйнаму агенцтву Белта ён заявіў, што Міністэрства падрыхтавала праграму стрымлівання цэнаў, якую разглядае ўрад. Што да інфляцыйнай сітуацыі і росту цэнаў у першыя месяцы году, то ў зімовыя месяцы, паводле Багданава, гэта было звязана з адменай зніжак у студзені і традыцыйным падвышэннем тарыфаў на камунальныя паслугі, падаражэнне садавіны і гародніны ў міжсезонні.

Па ягоных словах у сакавіку ж скачок інфляцыі сягнуў 6,1 працэнты праз распачатаю спэцаперацыю Расіі ва Ўкраіне і рэакцыяй на гэта сусветнай эканомікі. У далейшым, кажа Багданаў, умацаванне рубля дазволіла знізіць інфляцыйныя працэсы да 1,6 працэнтаў у месячным выражэнні.

 

У росце цэнаў абвінавачаныя «агрэсіўныя санкцыі»

Навіна ад

Так мяркуе першы намеснік прэм’ер-міністра Мікалай Снапкоў. Ён запэўнівае, што «цяпер сітуацыя па цэнах стабілізуецца».

Паводле Мікалая Снапкова агрэсіўныя санкцыі супраць Расіі і Беларусі ўзнялі цэны на рынках сыравінных тавараў і харчавання. Інфляцыя бʼе рэкорды ва ўсіх краінах, цытуе службоўцу інфармацыйная агенцтва Белта.

Ён прызнае, што рост цэнаў назіраецца і ў Беларусі. Па ягоных словах у красавіку гадавы прырост спажывецкіх цэн склаў 16,8 працэнта», а дзякуючы намаганням ураду «у маі месячны прырост цэн значна замарудзіўся».

Па многіх пазіцыях «баршчавога набору» увайшоў у адмоўную зону», – настойвае Мікалай Снапкоў.

Старшыня ўраду Галоўчанка пра прыхільнасць беларусаў да долара: «Напэўна, так гістарычна склалася»

Навіна ад

«Насельніцтва псіхалагічна больш прывязана да долара», адзначае прэм’ер-міністр Раман Галоўчанка, гаворачы пра стратэгію дэдалярызацыі.

«Мы даўно прытрымліваемся стратэгіі дэдалярызацыі, падае словы старшыні ўраду інфармагенцтва Белта, спасылаючыся на ягонае інтэрвʼю на тэлеканале «Беларусь 1».

“Яна ідзе няпроста, – прызнаў ён, – у першую чаргу. Напэўна, з-за таго, што насельніцтва псіхалагічна больш прывязана да долара. Дарэчы, з усіх краін ЕАЭС менавіта, беларусы адрозніваюцца такой унікальнай псіхалагічнай прыхільнасцю да яго. Ні ў Рф, ні ў Казахстане, ні ў Арменіі такой прыхільнасці няма. Напэўна, так гістарычна склалася”.

Па ягоных словах праграма дэдалярызацыі – гэта сумесныя дзеянні Нацбанку і ўраду Беларусі. Ён лічыць, што з часам яна набудзе яшчэ большую актуальнасць, бо знаходзіцца «у мэйнстрыму развіцця сусветнай эканамічнай мадэлі, звязаным з адмовай ад долара як адзінага сродку плацяжоў».

 У эфіры тэлеканалу «Беларусь 1» Раман Галоўчанка заявіў, што свае ашчаджэнні захоўвае ў беларускіх рублях, і заклікаў беларусаў пераймаць ягоны прыклад.

Паводле звестак «Эканамічнай газеты» па выніках лютага агульны попыт на замежную валюту рэзка перавысіў прапановы.

Выданне, спасылаючыся на дадзеныя Белстату, паведамляла, што перавышэнне абʼёму набытай на працягу месяца замежнай валюты над абʼёмам прададзенай склала сумарна на ўсіх сегментах валютнага рынку 266 мільёнаў долараў ЗША. Чыстая купля валюты ў лютым 2022-га, аказалася найбольшай са жніўня 2020-га.

«Эканамічная газета» адзначае, што сітуацыя «на валютным рынку Беларусі, рэзка змянілася – пагоршылася – яшчэ да падзей ва Украіне.

Малако і малочныя прадукты летась склалі амаль палову экспартнага аб’ёму сельгаспрадукцыі Беларусі

Навіна ад

Драйверам росту беларускага біржавога экспарту стане сельскагаспадарчая прадукцыя, лічыць намеснік старшыні праўлення Беларускай універсальнай таварнай біржы Эдуард Бельскі.

Ва ўмовах павышанага попыту на прадукты харчавання і ўмацаванне гандлёва-эканамічных адносінаў у межах Эўраазійнага эканамічнага саюзу біржавы механізм здольны максімальна эфектыўна рэалізоўваць патэнцыял беларускага аграпрамысловага комплексу, падае меркаванне прадстаўніка біржы інфармагенцтва Белта.

Паводле Бельскага за мінулы год экспарт сельскагаспадарчай прадукцыі склаў 6,7 мільярдаў долараў ЗША. З іх амаль палова (2,7 мільярдаў) прыпадала на малако і малочныя прадукты, якія прадавалі ў 58 краінаў.

«Мы гатовыя нарошчваць экспартныя пастаўкі, пагатоў, што рэсурс для гэтага ёсць – на біржавай пляцоўцы акрэдытаваныя ўсе малакаперапрацоўчыя прадпрыемствы Беларусі», – цытуе словы Бельскага Белта.

Прадстаўнік біржы выступаў на малочнай алімпіядзе ў казахскай Алматы.

Традыцыйна на 2 капейкі. Літр АІ-95 больш за долар ЗША.

Навіна ад

«Белнафтахім» аб’явіў аб павышэнні рознічных коштаў на аўтамабільнае паліва.

У Беларусі з 24 траўня зноў даражэе аўтамабільнае паліва, паведамляе канцэрн «Белнафтахім».

Гэта 13-е павышэнне цэн на паліва Кожны раз кошт павялічваюць на 2 капейкі за літр. Ад пачатку году паліва падаражэла на 26 капеек.

Цяпер літр абыдзецца аўтамабілісту:

 – АІ-92-К5-Еўра – 2 рублі 26 капейкі;

 – АІ-95-К5-Еўра – 2 рублі 36 капейкі;

 – АІ-98-К5-Еўра – 2 рублі 58 капеек;

Паводле Нацыянальнага банку 24 мая курс долара ЗША да рубля – 2,4645, еўра –2,6015. Адсюль вынікае, што літр паліва АІ-98-К5-Еўра каштуе больш за 1 долар ЗША і амаль 1 еўра.