Як паведамляе прэс-служба Следчага камітэта па Бабруйску, 14 сакавіка гэтага года мясцовы жыхар пачуў падазроны шорхат у адным з памяшканняў сваёй сядзібы і пайшоў паглядзець, у чым справа. Калі ён зайшоў у кацельную, то ахнуў – каля катла, у якім гарэў агонь, стаяў газавы балон з адкрытым венцілем. Гаспадар тут жа закруціў венціль, дзякуючы чаму выбух дома не адбыўся. На момант інцыдэнта ён знаходзіўся ў хаце разам з былой жонкай, што вярнулася ў сям’ю пасля раману з іншым мужчынай.
Як патлумачыў гаспадар сядзібы, газавы балон дахаты прынёс ён сам, але пакінуў яго каля ўваходу ў кацельную і закрыты. Камера відэаназірання, усталяваная ў суседнім доме, паказала, што на двор бабруйчаніна, пералезшы праз забор, пранікаў нейкі падазроны чалавек. Жонка гаспадара пазнала ў ім свайго былога сужыцеля, да якога яна нядаўна сыходзіла ад мужа – 60-гадовага мясцовага жыхара.
Апошні быў затрыманы і патлумачыў следчым, што пакутуючы ад любоўных перажыванняў, ён збіраўся пералезці забор толькі каб паглядзець на жанчыну. Але калі пабачыў яе з мужам, то зайграла рэўнасць. Зараз супраць бабруйскага Рамэа заведзена крымінальная справа за замах на наўмыснае знішчэнне або пашкоджанне чужой маёмасці, учыненае агульнанебяспечным спосабам.
Фота ілюстратыўнае
Кіраўнік Магілёўскага аблвыканкама падчас выступу перад журналістамі зрабіў анонс інавацыі, у якой ён сам, гледзячы…
Чытачы mogilev.media даслалі ў рэдакцыю кароткі ўрывак з відэа, знятага падчас пралёту "шахеда" ўчора вечарам у…
Баявы дрон, які па гуку нагадвае расійскія "шахеды", некалькі хвілін таму быў заўважаны ў небе…
Старшыня Магілёўскага гарвыканкама Аляксандр Студнеў быў прызначаны на пасаду міністра архітэктуры і будаўніцтва. Пасаду магілёўскага…
Ад заўтрашняга дня пачынаецца Вялікі пост у праваслаўных, які завяршыцца святкаваннем Вялікдня 20 красавіка. Каталікі…
На Магілёўшчыне сёлета незвычайна цёплая зіма скончылася зацяжным пахаладаннем. Трывалы мінус працягваецца ў нашым рэгіёне…