Сёння каля 14:50 ў раёне вёскі Гаваракі Шклоўскага раёна 44-гадовая кіроўца аўтамабіля Nissan не ўпісалася ў закругленне дарогі і яе машыну вынесла ў кювет. Ад траўмаў жанчына памерла на месцы, яе 47-гадовы пасажыр дастаўлены ў шпіталь – паведамляе прэс-служба УУС аблвыканкама.
Фота: ДАІ
Не прайшло й года пасля капітальнага рамонта вуліцы Камсамольскай у Магілёве, як некаторыя новыя канструкцыі ўжо запатрабавалі рамонта. Уздоўж паязной часткі тут былі дэмантаваныя некалькі секцый агароджы. Але загваздкі, якімі парэнчы прымацоўваліся да тратуару, так і засталіся тырчэць пад нагамі пешаходаў. Карыстальнікі пабліку “Магілёў Live” зазначылі, што гэтыя маленькія “штыркі” вельмі небяспечныя – у прысутнасці аднаго з чытачоў нейкі малады чалавек на іх спатыкнуўся. Пры неўважлівасці і неасцярожнасці яны могуць нанесці сур’ёзную траўму.
Фота: “Магілёў Live”
Пошукавы атрад “Фенікс” абвясціў пра пошук Эдуарда Татура з Асіповіч. Мужчына 1970 года нараджэння пакінуў свой дом у раённым цэнтры 31 сакавіка і з таго часу яго месцазнаходжанне невядомае. На выгляд яму 55-60 гадоў, рост 175-180 см, хударлявага целаскладу, валасы сярэдняй даўжыні сівыя, вочы шэрыя, носіць акуляры. На грудзях ёсць два шнары ад аперацый. Падрабязнасці пра працэс пошукаў – тут.
Фота: Атрад “Фенікс”
Замена дарожнага палатна будзе праходзіць на ўчастку ад вуліцы Камсамольскай да вуліцы Бонч-Бруевіча – гэта значыць, ад драмтэатра і да скрыжавання насупраць будынка Тэлерадыёкампаніі “Магілёў”. Усялякі рух транспарту на гэтым адрэзку цэнтральнай магілёўскай вуліцы будзе закрыты пачынаючы з панядзелка 15 красавіка і да 28 красавіка ўключна.
На гэты час увесь транспартны паток на сябе прымуць вуліца Піянерская і вуліца Ленінская, у якую Піянерская ператвараецца ў раёне будынка КДБ. Усе аўтобусы, маршрут якіх праходзіў па Першамайскай, цяпер будуць аб’яжджаць заблакаваны ўчастак дарогі па гэтых двух вуліцах. Зменіцца таксама рух тралейбусаў – яны будуць хадзіць да плошчы Арджанікідзэ, альбо да чыгуначнага вакзала. Не мяняецца толькі маршрут тралейбусаў №№ 5 і 16д. Яны будуць ездзіць як і раней – да таго часу, пакуль работы не пяройдуць на ўчастак ад старога падземнага перахода і да самага канца “Строммашыны”.
Вось тут можна знайсці падрабязнасці пра змену ў маршрутах аўтобусаў, а вось тут – тралейбусаў.
Але, увага! Прадстаўленыя на афіцыйных сайтах дадзеныя не ўлічваюць магчымай блакіроўкі руху па Першамайскай на ўчастку ад праспекта Міра да вуліцы Бонч-Бруевіча.
Фота: mogilev.media
Игорь Ковалев из Костюкович запомнился читателям нашего ресурса как смелый критик и сорвиголова. Несмотря на начало посевной, в своем последнем извержении правды он прямо заявил, что Калининградская область “уверенно идет ко дну” в составе стран Балтии.
На фото, размещенном под статьей блогера из газеты “Голас Касцюкоўшчыны”, отчетливо видно, что к странам Балтии автор относит четыре региональных единицы – Калининградскую область, Литву, Латвию и Эстонию (на изображении – снизу вверх).
Таким образом, по мнению аналитика, в российском регионе, расположенном на побережье Балтийского моря, “увлеченном политическими и военными играми совсем забыли об экономике. Своей экономики у них, правда, давно уже нет.”
“У молодежи (…) перспектив нет. Никаких. Юноши и девушки (..) массово уезжают в более богатые страны и ищут там любую работу. (..) Катастрофически падает рождаемость.” Происходит “средневековая охота на ведьм.”
UPD: После публикации mogilev.media на сайте Костюковичской районной газеты поменяли иллюстрацию. Но веб-архив все равно ее помнит.
