Надышоў красавік. Што гэта за месяц, прасочым па шматгадовым назіранням

Красавік —
Гэта першыя краскі вясны,
Некранутая сінь
Танканогай пралескі,
Рокат рэк гаваркіх,
Буйства сокаў зямных.
Вечна юнага часу

Ўрачыстая песня (Алесь Звонак).

Сапраўды, красавік – гэта і месяц магутнага разводдзя і ледаходу, і масавага прылёту птушак. Зямля ачышчаецца ад снегу нават у лесе. Бясснежная цёмная паверхня добра “прымае” сонечныя прамяні, да таго ж расце вышыня сонца, што вядзе да прагравання глебы.

Працягласць дня за месяц вырастае з 13 да 15 гадзін. Разам з гэтым расце і колькасць сонечнай радыяцыі. Радыяцыйны баланс у 4 разы перавышае сакавіцкі, сярэднемесячная тэмпература на 8ºС і больш вышэйшая, чым у першым каляндарным вясновым месяцы. 

mogilev.media. Разліў Дняпра каля в. Сапяжынка Быхаўскага раёна, 31 сакавіка 2023 года.

У Горках сярэдняя тэмпература месяца складае +4,8ºС, у Бабруйску  +6,1ºС, у Магілёве  +5,5ºС. Пры гэтым адхіленні ад названых сярэдніх тэмператур могуць быць вельмі значнымі: ад -1 да +10,5 ºС. 

Красавік – месяц барацьбы холаду і цяпла, Арктыкі і Міжземнамор’я.

Калі першая палова месяца не асабліва ўражвае цяплом, то ўжо ў трэцяй дэкадзе красавіка, як правіла, бываюць дні з тэмпературай вышэй за +20ºС. Такое цяпло паскарае вегетацыйныя працэсы. 

Але за красавіком яшчэ ідуць халады. Абсалютны мінімум складае -19,5ºС (Касцюковічы, 1952 год).

У сярэднім у красавіку 3 дні з адмоўнай тэмпературай. У найбольш цёплыя вёсны ў гэтым месяцы спыняюцца замаразкі. У 1962 годзе апошні замаразак быў 3 чысла, але ў 60% гадоў замаразкі паўтараюцца і пасля 30 красавіка. Бывае, што на красавік прыпадае максімальная тэмпература года, як гэта было ў 1950 годзе.

Глеба хутка праграваецца. 

Самая ранняя дата поўнага адтайвання глебы ў Магілёве – 21 сакавіка (1961 год), самая позняя – 29 красавіка (1960 год).  

Павялічваецца дэфіцыт вільгаці ў паветры – у 3 разы, у параўнанні з сакавіком.

У красавіку толькі 11 дзён у сярэднім пахмурных. У сярэднім у Магілёве бывае адзін дзень з навальніцай, максімальна – 4. Бывае і град – да 2-х дзён, пры пранікненні трапічнага паветра з Міжземнамор’я.

Снегапад, як і замаразкі – з’ява звычайная.

Можа быць і галалёд – раз на 10 гадоў. Колькасць дзён з туманамі дасягае 9, але бывае красавік і без туманаў.

На пачатку месяца нарыхтоўваюць бярозавы сок. З’яўляюцца першацветы. Ужо ў першай дэкадзе выкідвае жоўтую кветку падбел. У канцы месяца вільготныя лугі ўпрыгожваюць кветкі лотаці. У першай палове месяца цвітуць вярбовыя, тады ж пчолы нясуць багатую абножку.

У другой дэкадзе, а то і раней, з’яўляюцца лісты у агрэста, парэчак.

Ажываюць палі. Красавкі – месяц пасадкі садовых дрэваў і кустоў.

Месяц масавага прылёту птушак. З’яўляюцца першыя вывадкі ў палёвак, выходяць з зімовага жылля вожык, барсук, крот. Расплюшчыліся вочы ў ваверчанят, у логавах ваўкоў нарадзіліся ваўчаняты.

Красавік – час масавай сяўбы яравых культур. У сярэдзіне месяца пачынаюць садзіць і высяваць у адкыты грунт цыбулю, моркву, салату, радыску, кроп, гарох.

Калі прагрэецца глеба, высяваюць сталовыя буракі, высаджваюць рассаду ранніх гатункаў капусты, у канцы месяца высяваюць яравізаваныя клубні бульбы, ставяць плёначныя парнікі.

Пачатак сезона на лецішчах.

Большасць дачнікаў наведваюць лецішчы пасля зімы. Вядома, што перш за ўсё яны правяраюць, як зіму правялі часнык, і лук-сеянка якія былі пасаджаныя позняй восенню, прыбіраюць участкі ад лісця, каб глеба хутчэй прагравалася. Потым глебу рыхляць і дадаюць азотныя падкормкі.

