Магнітная бура накрые Зямлю сёння ці заўтра, але будзе невялікай

На Сонцы ўтварылася “дзірка” дыяметрам у 20 разоў больш Зямлі. Сонечны вецер, які справакуе магнітную буру, дасягне нашай планеты 31 сакавіка ці 1 красавіка – паведамляе Daily Mail.

Паток плазмы, які вырваўся з “дзіры”, рухаецца з хуткасцю 2,9 мільёнаў кіламетраў у гадзіну і дасягне Зямлі 31 сакавіка або 1 красавіка. Згодна з прагнозамі, большая частка плазменнага патоку абміне Зямлю і магнітная бура не будзе моцнай.

Гэта ўжо другая каранальная дзірка гіганцкіх памераў, зафіксаваная на Сонцы.

Першая, якая ў 30 разоў перавышае памеры Зямлі, была знойдзена на зорцы 23 сакавіка.

Фота: NASA