Category: Спорт і здароўе

Бітва паразітаў – свіны грып перамагае каранавірус у Беларусі і свеце

Навіна ад

“Канкурэнцыя” інфекцый зменшыла для чалавецтва небяспеку кавіднага захворвання, але павялічыла магчымасць захварэць на грып.

У 2022 годзе Ўсходняя Еўропа, у тым ліку Беларусь, перажыла дзве хвалі каранавірусу – зімой і летам.  Выкліканы яны былі новым штамам – “амікронам”. Кожны раз рэгіянальныя ўлады абвяшчалі ўмацаванне масачнага рэжыму і рыхтавалі “чырвоныя зоны” у шпіталях. І раптам у снежні распачалася беспрэцэдэнтная за апошнія гады эпідэмія свінога грыпу. Эксперты на старонках forbes.ru разважаюць аб прычынах затухання пандэміі Covid-19 і адраджэння грыпу. 

Пачатак 2022 года быў вельмі цяжкім. Частата захворвання Covid-19 расла штодня. Новы штам віруса, які называўся “амікрон” аказаўся больш заразным за ранейшыя. Праўда, часцей за ўсё развіццё хваробы было прасцейшым, а смяротнасць ад яго стала ніжэйшай.

У ліпені-жніўні распачалася новая хваля каранавіруса. Да сярэдзіны жніўня колькасць выпадкаў была амаль такой жа, як і ў час самай высокай лістападаўскай хвалі 2021 года. Тым не менш, павелічэнне колькасці захворванняў ішло павольней і было не такім моцным.

А вось у канцы лістапада свіны грып і ВРВІ пачалі актыўна распаўсюджвацца.

Яны відавочна перамагаюць. На сёння сітуацыя нетыповая. За выключэннем кавідных гадоў такой высокай смяротнасці не было з 2012 года. Вучоныя не могуць растлумачыць яе нічым, акрамя грыпу. Умовы смяротнасці ад грыпу выглядаюць тым больш шакавальнымі, калі ўлічваць тое, што, паводле афіцыйных дадзеных, у сезоне 2020-2021 грыпу папросту не было.

Прычыны рэваншу грыпу і адступлення кавіду.

Навуковы дарадца Дзяржаўнага навукова-даследчага інстытута вакцын і сыроваткаў імя Мечнікава, акадэмік Віталь Звераў лічыць, што “нельга сказаць, што [у час Covid] зусім не было грыпу… Іншая справа, што яго было вельмі мала. Грып нікуды не падзеўся, ён будзе з чалавецтвам усё жыццё. Гэта звязана з тым, што, у адрозненне ад каранавірусу, вірус грыпу зараджае шырокі спектр жывёл”.

Малюнак, на думку экспертаў, вымалёўваецца наступны: калі каранавірус моцны, то грып слабы, і наадварот. Расійская статыстыка паказала, што калі прыйшоў Covid, у першы 2020-й год ён задушыў грып, у другім 2021 годзе грып вярнуўся да звычайных памераў, а зараз ходзіць незвычайны грып – самы моцны за шмат гадоў .

Усе гэтыя вірусы: ковід, грып і ВРВІ – антаганісты і паразіты. Іх паразітызм прадугледжвае існаванне ў хворым, але жывым арганізме. Інфекцыя, будучы паразітам, не імкнецца знішчыць арганізм, які яе, так бы мовіць, корміць. Смерць арганізма ад заражэння стратная для іх. Памерлы ад грыпу перастане чхаць і кашляць, а вірус, які яго забіў, застанецца ў трупе і таксама загіне.

У выпадку адначасовага заражэння некалькімі вірусамі верагоднасць смяротнага выніку павялічваецца. Таму прырода прадугледжвае такую ​​хітрасць: два вірусы не могуць заразіць адну клетку. Як толькі клетка заражана адным, то ўваход для іншых адразу закрываецца. Гэта робіцца з выкарыстаннем сістэмы інтэрферонаў – спецыяльных бялкоў, якія вырабляюцца ў адказ на ўварванне віруса, і якія блакуюць яго размнажэнне.