Некаторыя з рэкордаў красавіка.

Максімальная сярэдняя тэмпература красавіка ў Магілёве зафіксавана ў 1950 годзе, калі склала +10,5ºС, а мінімальная ў 1929 – яна была адмоўная, каля -0,7ºС.

Абсалютны максімум тэмператур красавіка роўны +27,8ºС у Магілёве быў зафіксаваны ў 1970 годза, +28,6ºС у Бабруйску – у 1950-м.

Максімальная колькасць ападкаў выпала ў Магілёве ў красавіку 1905 года  – 124 мм, а мінімальная – ў 1974 годзе, калі было толькі 6 мм.

Мікалаеў: Смяротнасць перавысіла нараджальнасць амаль у 5 разоў. Закрасавалі пралескі

Смяротнасць толькі ў Карабельным раёне Мікалаева падчас вайны перавысіла нараджальнасць амаль у 5 разоў, паведамляе korabelov.info. Па астатніх раёнах горада статыстыка пакуль не апрацавана. 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці. 

На працягу 2022 года ў раёне зарэгістравана 174 (у 2,3 разы менш, чым за 2021 год) нованароджаных і 852 (у 1,4 раза менш, чым за 2021 год) памерлых. Гэта азначае, што смяротнасць у 4,9 раза перавысіла нараджальнасць. Для параўнання: у 2021 годзе гэтыя суадносіны складалі 2,9, у 2020 годзе — 2,7.

Структура смяротнасці: хваробы сістэмы кровазвароту – 61,4%, злаякасныя новаўтварэнні –13,0%, траўмы, атручэнні і іншыя наступствы – 10,8%, хваробы органаў стрававання і інфекцыйныя хваробы  па 4,4%, хваробы органаў дыхання – 3,4%.

У Мікалаеве з-за анамальна цёплага надвор’я з 21 студзеня пачалі красаваць пралескі – пішуць мясцовыя СМІ.

Папярэдняе рэкордна ранняе красаванне было зафіксавана некалькі гадоў таму 29-30 студзеня. Сярэдняя тэмпература ў Мікалаеўскай вобласці ў студзені 2023 года на 5-6 градусаў перавышае абсалютны сярэдні максімум па шматгадовым назіранні.

Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Уведзены новыя кошты на газ, цеплавую і электраэнергію для беларусаў

Урад устанавіў новыя цэны ў адпаведнасці з пастановай Саветаў Міністраў ад 30 снежня 2022 года № 952, якая размешчана на Нацыянальным прававым інтэрнет-партале.

Тарыфы на цеплавую энергію для патрэб ацяплення і гарачага водазабеспячэння з 1 чэрвеня па 31 мая ўключна зменены з 21,9245 на 24,7187 беларускіх рублі за 1 Гкал.

За 1 кубічны метр прыроднага газу, які выкарыстоўваецца з устаноўленымі прыборамі індывідуальнага ўліку расходу газу, неабходна будзе аплаціць пры наяўнасці індывідуальных газавых ацяпляльных прыбораў з 1 студзеня па 31 мая ўключна – 0,1993 рублі, з 1 чэрвеня па 31 снежня ўключна – 0,2062 рублі. Пры адсутнасці індывідуальных газавых ацяпляльных прыбораў трэба будзе заплаціць – 0,5477 рублі.

Актуалізаваны тарыфы таксама на электраэнергію. У жылых дамах і кватэрах аднаставачны тарыф устаноўлены ў памеры 0,209 рубля за 1 кВт·гадзіну для абсталяваных электрычнымі плітамі, для іншых – 0,2459 рублі.

Фота з адкрытых крыніц.

У Мікалаеве падлічылі папярэднія страты ад расійскай агрэсіі

Паводле падлікаў гарадскіх улад, страты Мікалаева ад расійскай агрэсіі складаюць 852 мільёны еўра. Спадарожнікавыя здымкі пацвярджаюць шкоду на 220 мільёнаў, але ёсць пэўная колькасць аб’ектаў, якія немагчыма ацаніць па спадарожнікавых здымках. Найбольшую шкоду панёс жыллёвы фонд – пашкоджана 360 000 квадратных метраў жылля на агульную суму амаль 400 мільёнаў еўра (амаль палова ўсіх страт). 

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

Але фінальныя лічбы страт будуць ясныя толькі пасля падрыхтоўкі праекта аднаўлення горада.

