Мілата дня – пяцігадовая дзяўчынка расказвае пра свой родны Хоцімск – відэа

Ролік выклала на сваім Youtube-канале раённая газета Хоцімска. 

Ролік  “Хоцімск-турыстычны край” агучвае пяцігадовая дзяўчынка Серафіма з самага ўсходняга раённага цэнтра Беларусі. Прычым расказвае яна пра гісторыю, паданні, адметнасці і цікавосткі Хоцімска па-беларуску. 

Фота з адкрытых крыніц

Бялынінцы наведаліся здзівіць магілёўцаў, але фэст гасцей застаўся не заўважаным

Госці хацелі расказаць магілёўцам пра асаблівасці беларускіх традыцыяў у Бялыніцкім раёне.

Яны наведаліся ў абласны цэнтр на творчую прэзентацыю свайго краю. Разгорнутыя паветкі з раскладзенымі ў іх вырабамі, спевы самадзейных калектываў не завабілі жыхароў Магілёва.

Творчую прэзентацыю Бялыніцкага раёну арганізаваў Магілёўскім абласным цэнтры народнай творчасці і культурна-асветнай работы. Фэсты з яго ініцыятывы на пляцоўцы ля абласной філармоніі ладзяцца штомесяц. Праходзяць яны будзённа без асаблівага інтарэсу магілёўцаў.

«Прэзентацыя Бялыніцкага раёну стане працягам фестывалю народнай творчасці «Беларусь родная, музычная, народная». У метадычным цэнтры пройдзе канцэрт з удзелам найлепшых калектываў мастацкай творчасці, індывідуальных выканаўцаў гэтага рэгіёну. У холе будынку размесціцца вялікая выстава, дзе госці і ўдзельнікі прэзентацыі змогуць пазнаёміцца з работамі майстроў народнай творчасці Бялыніцкага раёну», – анансаваў  імпрэзу сайт Магілёўскага аблвыканкаму.

Паводле яго, «цягам году ў Магілёў прыязджаюць творчыя прадстаўнікі раёнаў Магілёўскай вобласці. Гэта дае людзям магчымасць не толькі добра правесці час, але і даведацца крыху больш пра беларускія традыцыі, якія маюць свае асаблівасці ў кожным рэгіёне».

Пляцоўка ля абласной філармоніі хоць і знаходзіцца ў цэнтры гораду, але ў будні яна бязлюдная. Выступленні гасцей бачаць збольшага пасажыры грамадскага транспарту ды аўтамабілісты.