Аляксандр Ліцін – адзін з самых вядомых і аўтарытэтных фатографаў Магілёўскай вобласці і ўсёй краіны. Дзясяткі выстаў у Беларусі і іншых краінах, дыпломы і прызнанне сярод майстроў і аматараў мастацкай фатаграфіі.
Два дзесяцігоддзя свайго жыцця Аляксандр Ліцін прысвяціў вывучэнню гісторыі яўрэйскай супольнасці ў Магілёве. Дзякуючы яму і яго паплечнікам яўрэйская грамада горада здолела падарыць Магілёву 4 тамы сваёй гісторыі.
Вядомы Аляксандр і сваім удзелам у грамадскім жыцці горада і вобласці. Уваходзячы ў шматлікія арганізацыйныя камітэты розных культурніцкіх імпрэз ён заўжды ўмеў знаходзіць агульную мову з самымі рознымі людзьмі. Усе, хто ведае спадара Ліціна, адзначаюць яго тактоўны, памяркоўны, ураўнаважаны ў адзнаках, талерантны характар.
Тым больш нечаканымі сталі паведамленні пра блакіроўку яго акаўнта кампаніяй Facebook. Паверыць, што Аляксандр кагосьці абразіў, парушыў нейкія правілы надзвычай цяжка, а дабіцца ад кампаніі хаця б якога тлумачэння ці аднаўлення акаўнта аказалася немагчымым. Хтосьці вельмі намагаўся прыпыніць яго актыўнасць у інтэрнэце.
Прыклады блакіроўкі акаўнта ў сацыяльных сетках не адзінкавыя. Гэтая праблема актуальная як для звычайных карыстальнікаў, якія адкрываюць уліковы запіс для зносін у сацыяльных сетках, так і для бізнес- ці палітычных акаўнтаў. У прыватнасці, гэта тычыцца Instagram, які належыць Facebook. Пад санкцыі патраплялі самыя знакамітыя асобы.
Напрыклад, Дональд Трамп быў заблакаваны ў Facebook і Instagram на нявызначаны перыяд пасля беспарадкаў на Капітоліі 6 студзеня 2021 года. Такім чынам, Facebook адказаў на станоўчыя водгукі Трампа пра сваіх прыхільнікаў, якія штурмавалі парламент ЗША.
Але ў 2023 годзе кампанія Meta вырашыла, што акаўнты Трампа больш не ўяўляюць сур’ёзнай пагрозы для грамадства. Кампанія абвясціла, што неўзабаве дазволіць былому прэзідэнту ЗША Дональду Трампу вярнуцца ў Facebook і Instagram з высылкі, якая доўжыла 20 месяцаў.
Блакіроўка ў Facebook – гэта праблема, з якой давялося сутыкнуцца многім і па самых розных прычынах. Праблема заключаецца ў тым, што прычыны блакавання незразумелыя. І немагчыма звязацца з тэхнічнай падтрымкай. А ў выніку карыстальнік часцяком цалкам губляе свой акаўнт. Новыя акаўнты таксама блакуюцца. Карыстальнік нават не паспявае завесці сваю новую старонку, як яго інфармуюць пра парушаныя правілы.
Трэба канстатаваць, што правілы карыстання сацыяльнымі сеткамі досыць строгія і карыстальнікі фактычна маюць надзвычай малыя магчымасці ўплываць на прыняцце рашэннеў у выпадку скаргаў на іх публікацыі з боку іншых карыстальнікаў, або рашэнняў, якія прымае алгарытм.
Фота з адкрытых крыніц
5-гадовага хлопчыка і 6-гадовую дзяўчынку збіў кіроўца аўтамабіля Volkswagen на скрыжаванні вуліц Гагарына і Ульянаўскай…
Павел Лібер распавёў пра мабільны дадатак Belarus ID, распрацаваны для выбараў у Каардынацыйную раду –…
Яма для агляду аўтамабіля ў гаражы бабруйскага пенсінера па 4-тым Чарапічным завулку ў Бабруйску мае…
Семаглутыд – прэпарат для зніжэння вагі і барацьбы з дыябетам – дэманструе выдатныя вынікі па…
39-гадовы інжынер птушкафабрыкі ў Шклове на працягу некалькіх месяцаў выкрадаў з інкубатарнай сутачных куранятак-бройлераў і…
Двухпавярховы склад з часткай абарончага вала Бабруйскай крэпасці выстаўлены на аўкцыён. Пасля продажу двух складоў…