У Мікалаеве ідэнтыфікаваны 43% пашкоджаных збудаванняў, зафіксаваны пашкоджанні больш за 87 000 аб’ектаў. Для гэтага выкарыстоўваліся і паведамленні мясцовых улад, і спадарожнікавыя здымкі, і іншыя тэхналогіі, каб верыфікаваць пашкоджанні. Мэр Аляксандр Сянкевіч дадаў, што ў ідэнтыфікацыі пашкоджанняў, месцаў траплення расійскіх ракет вельмі дапамаглі відэакамеры, устаноўленыя ў рамках праекта “Бяспечны горад”.

На тэрыторыі вобласці праводзяцца падлікі страт. Можна канстатаваць, што ёсць асобныя населеныя пункты, якія поўнасцю знішчыны расійскімі акупантамі. Да такіх адносіцца, напрыклад, сяло Партызанскае (на фотаздымку).

сяло Партызанскае

16 снежня працягнуліся ракетныя абстрэлы рускімі акупантамі, у выніку чаго ў Мікалаеве часткова перасталі працаваць тралейбусы, трамваі, прыпынілі працу кацельні «Мікалаеваблэплаэнерга» – паведамляюць у “Мікалаеўэлектратранс” і энергетыкі.

Нагадаем, што тэмпература паветра ў гэтыя дні тут ад 0 да +8С, месцамі па вобласці ляжыць снег.

У дэакупаванай Снігіроўцы пад Мікалаевым працягваюць знаходзіць небяспечныя прадметы, пакінутыя расейскімі акупантамі, паведамляюць выратавальнікі. “У заплечніку знойдзена супрацьпяхотная міна ПМН-2 у баявым стане. “Невядома, колькі б гэта прынесла гора, калі б не нашы адважныя выбухоўцы, якія знішчылі яго на месцы» – распавялі яны.

Тым часам, у складскім памяшканні побач са Снігіроўкай супрацоўнікі контрвыведкі СБУ выявілі чарговы склад расійскіх боепрыпасаў, паведамляе «Сніг». 

З пачаткам 2023 года ў Мікалаеве будзе прынята рашэнне па аднаўленню навучання ў школах. «Пасля Новага года абмяркуем» – кажа кіраўнік абласной ваеннай адміністрацыі Віталь Кім. 

У сувязі з тым, што лінія фронту была адсунутая і Херсон быў вызвалены, у Мікалаеў і вобласць пачалі вяртацца людзі, у тым ліку і дзеці. Таму ўжо ставіцца пытанне аб аднаўленні афлайн-навучання.

У Мікалаеўскай вобласці  сталі вядомы тэрміны  зімовыя школьных канікул. Плануецца іх пачаць 24-25 снежня і завяршыць 8 студзеня. Аднак у некаторых населеных пунктах канікулы пачнуцца 29-31 снежня, таму скончацца пазней. Таксама адпачынак можна падоўжыць, калі будуць перабоі з электрычнасцю і інтэрнэтам.

У Тэлеграм з’явіліся фота з коштамі на штучныя елкі у гандлёвых кропках Мікалаева: ад 7300 да 16 900 грывен. Каментатары сцвярджаюць: дорага! На сёння курс 1 беларускі рубель – 13,29 грыўны, што азначае, што елкі прапаноўвацца па 549-1270 беларускіх рублёў.  

Для параўнання ў сетцы беларускіх крам “ОМА” штучныя елкі можна набыць ад 14 да  454 рублёў, а на елачных кірмашах жывую елку за 7,8 – 212,7 беларускіх рублёў.

 Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

Навіны Клайпеды. Тарыфы на цяпло амаль як у Беларусі, “рускія” партыі сыходзяць з палітыкі

Кошты на ацяпленне у Клайпедзе і прыгарадзе Гарджай ў снежні застануцца лістападаўскія – заявілі ў АТ «Клайпедас энергія». Праўда, у параўнанні са снежнем 2021 года тарыфы выраслі больш чым на 50%.

Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.

У снежні спажыўцам давядзецца плаціць у сярэднім 8,87 эўрацэнтаў/кВтч. У лістападзе паслуга абыходзілася ў 8,59 цэнта/кВтч. У Беларусі – каля 9 цэнтаў.

Прадпрыемства “Грэн Клайпеда” 60% выпрацоўваемага цяпла будзе пастаўляць у размеркавальныя сеткі для спажывання па 3,86 эўрацэнтаў/кВт, астатнюю частку – па 5,77 эўрацэнтаў/кВтч. Справа ў тым, што нядаўна ўступіла ў сілу новаўвядзенне, якое дазваляе незалежным вытворцам прапаноўваць некалькі тарыфаў.

