Навіны

У Магілёве затрыманы крымінальны аўтарытэт, якога раней лічылі датычным да групоўкі «чорных рыэлтараў»

Гаворка пра жыхара Магілёва Артура Баханькова. Пра яго незалежным медыям стала вядома ў 2017 годзе пасля таго, як агучылі вырак «чорным рыэлтарам». Ён умысля стаў за пракурорам каб, па ягоных словах, засведчыць, што на свабодзе і не мае дачынення да забойства людзей.

Пра зняволенне Баханькова ў Магілёве гавораць даўно. Ускосна гэта пацвярджае паведамленне ў тэлеграм-канале «МВД Беларуси». У відэароліку пазнаецца Баханькоў, хоць ягоны твар зарэтушаваны.

У допісе гаворыцца, што «мужчына неаднаразова судзімы» і «ніякага ўплыву ў крымінальным асяроддзі не мае». А затрыманы ён за вымагальніцтва і паклёп.

Разам з ім зняволены і яго памагаты – 27-гадовы жыхар Магілёва.

Пасля суду над «чорнымі рыэлтарамі» Баханькоў не хаваў ад журналістаў, што мае крымінальнае мінулае. Па ягоных словах ён шэсць год быў фігурантам справы «чорных рыэлтараў». Яго падазравалі ў забойстве двух чалавек. Двойчы арыштоўвалі, але вызвалялі. На судзе дапытвалі як сведку.

Баханькоў называе сябе ідэйны праціўнікам смяротнага пакарання. Апошнія 13 год ён вегетарыянец, выступае супраць забойства любой жывой істоты. Сваім духоўным настаўнікам лічыць індыйскага праведніка Сацья Саі Бабу. Пад уплывам ягонага вучэння да свайго прозвішча дадаў часцінку «дэ» – Артур дэ Баханькоў. Казаў, што піша «духоўную» кнігу, у якой выкладае сваё разуменне жыцця. На памяць цытуе фрагменты Бібліі, якімі абгрунтоўвае сваю пазіцыю.

11 жніўня 2017 году дваіх «чорных рыэлтараў» асудзілі да расстрэлу. Магілёўскі абласны суд прызнаў іх вінаватымі ў забойстве шасці чалавек і падрыхтоўцы да ўчынення забойства трох.

Яшчэ двух фігурантаў асудзілі да 24 і 22 гадоў калоніі.

 

Апошнія навіны

Магілёвец атрымаў два гады калоніі за слова “лукож.пый”

Магілёўскі прадпрымальнік Павел Макаранка атрымаў два гады зняволення па артыкуле за абразу Лукашэнкі – паведамляе…

13 мая, 2024

Дзесяць магілёўскіх аўтобусаў памяняюць расклад і маршрут на Радуніцу

Дзеля падвозу людзей да могілак дзесяць аўтобусных маршрутаў Магілёва памяняюць свой расклад і схему праезду…

13 мая, 2024

Пад Бабруйскам шукаюць метэарыт

Калі бабруйскі метэарыт будзе знойдзены, ён стане шостым на тэрыторыі Беларусі. Падзенне нябеснага цела было…

13 мая, 2024

На Магілёўшчыну прывезлі дзяцей з “ДНР”, іх суправаджае чыноўніца пад санкцыямі

Пра незаконнае перамяшчэнне ўкраінскіх дзяцей на санаторнае лячэнне ў наш рэгіён паведамляюць “Магілёўскія ведамасці”. Ахвяры…

12 мая, 2024

Чатыры чалавекі загінулі на пажары ў Мсціславе

Дзве сям'і сталі ахвярамі пажару ў прыватным доме па вуліцы Энгельса ў Мсціславе. Мужчына 1957…

12 мая, 2024

Дзеля любімага занятку бабруйскі наркаман кінуў працу, але бізнэс працягваўся толькі дзесяць дзён

Бабруйскі наркакантроль затрымаў мясцовага 31-гадовага жыхара, які працаваў закладчыкам. За дзесяць дзён да гэтага мужчына…

11 мая, 2024