Закон эпідэмій

Прырода паклапацілася, каб пазбегнуць падвойнай інфекцыі. Згодна з законам эпідэміялогіі, калі нараджаецца інфекцыя, яна напачатку не ведае сваіх магчымасцяў, як і арганізм, дзе яна пасяляецца, таксама гэтага не ведае. Таму спачатку могуць узнікнуць цяжкія формы хваробы і смерці, а калі мы адаптуемся, адбіраецца менш агрэсіўны вірус. У выніку атрымліваецца зніжэнне як патагеннасці, так і смяротнасці, – лічаць навукоўцы.

Як кажуць эксперты, цяпер распаўсюджаны не той свіны грып, які быў выяўлены ў 2009 годзе і які выклікаў пандэмію. З ім здарылася тое ж самае, што і з Covid: напачатку ён быў агрэсіўным і смяротным, але ў канчатковым выніку таксама аслаб да звычайнага сезоннага грыпу.

Менавіта з гэтай прычыны эксперты лічаць, што ўсплёск захворванняў на каранавірус і грып у Кітае не паўплывае на сітуацыю ў Еўропе.

Сёння па планеце разгульваюцць адразу тры групы патагенных мікраарганізмаў: дзве монаінфекцыі, грып і кавід, якога ніхто не адмяніў, і каля двухсот розных рэспіраторных вірусаў, якія называюцца агульным тэрмінам “ВРВІ”.

Фота з адкрытых крыніц. 

Бабруйскія хакеісты мясілі піцерскіх на хатнім матчы ў МХЛ

Навіна ад

Масавая бойка пачалася на 28-й хвіліне матча паміж камандамі “Дынама-Шыннік” з Бабруйска і Санкт-Пецярбурскім “Дынама” – калі капітан гасцявой каманды Леанід Бойкаў ткнуў клюшкай у галкіпера бабруйскай каманды. Суддзі прызначылі 204 хвіліны штрафу на ўсіх. 

Відэа МХЛ: https://youtu.be/7iTwEBJWuA4

Нягледзячы на гэта, бабруйскім хакеістам удалося вырваць валявую перамогу ў матчы Моладзевай хакейнай лігі, саступаючы 1:3 і давёўшы лік да 6:5 у овертайме. Усе чатыры хатнія гульні бабруйскай каманды ў розыгрышы турніра аказаліся пераможнымі а вікторыя над пецярбуржцамі – бадай, самай яркай. 

Сёння ў Магілёве пачнецца Кубак Беларусі па баскетболе

Навіна ад

На пляцоўцы спарткомплексу “Алімпіец” будзе разыграны чарговы, XXVI Кубак краіны па баскетболе.

Уваход на фінальную частку першынства вольны. 

У першым паўфінальным матчы баскетбалісты “Гродна-93” будуць супернічаць з віцебскім “Рубонам” (пачатак гульні ў 17.00). Потым дзейны ўладальнік Кубка “Мінск” сустрэнецца з магілёўскім “Барысфенам” (20.00). 

Заўтра пераможцы паўфіналаў вызначаць пераможцу, а няўдачнікі сустрэнуцца ў гульні за бронзу – паведамляе прэс-служба магілёўскага клуба “Барысфен”.

Фота: bcborisfen.by

На Магілёўшчыне новая ўспышка COVID-19 і грыпу H1N1?

Навіна ад

У паліклініках горада велізарныя чэргі – паведамляюць нашы чытачы.

А вось афіцыйныя крыніцы сцвярджаюць пра зніжэнне захворваемасці. Так, намеснік галоўнага ўрача Магілёўскага абласнога цэнтра гігіены, эпідэміялогіі і грамадскага здароўя Ала Булай паведаміла:  

– У Магілёўскай вобласці працягваюць рэгістраваццца лабараторна пацверджаныя выпадкі COVID-19 і грыпу H1N1. Сезонны рост захворваемасці на вострарэспіраторныя вірусныя інфекцыі назіраецца ў вобласці, але за апошні тыдзень адзначана зніжэнне тэмпаў прыросту захворваемасці. 

Вірус грыпу H1N1 мае некаторыя асаблівасці – адзначае Ала Булай. Яна звяртае ўвагу на такую характарыстыку, як здольнасць хуткага распаўсюджвання, акрамя таго, ёсць кантынгенты, якія найбольш схільныя да захворвання – гэта дзеці розных узроставых груп, але асабліва малодшага ўзросту; асобы 60 гадоў і старэйшыя, людзі з хранічнымі захворваннямі. 