«Клайпедас медыена» прапануе цяплаэнергію па 5,7 эўрацэнтаў/кВтч, «Клайпедас балдай» –  па 5,99 эўрацэнтаў/кВтч, «Праманес энергія» па 6,09 і 6,13 эўрацэнтаў / кВтч.

Самы дарагі вытворца – біяпаліўнае прадпрыемства “Клайпедас энергія” – 6,15 эўрацэнтаў / кВтч. 

“Рускі альянс” больш не будзе ўдзельнічаць у выбарах і не будзе вылучаць сваіх кандыдатаў на выбарах мэра і Гарадской рады ў Клайпедзе ў сакавіку 2023 года. Пра гэта заявіла кіраўніца партыі Тамара Лаханкіна.

На пытанне, ці не ставіцца такім чынам “крыж” над “труною” партыі, адказала: “Адназначна, так!”.

Паводле яе слоў, калі 20 гадоў таму партыя стваралася, быў “іншы настрой”. «Цяпер мы адчуваем сябе крыху стомленымі, нам няма чаго прапанаваць моладзі».

Тамара Лаханкіна

Т. Лаханкіна расказала, што ў іх ніколі не было моцнага фінансавага тылу, але яны прадстаўлялі сваіх выбаршчыкаў у Гарадской радзе і радаваліся дасягнутымі мэтамі.

Па дадзеных выдання “Атвіра Клайпеда”, на рашэнне не ўдзельнічаць у муніцыпальных выбарах таксама таксама паўплывала і расійская агрэсія ва Украіне: на думку членаў партыі, у кантэксце гэтай вайны назва са словам “рускі” на выбарах можа выклікаць дадатковае напружанне. А гэтага, як яны сцвярджаюць, у нашым грамадстве зусім не трэба.

У 2021 годзе ў «Рускім альянсе» складалася 2016 чальцоў.

Акрамя гэтай партыі, больш радыкальныя рускамоўныя Клайпеды аб’яднаны вакол грамадскага выбарчага камітэта “Цітоў і справядлівасць”. В. Цітоў дапамагае Альгірдасу Палецкісу, які прызнаны судом у 2021 годзе вінаватым у шпіянажы на карысць Расіі, ствараць новую партыю. Таксама існуе грамадскі рух «Узыход Справядлівасці», які аб’ядноўвае левых радыкалаў.

Яшчэ адна арганізацыя “Рускамоўная Клайпеда – Rusakalbė Klaipėda” яшчэ вясной гэтага года заявіла, што з’яўляецца грамадскай і палітыкай не займаецца.

Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

Мікалаеў: гатоўнасць да ацяпляльнага сезону і прыёму бежанцаў

Украінскі Мікалаеў гатовы да пачатку ацяпляльнага сезона, аднак пакуль тэмпература паветра не дазваляе запусціць кацельні, распавёў першы намеснік мэра Мікалаева Віталь Лукаў. 


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


Па словах чыноўніка, цяпло можна будзе запускаць пасля таго, як сярэдняя сутачная тэмпература будзе трымацца на працягу 3 дзён на ўзроўні нарматыўных 8 градусаў. Але ў горада ёсць асцярогі наконт абстрэлаў з боку расійскіх акупантаў: яны чакаюць, калі цяпло пачне выходзіць з нашых кацельняў, гэта будзе для іх мішэнню.

Сярэднемесячная тэмпература кастрычніка ў Мікалаеве складае 10,9°С, лістапада – 4,6°С. У папярэднія гады цяпло падавалі ў жыллёвы фонд 20-31 кастрычніка.

Існуюць і праблемы з водазабеспячэннем. «Мікалаеўводаканал» патрабуе правядзення тэрміновых аварыйна-аднаўленчых работ на водазаборы з Бужскага лімана. Таму, напрыклад, уранні 29 кастрычніка вада ў Мікалаеве будзе падавацца са слабым напорам, напэўна, у некаторых дамах яна ўвогуле будзе адсутнічаць.

Нягледзячы на праблемы з крытычнай інфраструктурай у Мікалаеве і гарадах Мікалаеўскай вобласці, рэгіён дае прытулак для сотняў сем’яў з акупаваных абласцей  Украіны. 

Ільвіная доля перасяленцаў з Херсонскай вобласці. Пра гэта паведаміў кіраўнік Мікалаеўскай абласной ваеннай адміністрацыі Віталь Кім. 

«Што да вызваленых тэрыторый і перамяшчэння людзей з акупаваных тэрыторый, то больш за два месяцы перакрытыя каналы, якія перасякаюць лінію судакранання. Гэтая лінія праходзіць толькі праз Запарожскую вобласць, і гэта вельмі дрэнна. Што тычыцца вызваленых тэрыторый: так, мы прымаем людзей» — сказаў ён.

