Гурт Kalush Orchestra, які прадстаўляў Украіну, перамог з кампазіцыяй «Стэфанія».
Украіна трэці раз у сваёй гісторыі і другі раз за шэсць гадоў выйграла песенны конкурс «Еўрабачання». Да гэтага пераможцамі былі Руслана ў 2004 і Джамала ў 2016. У сёлетнім фінале, які адбыўся 14 мая ў італьянскім Турыне, прынялі ўдзел музыкаў з 25 краін.
Беларусь і Расія не ўдзельнічалі ў «Еўрабачанні». Беларусь адхілі ў 2021 годзе праз парушэнне правілаў. Тэкст песні, прадстаўлены тады на фестываль, не адпавядаў яго патрабаванням, якія забараняюць палітычныя пасланні. Расіі забаранілі удзельнічаць праз разьвязанне ёю вайны з Ўкраінай у лютым 2022 году.
Украінскі хіп-хоп гурт Kalush Orchestra, які стаў адным з фаварытаў «Еўрабачання-2022» яшчэ на стадыі адбору, выйшаў на сцэну ў самой сярэдзіне фіналу.
Калектыў у сваёй творчасці спалучае этнічныя матывы з сучасным гучаннем народных інструментаў. Іх песня «Stefania» была напісана да поўнамаштабнай агрэсіі Расіі супраць Украіны, і ўяўляе сабой оду маці заснавальніка гурта Алега Псюка.
Па выніках галасавання журы Украіна заняла толькі чацвёртае месца, а само ўкраінскае журы аддало найвышэйшыя 12 балаў музыкам з Вялікай Брытаніі. Сама Украіна атрымала па 12 балаў ад Румыніі, Латвіі і Літвы і была падтрыманая гледачамі. Дзякуючы іхным сімпатыям ёй дастаўся 631 бал.
З перамогай у конкурсе каманду і народ Украіны павіншавалі кіраўнік Еўракамісіі Уршуля фон дэр Ляен і прэм’ер-міністр Вялікай Брытаніі Барыс Джонсан.
Многія карыстальнікі Сетак падтрымалі Украіну і павіншавалі яе з перамогай. Яны адзначылі, што ў цяперашняй сітуацыі ёй гэта дужа важна.
Пераможцы на прэс-канферэнцыі заявілі, што будуць рады прыняць конкурс ва Украіне ў наступным 2023 годзе.
Украіну на конкурсе павінна была прадстаўляць спявачка Аліна Паш, якая выйграла нацыянальны адборачны турнір. Але праз некалькі дзён пасля перамогі адмовілася ад удзелу ў «Еўрабачанні».
фота: AFP 2022
Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…
Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…
Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…
Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…
Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…
На Магілёўшчыне сёлета незвычайна цёплая зіма скончылася зацяжным пахаладаннем. Трывалы мінус працягваецца ў нашым рэгіёне…