Расійскія войскі знішчылі буйны збожжавы тэрмінал у Мікалаеве. Пра гэта паведамляюць украінскія медыі, спасылаючыся на допіс у твітары Вярхоўнага старшыні Еўрапейскага Саюзу Жузепа Барэля.
«Чарговы расійскі ракетны ўдар спрыяе развіццю сусветнага харчовага крызісу, – адзначае ён. – Расійскія войскі знішчылі другі па велічыні збожжавы тэрмінал ва Ўкраіне ў Мікалаеве.
У святле такіх паведамленняў дэзынфармацыя, якая распаўсюджваецца Пуціным, каб адхіліць ад сябе віну, становіцца ўсё больш цынічнай».
Пра пажар, які адбыўся 4 чэрвеня пасля атакі расейскіх войск, на складах з зерневым шротам, пісаў у сваім тэлеграм канале мэр Мікалаева Аляксандр Сянкевіч.
Ён адзначаў тады, што полымем ахоплена 10 тысяч квадратных метраў плошчы. Для ліквідацыі пажару задзейнічаныя 11 адзінак тэхнікі і 50 пажарных. Акрамя таго, на месцы працуюць пажарныя каманды мясцовых прадпрыемстваў.
Паводле Сянкевіча пажарам былі знішчаныя два склады. Пацярпелых не было.
За дзень да з’яўлення допісу Жузепа Барэля, 6 чэрвеня кіраўнік Еўрапейскага Саюзу Шарль Мішель на пасяджэнні савету бяспекі ААН усклаў адказнасць за харчовы крызіс на Расію.
Па ягоных словах тоны зерня ў кантэйнерах не могуць вывесці са складоў у Адэсе, бо гэтаму перашкаджаюць расійскія караблі. Вайскоўцы атакуюць транспартную інфраструктуры і не даюць Украіне сеяць і збіраць збожжа. Крэмль таксама атакуе зернясховішчы і крадзе ўкраінскае зерне, ускладаючы віну на іншых.
Пастаянны прадстаўнік Расіі ў ААН Васілій Небензя дэманстратыўна сышоў з таго пасяджэння. На ім гаварылі пра ваенные злачынствы Расіі ва Украіне.
18 траўня адзначаецца Міжнародны дзень музеяў. Прымеркавана да гэтай даты, музеі ўсяго свету праводзяць адну…
17 траўня ў Магілёве адбыўся пажар у адным з пакояў інтэрната на вуліцы Кедравай. Там…
Першая экспедыцыя супрацоўнікаў Мінскага планетарыя завяршылася няўдала. Навукоўцы прайшлі 45 кіламетраў, пошукі працягваліся пяць дзён,…
Канцэнтрацыя этыленгліколю ў арганізме аказалася ў два разы вышэйшай за смяротную дозу. Пра гібель 50-гадовай…
Касцюковіцкая раённая газета абвясціла пошук родных старшага лейтэнанта Паўла Андрэевіча Усава, што нарадзіўся ў вёсцы…
На ўсё лета і пачатак восені закрываецца Пушкінскі праспект у Магілёве – насупраць гандлёвага цэнтра…