Фото: “Голас Касцюкоўшчыны”
Горацкі раённы аддзел упраўлення ўнутраных спраў арганізаваў у сваіх сцянах выязное пасяджэнне Камісіі па садзейнічанню працаўладкавання насельніцтва. На сустрэчу мэтанакіравана запрасілі мясцовых жыхароў, якія з’яўляюцца беспрацоўнымі і былі раней асуджаныя.
Прысутным пагражалі павышэннем тарыфаў на жыллёва-камунальныя паслугі, забаронай на выезд з краіны, прапаноўвалі шматлікія вакансіі. Аднак толькі некалькі чалавек пагадзіліся ўзяць накіраванні на працаўладкаванне. Большасць прысутных адмовілася – піша раённая газета “Горацкі веснік”. Адзначаецца, што мясцовыя схіляюцца да працы на саміх сябе, альбо зарабляюць у Расіі.
Фота: “Горацкі веснік”
Скейт-пляцоўку ў Бабруйску, размешчаную паміж школамі №10 і №31 усталявалі тут два гады таму – мясцовыя актывісты выйгралі дзяржаўны грант на 25 000 рублёў і самастойна абсталявалі трасу. Аднак ужо адразу пасля адкрыцця аматары скейтбордынга адчулі подых варожасці, што сыходзіць ад невядомых. У тым жа 2022 годзе нехта абадраў з элементаў трасы металічныя лісты, выкінуўшы адзін з іх на тэрыторыі суседняй школы. Потым пачаліся заліванні трасы машынным алеем.
Мясцовы актывіст Данііл, які стаяў за ініцыятывай па стварэнні пляцоўкі, расказаў выданню bobr.by, што адзін з такіх інцыдэнтаў адбыўся проста перад спаборніцтвамі ў мінулым годзе. Тады хлопцам прыйшлося экстрана засыпаць пляцоўку пяском, каб ніхто са спартоўцаў не атрымаў траўму, паслізнуўшыся на элементах.
Заліванне трасы алеем паўтарылася на днях. Нехта невядомы пашкодзіў фігуры на пляцоўцы. Данііл адзначае, што скаргаў ад мясцовых жыхароў на тлум са спартовай пляцоўкі не паступала, пагэтаму цяжка здагадацца, хто так узненавідзеў іх месца для заняткаў. Пасля кожнага інцыдэнту былі напісаныя звароты ў міліцыю, але ніякага плёну гэта ўсё яшчэ не дало.
– Скейтбордынг і BMX-спорт цяпер вельмі папулярныя. У Бабруйску шмат таленавітых юнакоў, якія рыхтуюцца і выступаюць на сур’ёзных спаборніцтвах. Таму такія спартовыя месцы нам неабходны. – распавёў Данііл – Зімой хлопцы ездзяць трэніравацца ў Мінск на крытыя пляцоўкі, а вясной прыходзяць сюды. За дзень пляцоўку могуць наведаць каля 50 чалавек.
Фота: bobr.by
Трудотерапия, как известно – это способ лечения заболеваний. По мнению блогеров из белыничской районной газеты “Зара над Друццю”, именно в лечебных целях каждую весну народонаселение Беларуси гоняют на субботники. Сказано в заметке и о том, от чего белорусов при этом лечат – от несознательности.
“Подобные мероприятия по наведению чистоты вовсе не изобретение коммунистов” – на чистом глазу заявляет автор – все дело именно в трудотерапии. “Она помогает привить уважение к чужому труду, аккуратность в делах, любовь и заботу к своей малой родине. Кроме того, совместный труд на общее благо способствует укреплению добрых товарищеских отношений в коллективе”.
Отрицая влияние коммунистической идеологии на такое явление, как субботники, автор статьи притягивает параллели из японских и норвежских традиций, а то и вовсе ссылается на “Маленького принца” Антуана де Сент-Экзюпери. Делается это с элегантностью фокусника – оказывается, для того, чтобы начать хорошо относиться к субботникам, “нужно просто «нажать некую кнопочку» в восприятии реальности, и картина мира перезагрузится – изменится на диаметрально противоположную. Откройтесь этой радости!”
Фото: Зара над Друццю
Браты Сяргей і Дзмітрый Варанцовы ехалі на машыне каля вёскі Зайцава Горацкага раёна, калі пабачылі дым у прыватным доме. Жыхары Горак спыніліся і зайшлі ў будынак – дзверы былі не зачыненыя. На падлозе задымленай веранды яны сустрэлі п’яных жыхароў дома – гаспадыню 1954 года нараджэння і яе сужыцеля, што нарадзіўся ў 1964-м. Браты выцягнулі іх на свежае паветра і выклікалі ратавальнікаў. Калі прыехала пажарная брыгада, дом унутры ўжо палаў – паведамляе прэс-служба МНС. Гаспадары дома не пацярпелі, прычына ўзгарання высвятляецца.
Фота: МНС