Што да вакцыны супраць грыпа, то ў гэтым сезоне даступны ў магілёўскіх паліклініках прэпарат уключае ў сябе штам H1N1 і вірус грыпу А і В.

Наш каментар. На жаль Ала Булай не прывяла статыстыку па каронавірусу і грыпу ў Магілёўскай вобласці.  Нам вядома толькі бягучая статыстыка па каранавірусе па краіне ў цэлым на 24 снежня 2022 года. 

Па колькасці заражэнняў 994037 (10,5% насельніцтва) каронавірусам Беларусь займае 74-75 радкі ў сусветным рэйтынгу захворваемасці. У свеце ахоп хворымі крыху ніжэйшы за нацыянальны паказчык – каля 9% зямлян. У Беларусі смяротных  выпадкаў па каронавірусу 7118 (0,7%), у свеце – 8,6% 

Трэба прызнаць, што беларускія лічбы вельмі прыкладныя, бо ў цяперашні час, на працягу паўгода, урадавыя арганізацыі не падаюць афіцыйную інфармацыю аб колькасці асоб, якія захварэлі, выздаравелі, памерлі ад COVID-19 на працягу сутак.

Наша даведка. Тым часам, у свеце агульная колькасць пацверджаных выпадкаў захворвання каранавірусам расце: 17 снежня яна склала лічбу 647,9 мільёнаў чалавек, пра што паведамляла Сусветная арганізацыі аховы здароўя, у суткі назіраўся прырост амаль на 800 000 чалавек. Але за тыдзень сітуацыя крыху палепшылася і на 24 снежня сутачны прырост знізіўся да 750 000. Зараз на планеце хворых на COVID-19 661 мільён.  На сёння  ад інфекцыі памерла ўжо каля 6,7 мільёнаў чалавек. 

Чэмпіянат свету па футболе ў Катары падарыў чалавецтву эпічны фінал і вярблюджы грып

Навіна ад

Аргенціна і Месі ў неверагоднай барацьбе перамаглі Францыю і Мбапэ ў фінале фіналаў чэмпіянатаў свету.  Але адначасова тысячы балельшчыкаў абмяняліся вірусамі новага для чалавецтва вярблюджага грыпу і ўжо старога кавіду. 

Фінал фіналаў!

Менавіта так называюць апошні матч чэмпіянату свету па футболе аглядальнікі. Драматургія матчу – наўмысна не прыдумаеш. Лік 3:3 (4:2 па пенальці)! Галы пасля неверагодных камбінацый, драматычныя пенальці і два камбэкі зборнай Францыі. Але ў канцы была тая справядлівасць, якую Месі заслужыў усім сваім футбольным жыццём.

Аргенціна гуляла лепш за французаў амаль увесь матч і вяла 2 мячы. Французы першы ўдар па варотах зрабілі недзе на 75 хвіліне. Здавалася, вось яна аргенцінская перамога. Але як ужо было не раз, каманда Месі дазволіла зраўняць лік у канцы гульні. Новы французскі футбольны кароль сказаў сваё важкае слова.  І тут Аргенціна паплыла.

У апошнія гады ў падобнай сітуацыі ў поглядзе Месі была нейкая наканаванасць паразы. Здавалася, што ён апускаў рукі, калі супернік паказваў характар. Але не на гэтым чэмпіянаце. Тут Месі – злы мужык, які вядзе сваіх мальцаў наперад. Ён мацюкае супернікаў пасля матчу, ругае судью, паказвае прыклад… 

І быў дадатковы час. Месі ізноў вывеў Аргенціну наперад. Але дурная рука, пеналь ад Мбапэ, і зноў лік роўны 3:3. У серыі пенальці футбольны божанька аднавіў справядлівасць: 4:2, і Аргенціна чэмпіён. А Месі афіцыйна каранаваны. Нарэшце ён чэмпіён свету.

Справядлівасць

Такая драматычная перамога нават лепш, чым калі б Аргенціна ўтрымала свае 2:0 у асноўны час. І галоўнае – усё гэтым разам справядліва. 

