Як сцвярджае Федэральная служба бяспекі, забойства Дар’і Дугінай учынілі спецслужбы Ўкраіны.
Паводле расійскіх спэцслужбістаў, устаноўленая выканаўца забойства – гэта грамадзянка Ўкраіны Наталля Воўк.
У ФСБ лічаць, што Воўк разам з 12-гадовай дачкой прыехала ў Расію 23 ліпеня і здымала кватэру ў доме, дзе жыла Дугіна, каб збіраць інфармацыю пра яе, піша інфармацыйнае агенцтва «РИА Новости», спасылаючыся на цэнтр грамадскіх сувязяў ФСБ.
Па ўчыненні злачынства Воўк разам з дачкой выехала праз Пскоўскую вобласць у Эстонію, гаворыцца ў паведамленні ведамства.
Дар’я Дугіна загінула ўвечары 20 жніўня, пісаў Магілёў.media.
Яна знаходзілася за рулём аўтамабіля, які быў, паводле сьледства, узарваны з дапамогай дыстанцыйнага прыстасавання ў Падмаскоўі. Следчы камітэт распачаў крымінальную справу паводле артыкулу «Забойства, здзейсненае агульна небяспечным спосабам».
21 жніўня Ўкраіна заявіла, што не мае дачынення да падрыву машыны Дугінай.
У эфіры нацыянальнага тэлемарафону дарадца кіраўніка офісу прэзідэнта краіны Міхаіл Падаляк заявіў, што «Украіна, безумоўна, да гэтага не мае дачынення, таму што мы не крымінальная дзяржава, якой зʼяўляецца Расійская Федэрацыя, і тым больш не тэрарыстычная дзяржава».
На думку Падаляка, забойства Дугінай сведчыць аб барацьбе за ўладу і ўплыў розных груповак унутры Расіі, і расійскія ўлады будуць выкарыстоўваць яго, каб павелічыць «ідэалагічны інфармацыйны ціск» на расійскае грамадства для павышэння градуса нянавісці да Украіны і радыкалізацыі ўнутранага палітычнага дыскурсу.
Дар’я Дугіна нарадзілася ў 1992 годзе. Скончыла філасофскі факультэт Маскоўскага дзяржаўнага ўніверсітэту і працавала палітычным аглядальнікам Міжнароднага еўразійскага руху. У ліпені 2022 года была ўключана ў санкцыйныя спісы Вялікай Брытаніі.
Яе бацьку, Аляксандра Дугіна, лічаць ідэолагам так званага «рускага свету», рашызму. Ён заснавальнік і лідар «Міжнароднага еўразійскага руху». Аўтар «рашысцкай» геапалітычнай кнігі «Асновы геапалітыкі: геапалітычная будучыня Расеі». З 2014 году ўнесены ў санкцыйны спіс Еўрасаюзу, а з 2015 года і ў санкцыйны спіс ЗША і Канады. Ён таксама у спісе асобаў, якія ствараюць пагрозу нацыянальнай бяспецы Украіны. Фігурант базы цэнтру « Міратворца».
фота: bukinfo.com.ua
В Музее истории Могилева подвели итоги ежегодного областного конкурса среди журналистов государственных СМИ области. По…
Тридцать граждан Туркменистана стали подсобными рабочими на "Могилевском ДСК". Предприятие не только предоставляет рабочие места,…
Вандалы изуродовали скамейку в быховском парке. Юный блогер Егор Кузьменков поднял проблему, не догадываясь, что…
Могилевский драматический театр просит зрителей поучаствовать в создании спектакля, помогая с реквизитом. “Дорогие друзья! Театр…
В шкловской ИК-17, где недавно умер политузник Валентин Штермер, ставят новый рекорд показного комфорта –…
Белстат упершыню ад 2019 года паказаў статыстыку па нараджальнасці у Беларусі. На Магілёўшчыне колькасць нованароджаных…