Магілёўская пракуратура перадала ў суд справу трох жыхароў Гомеля, якія працавалі карнікамі наркамаркета, што распаўсюджваў псіхатропы ў Гомельскай і Магілёўскай абласцях.
Тры жыхары Гомеля ўваходзілі ў арганізаваную групоўку з 14 чалавек, якая працавала на наркамаркет. “Спорцікі” павінны былі збіваць і палохаць закладчыкаў, якія правініліся – забралі сабе псіхатропы, якія павінны былі пакінуць у тайніках.
Пацярпелым ад іх рук у канцы сакавіка 2022 года стаў 18-гадовы бабруйчанін. Хлопец прысвоіў партыю забароненага рэчыва, якое прызначалася для збыту. Яго падпільнавалі ў бязлюдным месцы, збілі і абражалі, патрабуючы выбачэнняў за правіну. Усё гэта здымалі на відэа для распаўсюджвання і запалохвання іншых работнікаў наркамаркета.
Разам з іншымі 11 членамі групоўкі “спорцікаў”, у адносінах да трох жыхароў Гомеля разглядаюцца іншыя іх злачынствы, здзейсненыя ў Гомельскай вобласці – паведамляе БелТА.
Фота ілюстрацыйнае