Польскі суддзя даваў пенальці па ходу матчу ў абодвы бакі. Гульцы гралі чэсна, за выключэннем аднаго правакацыйнага выпрошвання пенальці ад французаў. Але суддзя разабраўся.

Аргенціна была лепшай. Яна была камандай. Яна больш жадала перамогі, і яна яе атрымала. І была б страшэнна няправільнай, нелагічнай перамога Францыі. А такі шанц быў у канцы асноўнага часу. Вось тады б усе пісалі пра несправядлівасць лёсу. А цяпер кароль футбола афіцыйна каранаваны. У Аргенціне – нацыянальнае свята. 

Для ФІФА таксама лепш не прыдумаеш. Такая вывеска! Аргенціна супраць чэмпіёнаў свету з Францыі. Месіі супраць Мбапэ. Усё супер. Месі забіў два галы (плюс 1 у серыі пенальці), Мбапэ – тры (+1) і стаў лепшым бамбардзірам чэмпіяната. Але чэмпіён – Месі, які згуляў сваю апошнюю гульню на чэмпіянатах свету.

Вярблюджы грып

Пасля чэмпіянату медыкі прагназуюць успышку новага грыпу (MERS). Аб яго небяспецы спецыялісты папярэджвалі яшчэ да чэмпіянату. 

Першы дыягназ гэтага грыпу быў пастаўлены дзесяць гадоў таму – у 2012 годзе. За гэты час па ўсім свеце было зарэгістравана 2600 выпадкаў – у асноўным на Аравійскім паўвостраве, пра гэта піша Сусветная арганізацыя аховы здароўя. Лічыцца, што вярблюды з’яўляюцца прыроднымі носьбітамі віруса, які адносіцца да таго ж сямейства вірусаў, якое выклікала пандэмію Covid.

Сімптомы новага віруса: ліхаманка, кашаль, ваніты. Да гэтага часу няма спецыяльнага лячэння гэтага захворвання, таму лекары проста спрабуюць палегчыць сімптомы пацыента. Каля 35% хворых MERS паміраюць.

Успышка букета з грыпу, кавіду і страўнікаваых інфекцый ужо назіраецца ў некаторых краінах Бліжняга Ўсходу. Бальніцы забіты пацыентамі.

Футбольныя фанаты, якія знаходзіліся ў Катары ці тыя, хто ўжо прыехаў дадому, павінны слухаць свой арганізм. 

Новага чэмпіёна Аргенціну і вярблюджы грып – вось такую неспалучальную спадчыну можа падарыць нам чэмпіянат свету па футболе ў Катары. 

Для Магілёўскай абласной дзіцячай бальніцы праектуецца новы інклюзіўны корпус медыцынскай рэабілітацыі

Навіна ад

Цяпер медыцынская рэабілітацыя дзетак праходзіць у корпусе 1970-га года пабудовы, у якім цяжка арганізаваць безбар’ерны асяродак і забяспечыць неабходныя ўмовы для людзей з абмежаванымі магчымасцямі. Акрамя таго, існуючы корпус знаходзіцца аддалена ад стацыянара.

Паводле слоў галоўнага ўрача Магілёўскай абласной дзіцячай бальніцы Ігара Каско, будаўніцтва новага корпуса дасць магчымасць на базе адной установы аховы здароўя замкнуць цыкл прадастаўлення медыцынскай дапамогі дзецям усіх узростаў, якія пражываюць на тэрыторыі вобласці – перадае БелТА. Ён будзе ўключаць усе этапы, у тым ліку дыягностыку, тэрапію вострых станаў, аднаўленчае лячэнне, рэабілітацыю, суправаджэнне дзяцей з абмежаванымі магчымасцямі, парушэннямі слыху і мовы.

– Асноўная ідэя заключаецца ў тым, каб стварыць у Магілёве цэнтр аднаўленчай медыцыны. – адзначыў Ігар Каско – Тут будзе аказвацца неабходная рэабілітацыйная, фізіятэрапеўтычная і дыягнастычная дапамога, у першую чаргу дзякуючы правядзенню такіх запатрабаваных даследаванняў, як МРТ і нейраміяграфія. У гэты ж корпус плануецца перанесці сурдалагічнае аддзяленне, дзе будуць дыягнаставаць парушэнні слыху і займацца пратэзаваннем, а таксама аказваць лагапеда-дэфекталагічную дапамогу. Цяпер гэтыя напрамкі вельмі важныя.

