Пра тое кажа галоўнакамандуючы Ўзброеных сіл Украіны Валерый Залужны.
Паводле яго, да дзяржаўнай мяжы засталося 50 км.
«Узброеныя Сілы Украіны працягваюць вызваленне акупаваных Расіяй тэрыторый. З пачатку верасня больш за 3000 кв. км вернутыя пад кантроль Украіны. На Харкаўскім напрамку мы пачалі прасоўвацца не толькі на поўдзень і ўсход, але і на поўнач. Да выхаду на дзяржаўную мяжу застаецца 50 км», – адзначае на сваёй фэсбукавай старонцы Залужны.
У Фэйсбуку ён апублікаваў фота з вынікамі працы некалькіх падраздзяленняў узброеных сілаў Украіны. Яны, па яго словах, вызвалілі пасёлкі Байрак, Новая Гусараўка, Шчураўка і Альхаватка.
«Авалоданне дужа ўмацаванымі раёнамі расійскіх войскаў, якія яны ганарліва назвалі «Масква», «Омск» і «Піцер», дазволіла разгарнуць контрнаступленне на Балаклею, Разынкі і Купянск. Ганаруся і ўдзячны кожнаму ўкраінскаму вайскоўцу. Маю за гонар змагацца бок аб бок з вамі. Вечная памяць загінулым у баях за Украіну!» – піша галоўнакамандуючы.
Тым часам, з-пад расійскай акупацыі вызваленае паселішча Чкалаўскае, што ў Харкаўскай вобласці, перадае інфармацыйнае агенцтва «УНІАН», спасылаючыся на заяву прэзідэнта Ўладзіміра Зяленскага.
Выданне нагадвае, што, паводле дадзеных Генеральнага штабу, у апошнія дні ўзброеныя сілы Ўкраіны вызвалілі або ўзялі пад кантроль больш за 30 паселішчаў, часова захопленых расійскімі войскамі ў Харкаўскай вобласці, у тым ліку і горад Балаклея.
10 верасня прэзідэнт Уладзімір Зяленскі аб’явіў, што з пачатку верасня ўзброеныя сілы Ўкраіны вызвалілі каля 2 тыс. км тэрыторыі і рушэнне вайскоўцаў на розных напрамках фронту працягваецца.
Канцэнтрацыя этыленгліколю ў арганізме аказалася ў два разы вышэйшай за смяротную дозу. Пра гібель 50-гадовай…
Касцюковіцкая раённая газета абвясціла пошук родных старшага лейтэнанта Паўла Андрэевіча Усава, што нарадзіўся ў вёсцы…
На ўсё лета і пачатак восені закрываецца Пушкінскі праспект у Магілёве – насупраць гандлёвага цэнтра…
З 21 па 24 траўня на вуліцах Камуністычнай, Вакзальнай, Інтэрнацыянальнай, Першамайскай, Ленінскай і завулку Мічурына…
Тэлеграм-канал магілёўскіх сілавікоў апублікаваў відэа з удзелам жыхара Клімавіч Кірыла Вазмілава. На камеру хлопец гаворыць,…
5-гадовага хлопчыка і 6-гадовую дзяўчынку збіў кіроўца аўтамабіля Volkswagen на скрыжаванні вуліц Гагарына і Ульянаўскай…