Расійскія войскі ўдарылі па абласным цэнтры і паселішчах рэгіёну ўначы. У выніку абстрэлу пашкоджана прамысловае прадпрыемства на ўскраіне Мікалаева. Паводле папярэдніх дадзеных, пацярпелых няма.
Напярэдадні, у Ачакаве расіяне ракетамі разбурылі элеватар і знішчылі некалькі тысяч тон збожжа. Пашкоджаныя дзясяткі дамоў. Пацэліў снарад і ў праваслаўны храм.
Старшыня Мікалаеўскай абласной ваеннай адміністрацыі Віталь Кім напісаў, што 5 верасня па горадзе стралялі ракетамі С-300.
4 верасня, расійскія войскі атакавалі Ачакаў, горад у Мікалаеўскай вобласці. Пра наступствы нападу паведаміў у відэазвароце намеснік мэра Аляксей Васькоў.
«У Ачакаве сённяшняя раніца выдалася зусім нядобрай. Разбураны элеватар у Ачакаве, знішчана некалькі тысяч тон збожжа. Цяпер нашы камунальнікі разбіраюць завалы. Таксама пашкоджаныя дзясяткі дамоў», – апавядае ён у відэазвароце. Паводле яго, «пацярпелых, на шчасце, няма».
Старшыня абласнога савету Ганна Замазеева напісала, што на 5 жніўня ў шпіталях Мікалаева перабываў 501 грамадзянін, які трапіў на бальнічны ложак праз расійскія абстрэлы рэгіёну.
Пабрацімства Мікалаева з Магілёвам было замацаванае дамовай у 2009 годзе.
31 мая 2022 году мэр украінскага гораду заявіў, што Пагадненне аб пабрацімстве з Магілёвам скасаванае і выказаў спадзеў, што яно будзе адноўленае, калі Беларусь стане свабоднай.
Магілёў. media працягвае сачыць за жыццём Мікалаева, нягледзячы на спыненне партнёрскіх сувязяў з Магілёвам.
Мікалаеў месціцца за 65 кіламетраў ад Чорнага мора. Да вайны ў ім жыло 490 тысяч чалавек. Траціна з іх вымушана была пакінуць горад. Паводле Генштабу Узброеных сіл Украіны Мікалаеў адзін з асноўных кірункаў наступу расіян.
Яго рэгулярна абстрэльваюць, знішчаючы гарадскую інфраструктуру і змушаючы мясцовую ўладу капітуляваць. Прэзідэнт Украіны Уладзімер Зяленскі прысвоіў Мікалаеву ганаровае званне «Горад-герой».
В Черикове появится экологичный деревянный дом. Это новый тренд в домостроении Могилевской области, который поддерживают…
У шклоўскай калоніі №17 памёр яшчэ адзін палітзняволены – Валянцін Штэрмер. “Наша Ніва” са спасылкай…
В Могилеве местный житель одолжил у знакомых 82 тыс. рублей на якобы реализацию своих бизнес-задумок.…
Адзінаццаць мэнеджараў гандлюючай сэканд-хэндам у розных гарадах Беларусі сеткі крамаў «Адзенне з Еўропы» затрыманы праваахоўнымі…
“80-летие победы” с ее военными реквизитами и фотографиями времен Второй мировой войны теперь появилось и…
На чыгуначным вакзале ў Воршы супрацоўнікі Магілёўскага ўпраўлення па наркакантролю і процідзеяння гандлю людзьмі затрымалі…