«Магілёўсаюздрук» вінаваты крэдыторам 5 160 864,45 рублёў і супраць яго распачата 130 працэсаў прымусовага спагнання даўгоў.
Таварыства «Магілёўсаюздрук» само звярнулася ў Эканамічны суд Магілёўскай вобласці, каб яго прызналі банкрутам. Адпаведны зварот быў пададзены 16 чэрвеня.
На першым пасяджэнні суд абавязаў антыкрызіснага кіраўніка прааналізаваць да 16 жніўня бягучы фінансава-гаспадарчы стан арганізацыі і вынесці рашэнне наконт яго далейшага лёсу. У выпадку ўзбуджэння конкурснай вытворчасці работа «Магілёўсаюдруку» можа быць працягнена.
Стала вядома, што суд пачаў працэс конкурснай вытворчасці – працэдуру, якую выкарыстоўваюць у справе аб банкруцтве для задавальнення патрабаванняў крэдытораў.
Агульная сума крэдыторскай запазычанасці Магілёўсаюздруку сягае 7 819 287,71 рублёў. Дэбіторская запазычанасць – 261 900 рублёў. У адносінах да прадпрыемства ўзбуджана 130 працэсаў прымусовага спагнання доўгу, які складае 5 160 864,45 рублёў.
Кошт маёмасці даўжніка паводле бухгалтарскага ўліку – 5 544 580,33 рублёў, піша «Веснік Магілёва».
28,89% акцый валодае дзяржава. Яны перададзены ва ўпраўленне. 65,96% акцыяў належаць 4 юрыдычным асобам. 58 асоб фізічных маюць 5,15%.
Наступнае судовае паседжанне прызначанае на 12 снежня 2022 года. На ім можа быць прынятае рашэнне аб санацыі альбо ліквідаванні прадпрыемства.
Праблемы «Магілёўсаюздруку» з’явіліся некалькі гадоў таму праз нястачу грашовых сродкаў. Фінансаў не хапала, каб разлічыцца з насельніцтвам за прададзеную прадукцыю. З ім спынілі супрацоўніцтва дзяржаўныя прадпрыемствы. Сярод іх было Бабруйскае тралейбуснае ўпраўленне, якое прадавала праз кіёскі «Белсаюздруку» талоны на праезд, пісаў Магілёў.media.
Рэгіянальны манапаліст продажу газетаў і іншай прадукцыі праз фінансавыя праблемы стаў прадаваць кіёскі ў рэгіёне.
У студзені 2017 года былога дырэктара «Магілёўсаюздруку» суд пакараў на дзесяць гадоў пазбаўлення волі з канфіскацыяй маёмасці за крадзеж у тым ліку грашовых сродкаў кіраванай ім арганізацыі. Было ўстаноўлена, што фігурант справы з лютага 2014 па сакавік 2015 года неаднаразова забіраў выручку з касы прадпрыемства.
Канцэнтрацыя этыленгліколю ў арганізме аказалася ў два разы вышэйшай за смяротную дозу. Пра гібель 50-гадовай…
Касцюковіцкая раённая газета абвясціла пошук родных старшага лейтэнанта Паўла Андрэевіча Усава, што нарадзіўся ў вёсцы…
На ўсё лета і пачатак восені закрываецца Пушкінскі праспект у Магілёве – насупраць гандлёвага цэнтра…
З 21 па 24 траўня на вуліцах Камуністычнай, Вакзальнай, Інтэрнацыянальнай, Першамайскай, Ленінскай і завулку Мічурына…
Тэлеграм-канал магілёўскіх сілавікоў апублікаваў відэа з удзелам жыхара Клімавіч Кірыла Вазмілава. На камеру хлопец гаворыць,…
5-гадовага хлопчыка і 6-гадовую дзяўчынку збіў кіроўца аўтамабіля Volkswagen на скрыжаванні вуліц Гагарына і Ульянаўскай…