Сёлета дыпломы аб вышэйшай адукацыі атрымаюць 68 украінскіх выпускнікоў сярод іншых 295 выхаванцаў школы – паведамляе Atvira Klaipėda.
Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.
Пасля нападу Расіі на Украіну будучыя маракі, студэнты Херсонскай дзяржаўнай марской акадэміі знайшлі тут не толькі прытулак, але і магчымасць завяршыць вучобу.
У мінулым годзе дыпломы Літоўскай вышэйшай мараходнай школы атрымалі 117 студэнтаў з Украіны.
«Навучальныя праграмы ва Украіне, Літве і іншых краінах падобныя, таму мы можам прымаць студэнтаў з розных краін свету і гарантаваць ім марскую адукацыю найвышэйшай якасці… Дыплом такога марскога ўзроўню адкрывае магчымасці ва ўсім свеце» – сцвярджае намеснік дырэктара школы па акадэмічнай дзейнасці Р. Міцкіене.
Паводле яе слоў, пасля паспяховага завяршэння вучобы студэнты з Украіны могуць пачаць працаваць на флоце Літвы, сваёй краіны ці іншых краін.
Літоўская вышэйшая мараходная школа з украінскімі ВНУ, якія рыхтуюць маракоў і іншых спецыялістаў для воднага транспарту, супрацоўнічае з 2018 года. Па праграме акадэмічнага абмену Erasmus+ у літоўскую школу прыехалі 24 студэнты з Адэскай марской акадэміі і Дунайскага інстытута гэтай акадэміі.
Дамова аб Пабрацімстве Клайпеды і Магілёва была падпісана 8 сакавіка 1997.
27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго, ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.
Магілёў.media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.
Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.
Фота Матаса Мачульскіса
Рэдакцыя mogilev.media шчаслівая абвясціць, што невялікая паўза, неабходная нам для распрацоўкі мадэляў устойлівасці, завяршылася, і…
Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…
Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…
Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…
Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…
Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…