На дадзены момант вядуцца праектна-сметныя работы.

– Па памерах і паверхавасці будынка казаць пакуль рана. На сёння праектанты разлічваюць гэтыя параметры ў адпаведнасці з заяўленым пералікам медыцынскага абсталявання і колькасцю структурных падраздзяленняў, а таксама колькасцю персаналу, які будзе там працаваць  – патлумачыў Ігар Каско.

Фота ўзята з адкрытых крыніц.

Сотні магілёўцаў уцяклі з Расіі пасля ўспышкі менінгіту ў Падмаскоўі

Навіна ад

У магілёўскіх і бабруйскіх тралейбусах і аўтобусах, у сацыяльных сетках пачалі распавядаць пра нашых землякоў, якія з-за менінгіту вымушана датэрмінова вярнуліся на святкаванне Новага году. 

На складзе Ozon у Маскоўскім рэгіёне ў канцы лістапада пачалася нечаканая ўспышка інфекцыйнага менінгіту.  Масавае захворванне на складзе аднаго з асноўных маркетплейсаў краіны напалохала расійцаў.

Пасля пачатку мясцовай успышкі імгненна распачалася яе купацыя – санітарна-эпідэмічныя меры па перадухіленню яе распаўсюджвання. Датэрміновыя калядныя вакацыі распачаліся на многіх прадпрыемствах Падмаскоўя. Там зачыняюць цэлыя заводы, каб захаваць сваіх работнікаў ад небяспечнай хваробы. 

Менінгіт – гэта інфекцыйнае запаленне мозгу і спіннога мозгу, якое суправаджаецца інтаксікацыяй, ліхаманкай, высокім унутрачарапным ціскам, менінгіальным сіндромам , а таксама запаленчымі зменамі ў спіннамазгавой вадкасці. 

 

Сярод інфекцыйнага менінгіту  ёсць грамадзяне Беларусі, паведамляе Беларуская дыпламатычная місія ў Маскоўскім рэгіёне.

– 12 грамадзян Беларусі былі шпіталізаваны ў медыцынскіх установах Расіі з падазрэннем у менінгіце. Два не мелі дыягназу, 8 знаходзяцца ў стане ўмеранай цяжарнасці, адзін у сур’ёзным стане – гаварылася ў паведамленні на афіцыйным сайце Пасольства Беларусі ў Расійскай Федэрацыі.

На Сёння ўспышка інфекцыйнага менінгіту, зафіксаваная ў Падмаскоўі, лакалізаваная, сцвярджае расійскі міністр аховы здароўя Міхаіл Мурашка. 

Тым не менш, трэба захоўваць пільнасць. Чалавек з цяжкім менінгітам не можа рухацца, гаварыць і “баіцца” святла. Калі ў знаёмых, якія вярнуліся з Падмаскоўя, будуць назірацца прыкметы менінгіту, трэба неадкладна выклікаць хуткую дапамогу. 

Фота носіць ілюстрацыйны характар і ўзята з адкрытых крыніц.

Да Чэмпіяната Свету па футболе застаецца 2 дні

Навіна ад

Фінальная частка Чэмпіянату свету па футболе 2022 года пройдзе з 20 лістапада па 18 снежня 2022 года ў Катары, у скарочаныя тэрміны – за 29 дзён.

 

Фішкі чэмпіянату-2022

Катар упершыню ў сваёй гісторыі прыме чэмпіянат. Акрамя таго, чэмпіянат свету па футболе ўпершыню пройдзе на Блізкім Усходзе, упершыню ў арабскай краіне, упершыню ў краіне з мусульманскай большасцю, упершыню ў Паўночным паўшар’і ў асенне-зімовы перыяд (паколькі летам у Катары высокія тэмпературы).

Гэта другі чэмпіянат свету, які цалкам праводзіцца ў Азіі пасля турніру 2002 года ў Паўднёвай Карэі і Японіі. Гэта апошні чэмпіянат свету па футболе ФІФА з 32 камандамі ў фінальнай стадыі. Нягледзячы на ​​гучны карупцыйны скандал, звязаны з выбарам краіны-гаспадыні ЧС-2022, ФІФА абвергла дадзеныя аб магчымым пераносе чэмпіянату з Катара.