Акрамя таго, Кім адзначыў, што Мікалаеўская вобласць атрымала вопыт размяшчэння перасяленцаў з іншых рэгіёнаў Украіны.

«Мы падстаўляем плячо і дапамагаем Херсонскай вобласці прыняць людзей з яе. У сваю чаргу іншыя вобласці, такія як Львоўская, Цярнопальская, Хмяльніцкая, падстаўляюць нам плячо» – адзначыў кіраўнік вобласці.

Зараз у вобласці зарэгістравана 911 часовых перасяленцаў. Але Мікалаеўская вобласць рыхтуецца прыняць яшчэ большую колькасць украінцаў з вызваленых ад акупантаў тэрыторый.


Пабрацімства Мікалаева з Магілёвам было замацаванае дамовай у 2009 годзе.

31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.

Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.

Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.

Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».

 

Ацяпляльны сезон у Клайпедзе пачынаецца 26 кастрычніка

Мэрыяй Клайпеды прынята рашэнне аб пачатку ацяпляльнага сезона 26 кастрычніка. І гэта нягледзячы на ​​тое, што сярэднесутачная тэмпература паветра пакуль перавышае нарматыўныя 10 градусаў цяпла, але ўзмацняюцца вецер і вільготнасць.


Пішам, як вайна ва Ўкраіне ўплывае на жыццё еўрапейскіх гарадоў, якія маюць партнёрскія дачыненні з гарадамі Магілёўскай вобласці.


У 2021 годзе ацяпляльны сезон у партовым горадзе стартаваў 12 кастрычніка. Апошні раз ацяпленне ў Клайпедзе ўключылі ў канцы кастрычніка толькі ў 2008 годзе, калі было цёплае надвор’е.

У Клайпедзе з 18 кастрычніка гэтага года ацяпляюцца дашкольныя і агульнаадукацыйныя ўстановы, установы сацыяльнага абслугоўвання. Клайпедскі раён пачаў ацяпляльны сезон 20 кастрычніка, прыгарадная Крэтынга – 21-га.

Па дадзеных Klaipėdos energijа, да гэтага часу самастойна ацяпляльны сезон ужо пачалі 10 прыватных прадпрыемстваў і адзін шматкватэрны дом.

Нагадаем, што цяпло ў магілёўскіх кватэрах з’явілася амаль ўжо тры тыдні назад. 

На кастрычнік прадпрыемства цэнтралізаванага цеплазабеспячэння Klaipėdos energijа ўстанавіла тарыф у памеры 10,06 еўрацэнта/кВтч без падатку на дадатковую вартасць. Рост склаў амаль 250%: у кастрычніку мінулага года ён быў 4,85 цэнта. Лістападаўскі тарыф пакуль яшчэ не аб’яўлены.

Нагадаем, што 1 квт гадзіна у Беларусі складае каля 9 еўрацэнта, у дамах пераведзеных на электраацяпленне – 3.


Дамова аб Пабрацімстве Клайпеды і Магілёва была падпісана 8 сакавіка 1997.

27 лютага 2022 году, на трэці дзень уварвання расійскіх войск ва Ўкраіну, мэр Клайпеды заявіў аб спыненні пабрацімскіх сувязяў з расійскімі і беларускімі гарадамі. Паводле яго ён звярнуўся да кіраўніцтва гарадоў партнёраў, каб тыя супраціўляліся агрэсіі супраць Украіны, але рэакцыі не было. У афіцыйным спісе гарадоў пабрацімаў Клайпеды Магілёва няма.

Магілёў. media працягвае сачыць за жыццём Клайпеды, нягледзячы на спыненне партнёрскіх сувязяў з Магілёвам са спадзевам, што пабрацімства між гарадамі адновіцца.

Клайпеда месціцца на захадзе краіны і з’яўляецца портам на Балтыйскім моры. Насельніцтва 160 тысяч чалавек.

фота: atviraklaipeda.lt

В начале лета правительство решило не повышать тарифы на тепло

Возможно, их не повысят до конца года.

Оперативно-ситуационный штаб при Кабинете министров Республики Беларусь принял решение сохранить для населения тарифы на теплоснабжение и электроэнергию, необходимую для подогрева воды, на уровне 1 января текущего года. Об этом сообщили в пресс-службе правительства Беларуси – пишет БелТА.  

Это обойдется бюджету в 17 миллионов рублей – рассказали в пресс-службе – если действующий тариф сохранится до конца года.