Дачка Аляксандра Царука звярнулася да грамадскасці з просьбай дапамагчы ўсталяваць помнік яе бацьку, актывісту з Магілёва і ветэрану баявых дзеянняў ва Украіне.
Пра гэта ў сваім афіцыйным акаўнце паведамляе прэс-служба Палка Каліноўскага.
Дачка Царука Вольга ўжо аплаціла 1890 еўра з сабраных раней грошай, каб усталяваць помнік бацьку. Але да поўнай сумы не хапае 1350 еўра.
Рэквізіты для дапамогі:
OLGA GOLOMEEVA
IBAN: LT097300010182242136
Аляксандр Царук быў магілёўскім актывістам, назіральнікам на прэзідэнцкіх выбарах у 2020 годзе, за што атрымаў каля 40 сутак арышту сумарна. У 2022 годзе пасля поўнамаштабнага ўварвання расійскай арміі ва Украіну ён далучыўся да Палка Каліноўскага. Ён быў удзельнікам боя, у якім загінуў камандзір батальёна Павел “Волат” Суслаў і прыкрываў эвакуацыю групы.
Пазней праблемы са здароўем прымусілі Аляксандра Царука вярнуцца на лекаванне ў Вільнюс, дзе ён памёр ад анкалогіі.
Фота: Полк Каліноўскага