Міністр юстыцыі Германіі Марк Бушман абвясціў, што выканае ордэр на арышт прэзідэнта Расіі У. Пуціна, калі ён ступіць на нямецкую зямлю – паведамляе Zeit.
У выпадку прыезду Пуціна Міжнародны крымінальны суд хутка звернецца да Інтэрпола і дагаворных дзяржаў і запатрабуе выканання ордэра.
– Тады Нямеччына будзе абавязаная арыштаваць прэзідэнта Пуціна, калі ён заедзе на нямецкую тэрыторыю, і перадаць яго ў Міжнародны крымінальны суд – сказаў міністр.
У адрозненне ад нацыянальных праваахоўных органаў, Міжнародны крымінальны суд можа таксама прымаць меры супраць кіраўнікоў дзяржаў, дадаў Бушман.
Раней канцлер Германіі Олаф Шольц прывітаў рашэнне МУС і заявіў, што ордэр на арышт Пуціна паказвае, што ніхто не стаіць над законам.
Mogilev.media ўжо паведамляў, што Палата дасудовай вытворчасці Міжнароднага крымінальнага суда выдала ордэры на арышт прэзідэнта Расіі У. Пуціна і М. Львовай-Бяловай, якая з’яўляецца ўпаўнаважаным прэзідэнта РФ па правах дзіцяці.
Сёння стала вядома таксама, што міністры юстыцыі з больш як 40 краін сустрэнуцца ў панядзелак у Лондане, каб абмеркаваць павелічэнне падтрымкі Міжнароднага крымінальнага суда і расследавання ваенных злачынстваў ва Украіне.
На фота – міністр юстыцыі ФРГ М. Бушман.
В Черикове появится экологичный деревянный дом. Это новый тренд в домостроении Могилевской области, который поддерживают…
У шклоўскай калоніі №17 памёр яшчэ адзін палітзняволены – Валянцін Штэрмер. “Наша Ніва” са спасылкай…
В Могилеве местный житель одолжил у знакомых 82 тыс. рублей на якобы реализацию своих бизнес-задумок.…
Адзінаццаць мэнеджараў гандлюючай сэканд-хэндам у розных гарадах Беларусі сеткі крамаў «Адзенне з Еўропы» затрыманы праваахоўнымі…
“80-летие победы” с ее военными реквизитами и фотографиями времен Второй мировой войны теперь появилось и…
На чыгуначным вакзале ў Воршы супрацоўнікі Магілёўскага ўпраўлення па наркакантролю і процідзеяння гандлю людзьмі затрымалі…