Плюсавыя тэмпературы, дождж і снег, моцны вецер

Прагноз надвор’я на выходныя і навагоднія святы.

У апошнія дні 2022 года, 30 і 31 снежня, у пятніцу і суботу, на асобных участках дарог захаваецца галаледзіца, а ў першы дзень новага года –  1 студзеня, у нядзелю, у многіх  раёнах вобласці прагназуецца ўзмацненне ветра з парывамі да 15-20 м/с, – паведамляе Белгідрамет.

30 і 31 снежня чакаецца воблачнае з праясненнямі надвор’е. Часам ападкі – дождж, мокры снег. Верагоднасць ападкаў высокая 80-90%. 

Тэмпература паветра ўдзень +1-+3°C, ноччу да 0°С – паведамляе Белгідрамет. Вецер паўднёва-заходні хуткасцю 4-9 м/с. 

У навагоднюю ноч чакаецца да +2°С, а ў першы дзень 2023 года, 1 студзеня, прагназуецца вільготнае, воблачнае надвор’е, з дзённымі тэмпературамі +2 +5°С, месцамі да +7°С. Хуткасць ветра да 5-7 м/с, месцамі да 10-12 м/с. Часам месцамі ападкі – дождж.

У панядзелак, 2 студзеня, захаваюцца станоўчыя тэмпературы: ноччу 0 +2°, месцамі да +4°С, днём +5 +6°С. Па большай частцы вобласці прагназуюцца дажджы.

Прыкладна такое ж воблачнае надвор’е чакаецца і ў аўторак, 3 студзеня, калі дзённыя тэмпературы дасягнуць +4 +5°С. Будзе воблачна, магчымы дождж.

У сераду, 4 студзеня, пачнецца невялікі прыток халоднага паветра. У ноч да -1°С, днём каля 0 -1°С. Чакаецца снег.

У чацвер, 5 студзеня, і ноччу і днём будуць панаваць адмоўныя тэмпературы, у дзень слупок тэрмометра апусціцца да -5 -6°С. Узмацняцца вятры – да 10 м/с, месцамі да 14 м/с.