 

Футбол пад кандыцыянерамі

Арганізатар чэмпіянату свету 2022 года быў названы 2 снежня 2010 года ў швейцарскім Цюрыху. Сапернікамі Катара былі Аўстралія, ЗША, Рэспубліка Карэя і Японія.

inform.kz

Фінальны матч пройдзе 18 снежня 2022 года на Нацыянальным стадыёне ў Лусаіле, які змяшчае 80 тысяч гледачоў.

У фінальным турніры чэмпіянату свету прымуць удзел 32 зборныя. Раней прапаноўвалася пашырыць колькасць удзельнікаў да 48 каманд і правесці некаторыя матчы ў суседніх дзяржавах, аднак ФІФА ў маі 2019 года адхіліла гэтую ініцыятыву. Жараб’ёўка адборачнага турніру прайшла ў 2020 годзе, лёсаванне фінальнага этапа прайшло 1 красавіка 2022 года.

Удзельнікі фінальнага турніру: Аўстралія, Англія, Аргенціна, Бельгія, Бразілія, Гана, Германія, Данія, Іран, Іспанія, Камерун, Канада, Катар, Коста-Рыка, Марока, Мексіка, Нідэрланды, Польшча, Партугалія, Рэспубліка Карэя, Саудаўская Аравія, Сенегал, Сербія, ЗША, Туніс, Уругвай, Уэльс, Францыя, Харватыя, Швейцарыя, Эквадор, Японія. 

Матчы ЧС-2022 прымуць 8 стадыёнаў з пяці гарадоў – «Лусаіл (на 80 000 чалавек), «Эль-Хаўр» (60 000), «Доха» (40 000), «Эль-Тумама» (40 000), «Халіфа» ( 45 416), «Эдзьюкейшн сіці» (45 350), «Ахмед бін Алі» (44 740), «Эль-Джануб» (40 000).

Для пераадолення спякоты катарцы аснасцілі стадыёны сістэмамі астуджэння паветра, якія падтрымліваюць тэмпературу на ўзроўні не вышэй за +27 °C.

30 сакавіка 2022 г. Adidas прадставіла афіцыйны мяч чэмпіянату свету-2022.

Мяч атрымаў назву Al Rihla (у перакладзе з арабскага – “падарожжа”). Ён натхнёны культурай, архітэктурай і сцягам Катара. Яркія колеры на перламутравым фоне сімвалізуюць краіну-гаспадыню турніру і хуткасць гульні, якая пастаянна расце.

Фота ўзяты з адкрытых крыніц

 

Беларускі футбаліст спрабаваў зрабіць прапанову дзяўчыне, але яе выгнаў з поля сцюард

Навіна ад

На матчы футбольных клубаў Першай лігі чэмпіяната Беларусі “Смаргонь” – “Хваля” (Пінск) абаронца гаспадароў Уладзіслаў Шубовіч пасля забітага гола вырашыў зрабіць прапанову сваёй каханай. Яна ўжо падышла да кромкі поля і гулец смаргонскай каманды паспеў стаць перад ёй на адно калена, як сцюард гнеўна адштурхнуў дзяўчыну. Кароткая сутычка з футбалістамі скончылася тым, што сцюард рэціраваўся, а футбаліст змог падарыць ёй пярсцёнак з другой спробы. Відэа забітага гола і ўсёй драматычнай сцэны можна пабачыць тут.

Матч завяршыўся з лікам 2:0 на карысць “Смаргоні”, і цяпер гэтая каманда атрымае пуцёўку ў Вышэйшую лігу, якую павінен будзе пакінуць магілёўскі “Днепр”.

Пасля гульні Уладзіслаў Шубовіч распавёў журналістам, што сцюард папрасіў прабачэння за свой учынак.

У Магілёве прайшоў турнір па бодзібілдынгу – фота

Навіна ад

Турнір па бодзібілдынгу і фітнэсу “Кубак жалезнага льва” адбыўся ў Палацы культуры вобласці – паведамляе афіцыйная інтэрнэт-старонка арганізацыі. Гэта ўжо дзясяты падобны турнір у абласным цэнтры.

фота: dko-mogilev.by